أسْتِير 7:4 - الكتاب المقدس بالعربي الدارجي هنا تشاد

⁴ أَشَانْ أَنَا وَ شَعَبِي بَاعَوْنَا لِيِدَمُّرُونَا وَ يَكْتُلُونَا وَ يِكَمُّلُونَا. وَ صَحِيحْ، كَنْ أَوَّلْ بَاعَوْنَا مِثِلْ عَبِيدْ وَ خَدِيمْ بَسْ، أَنَا نَسْكُتْ أَشَانْ دِي مُضَايَقَةْ هَيْنَةْ لَيْنَا، مَا وَاجِبْ نِبَشْتِنْ بَيْهَا الْمَلِكْ.»

أسْتِير 7:4 Referenca të Kryqëzuara

أسْتِير 3:9

وَ كَنْ بِقِي لَيْك عَدِيلْ، يَا الْمَلِكْ، خَلِّي تَمْرُقْ قَرَارْ لِدَمَارْهُمْ. وَ بَيْدَا، أَنَا نَنْطِي 34 000 كِيلَوْ هَنَا فُضَّةْ لِخَدَّامِينْ الْمَمْلَكَةْ وَ يُصُبُّوهَا فِي مَخَازِنْ الْمَلِكْ.»

تَثْنِية 28:68

وَ اللّٰهْ يِقَبِّلْكُو بِسُفُنْ فِي بَلَدْ مَصِرْ وَ دِي الْبَلَدْ الْفَوْقهَا أَنَا قُلْت: «إِنْتُو أَبَداً مَا تِشِيفُوهَا بَتَّانْ.» وَ هِنَاكْ إِنْتُو تُخُطُّوا نُفُوسْكُو لِلْبَيْع لِتَبْقَوْا عَبِيدْ وَ خَدِيمْ لِعُدْوَانْكُو. وَ لَاكِنْ مَا فِي نَادُمْ الْيَشْرِيكُو.

أسْتِير 3:13

وَ الْجَوَابَاتْ دَوْل رَسَّلَوْهُمْ بِمُرَسَّلِينْ فِي كُلَّ وُلَايَاتْ الْمَمْلَكَةْ أَشَانْ يِدَمُّرُوا وَ يَكْتُلُوا وَ يِكَمُّلُوا كُلَّ الْيَهُودْ، مِنْ الصُّبْيَانْ لَحَدِّي الشِّيَّابْ، حَتَّى الْعَوِينْ وَ الْأَطْفَالْ كُلَ. وَ يَنْهَبَوْهُمْ وَ يَكْسَبَوْا كُلَّ شَيّءْ الْعِنْدُهُمْ. وَ دَا يَبْقَى فِي يَوْم وَاحِدْ بَسْ يَعْنِي فِي يَوْم 13 هَنَا شَهْرِي 12 فِي الشَّهَرْ الْأُسْمَهْ أَدَارْ.

أسْتِير 8:11

وَ دَاهُو كَلَامْ الْجَوَابْ: الْمَلِكْ أَنْطَى إِذِنْ لِلْيَهُودْ فِي كُلَّ الْحِلَّالْ أَشَانْ يِلِمُّوا لِيِدَافُعُوا لِنُفُوسْهُمْ وَ لِيِدَمُّرُوا وَ يَكْتُلُوا وَ يِكَمُّلُوا كُلَّ الدُّيُوشْ الْيَجُوا مِنْ أَيِّ وُلَايَةْ وَ مِنْ أَيِّ شَعَبْ وَ يَهْجُمُوهُمْ. وَ يِسَوُّوا نَفْس الشَّيّءْ فِي عِيَالْهُمْ وَ عَوِينْهُمْ كُلَ وَ يَقْدَرَوْا يَنْهَبَوْهُمْ وَ يَكْسَبَوْا خُمَامْهُمْ.

عَمُوس 2:6

وَ دَاهُو اللّٰهْ قَالْ: «بِسَبَبْ بَنِي إِسْرَائِيلْ عِصَوْا تَلَاتَةْ وَ أَرْبَعَةْ مَرَّاتْ، أَنَا أَبَداً مَا نِخَلِّي الْقَرَارْ الشِّلْتَهْ ضِدُّهُمْ. أَشَانْ بَاعَوْا الصَّالِحْ بِسِلَيَّاتْ وَ الْفَقْرَانْ بِنِعَيْلَاتْ.

يُوِيل 3:6

وَ إِنْتُو بِعْتُوا نَاسْ يَهُوذَا وَ مَدِينَةْ الْقُدُسْ لِلْيُونَانِيِّينْ أَشَانْ تِبَعُّدُوهُمْ مِنْ بَلَدْهُمْ.

أسْتِير 7:6

وَ أَسْتِيرْ قَالَتْ: «الْعَدُو وَ الْخَصِيمْ، هُو هَمَانْ الْفَسِلْ دَا!» وَ خَلَاصْ فِي الْبَكَانْ دَا، هَمَانْ قَاعِدْ يَرْجِفْ مِنْ الْخَوْف قِدَّامْ الْمَلِكْ وَ الْمَلِكَةْ.

نَحَمْيا 5:5

لَاكِنْ أَنِحْنَ كُلَ مِثِلْ أَخْوَانَّا الْآخَرِينْ، عِيَالْنَا كُلَ مِثِلْ عِيَالْهُمْ. الْقُوءْ بَسْ خَلَّانَا نِبِيعُوا أَوْلَادْنَا وَ بَنَاتْنَا أَشَانْ يِسَوُّوهُمْ عَبِيدْ. وَ وَاحِدَاتْ مِنْ بَنَاتْنَا هَسَّعْ كُلَ قَاعِدَاتْ خَدِيمْ وَ مَا نَقْدَرَوْا نِسَوُّوا شَيّءْ أَشَانْ زِرَاعِتْنَا وَ جِنَيْنَاتْنَا بِعْنَاهُمْ خَلَاصْ.»

1 صَمُوِيل 22:23

وَ هَسَّعْ دَا، أَقْعُدْ مَعَايِ، مَا تَخَافْ! أَشَانْ الْيَكْتُلَكْ إِنْتَ، مَا يِخَلِّينِي أَنَا كُلَ. لَاكِنْ فِي جَنْبِي أَنَا دَا، إِنْتَ فِي أَمَانْ.»

يَشُوع 9:23

وَ بَيْدَا، إِنْتُو خَلَاصْ مَلْعُونِينْ وَ تَبْقَوْا دَايْماً عَبِيدْ. وَ تِشَقُّقُوا الْحَطَبْ وَ تَوْرُدُوا أَلْمِي لِبَيْت اللّٰهْ.»

لُوقا 12:45

وَ لَاكِنْ أَكُونْ الْعَبِدْ دَا يُقُولْ فِي قَلْبَهْ: ‹هَا! سِيدِي يِطَوِّلْ وَ مَا يَجِي عَجَلَةْ.› وَ أَشَانْ دَا، هُو يُقُمّ يُدُقّ الْعَبِيدْ وَ الْخَدِيمْ وَ يَبْدَا يَاكُلْ وَ يَشْرَبْ وَ يَسْكَرْ.

أسْتِير 7:5

وَ خَلَاصْ، الْمَلِكْ أَشَوِرُوشْ رَدَّ لِأَسْتِيرْ وَ قَالْ: «يَاتُو النَّادُمْ دَا؟ وَيْن النَّادُمْ الْعِنْدَهْ فِكْرَةْ مِثِلْ دِي؟»

أسْتِير 8:6

وَ كِكَّيْف نَقْدَرْ نَحْمَلْ وَ نِشِيفْ الْفَسَالَةْ التَّلْحَقْ شَعَبِي؟ وَ كِكَّيْف نَقْدَرْ نَحْمَلْ وَ نِشِيفْ دَمَارْ أَهَلِي؟»

أسْتِير 9:25

وَ لَاكِنْ وَكِتْ الْكَلَامْ دَا وَصَّلْ بَكَانْ الْمَلِكْ، هُو كَتَبْ قَرَارْ كَدَرْ الْخِطَّةْ الْفَسْلَةْ الْهَمَانْ دَوَّرْ يِسَوِّيهَا فِي الْيَهُودْ تِقَبِّلْ فِي رَاسَهْ وَ خَلِّي يِعَلُّقُوهْ فِي عُودْ، هُو وَ أَوْلَادَهْ.

دَنْيال 6:2

وَ فِي رَاسْ الْمُوَكَّلِينْ دَوْل، يُخُطّ تَلَاتَةْ وَزِيرْ أَشَانْ الْمُوَكَّلِينْ يِكَلُّمُوهُمْ بِكُلَّ شَيّءْ الْحَاصِلْ. وَ بَيْدَا، شُغُلْ فَسِلْ كَيْ مَا يَجِي لِلْمَلِكْ. وَ الْوُزَرَاء دَوْل، دَنْيَالْ كُلَ وَاحِدْ مِنْهُمْ.