أسْتِير 4:1 - الكتاب المقدس بالعربي الدارجي هنا تشاد

¹ وَ وَكِتْ مَرْدَكَايْ سِمِعْ بِكُلَّ الشَّيّءْ الْكَانْ دَا، شَرَّطْ خُلْقَانَهْ وَ لِبِسْ خُلْقَانْ الْحِزِنْ وَ صَبَّ رُمَادْ فِي رَاسَهْ وَ مَشَى فِي لُبّ الْحِلَّةْ. وَ صَرَخْ صِرَاخْ شَدِيدْ هَنَا وَجِيعْ.

أسْتِير 4:1 Referenca të Kryqëzuara

دَنْيال 9:3

وَ فِي الْبَكَانْ دَا، طَوَّالِي أَنَا وَجَّهْت لِلرَّبّ إِلٰـهِي وَ شَحَدْتَهْ بِالصَّلَاةْ وَ الصِّيَامْ. وَ لِبِسْت خَلَقْ التَّوْبَةْ وَ صَبَّيْت رُمَادْ فِي رَاسِي.

أيُّوب 42:6

فِي شَانْ دَا، أَنَا نِدِمْت لِكَلَامِي وَ تُبْت وَ صَبَّيْت فِي رَاسِي تُرَابْ وَ رُمَادْ.

2 صَمُوِيل 13:19

وَ شَرَّطَتْ خَلَقْهَا مِنْ الْحِزِنْ وَ صَبَّتْ رُمَادْ فِي رَاسْهَا وَ خَطَّتْ إِيدَيْنهَا فِي رَاسْهَا وَ مَاشَةْ وَ تَبْكِي.

2 صَمُوِيل 1:11

وَ طَوَّالِي، مِنْ الْحِزِنْ دَاوُدْ قَمَّ شَرَّطْ خَلَقَهْ وَ النَّاسْ الْمَعَايَهْ كُلَ شَرَّطَوْا خُلْقَانْهُمْ.

أيُّوب 2:8

وَ خَلَاصْ، أَيُّوبْ شَالْ شِقْفَةْ وَ قَاعِدْ يُحُكّ بَيْهَا وَ قَعَدْ فِي الرُّمَادْ.

أعمال الرُسُل 14:14

وَ وَكِتْ الرُّسُلْ بَرْنَابَا وَ بُولُسْ سِمْعَوْا بِالْكَلَامْ دَا، هُمَّنْ زِعِلَوْا زَعَلْ شَدِيدْ وَ شَرَّطَوْا خُلْقَانْهُمْ وَ جَرَوْا فِي أُسْط النَّاسْ.

مَتَّى 11:21

وَ قَالْ: «الْعَذَابْ يَرْجَاكِ، يَا حِلَّةْ كُورَزِينْ! الْعَذَابْ يَرْجَاكِ، يَا حِلَّةْ بَيْت صَيْدَا! كَنْ أَوَّلْ نَادُمْ سَوَّى الْعَجَايِبْ دَوْل فِي مُدُنْ الْكُفَّارْ صُورْ وَ صَيْدَا، نَاسْ الْمُدُنْ دَوْل يُتُوبُوا مِنْ ذُنُوبْهُمْ مِنْ زَمَانْ وَ يَلْبَسَوْا خُلْقَانْ الْحِزِنْ وَ يَقْعُدُوا فِي رُمَادْ.

صَفَنْيا 1:14

الْيَوْم الْكَبِيرْ هَنَا اللّٰهْ قَرَّبْ. هُو قَرَّبْ وَ جَايِ بِسُرْعَةْ. وَكِتْ حَرَكَةْ يَوْم اللّٰهْ تِنْسَمِعْ، الْفُرَّاسْ كُلَ يَصْرَخَوْا بِشِدَّةْ.

مِيخا 1:8

وَ فِي شَانْ دَا، أَنَا مِيخَا نَحْزَنْ وَ نَبْكِي بِحِزِنْ وَ نَمْشِي بَلَا نِعْلَيْ وَ عَرْيَانْ. وَ نَبْكِي مِثِلْ الْبَعَشَوْم وَ نِكِرّ مِثِلْ النَّعَامْ.

حِزْقِيال 21:6

«وَ إِنْتَ، يَا إِبْن آدَمْ، أَقْنِتْ وَ دَنْقِرْ. أَيْوَى، بِحِزِنْ أَقْنِتْ قِدَّامْهُمْ.

إشَعْيا 58:5

وَ الصِّيَامْ الْأَنَا نَرْضَى بَيَّهْ، هُو مِثِلْ دَا وَلَّا؟ إِلَّا يَوْم وَاحِدْ بَسْ، الْفَوْقَهْ الْإِنْسَانْ يِمَسْكِنْ نَفْسَهْ وَلَّا؟ وَ يَرْخِي رَاسَهْ مِثِلْ عَقَيْقَايْ الْمَرْضَانَةْ وَ يَلْبَسْ خَلَقْ التَّوْبَةْ وَ يَرْقُدْ فِي رُمَادْ وَلَّا؟ دَا بَسْ تِنَادُوهْ صِيَامْ وَلَّا؟ وَ يَوْم صِيَامْ مِثِلْ دَا، أَنَا اللّٰهْ نَرْضَى بَيَّهْ وَلَّا؟

إشَعْيا 22:4

وَ فِي شَانْ دَا، أَنَا قُلْت: «مَا تِشِيفُونِي! خَلُّونِي نَبْكِي بِحُرْقَةْ. وَ مَا تِحَاوُلُوا تِحَنُّسُونِي أَشَانْ أُمَّتِي الْمِثِلْ بِنْت أَمِّي أَدَّمَّرَتْ.»

إشَعْيا 15:4

وَ نَاسْ حَشْبُونْ وَ أَلِعَالَةْ قَاعِدِينْ يِكَوْرُكُوا وَ حِسُّهُمْ قَاعِدْ يِنْسَمِعْ لَحَدِّي حِلَّةْ يَهَاصْ. وَ فِي شَانْ دَا، عَسْكَرْ مُوَابْ يِعِيطُوا وَ لَاكِنْ شَجَاعَةْ مَا عِنْدُهُمْ.

أيُّوب 1:20

وَ خَلَاصْ مِنْ الْحِزِنْ، أَيُّوبْ قَمَّ شَرَّطْ جَلَّابِيّتَهْ وَ زَيَّنْ رَاسَهْ. وَ وَقَعْ فِي الْأَرْض وَ سَجَدْ.

أسْتِير 4:3

وَ فِي أَيِّ وُلَايَةْ الْوَصَّلْ فَوْقهَا قَرَارْ الْمَلِكْ وَ قَانُونَهْ، بِقِي حِزِنْ كَبِيرْ لِلْيَهُودْ وَ هُمَّنْ صَامَوْا وَ بَكَوْا وَ نَاحَوْا وَ كَتِيرِينْ مِنْهُمْ رَقَدَوْا فِي الشُّوَالَاتْ وَ فِي الرُّمَادْ.

يَشُوع 7:6

وَ فِي الْبَكَانْ دَا، يَشُوعْ وَ شُيُوخْ بَنِي إِسْرَائِيلْ شَرَّطَوْا خُلْقَانْهُمْ مِنْ الْحِزِنْ وَ صَبَّوْا تُرَابْ فِي رُوسَيْهُمْ. وَ وَقَعَوْا بِوُجُوهُّمْ فِي التُّرَابْ وَ سَجَدَوْا قِدَّامْ صَنْدُوقْ اللّٰهْ لَحَدِّي الْعَشِيَّةْ.

تكوين 27:34

وَ وَكِتْ عِيسُو سِمِعْ كَلَامْ أَبُوهْ، قَمَّ يِكَوْرِكْ كُرَوْرَاكْ شَدِيدْ هَنَا وَجَعْ قَلِبْ وَ قَالْ لِأَبُوهْ: «بَارِكْنِي أَنَا كُلَ، يَا أَبُويِ!»

رُؤية 11:3

وَ فِي الْمُدَّةْ دِي، نَنْطِي قُدْرَةْ لِشُهُودِي الْإِتْنَيْن أَشَانْ يِتْنَبَّأَوْا لَيْهُمْ فِي مُدَّةْ هَنَا 1 260 يَوْم. وَ لَابْسِينْ خُلْقَانْ هَنَا حِزِنْ.»

أسْتِير 4:2

وَ مَشَى لَحَدِّي خَشُمْ بَابْ قَصِرْ الْمَلِكْ وَ وَقَفْ هِنَاكْ أَشَانْ نَادُمْ مَا يَقْدَرْ يَدْخُلْ فِي قَصِرْ الْمَلِكْ كَنْ لَابِسْ خُلْقَانْ الْحِزِنْ.

تكوين 37:34

وَ يَعْقُوبْ شَرَّطْ خَلَقَهْ وَ لِبِسْ خَلَقْ هَنَا حِزِنْ. وَ مُدَّةْ طَوِيلَةْ هُو قَاعِدْ يَبْكِي لِوِلَيْدَهْ.

إشَعْيا 37:1

وَ وَكِتْ الْمَلِكْ حِزْقِيَّا سِمِعْ كَلَامْهُمْ، هُو كُلَ قَمَّ شَرَّطْ خُلْقَانَهْ وَ لِبِسْ خَلَقْ الْحِزِنْ وَ مَشَى بَيْت اللّٰهْ.

إشَعْيا 37:2

وَ هُو رَسَّلْ أَلِيَاقِيمْ مَسْؤُولْ فِي قَصِرْ الْمَلِكْ وَ شَبْنَا الْكَاتِبْ وَ رُجَالْ الدِّينْ الشِّيَّابْ. وَ كُلُّهُمْ كَيْ لَابْسِينْ خُلْقَانْ الْحِزِنْ وَ مَشَوْا لِلنَّبِي إِشَعْيَا وِلَيْد أَمُّوصْ.

حِزْقِيال 21:11

أَنْطَوْا السَّيْف لِلْيَجْلِيهْ وَ لِلْيَكُرْبُوهْ بِالْإِيدْ. طَرَّقَوْه وَ جَلَوْه وَ أَنْطَوْه لِلْيَكْتُلْ.