خُروج 1:11 - الكتاب المقدس بالعربي الدارجي هنا تشاد

¹¹ وَ خَلَاصْ، الْمَصْرِيِّينْ قَمَّوْا خَطَّوْا كُبَارَاتْ الْمُكَلَّفِينْ بِخِدْمَةْ الْعُبُودِيَّةْ أَشَانْ يِتَعُّبُوا بَنِي إِسْرَائِيلْ بِالْخِدْمَةْ الْقَاسِيَةْ. بِمِثِلْ دَا بَسْ، بَنِي إِسْرَائِيلْ بَنَوْا مُدُنْ فِتُومْ وَ رَعَمْسِيس أَشَانْ يَبْقَوْا مَخَازِنْ لِفِرْعَوْن مَلِكْ مَصِرْ.

خُروج 1:11 Referenca të Kryqëzuara

تكوين 15:13

وَ اللّٰهْ قَالْ لِأَبْرَامْ: «أَعَرِفْ تَمَامْ كَدَرْ بَعَدَيْن ذُرِّيّتَكْ يَبْقَوْا أَجَانِبْ وَ يَسْكُنُوا فِي بَلَدْ الْمَا هِنْتُهُمْ. وَ سِيَادْ الْبَلَدْ دِي يِعَبُّدُوهُمْ وَ يِضَايُقُوهُمْ مُدَّةْ 400 سَنَةْ.

خُروج 3:7

وَ اللّٰهْ قَالْ بَتَّانْ: «أَنَا شِفْت تَمَامْ التَّعَبْ هَنَا شَعَبِي الْقَاعِدِينْ فِي مَصِرْ. وَ سِمِعْت صِرَاخْهُمْ قِدَّامْ النَّاسْ الْقَاعِدِينْ يِتَعُّبُوهُمْ. وَ حَسَّيْت بِعَذَابْهُمْ.

خُروج 2:11

وَ بَعَدْ مُوسَى تَمَّ رَاجِلْ خَلَاصْ، يَوْم وَاحِدْ قَمَّ مَشَى لِأَهَلَهْ الْعِبْرَانِيِّينْ وَ شَافْ خِدْمِتْهُمْ هَنَا الْعُبُودِيَّةْ. وَ فِي الْبَكَانْ دَا، مُوسَى شَافْ مَصْرِي وَاحِدْ قَاعِدْ يُدُقّ عِبْرَانِي وَاحِدْ مِنْ أَهَلَهْ.

تكوين 47:11

وَ يُوسُفْ أَنْطَى لِأَبُوهْ وَ لِأَخْوَانَهْ الْبَكَانْ السَّمَحْ بِلْحَيْن فِي بَلَدْ مَصِرْ، فِي نُصّ هَنَا تُرَابْ رَعَمْسِيس الْبِنَادُوهْ قَوْشَنْ، مِثِلْ الْمَلِكْ فِرْعَوْن أَمَرَهْ بَيَّهْ.

زَبُور 81:6

«أَنَا شِلْت التَّقَلَةْ مِنْ كِتْفَكْ وَ إِيدَيْنَكْ نَزَّلَوْا الصَّوْصَلْ.

تَثْنِية 26:6

وَ لَاكِنْ الْمَصْرِيِّينْ سَوَّوْا فَوْقنَا الْفَسَالَةْ وَ تَعَّبَوْنَا وَ خَدَّمَوْنَا خِدْمَةْ قَاسِيَةْ.

عَدد 20:15

وَ جُدُودْنَا مَشَوْا فِي بَلَدْ مَصِرْ وَ أَنِحْنَ سَكَنَّا فَوْقهَا مُدَّةْ طَوِيلَةْ. وَ هِنَاكْ الْمَصْرِيِّينْ سَوَّوْا الْفَسَالَةْ فَوْق جُدُودْنَا وَ فَوْقنَا أَنِحْنَ كُلَ.

أمْثال 27:4

الزَّعَلْ يِخَوِّفْ وَ الْغَضَبْ يَقْلِبْ مِثِلْ السَّيْل. وَ لَاكِنْ يَاتُو يَقْدَرْ يَقِيفْ قِدَّامْ الْحُسُدْ؟

زَبُور 105:13

هُمَّنْ رَايْغِينْ مِنْ أُمَّةْ لِأُمَّةْ وَ مِنْ مَمْلَكَةْ لِشَعَبْ آخَرْ.

زَبُور 68:13

حَتَّى إِنْتُو الرَّاقْدِينْ فِي الزَّرَايِبْ كُلَ، وَاجِبْ تَلْقَوْا كَنْز مِثِلْ جَنَاحَيْ حَمَامْ مُغَطَّيِينْ بِفُضَّةْ الرِّيشْهَا أَصْفَرْ مِثِلْ دَهَبْ.

2 أخبار 8:4

وَ بَتَّانْ كُلَ بَنَى حِلَّةْ تَدْمُورْ الْفِي الصَّحَرَاء وَ بَنَى حِلَّالْ فِي بَلَدْ حَمَاتْ لِيَبْقَوْا مَخَازِنْ.

1 مُلوك 9:19

وَ بَنَى كُلَّ الْحِلَّالْ الْيَخْزِنْ فَوْقهُمْ وَ الْحِلَّالْ الْيُخُطّ فَوْقهُمْ عَرَبَاتَهْ هَنَا الْحَرِبْ وَ خَيْلَهْ. وَ سُلَيْمَانْ بَنَى كُلَّ شَيّءْ الْيِدَوْرَهْ فِي مَدِينَةْ الْقُدُسْ وَ فِي جِبَالْ لُبْنَانْ وَ فِي كُلَّ مَمْلَكَتَهْ الْهُو قَاعِدْ يَحْكِمْ فَوْقهَا.

خُروج 5:15

وَ بَيْدَا، الْمُكَلَّفِينْ مِنْ بَنِي إِسْرَائِيلْ مَشَوْا شَكَوْا لِلْمَلِكْ وَ قَالَوْا: «يَا سَيِّدْنَا، مَالَا تِتَعِّبْ عَبِيدَكْ مِثِلْ دَا؟

خُروج 1:14

وَ مَرَّرَوْا لَيْهُمْ الْحَيَاةْ بِالْخِدْمَةْ الْقَاسِيَةْ مِثِلْ عَجِّنِينْ الطِّينَةْ وَ سَلِّلِينْ الدِّرِنْقَيْل وَ حِرَاتَةْ الزِّرَاعَةْ. وَ الْمَصْرِيِّينْ قَاعِدِينْ يَجْبُرُوهُمْ فِي الْخِدْمَةْ دِي بِقُوءْ.

خُروج 5:10

وَ خَلَاصْ، الْمُرَاقِبِينْ وَ الْمُكَلَّفِينْ بِالْخِدْمَةْ دِي مَشَوْا قَالَوْا لِبَنِي إِسْرَائِيلْ: «الْمَلِكْ قَالْ كَيْ: ‹بَتَّانْ مَا نَنْطُوكُو قَشّ.

2 أخبار 16:4

وَ بَنْهَدَادْ قَصَّدْ بِكَلَامْ الْمَلِكْ آسَا. وَ خَلَاصْ، هُو رَسَّلْ قُيَّادْ عَسْكَرَهْ وَ هَجَمَوْا حِلَّالْ مَمْلَكَةْ إِسْرَائِيلْ وَ شَالَوْا عِيُونْ وَ دَانْ وَ آبِلْ مَايِمْ وَ كُلَّ الْمَخَازِنْ هَنَا حِلَّالْ قَبِيلَةْ نَفْتَالِي.

زَبُور 129:1

«مِنْ أَنَا صَبِيَّةْ، هُمَّنْ ضَايَقَوْنِي زِيَادَةْ.» خَلِّي بَنِي إِسْرَائِيلْ يُقُولُوهْ!

خُروج 5:8

وَ قُولُوا لَيْهُمْ يِسَلُّلُوا نَفْس الْعَدَدْ هَنَا الدِّرِنْقَيْل مِثِلْ أَوَّلْ، مَا يَنْقُصُوهْ. هُمَّنْ عَاطِلِينْ وَ أَشَانْ دَا بَسْ، قَاعِدِينْ يَشْكُوا وَ يُقُولُوا: ‹خَلِّي نَمْشُوا نِقَدُّمُوا ضَحَايَا لِرَبِّنَا.›

زَبُور 129:2

«مِنْ أَنَا صَبِيَّةْ، هُمَّنْ ضَايَقَوْنِي زِيَادَةْ لَاكِنْ مَا قِدْرَوْا فَوْقِي.