أسْتِير 1:4 - الكتاب المقدس بالعربي الدارجي هنا تشاد

⁴ وَ فِي مُدَّةْ 180 يَوْم، هُو وَصَّفْ لَيْهُمْ الْغُنَى الْكَتِيرْ هَنَا مَمْلَكَتَهْ وَ قِيمْتَهْ الْكَبِيرَةْ.

أسْتِير 1:4 Referenca të Kryqëzuara

أيُّوب 40:10

كَنْ مِثِلْ دَا، جَمِّلْ نَفْسَكْ بِمَجْد وَ كِبْرِيَاءْ وَ أَلْبَسْ الْعَظَمَةْ وَ الشَّرَفْ.

رُؤية 4:11

«يَا رَبِّنَا اللّٰهْ، كُلَّ شَيّءْ هَنَا الْمَجْد وَ الْإِكْرَامْ وَ الْقُدْرَةْ وَاجِبْ لَيْك إِنْتَ أَشَانْ إِنْتَ بَسْ خَلَقْت كُلَّ شَيّءْ وَ بِنِيّتَكْ إِنْتَ بَسْ، كُلَّ شَيّءْ بِقِي وَ قَاعِدْ.»

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

رَوْمَا 9:23

وَ اللّٰهْ حِمِلَاهُمْ طَوَّلْ أَشَانْ دَوَّرْ يِبَيِّنْ كُتُرْ خَيْرَهْ الْمَجِيدْ لِمَوَاعِينْ آخَرِينْ الْهُو يِدَوْر يَرْحَمْهُمْ وَ جَهَّزَاهُمْ لِيَدْخُلُوا فِي مَجْدَهْ.

مَتَّى 6:13

مَا تِدِسِّنَا فِي التَّجْرِبَةْ لَاكِنْ نَجِّينَا مِنْ شَرّ إِبْلِيسْ. وَ لَيْك إِنْتَ بَسْ الْمُلُكْ وَ الْقُدْرَةْ وَ الْمَجْد دَايْماً وَ إِلَى الْأَبَدْ. آمِينْ.

مَتَّى 4:8

وَ إِبْلِيسْ وَدَّاهْ بَتَّانْ وَ خَطَّاهْ فِي رَاسْ حَجَرْ طَوِيلْ بِلْحَيْن وَ وَصَّفْ لَيَّهْ كُلَّ الْمَمَالِكْ الْفِي الدُّنْيَا وَ دَرَجَتْهُمْ.

دَنْيال 5:18

يَا الْمَلِكْ، اللّٰهْ الْعَالِي أَنْطَى أَبُوكْ نَبُوخَدْنَصَرْ مُلُكْ وَ عَظَمَةْ وَ شَرَفْ وَ مَجْد.

دَنْيال 4:36

«وَ وَكِتْ عَقْلِي جَاءْ فَوْقِي، طَوَّالِي لِقِيتْ شَرَفْ مُلْكِي وَ مَجْدِي وَ قُوِّتِي. وَ الْمَسَائِيلْ وَ الْمُوَظَّفِينْ هَنَا مَمْلَكَتِي دَوَّرَوْنِي وَ أَنَا بِقِيتْ مَلِكْ بَتَّانْ وَ عَظَمَتِي زَادَتْ مَرَّةْ وَاحِدْ.

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

حِزْقِيال 28:5

وَ بِخِبِرْتَكْ الْكَبِيرَةْ فِي التِّجَارَةْ، إِنْتَ زِدْت غُنَاكْ. وَ بِسَبَبْ غُنَاكْ، إِنْتَ أَسْتَكْبَرْت.›»

إشَعْيا 39:2

وَ حِزْقِيَّا فِرِحْ بِجَيَّةْ الْمُرَسَّلِينْ. وَ وَصَّفَاهُمْ الْمَخَازِنْ الْخَزَنَوْا فَوْقهُمْ الْأَشْيَاءْ الْغَالِيِّينْ مِثِلْ الْفُضَّةْ وَ الدَّهَبْ وَ الْعِطِرْ وَ الدِّهِنْ الْمُعَطَّرْ. وَ وَصَّفَاهُمْ كُلَّ مَخَازِنْ السِّلَاحْ وَ أَيِّ شَيّءْ الْقَاعِدْ فِي مَخَازِنَهْ. وَ مَا فِي شَيّءْ الْحِزْقِيَّا مَا وَصَّفَهْ لَيْهُمْ كَنْ فِي قَصْرَهْ وَلَّا فِي كُلَّ مَمْلَكَتَهْ.

زَبُور 145:5

نِذَّكَّرْ مَجْدَكْ وَ جَلَالَكْ وَ عَظَمَتَكْ وَ أَخْبَارْ عَجَايْبَكْ.

زَبُور 93:1

اللّٰهْ هُو الْمَلِكْ! هُو لَابِسْ الْعَظَمَةْ وَ رَابِطْ الْقُدْرَةْ مِثِلْ حِزَامْ. فِي شَانْ دَا، الْعَالَمْ قَاعِدْ ثَابِتْ وَ مَا يِلْحَرَّكْ.

زَبُور 45:3

أَرْبُطْ سَيْفَكْ فِي صُلْبَكْ، يَا الْفَارِسْ! أَيْوَى، أَلْحَزَّمْ بِشَرَفَكْ وَ عَظَمَتَكْ.

زَبُور 21:5

شَرَفَهْ بِقِي كَبِيرْ بِسَبَبْ نَجَاتَكْ وَ لَبَّسْتَهْ مَجْد وَ عَظَمَةْ.

1 أخبار 29:25

وَ اللّٰهْ سَوَّاهْ لِسُلَيْمَانْ عَالِي مَرَّةْ وَاحِدْ فِي عُيُونْ كُلَّ بَنِي إِسْرَائِيلْ وَ أَنْطَى عَظَمَةْ لِمَمْلَكَتَهْ الْأَبَداً مَا أَنْطَاهَا لِأَيِّ مَلِكْ الْقَبْلَهْ فِي بَلَدْ إِسْرَائِيلْ.

أسْتِير 1:3

وَ فِي السَّنَةْ التَّالْتَةْ هَنَا حُكْمَهْ، هُو سَوَّى عَازُومَةْ كَبِيرَةْ وَ لَمَّ كُلَّ مَسَائِيلَهْ وَ خَدَّامِينَهْ وَ عَسْكَرْ الْفَارِسِيِّينْ وَ الْمَادِيِّينْ وَ الْحُكَّامْ وَ كُبَارَاتْ الْوُلَايَاتْ.

أسْتِير 1:5

وَ بَعَدْ الْأَيَّامْ دَوْل كَمَّلَوْا، الْمَلِكْ عَزَمْ فِي الْعَازُومَةْ كُلَّ النَّاسْ السَّاكْنِينْ فِي مَدِينَةْ شُوشَةْ الْقَوِيَّةْ مِنْ الْغَنِيْ لَحَدِّي الْفَقْرِي. وَ هُمَّنْ قَعَدَوْا سَبْعَةْ يَوْم فِي الْفَضَايْ هَنَا جِنَيْنَةْ قَصِرْ الْمَلِكْ.