أسْتِير 10:3 - الكتاب المقدس بالعربي الدارجي هنا تشاد

³ وَ مَرْدَكَايْ الْيَهُودِي بِقِي رَجُلْ التَّانِي لِلْمَلِكْ أَشَوِرُوشْ. وَ هُو بِقِي نَادُمْ مُهِمّ لِلْيَهُودْ وَ كُلَّ أَخْوَانَهْ الْيَهُودْ يِرِيدُوهْ أَشَانْ هُو يِفَتِّشْ الْخَيْر لِشَعَبَهْ وَ يِهِمّ بِسَلَامِتْهُمْ.

أسْتِير 10:3 Referenca të Kryqëzuara

نَحَمْيا 2:10

وَ هِنَاكْ، فِيَّهْ نَاسَيْن الْأُسُمْهُمْ سَنْبَلَطْ مِنْ حِلَّةْ حُرُونْ وَ طُوبِـيَّا مَسْؤُولْ فِي بَنِي عَمُّونْ. وَكِتْ النَّاسَيْن دَوْل سِمْعَوْا بِجَيْتِي، بِقِي لَيْهُمْ قَاسِي مَرَّةْ وَاحِدْ أَشَانْ مَا بِدَوْرُوا نَادُمْ يِسَوِّي الْخَيْر لِبَنِي إِسْرَائِيلْ.

رَوْمَا 14:18

النَّادُمْ الْيِتَابِعْ الْمَسِيحْ مِثِلْ دَا، اللّٰهْ يَرْضَى بَيَّهْ وَ النَّاسْ كُلَ يِكَرُّمُوهْ.

رَوْمَا 10:1

يَا أَخْوَانِي فِي الْمَسِيحْ، نِتْمَنَّى بِكُلَّ قَلْبِي كَدَرْ أَخْوَانِي الْيَهُودْ يَنْجَوْا وَ دَا الشَّيّءْ الْأَنَا دَايْماً نَطُلْبَهْ مِنْ اللّٰهْ.

دَنْيال 5:29

وَ خَلَاصْ، بَلْشَاصَرْ أَمَرْ يِلَبُّسُوا دَنْيَالْ خَلَقْ غَالِي الْيَلْبَسَوْه الْمُلُوكْ وَ يِدِسُّوا لَيَّهْ سِلْسِلَةْ هَنَا دَهَبْ فِي رَقَبَتَهْ وَ يِدَرُّجُوهْ تَالِتْ رَجُلْ فِي الْمَمْلَكَةْ.

2 أخبار 28:7

وَ زِكْرِي رَاجِلْ فَارِسْ هَنَا قَبِيلَةْ أَفْرَايِمْ كَتَلْ مَعَسِيَّا وِلَيْد الْمَلِكْ وَ عَزْرِقَامْ مُرَاقِبْ قَصِرْ الْمَلِكْ وَ أَلِقَانَى نَايِبْ الْمَلِكْ.

تكوين 41:40

خَلَاصْ إِنْتَ بَسْ تَحْكِمْ فِي بَلَدِي. وَ كُلَّ الشَّعَبْ هَنَا مَصِرْ يِتَابُعُوا كَلَامَكْ. وَ إِلَّا أَنَا بَسْ نَبْقَى عَالِي مِنَّكْ أَشَانْ أَنَا الْمَلِكْ.»

دَنْيال 5:16

وَ أَنَا سِمِعْت كَدَرْ إِنْتَ تِفَسِّرْ الْحِلِمْ وَ تِحِلّ الْمَشَاكِلْ الْقَاسِيِينْ. وَ كَنْ قِدِرْت قَرَيْت الْكِتَابَة دِي وَ فَسَّرْتَهَا لَيِّ، أَنَا نِلَبِّسَكْ خَلَقْ غَالِي الْيَلْبَسَوْه الْمُلُوكْ وَ نِدِسّ لَيْك سِلْسِلَةْ هَنَا دَهَبْ فِي رَقَبَتَكْ وَ نِدَرِّجَكْ تَالِتْ رَجُلْ فِي الْمَمْلَكَةْ.»

أسْتِير 3:2

وَ كُلَّ خَدَّامِينْ الْمَلِكْ الْقَاعِدِينْ فِي خَشُمْ بَابْ قَصِرْ الْمَلِكْ يِدَنْقُرُوا وَ يَسْجُدُوا قِدَّامْ هَمَانْ وَ دَا مِثِلْ الْمَلِكْ أَمَرْ بَيَّهْ. وَ لَاكِنْ مَرْدَكَايْ وَ لَا يِدَنْقِرْ وَ لَا يَسْجُدْ قِدَّامَهْ.

1 صَمُوِيل 23:17

وَ قَالْ لَيَّهْ: «مَا تَخَافْ أَشَانْ أَبُويِ شَاوُولْ مَا يَلْقَاكْ لِيَكْتُلَكْ. وَ إِنْتَ تَحْكِمْ فِي إِسْرَائِيلْ وَ أَنَا نَبْقَى نَايْبَكْ. وَ دَا أَبُويِ ذَاتَهْ يَعَرْفَهْ!»

دَنْيال 6:3

وَ دَنْيَالْ فَاتَاهُمْ لِلْوُزَرَاء وَ الْمُوَكَّلِينْ بِالْعَقُلْ الْكَبِيرْ. وَ الْمَلِكْ فَكَّرْ وَ يِدَوْر يُخُطَّهْ فِي رَاسْ كُلَّ الْمَمْلَكَةْ.

تكوين 45:10

وَ تَقْعُدْ جَنْبِي فِي تُرَابْ قَوْشَنْ، إِنْتَ وَ عِيَالَكْ وَ عِيَالْ عِيَالَكْ وَ بَقَرَكْ وَ غَنَمَكْ وَ كُلَّ مَالَكْ.

تكوين 45:11

وَ فِي الْبَكَانْ دَا، نَنْطِيكْ مَعَاشْ لَيْك وَ لِعَايِلْتَكْ وَ لِبَهَايْمَكْ لِمَا تَتْعَبَوْا. أَشَانْ فَضَّلْ خَمْسَةْ سَنَةْ هَنَا جُوعْ.“›»

1 صَمُوِيل 18:16

وَ لَاكِنْ كُلَّ بَنِي إِسْرَائِيلْ وَ نَاسْ قَبِيلَةْ يَهُوذَا يِرِيدُوهْ لِدَاوُدْ أَشَانْ هُو بَسْ قَايِدْ الدَّيْش وَ قَاعِدْ يَمْشِي وَ يَجِي فِي رَاسْهُمْ.

أسْتِير 2:5

وَ فِي مَدِينَةْ شُوشَةْ الْقَوِيَّةْ، فِيَّهْ رَاجِلْ وَاحِدْ يَهُودِي أُسْمَهْ مَرْدَكَايْ وِلَيْد يَيِيرْ وِلَيْد شِمْعِي وِلَيْد قِيشْ. وَ هُو مِنْ قَبِيلَةْ بَنْيَامِينْ.