أسْتِير 1:12 - الكتاب المقدس بالعربي الدارجي هنا تشاد

¹² وَ لَاكِنْ الْمَلِكَةْ وَشْتِي أَبَتْ مَا تَجِي حَسَبْ أَمُرْ الْمَلِكْ الْقَالَهْ لَيْهَا بِوَاسِطَةْ خَدَّامِينَهْ. وَ خَلَاصْ، الْمَلِكْ غِضِبْ غَضَبْ شَدِيدْ وَ الزَّعَلْ دَا حَرَّقْ قَلْبَهْ.

أسْتِير 1:12 Referenca të Kryqëzuara

أمْثال 19:12

غَضَبْ الْمَلِكْ مِثِلْ قَرْقَرَانْ الدُّودْ لَاكِنْ رِضَايَهْ مِثِلْ الْمَطَرْ لِلْقَشّ.

1 بُطْرُس 3:1

وَ لَيْكَنْ إِنْتَنْ الْعَوِينْ كُلَ، خَلِّي أَيِّ مَرَةْ تَسْمَعْ عَدِيلْ كَلَامْ رَاجِلْهَا. وَ كَنْ فِيَّهْ رُجَالْ الْمَا قَاعِدِينْ يِتَابُعُوا كَلَامْ اللّٰهْ، أَكُونْ الْحَالْ الْعَدِيلَةْ هَنَا عَوِينْهُمْ تِجِيبْهُمْ فِي دَرِبْ اللّٰهْ. وَ دَا مَا بِكَلَامْ

أفَسُس 5:24

وَ مِثِلْ أُمَّةْ الْمَسِيحْ تِكَرِّمْ الْمَسِيحْ، خَلِّي أَيِّ مَرَةْ تِكَرِّمْ رَاجِلْهَا فِي كُلَّ شَيّءْ.

أفَسُس 5:22

أَسْمَعَنْ، يَا الْعَوِينْ، خَلِّي أَيِّ مَرَةْ تِكَرِّمْ رَاجِلْهَا مِثِلْ هِي تِكَرِّمْ الرَّبّ.

نَاحُوم 1:6

وَ يَاتُو يَقْدَرْ يَحْمَلْ زَعَلَهْ؟ وَ مِنْ شِدَّةْ غَضَبَهْ، يَاتُو يَقْدَرْ يَقِيفْ قِدَّامَهْ؟ غَضَبَهْ يِنْصَبَّ مِثِلْ النَّارْ حَتَّى الْجِبَالْ يِشَّقَّقَوْا قِدَّامَهْ.

دَنْيال 3:13

وَ فِي الْبَكَانْ دَا، الْمَلِكْ نَبُوخَدْنَصَرْ زِعِلْ زَعَلْ شَدِيدْ وَ أَمَرْ يِجِيبُوا لَيَّهْ شَدْرَاكْ وَ مِشَاكْ وَ عَبْد الْنَغُو. وَ خَلَاصْ، جَابَوْهُمْ قِدَّامْ الْمَلِكْ.

دَنْيال 2:12

وَ وَكِتْ الْمَلِكْ سِمِعْ كَلَامْهُمْ دَا، زِعِلْ زَعَلْ شَدِيدْ وَ أَمَرْ يَكْتُلُوا كُلَّ الْمُسْتَشَارِينْ هَنَا بَابِلْ.

أمْثال 20:2

غَضَبْ الْمَلِكْ مِثِلْ قَرْقَرَانْ الدُّودْ. كَنْ تَلْعَبْ بَيَّهْ، تُمُوتْ.

زَبُور 79:5

يَا اللّٰهْ، لِمَتَى تَغْضَبْ؟ إِلَى الْأَبَدْ؟ وَ لِمَتَى غِيرْتَكْ تَحْرِقْ مِثِلْ النَّارْ؟

زَبُور 74:1

يَا رَبّ، مَالَا خَلَّيْتنَا إِلَى الْأَبَدْ؟ وَ مَالَا غَضَبَكْ يَحْرِقْنَا، أَنِحْنَ غَنَمَكْ التَّسْرَحْ بَيْنَا؟

تَثْنِية 29:20

اللّٰهْ مَا يَغْفِرْ لَيَّهْ. وَ لَاكِنْ يَوْم زَعَلْ اللّٰهْ وَ غِيرْتَهْ يُقُمُّوا ضِدّ النَّادُمْ دَا، خَلَاصْ كُلَّ اللَّعَنَةْ الْمَكْتُوبَةْ فِي الْكِتَابْ دَا تَقَعْ فَوْقَهْ. وَ اللّٰهْ يُقُشّ أُسْمَهْ مِنْ تِحِتْ السَّمَاءْ.

خُروج 32:22

وَ هَارُونْ رَدَّ لَيَّهْ وَ قَالْ: «مَا تَزْعَلْ، يَا سِيدِي! إِنْتَ ذَاتَكْ تَعَرْفَهْ الشَّعَبْ دَوْل يِرِيدُوا إِلَّا الْفَسَالَةْ.

خُروج 32:19

وَ وَكِتْ مُوسَى جَاءْ قَرِيبْ لِلْفَرِيقْ وَ شَافْ الْعِجِلْ وَ النَّاسْ قَاعِدِينْ يَلْعَبَوْا، هُو زِعِلْ زَعَلْ شَدِيدْ. وَ اللِّيحَانْ الْفِي إِيدَهْ زَقَلَاهُمْ فِي قَعَرْ الْجَبَلْ وَ كَسَّرَاهُمْ.

تكوين 3:16

وَ اللّٰهْ قَالْ لِلْمَرَةْ: «غَلَبَتْكِ تَبْقَى لَيْكِ قَاسِيَةْ وَ إِنْتِ تَتْعَبَيْ فِي الْوَالُودَةْ. وَ عِنْدِكِ شَهْوَةْ لِرَاجِلْكِ وَ لَاكِنْ هُو يَمْلُكِّ.»

دَنْيال 3:19

وَ وَكِتْ الْمَلِكْ نَبُوخَدْنَصَرْ سِمِعْ الْكَلَامْ دَا، زِعِلْ زَعَلْ شَدِيدْ وَ وِجْهَهْ أَلْغَيَّرْ. وَ قَمَّ ضِدّ شَدْرَاكْ وَ مِشَاكْ وَ عَبْد الْنَغُو وَ أَمَرْ يِحَمُّوا النَّارْ دِي سَبْعَةْ مَرَّاتْ زِيَادَةْ مِنْ أَوَّلْ.

أسْتِير 1:11

وَ الْمَلِكْ أَمَرْ يِجِيبُوا قِدَّامَهْ الْمَلِكَةْ وَشْتِي بِتَاجْهَا هَنَا الْمَمْلَكَةْ لِيِوَصِّفْ جَمَالْهَا لِلشَّعَبْ وَ لِمَسَائِيلَهْ أَشَانْ هِي جَمِيلَةْ مَرَّةْ وَاحِدْ.

أسْتِير 1:13

وَ الْمَلِكْ حَجَّى مَعَ الْعُلَمَاءْ وَ الْمُنَجِّمِينْ أَشَانْ أَيِّ شَيّءْ الْبُخُصّ الْمَمْلَكَةْ، يِقَدِّمَهْ قِدَّامْ النَّاسْ الْيَعَرْفُوا الْقَانُونْ وَ الشَّرِيعَةْ.

أسْتِير 7:7

وَ فِي زَعَلَهْ، الْمَلِكْ مَرَقْ عَجَلَةْ مِنْ بَكَانْ الْعَازُومَةْ وَ مَشَى فِي جِنَيْنَةْ الْقَصِرْ. وَ هَمَانْ كَمَانْ قَعَدْ يَشْحَدْ الْمَلِكَةْ أَسْتِيرْ لِتِنَجِّي حَيَاتَهْ أَشَانْ هُو عِرِفْ كَدَرْ الْمَلِكْ شَالْ نِيَّةْ لِيِوَدِّرَهْ.