أسْتِير 8:1 - الكتاب المقدس بالعربي الدارجي هنا تشاد

¹ وَ فِي نَفْس الْيَوْم دَا، الْمَلِكْ أَشَوِرُوشْ أَنْطَاهَا لِلْمَلِكَةْ كُلَّ خُمَامْ هَمَانْ عَدُو الْيَهُودْ. وَ مَرْدَكَايْ جَاءْ بَكَانْ الْمَلِكْ أَشَانْ أَسْتِيرْ حَجَّتْ لِلْمَلِكْ كَدَرْ هُو مِنْ أَهَلْهَا.

أسْتِير 8:1 Referenca të Kryqëzuara

أسْتِير 2:7

وَ مَرْدَكَايْ، هُو كَلِيفْ هَدَسَّةْ الْبِنَادُوهَا أَسْتِيرْ أَشَانْ وَ لَا عِنْدَهَا أَمّ وَ لَا أَبُو. وَ هِي جَمِيلَةْ وَ دَقَّهَا سَمَحْ. وَ هِي بِنَيَّةْ عِمَّهْ وَ مِنْ مَوْت أَمَّهَا وَ أَبُوهَا، مَرْدَكَايْ بَسْ شَالَاهَا مِثِلْ بِنَيِّتَهْ وَ رَبَّاهَا.

أمْثال 13:22

الرَّاجِلْ الزَّيْن يِخَلِّي وَرَثَتَهْ لِعِيَالْ عِيَالَهْ وَ لَاكِنْ الْمُذْنِبْ، مَالَهْ يُضُمُّوهْ لِلصَّالِحِينْ.

أسْتِير 2:15

وَ جَاءْ دَوْرهَا لِأَسْتِيرْ بِنَيَّةْ أَبِحَايِلْ عِمَّهْ لِمَرْدَكَايْ، هِي الْمَرْدَكَايْ رَبَّاهَا. وَ وَكِتْ جَاءْ دَوْرهَا لِتَمْشِي بَكَانْ الْمَلِكْ، أَسْتِيرْ مَا طَلَبَتْ شَيّءْ زِيَادَةْ إِلَّا الْوَصَّفَهْ لَيْهَا هِقَايْ خَدَّامْ الْمَلِكْ الْمُكَلَّفْ بِالْعَوِينْ. وَ أَسْتِيرْ لِقَتْ رِضَى مِنْ كُلَّ النَّاسْ الْيِشِيفُوهَا.

زَبُور 39:6

أَيْوَى! الْإِنْسَانْ يَمْشِي وَ يَجِي مِثِلْ ضُلّ يُزُولْ وَ كُلَّ خِدِمْتَهْ مَا عِنْدَهَا مَعَنَى. هُو يِلِمّ الْغُنَى وَ مَا يَعَرِفْ يَاتُو الْيِشِيلْهَا.

لُوقا 12:20

وَ لَاكِنْ اللّٰهْ نَادَاهْ وَ قَالْ: ‹يَا الْجَاهِلْ! فِي اللَّيْلَةْ دِي بَسْ، نِشِيلْ رُوحَكْ. وَ الْخُمَامْ الْجَهَّزْتَهْ لِنَفْسَكْ دَا، يَبْقَى هَنَا يَاتُو؟›»

أسْتِير 7:6

وَ أَسْتِيرْ قَالَتْ: «الْعَدُو وَ الْخَصِيمْ، هُو هَمَانْ الْفَسِلْ دَا!» وَ خَلَاصْ فِي الْبَكَانْ دَا، هَمَانْ قَاعِدْ يَرْجِفْ مِنْ الْخَوْف قِدَّامْ الْمَلِكْ وَ الْمَلِكَةْ.

أمْثال 28:8

الْيَغْنَى بِالرِّبَا الْكَتِيرْ مَالَهْ دَا، اللّٰهْ يَنْطِيهْ لِلْيِحِنّ فِي الْمَسَاكِينْ.

أسْتِير 1:14

وَ النَّاسْ دَوْل الْجَنْب الْمَلِكْ، هُمَّنْ كَرْشَنَا وَ شِتَارْ وَ أَدْمَاتَا وَ تَرْشِيشْ وَ مَرَسْ وَ مَرْسَنَا وَ مَمُوكَانْ، دَوْل السَّبْعَةْ مَسَائِيلْ هَنَا الْفَارِسِيِّينْ وَ الْمَادِيِّينْ. وَ هُمَّنْ دَوْل قَاعِدِينْ فِي الدَّرَجَةْ الْأَوَّلْ هَنَا الْمَمْلَكَةْ وَ يِشِيفُوا الْمَلِكْ فِي أَيِّ وَكِتْ.

أسْتِير 8:7

وَ الْمَلِكْ أَشَوِرُوشْ رَدَّ لِلْمَلِكَةْ أَسْتِيرْ وَ لِمَرْدَكَايْ الْيَهُودِي وَ قَالْ: «دَاهُو أَنَا أَنْطَيْت كُلَّ مَالْ هَمَانْ لِأَسْتِيرْ وَ هُو كَمَانْ، عَلَّقَوْه فِي رَاسْ الْعُودْ أَشَانْ هُو دَوَّرْ يِدَمِّرْ الْيَهُودْ.