خُروج 1:14 - الكتاب المقدس بالعربي الدارجي هنا تشاد

¹⁴ وَ مَرَّرَوْا لَيْهُمْ الْحَيَاةْ بِالْخِدْمَةْ الْقَاسِيَةْ مِثِلْ عَجِّنِينْ الطِّينَةْ وَ سَلِّلِينْ الدِّرِنْقَيْل وَ حِرَاتَةْ الزِّرَاعَةْ. وَ الْمَصْرِيِّينْ قَاعِدِينْ يَجْبُرُوهُمْ فِي الْخِدْمَةْ دِي بِقُوءْ.

خُروج 1:14 Referenca të Kryqëzuara

أعمال الرُسُل 7:19

وَ غَشَّاهُمْ لِقَبِيلِتْنَا وَ ظَلَمَاهُمْ لِجُدُودْنَا وَ جَبَرَاهُمْ أَشَانْ يِخَلُّوا أَطْفَالْهُمْ بَرَّا لِيُمُوتُوا.

عَدد 20:15

وَ جُدُودْنَا مَشَوْا فِي بَلَدْ مَصِرْ وَ أَنِحْنَ سَكَنَّا فَوْقهَا مُدَّةْ طَوِيلَةْ. وَ هِنَاكْ الْمَصْرِيِّينْ سَوَّوْا الْفَسَالَةْ فَوْق جُدُودْنَا وَ فَوْقنَا أَنِحْنَ كُلَ.

خُروج 6:9

وَ مُوسَى كَلَّمْ الْكَلَامْ دَا لِبَنِي إِسْرَائِيلْ. لَاكِنْ هُمَّنْ مَا سِمْعَوْا كَلَامَهْ أَشَانْ أَيَّسَوْا مِنْ شِدَّةْ الْخِدْمَةْ الْقَاسِيَةْ.

خُروج 2:23

وَ بَعَدْ مُدَّةْ طَوِيلَةْ، مَلِكْ مَصِرْ مَاتْ. وَ بَنِي إِسْرَائِيلْ قَاعِدِينْ يَقُنْتُوا مِنْ التَّعَبْ هَنَا الْعُبُودِيَّةْ وَ قَاعِدِينْ يَصْرَخَوْا لَحَدِّي صِرَاخْهُمْ لِحِقْ الرَّبّ.

أعمال الرُسُل 7:34

أَنَا شِفْت التَّعَبْ الشَّدِيدْ هَنَا شَعَبِي الْقَاعِدِينْ فِي مَصِرْ وَ أَنَا سِمِعْت صِرَاخْهُمْ وَ نَزَلْت أَشَانْ نِنَجِّيهُمْ. وَ هَسَّعْ تَعَالْ، نِرَسِّلَكْ إِنْتَ فِي مَصِرْ.›»

إشَعْيا 58:6

«وَ لَاكِنْ دَاهُو الصِّيَامْ الْأَنَا نَرْضَى بَيَّهْ. فُكُّوا الْمَسَاجِينْ السَّجَنَوْهُمْ بِظُلُمْ وَ دَلُّوا التَّقَلَةْ مِنْ رِقَابْهُمْ. وَ خَلُّوا الْمَظْلُومِينْ يَمْشُوا حُرِّينْ وَ أَرْفَعَوْا مِنْهُمْ كُلَّ التَّقَلَةْ.

زَبُور 81:6

«أَنَا شِلْت التَّقَلَةْ مِنْ كِتْفَكْ وَ إِيدَيْنَكْ نَزَّلَوْا الصَّوْصَلْ.

نَاحُوم 3:14

أَمْلَيْ خَزَّانَاتْكِ أَلْمِي قُبَّالْ مَا يِحَاصُرُوكُو وَ شَدِّدِي بَكَانَاتْكِ الْقَوِيِّينْ. وَ شِيلِي طِينَةْ وَ عَجِّنِيهَا وَ سَلِّلِي لَيْكِ دِرِنْقَيْل.

مِيخا 3:3

إِنْتُو تَاكُلُوا لَحَمْ شَعَبِي وَ تَسْلَخَوْا فَرْوِتْهُمْ وَ تِكَسُّرُوا عُضَامْهُمْ. وَ تِقَطُّعُوا لَحَمْ شَعَبِي مِثِلْ تُصُبُّوهْ فِي بُرْمَةْ وَ تِرَكُّبُوهْ فِي كَلَوْل.»

إشَعْيا 52:5

هَسَّعْ دَا، نِسَوِّي شُنُو؟ أَشَانْ شَعَبِي وَدَّوْهُمْ بَلَا تَمَنْ. وَ دَا كَلَامْ اللّٰهْ. وَ الْيَحْكُمُوا فَوْقهُمْ يِرَقْرُقُوا مِنْ الْفَرَحْ وَ دَايْماً يَحْقُرُوا أُسْمِي. وَ دَا كَلَامْ اللّٰهْ.

إشَعْيا 51:23

الْكَاسْ دَا نُخُطَّهْ فِي إِيدْ الْعَذَّبَوْكِ وَ ضَايَقَوْكِ وَ قَالَوْا لَيْكِ: ‹أَنْبَطْحِي أَشَانْ نُرُوغُوا فَوْقكِ!› وَ إِنْتِ فَرَشْتِ ضَهَرْكِ مِثِلْ الْأَرْض وَ مِثِلْ شَارِعْ النَّاسْ يُرُوغُوا فَوْقَهْ.»

إشَعْيا 14:6

أَشَانْ بِغَضَبْ الْمُضَايِقْ ضَرَبْ الشَّعَبْ وَ بِضَرِبِينْ مُتَتَابِعْ. وَ بِزَعَلْ، هُو مَلَكْ الْأُمَمْ وَ طَرَدَاهُمْ بَلَا رَحْمَةْ.

زَبُور 68:13

حَتَّى إِنْتُو الرَّاقْدِينْ فِي الزَّرَايِبْ كُلَ، وَاجِبْ تَلْقَوْا كَنْز مِثِلْ جَنَاحَيْ حَمَامْ مُغَطَّيِينْ بِفُضَّةْ الرِّيشْهَا أَصْفَرْ مِثِلْ دَهَبْ.

رَعُوث 1:20

وَ نَعِيمَةْ رَدَّتْ لَيْهِنْ وَ قَالَتْ: «بَتَّانْ مَا تِنَادَنِّي نَعِيمَةْ لَاكِنْ نَادَنِّي مُرَّةْ أَشَانْ اللّٰهْ الْقَادِرْ مَرَّرْ لَيِّ حَيَاتِي.

تَثْنِية 26:6

وَ لَاكِنْ الْمَصْرِيِّينْ سَوَّوْا فَوْقنَا الْفَسَالَةْ وَ تَعَّبَوْنَا وَ خَدَّمَوْنَا خِدْمَةْ قَاسِيَةْ.

تَثْنِية 4:20

وَ لَاكِنْ إِنْتُو بِقِيتُوا هِنَيْ اللّٰهْ، هُو الشَّالَاكُو وَ مَرَقَاكُو مِنْ بَلَدْ مَصِرْ وَ هِي بَلَدْ الْمِثِلْ جَهَنَّمْ التَّقْطَعْ الْحَدِيدْ. وَ دَا، أَشَانْ تَبْقَوْا شَعَبَهْ وَ وَرَثَتَهْ مِثِلْ إِنْتُو بِقِيتُوا لَيَّهْ الْيَوْم.

لاوِيِّين 25:53

وَ مِنْ سَنَةْ لِسَنَةْ هُو يَقْعُدْ مِثِلْ مُؤَجَّرْ لِسِيدَهْ الشَّرَاهْ. وَ لَاكِنْ النَّادُمْ الشَّرَاهْ دَا مَا يِسْتَعْمَلَهْ بِعُنُفْ.

لاوِيِّين 25:46

وَ تِخَلُّوهُمْ وَرَثَةْ لِذُرِّيِّتْكُو مِنْ بَعَدْكُو أَشَانْ هُمَّنْ يَبْقَوْا حَقُّهُمْ حَلَالْهُمْ وَ يِعَبُّدُوهُمْ إِلَى الْأَبَدْ. وَ لَاكِنْ كَنْ لِأَخْوَانْكُو بَنِي إِسْرَائِيلْ كَمَانْ، مَا فِي أَيِّ وَاحِدْ مِنْهُمْ يَمْلُكْ فِي الْآخَرْ بِالْعُنُفْ.

لاوِيِّين 25:43

وَ مَا وَاجِبْ تَمْلُكْ فَوْقَهْ بِعُنُفْ. وَ بَيْدَا، تِوَصِّفْ خَوْفَكْ مِنِّي أَنَا إِلٰـهَكْ.

خُروج 20:2

«أَنَا اللّٰهْ إِلٰـهَكْ بَسْ مَرَقْتَكْ مِنْ مَصِرْ بَلَدْ الْعُبُودِيَّةْ.

خُروج 1:13

وَ خَلَاصْ قَمَّوْا يِعَبُّدُوهُمْ بِقُوءْ.

تكوين 15:13

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

خُروج 1:11

وَ خَلَاصْ، الْمَصْرِيِّينْ قَمَّوْا خَطَّوْا كُبَارَاتْ الْمُكَلَّفِينْ بِخِدْمَةْ الْعُبُودِيَّةْ أَشَانْ يِتَعُّبُوا بَنِي إِسْرَائِيلْ بِالْخِدْمَةْ الْقَاسِيَةْ. بِمِثِلْ دَا بَسْ، بَنِي إِسْرَائِيلْ بَنَوْا مُدُنْ فِتُومْ وَ رَعَمْسِيس أَشَانْ يَبْقَوْا مَخَازِنْ لِفِرْعَوْن مَلِكْ مَصِرْ.

خُروج 1:15

فِيَّهْ عَوِينْ وَلَّادَاتْ إِتْنَيْن هَنَا الْعِبْرَانِيِّينْ. الْوَاحِدَةْ أُسُمْهَا شِفْرَةْ وَ الْآخَرَةْ أُسُمْهَا فُوعَةْ. وَ مَلِكْ مَصِرْ نَادَاهِنْ

1 مُلوك 12:14

وَ رَدَّ لَيْهُمْ حَسَبْ وَصِيَّةْ الصُّبْيَانْ وَ قَالْ لَيْهُمْ: «أَبُويِ خَطَّ فَوْقكُو دَامِي تَقِيلْ وَ هَسَّعْ أَنَا نِزِيدْ فَوْقكُو تَقَلَةْ آخَرَةْ. أَبُويِ جَلَدَاكُو بِسَوْط هَنَا فَرْوَةْ لَاكِنْ أَنَا نَجْلِدْكُو بِسَوْط الْعِنْدَهْ حَدِيدْ مِثِلْ دَنَبْ الْعَقْرَبْ.»

أمْثال 28:15

الْحَاكِمْ الْفَسِلْ لِشَعَبَهْ الْمِسْكِينْ هُو مِثِلْ دُودْ الْيِكِرّ وَ نِمِرْ الْيِفِرّ.

زَبُور 129:1

«مِنْ أَنَا صَبِيَّةْ، هُمَّنْ ضَايَقَوْنِي زِيَادَةْ.» خَلِّي بَنِي إِسْرَائِيلْ يُقُولُوهْ!

إشَعْيا 10:24

وَ فِي شَانْ دَا، دَاهُو اللّٰهْ الرَّبّ الْقَادِرْ قَالْ: «يَا شَعَبِي السَّاكْنِينْ فِي مَدِينَةْ صَهْيُون، مَا تَخَافَوْا مِنْ مَلِكْ بَلَدْ أَشُورْ. هُو قَاعِدْ يَضْرُبْكُو بِعَصَاتَهْ وَ يَرْفَعْ عَصَاتَهْ ضِدُّكُو مِثِلْ سَوَّوْه الْمَصْرِيِّينْ زَمَانْ.