أسْتِير 1:6 - الكتاب المقدس بالعربي الدارجي هنا تشاد

⁶ وَ الْبَكَانْ دَا مُجَمَّلْ بِسَتَايِرْ هَنَا قُمَاشْ أَبْيَضْ وَ قَرَضِي. وَ عَلَّقَوْهُمْ بِحُبَالْ بُيُضْ وَ حُمُرْ تُشْو فِي خَوَاتِمْ هَنَا فُضَّةْ وَ رَبَطَوْهُمْ فِي رَاسْ عَمَدْ هَنَا رُخَامْ. وَ خَطَّوْا سَرَايِرْ هَنَا دَهَبْ وَ فُضَّةْ فِي الْأَرْض الْجَمَّلَوْهَا بِرُخَامْ أَبْيَضْ وَ أَزْرَقْ وَ حَجَرْ سَمَحْ.

أسْتِير 1:6 Referenca të Kryqëzuara

عَمُوس 6:4

إِنْتُو رَاقْدِينْ فِي سَرَايِرْ الْمُجَمَّلِينْ بِعَاجْ وَ قَاعِدِينْ مُرْتَاحِينْ فِي فُرَاشْكُو. وَ تَاكُلُوا لَحَمْ الْكُبْشَانْ وَ الْعَجَّالْ الْمَعْزُولِينْ مِنْ الزَّرِيبَةْ.

حِزْقِيال 23:41

وَ مَشَنْ قَعَدَنْ فِي سَرِيرْ جَمِيلْ وَ قِدَّامَهْ طَرَبَيْزَةْ مُجَهَّزَةْ الْفَوْقهَا بَخُورِي وَ دِهْنِي.

عَمُوس 2:8

وَ يَرُقْدُوا جَنْب أَيِّ مَدْبَحْ فِي الْخُلْقَانْ الضَّمَّنَوْهُمْ لَيْهُمْ. وَ الْخَمَرْ الشَّالَوْه فِي الْحُكُمْ، يَشَرْبَوْه فِي بَيْتِي أَنَا إِلٰـهُّمْ.

أسْتِير 7:8

وَ وَكِتْ الْمَلِكْ قَبَّلْ مِنْ جِنَيْنَةْ الْقَصِرْ لِبَكَانْ الْعَازُومَةْ، هَمَانْ وَقَعْ فِي رَاسْ السَّرِيرْ الْأَسْتِيرْ قَاعِدَةْ فَوْقَهْ. وَ طَوَّالِي الْمَلِكْ قَالْ: «هَلْ الرَّاجِلْ دَا يِدَوْر يَرْقُدْ بِقُوءْ مَعَ الْمَلِكَةْ قِدَّامِي أَنَا فِي لُبّ بَيْتِي وَلَّا؟» وَ لِسَّاعْ الْمَلِكْ مَا كَمَّلْ كَلَامَهْ كَيْ بَسْ، خَدَّامِينَهْ جَوْا غَطَّوْا وِجِهْ هَمَانْ بِقِطْعَةْ.

أسْتِير 8:15

وَ مَرْدَكَايْ مَرَقْ مِنْ قَصِرْ الْمَلِكْ لَابِسْ خَلَقْ هَنَا مُلُوكْ لَوْنَهْ ظَهْرِي وَ أَبْيَضْ وَ جَلَّابِيَّةْ مِنْ قُمَاشْ أَبْيَضْ وَ قَرَضِي وَ تَاجْ كَبِيرْ هَنَا دَهَبْ فِي رَاسَهْ. وَ كُلَّ نَاسْ مَدِينَةْ شُوشَةْ قَاعِدِينْ يِعِيطُوا مِنْ الْفَرْحَةْ.

خُروج 26:1

«‹وَ سَوِّي الْخَيْمَةْ بِعَشَرَةْ قِطْعَةْ مِنْ قُمَاشْ هَنَا كَتَّانْ مُخَيَّطْ عَدِيلْ اللَّوْنَهْ ظَهْرِي وَ قَرَضِي وَ أَحْمَرْ. وَ خَيِّطْ فِي الْقِطَعْ دَوْل صُوَرْ مَخْلُوقِينْ سَمَاوِيِّينْ بِخِيَاطَةْ خَيَّاطِي مَعْرُوفْ.

1 صَمُوِيل 28:23

وَ شَاوُولْ أَبَى وَ قَالْ: «أَنَا مَا نَاكُلْ.» وَ لَاكِنْ خَدَّامِينَهْ وَ الْمَرَةْ عَصَّرَوْه وَ هُو سِمِعْ كَلَامْهُمْ. وَ قَمَّ مِنْ التُّرَابْ وَ قَعَدْ فِي السَّرِيرْ.

عَمُوس 3:12

دَاهُو اللّٰهْ قَالْ: «مِثِلْ الرَّاعِي يِخَلِّصْ مِنْ خَشُمْ الدُّودْ رِجِلَيْن أَوْ نُصّ أَدَانْ، بِمِثِلْ دَا، يَخْلَصَوْا بَنِي إِسْرَائِيلْ الْقَاعِدِينْ فِي السَّامِرَةْ، الْمُرْتَاحِينْ فِي سَرَايِرْهُمْ وَ الْجَالْسِينْ فِي بُسَاطَاتْهُمْ.