أفَسُس 6:4 - الكتاب المقدس بالعربي الدارجي هنا تشاد

⁴ أَسْمَعَوْا، يَا أَبَّهَاتْ الْعِيَالْ، مَا تِزَعُّلُوا عِيَالْكُو لَاكِنْ رَبُّوهُمْ فِي الْأَدَبْ وَ تَعْلِيمْ الرَّبّ.

أفَسُس 6:4 Referenca të Kryqëzuara

كُلُوسِي 3:21

يَا أَبَّهَاتْ الْعِيَالْ، مَا تِزَعُّلُوا عِيَالْكُو. كَنْ تِزَعُّلُوهُمْ زِيَادَةْ، أَكُونْ يِوَدُّرُوا عَشَمْهُمْ.

أمْثال 22:6

أَدِّبْ الصَّغِيرْ وَكِتْ هُو صَغَيَّرْ وَ كَنْ بِقِي شَايِبْ كُلَ، مَا يِخَلِّي أَدَبَهْ.

أمْثال 29:15

الضَّرْبَةْ وَ اللُّوَامَةْ يِجِيبُوا الْحِكْمَةْ وَ لَاكِنْ الْمَا مُؤَدَّبْ يِعَيِّبْ أَمَّهْ.

أمْثال 19:18

أَدِّبْ وِلَيْدَكْ وَكِتْ عِنْدَكْ عَشَمْ فَوْقَهْ أَشَانْ إِنْتَ مَا تُكُونْ سَبَبْ مَوْتَهْ.

تَثْنِية 6:7

وَ عَلُّمُوهُمْ لِعِيَالْكُو وَ كَلُّمُوا بَيْهُمْ فِي الْبَيْت وَ فِي السَّفَرْ وَ وَكِتْ رَاقْدِينْ وَ قَايْمَيْن.

أمْثال 29:17

أَدِّبْ وِلَيْدَكْ أَشَانْ تَلْقَى رَاحَةْ وَ نَفْسَكْ تِنْمَلِي بِالْفَرْحَةْ.

2 تِمُوتَاوُس 3:15

مِنْ إِنْتَ صَغَيَّرْ، عِرِفْت كِتَابْ اللّٰهْ الْأَنْطَاكْ الْعِلِمْ الْيِوَدِّيكْ لِلنَّجَاةْ بِالْإِيمَانْ بِالْمَسِيحْ عِيسَى.

تكوين 18:19

أَنَا عَزَلْتَهْ لِيِوَصِّي عِيَالَهْ وَ ذُرِّيّتَهْ لِيِتَابُعُوا دَرِبْ اللّٰهْ وَ يِسَوُّوا الْحَقّ وَ الْعَدَالَةْ. وَ بِمِثِلْ دَا، أَنَا اللّٰهْ نِحَقِّقْ الشَّيّءْ الْقُلْت نِسَوِّيهْ لِإِبْرَاهِيمْ.»

تَثْنِية 4:9

وَ لَاكِنْ أَنْقَرْعُوا! أَحْفَضَوْا عَدِيلْ نُفُوسْكُو أَشَانْ مَا تَنْسَوْا الْأَشْيَاءْ الشَّافَوْهُمْ عُيُونْكُو. وَ فِي كُلَّ مُدَّةْ حَيَاتْكُو، خَلِّي مَا يَمُرْقُوا مِنْ قُلُوبْكُو. وَ عَرُّفُوهُمْ لِعِيَالْكُو وَ لِعِيَالْ عِيَالْكُو.

2 تِمُوتَاوُس 1:5

أَنَا قَاعِدْ نِفَكِّرْ فِي إِيمَانَكْ الْمُخْلِصْ الْمِثِلْ الْإِيمَانْ الْأَوَّلْ شِفْتَهْ فِي جِدِّتَكْ لُوِيسَةْ وَ أَمَّكْ يُونِكَةْ وَ هَسَّعْ أَكِيدْ قَاعِدْ فَوْقَكْ إِنْتَ.

أمْثال 22:15

قِلَّةْ الْفِهِمْ مَرْبُوطَةْ بِقَلْب الْعِيَالْ لَاكِنْ سَوْط الْأَدَبْ يِبَعِّدْهَا مِنْهُمْ.

1 أخبار 28:20

وَ خَلَاصْ، دَاوُدْ قَالْ لِوِلَيْدَهْ سُلَيْمَانْ: «أَبْقَى شَدِيدْ وَ فَحَلْ وَ أَبْدَا الْخِدْمَةْ. مَا تَخَافْ وَ لَا تِنْبَهِتْ أَشَانْ الرَّبّ اللّٰهْ إِلٰـهِي قَاعِدْ مَعَاكْ. هُو مَا يِخَلِّيكْ وَ مَا يَابَاكْ لَحَدِّي كُمَالَةْ كُلَّ الْخِدْمَةْ هَنَا بَيْت اللّٰهْ.

إشَعْيا 38:19

وَ لَاكِنْ الْحَيّ بَسْ يِمَجِّدَكْ مِثْلِي أَنَا الْيَوْم وَ الْأَبُو يِعَرِّفْ عِيَالَهْ بِأَمَانَكْ.

يَشُوع 24:15

وَ لَاكِنْ كَنْ مَا تِدَوْرُوا تَعَبُدُوا اللّٰهْ، أَعَزُلُوا الْيَوْم الْإِلٰـهْ التِّدَوْرُوا تَعَبُدُوهْ. مُمْكِنْ تِشِيلُوا إِلٰـهَاتْ الْعَبَدَوْهُمْ جُدُودْكُو غَادِي لِبَحَرْ الْفُرَاتْ، وَلَّا تِشِيلُوا إِلٰـهَاتْ الْأَمُورِيِّينْ مِنْ الْبَلَدْ الْإِنْتُو سَاكْنِينْ فَوْقهَا. وَ لَاكِنْ أَنَا وَ عَايِلْتِي كَمَانْ، أَنِحْنَ نَعَبُدُوا اللّٰهْ!»

1 أخبار 29:19

وَ لِوِلَيْدِي سُلَيْمَانْ دَا، أَنْطِيهْ قَلِبْ مُخْلِصْ لِيَحْفَضْ وَصِيَّاتَكْ وَ تَعْلِيمَكْ وَ شُرُوطَكْ وَ يِطَبِّقْهُمْ وَ يَبْنِي الْبَيْت الْمُقَدَّسْ الْأَنَا جَهَّزْت لَيَّهْ.»

أفَسُس 6:3

وَ الْوَعَدْ هُو: <أَشَانْ تَلْقَى الْخَيْر وَ عُمْرَكْ يَبْقَى طَوِيلْ فِي الْأَرْض.>

قُضياء 13:12

وَ مَنُوحْ قَالْ لَيَّهْ: «وَكِتْ كَلَامَكْ دَا يِلْحَقَّقْ، شُنُو الشُّرُوطْ الْوَاجِبْ لَيَّهْ؟ وَ أَنِحْنَ نِسَوُّوا شُنُو لِلْوِلَيْد دَا؟»