أفَسُس 6:6 - الكتاب المقدس بالعربي الدارجي هنا تشاد

⁶ أَخْدُمُوا لَيْهُمْ مَا فِي شَانْ هُمَّنْ قَاعِدِينْ يِشِيفُوكُو بَسْ. مَا تُخُطُّوا بَالْكُو فِي شُكُرْ النَّاسْ. لَاكِنْ خُطُّوا فِي فِكِرْكُو إِنْتُو عَبِيدْ لِلْمَسِيحْ وَ سَوُّوا الْيِدَوْرَهْ اللّٰهْ بِنِيَّةْ مُخْلِصَةْ.

أفَسُس 6:6 Referenca të Kryqëzuara

1 تَسَلونِيكِي 2:4

بِالْعَكْس، اللّٰهْ شَافْ قُلُوبْنَا وَ كَلَّفَانَا بِالْبِشَارَةْ وَ أَشَانْ دَا بَسْ، نِبَشُّرُوا النَّاسْ. وَ نِبَشُّرُوهُمْ دَا، مَا أَشَانْ نِدَوْرُوا رِضَى مِنْهُمْ لَاكِنْ أَشَانْ نِدَوْرُوا رِضَى مِنْ اللّٰهْ الْيَكْشِفْ قُلُوبْنَا.

غَلاطِية 1:10

شُنُو فِكِرْكُو فِي الْكَلَامْ دَا؟ نِدَوْر نَلْقَى بَيَّهْ رِضَى مِنْ النَّاسْ وَلَّا رِضَى مِنْ اللّٰهْ؟ نِدَوْر نَعَجِبْ النَّاسْ وَلَّا؟ نُقُولْ لَيْكُو كَنْ أَنَا لِسَّاعْ نِدَوْر نَعَجِبْ النَّاسْ، خَلَاصْ أَنَا مَا عَبْد الْمَسِيحْ.

أفَسُس 5:17

مَا تَبْقَوْا جُهَّالْ لَاكِنْ أَفْهَمَوْا الشَّيّءْ الْيِدَوْرَهْ الرَّبّ.

1 بُطْرُس 4:2

وَ هُو مَا يِدَوْر يِتَابِعْ شَهْوَةْ النَّاسْ بَتَّانْ، لَاكِنْ يِدَوْر يِتَابِعْ الْاللّٰهْ يِدَوْرَهْ طُولْ الْوَكِتْ الْفَضَّلْ لَيَّهْ فِي الدُّنْيَا.

فِلِبِّي 2:12

فِي شَانْ كُلَّ الْكَلَامْ دَا، يَا أَخْوَانِي النِّحِبُّكُو، أَسْمَعَوْا كَلَامِي. وَكِتْ أَنَا مَعَاكُو، إِنْتُو دَايْماً تِتَابُعُوا كَلَامْ اللّٰهْ. وَ هَسَّعْ وَكِتْ أَنَا مَا مَعَاكُو، وَاجِبْ تِتَابُعُوهْ بِزِيَادَةْ. جَاهُدُوا بِخَوْف وَ رَجِفِينْ لِتِسَوُّوا كُلَّ شَيّءْ الْوَاجِبْ لِلنَّاسْ الْاللّٰهْ نَجَّاهُمْ.

مَتَّى 12:50

أَشَانْ أَيِّ نَادُمْ الْيِسَوِّي حَسَبْ أَبُويِ فِي السَّمَاءْ يِدَوْرَهْ، هُو بَسْ أَخُويِ وَ أَخْتِي وَ أَمِّي.»

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

عِبْرَانِيِّين 10:36

هَسَّعْ دَا، وَاجِبْ تَصْبُرُوا صَبُرْ قَوِي وَ تِسَوُّوا الشَّيّءْ الْاللّٰهْ يِدَوْرَهْ أَشَانْ تَلْقَوْا مِنَّهْ الْبَرَكَةْ الْهُو وَاعَدْ بَيْهَا.

كُلُوسِي 1:9

وَ أَشَانْ دَا مِنْ يَوْم سِمِعْنَا خَبَرْ إِيمَانْكُو، أَنِحْنَ قَاعِدِينْ نَسْأَلَوْا لَيْكُو اللّٰهْ. وَ نَسْأَلَوْا لَيْكُو اللّٰهْ أَشَانْ تَعَرْفُوا الْهُو يِدَوْرَهْ وَ تَلْقَوْا حِكْمَةْ وَ فِهِمْ مِنْ الرُّوحْ الْقُدُّوسْ.

مَتَّى 7:21

«مَا كُلَّ النَّاسْ الْيِنَادُونِي: ‹يَا سَيِّدْنَا، يَا سَيِّدْنَا› يَدْخُلُوا فِي مَمْلَكَةْ اللّٰهْ، إِلَّا النَّاسْ الْيِسَوُّوا حَسَبْ الْأَبُويِ اللّٰهْ يِدَوْرَهْ يَدْخُلُوا.

1 يُوحَنَّا 2:17

الدُّنْيَا وَ شَهْوَاتْهَا يُفُوتُوا وَ لَاكِنْ النَّاسْ الْيِسَوُّوا الْاللّٰهْ يِدَوْرَهْ يِعِيشُوا إِلَى الْأَبَدْ.

رَوْمَا 6:17

وَ الْحَمْدُ للّٰهْ، أَوَّلْ إِنْتُو بِقِيتُوا عَبِيدْ لِلذَّنِبْ لَاكِنْ هَسَّعْ تِتَابُعُوا بِكُلَّ قُلُوبْكُو التَّعْلِيمْ الْاللّٰهْ نَزَّلَهْ لَيْكُو.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

إرْمِيا 24:7

وَ نَنْطِيهُمْ فِكِرْ ثَابِتْ الْبَيَّهْ يَقْدَرَوْا يَعَرْفُونِي كَدَرْ أَنَا بَسْ اللّٰهْ. وَ هُمَّنْ يَبْقَوْا شَعَبِي وَ أَنَا نَبْقَى إِلٰـهُّمْ. وَ يِقَبُّلُوا لَيِّ بِكُلَّ قُلُوبْهُمْ.›»

1 بُطْرُس 2:15

وَ دَا الْيِدَوْرَهْ اللّٰهْ لَيْكُو. بِالْخَيْر التِّسَوُّوهْ، تِوَقُّفُوا الْكَلَامْ الْبَاطِلْ الْيُقُولُوهْ فَوْقكُو النَّاسْ الْجُهَّالْ.

إرْمِيا 3:10

وَ بَيْدَا كُلَ، يَهُوذَا الْخَايْنَةْ أَخُتْهَا لِإِسْرَائِيلْ مَا جَاتْنِي بِكُلَّ قَلِبْهَا لَاكِنْ بِغَشّ.» وَ دَا كَلَامْ اللّٰهْ.

1 تَسَلونِيكِي 4:3

الشَّيّءْ الْاللّٰهْ يِدَوْرَهْ لَيْكُو هُو الْحَالْ الصَّالْحَةْ. مَا تِقَرُّبُوا لِلزِّنَى.

مَرْخُوس 3:35

وَ أَيِّ نَادُمْ الْيِسَوِّي حَسَبْ الْاللّٰهْ يِدَوْرَهْ، هُو دَا بَسْ أَخُويِ أَوْ أَخْتِي أَوْ أَمِّي.»

1 كُرُنْتُس 7:22

وَ أَنَا قُلْت لَيْك مَا تَزْعَلْ أَشَانْ الْعَبِدْ الْاللّٰهْ نَادَاهْ فِي دَرِبْ رَبِّنَا بِقِي خَدَّامْ حُرّ هَنَا رَبِّنَا. وَ نَفْس الشَّيّءْ لِلنَّادُمْ الْأَوَّلْ حُرّ قُبَّالْ اللّٰهْ مَا نَادَاهْ، هُو بِقِي عَبْد الْمَسِيحْ.