أسْتِير 3:1 - الكتاب المقدس بالعربي الدارجي هنا تشاد

¹ وَ بَعَدْ دَا، الْمَلِكْ أَشَوِرُوشْ أَنْطَاهْ لِهَمَانْ وِلَيْد هَمْدَاتَا الْمِنْ ذُرِّيَّةْ أَقَاقْ شَرَفْ زِيَادَةْ مِنْ كُلَّ الْمَسَائِيلْ الْقَاعِدِينْ مَعَايَهْ.

أسْتِير 3:1 Referenca të Kryqëzuara

عَدد 24:7

أَلْمِي يِسِيلْ مِنْ عَيْنَهْ وَ بِذِرْتَهْ يَزْقُوهَا بِأَلْمِي كَتِيرْ. وَ مَلِكْهُمْ يَبْقَى زِيَادَةْ مِنْ الْمَلِكْ أَقَاقْ وَ مَمْلَكَتَهْ تَبْقَى قَوِيَّةْ.

دَنْيال 6:2

وَ فِي رَاسْ الْمُوَكَّلِينْ دَوْل، يُخُطّ تَلَاتَةْ وَزِيرْ أَشَانْ الْمُوَكَّلِينْ يِكَلُّمُوهُمْ بِكُلَّ شَيّءْ الْحَاصِلْ. وَ بَيْدَا، شُغُلْ فَسِلْ كَيْ مَا يَجِي لِلْمَلِكْ. وَ الْوُزَرَاء دَوْل، دَنْيَالْ كُلَ وَاحِدْ مِنْهُمْ.

أسْتِير 5:11

وَ هَمَانْ حَجَّى لَيْهُمْ بِغُنَايَهْ الْكَتِيرْ وَ كَتَرَةْ أَوْلَادَهْ وَ بِكِكَّيْف الْمَلِكْ شَرَّفَهْ وَ دَرَّجَهْ كَبِيرْ فِي رَاسْ كُلَّ مَسَائِيلَهْ وَ خَدَّامِينَهْ.

أسْتِير 3:10

وَ خَلَاصْ، الْمَلِكْ سَلَّ خَاتْمَهْ الْيَخْتِمْ بَيَّهْ مِنْ أُصْبَعَهْ وَ أَنْطَاهْ لِهَمَانْ وِلَيْد هَمْدَاتَا الْمِنْ ذُرِّيَّةْ أَقَاقْ عَدُو الْيَهُودْ.

1 صَمُوِيل 15:33

وَ صَمُوِيلْ قَالْ لَيَّهْ: «مِثِلْ سَيْفَكْ بَكَّى عَوِينْ كَتِيرِينْ، أَمَّكْ إِنْتَ كُلَ الْيَوْم تَبْكِي!» وَ صَمُوِيلْ كَتَلَهْ لِلْمَلِكْ أَقَاقْ قِدَّامْ اللّٰهْ فِي قِلْقَالْ.

تكوين 41:40

خَلَاصْ إِنْتَ بَسْ تَحْكِمْ فِي بَلَدِي. وَ كُلَّ الشَّعَبْ هَنَا مَصِرْ يِتَابُعُوا كَلَامَكْ. وَ إِلَّا أَنَا بَسْ نَبْقَى عَالِي مِنَّكْ أَشَانْ أَنَا الْمَلِكْ.»

أمْثال 29:2

كَنْ الصَّالِحْ يَنْجَحْ، الشَّعَبْ يَفْرَحَوْا لَاكِنْ كَنْ الْعَاصِي يَحْكِمْ، الشَّعَبْ يَقُنْتُوا.

زَبُور 12:8

الْعَاصِيِينْ يِلِفُّوا فِي كُلَّ بَكَانْ وَكِتْ الْفَسَالَةْ تِزِيدْ أَمْبَيْن النَّاسْ.

أسْتِير 8:3

وَ أَسْتِيرْ مَشَتْ بَتَّانْ لِلْمَلِكْ وَ وَقَعَتْ تِحِتْ رِجِلَيْنَهْ بِبَكِي وَ شَحَدَتَهْ أَشَانْ يِوَقِّفْ الْفَسَالَةْ وَ الْخِطَّةْ الْخَطَّطْهَا هَمَانْ الْمِنْ ذُرِّيَّةْ أَقَاقْ ضِدّ الْيَهُودْ.

أسْتِير 7:6

وَ أَسْتِيرْ قَالَتْ: «الْعَدُو وَ الْخَصِيمْ، هُو هَمَانْ الْفَسِلْ دَا!» وَ خَلَاصْ فِي الْبَكَانْ دَا، هَمَانْ قَاعِدْ يَرْجِفْ مِنْ الْخَوْف قِدَّامْ الْمَلِكْ وَ الْمَلِكَةْ.

أسْتِير 1:14

وَ النَّاسْ دَوْل الْجَنْب الْمَلِكْ، هُمَّنْ كَرْشَنَا وَ شِتَارْ وَ أَدْمَاتَا وَ تَرْشِيشْ وَ مَرَسْ وَ مَرْسَنَا وَ مَمُوكَانْ، دَوْل السَّبْعَةْ مَسَائِيلْ هَنَا الْفَارِسِيِّينْ وَ الْمَادِيِّينْ. وَ هُمَّنْ دَوْل قَاعِدِينْ فِي الدَّرَجَةْ الْأَوَّلْ هَنَا الْمَمْلَكَةْ وَ يِشِيفُوا الْمَلِكْ فِي أَيِّ وَكِتْ.

عَزْرا 7:14

أَنَا الْمَلِكْ وَ مُسْتَشَارِينِي السَّبْعَةْ نِرَسُّلُوكْ فِي بَلَدْ يَهُوذَا وَ فِي مَدِينَةْ الْقُدُسْ أَشَانْ تِشِيفْ النَّاسْ، كَنْ قَاعِدِينْ يَخْدُمُوا حَسَبْ تَوْرَاةْ إِلٰـهَكْ الْفِي إِيدَيْنَكْ وَلَّا لَا.

1 صَمُوِيل 15:8

وَ دَمَّرْ كُلَّ شَعَبْ عَمَالِقْ بِالْسَّيْف وَ كَرَبْ مَلِكْهُمْ أَقَاقْ.

تكوين 41:55

وَ بَعَدَيْن، الْجُوعْ دَخَلْ فِي مَصِرْ كُلَ. وَ الشَّعَبْ مَشَوْا بَكَوْا لِفِرْعَوْن وَ قَالَوْا: «أَنْطِينَا مَعَاشْ!» وَ هُو قَالْ لَيْهُمْ: «أَمْشُوا لِيُوسُفْ وَ سَوُّوا الشَّيّءْ الْيُقُولَهْ لَيْكُو.»

جامِعة 10:6

الْمَطَامِيسْ يُخُطُّوهُمْ فِي بَكَانْ عَالِي زِيَادَةْ وَ الْغَنِيِّينْ يُخُطُّوهُمْ فِي بَكَانْ تِحِتْ.