أفَسُس 6:10 - الكتاب المقدس بالعربي الدارجي هنا تشاد

¹⁰ وَ آخِرْ شَيّءْ، أَبْقَوْا قَوِيِّينْ فِي عَلَاقِتْكُو مَعَ الرَّبّ وَ بِقُدُرْتَهْ الْعَظِيمَةْ.

أفَسُس 6:10 Referenca të Kryqëzuara

فِلِبِّي 4:13

نَقْدَرْ نِلْحَمَّلْ أَيِّ شَيّءْ بِالْمَسِيحْ وَ هُو يَنْطِينِي قُدْرَةْ.

إشَعْيا 40:31

وَ لَاكِنْ الْيُخُطُّوا عَشَمْهُمْ فِي اللّٰهْ، قُدْرِتْهُمْ تِلْجَدَّدْ. يِطِيرُوا مِثِلْ الصُّقُورَةْ وَ يَجْرُوا وَ مَا يَكْسَلَوْا وَ يُرُوغُوا وَ مَا يَعْيَوْا.

يَشُوع 1:9

وَ أَذَّكَّرْ كَدَرْ أَنَا أَمَرْتَكْ أَبْقَى شَدِيدْ وَ فَحَلْ. مَا تَرْجِفْ وَ لَا تَخَافْ أَشَانْ أَنَا اللّٰهْ إِلٰـهَكْ نُكُونْ مَعَاكْ فِي أَيِّ بَكَانْ الْإِنْتَ تَمْشِي فَوْقَهْ.»

1 كُرُنْتُس 16:13

أَقْعُدُوا وَاعِيِّينْ وَ ثَابْتِينْ فِي الْإِيمَانْ. أَبْقَوْا شَجِيعِينْ وَ قَوِيِّينْ.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

كُلُوسِي 1:11

وَ فِي كُلِّ وَكِتْ، خَلِّي اللّٰهْ يِقَوِّيكُو بِقُدُرْتَهْ الْمَجِيدَةْ أَشَانْ تَحْمَلَوْا التَّعَبْ وَ تَصْبُرُوا فَوْقَهْ بِفَرَحْ

أفَسُس 1:19

وَ تَعَرْفُوا قُدُرْتَهْ الْمَا عِنْدَهَا حَدّ الْقَاعِدَةْ تَخْدِمْ لَيْنَا أَنِحْنَ الْمُؤمِنِينْ. الْقُدْرَةْ دِي عَظِيمَةْ وَ هِي الْقُدْرَةْ

أفَسُس 3:16

وَ نَسْأَلَهْ أَشَانْ يَنْطِيكُو بَرَكَةْ مِنْ الْغُنَى الْعِنْدَهْ فِي الْمَجْد وَ يَنْطِيكُو قُدْرَةْ وَ يِثَبِّتْ قُلُوبْكُو بِالرُّوحْ الْقُدُّوسْ.

2 تِمُوتَاوُس 4:17

لَاكِنْ رَبِّنَا وَقَفْ مَعَايِ وَ أَنْطَانِي قُدْرَةْ وَ بَيْهَا بَلَّغْت الْبِشَارَةْ كُلَّهَا كَيْ وَ نَاسْ مِنْ كُلَّ الْأُمَمْ سِمْعَوْهَا. وَ فِي الْيَوْم دَا، أَنَا مِثِلْ نَادُمْ الدُّودْ يِدَوْر يَاكُلَهْ لَاكِنْ الرَّبّ نَجَّانِي مِنْ الْمَوْت.

إشَعْيا 40:28

إِنْتَ مَا عِرِفْت وَ لَا سِمِعْت؟ اللّٰهْ بَسْ هُو الْإِلٰـهْ الدَّايِمْ وَ هُو بَسْ الْخَلَقْ حُدُودْ الْأَرْض. هُو وَ لَا يَكْسَلْ وَ لَا يَعْيَى وَ عِلْمَهْ أَبَداً مَا عِنْدَهْ حَدّ.

2 تِمُوتَاوُس 2:1

وَ إِنْتَ، يَا وِلَيْدِي، أَبْقَى ثَابِتْ فِي النِّعْمَةْ الْعِنْدِنَا فِي الْمَسِيحْ عِيسَى.

2 أخبار 15:7

وَ لَاكِنْ إِنْتُو، أَبْقَوْا شُدَادْ وَ مَا تَكْسَلَوْا أَشَانْ عَمَلْكُو دَا، عِنْدَهْ أَجُرْ.»

حَقَّاي 2:4

وَ هَسَّعْ، دَاهُو كَلَامْ اللّٰهْ: ‹يَا زَرُبَابِلْ وَ يَا يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ يَا كُلَّ شَعَبْ الْبَلَدْ، شِدُّوا حَيْلكُو. وَ دَا كَلَامْ اللّٰهْ. قُمُّوا لِلْخِدْمَةْ أَشَانْ أَنَا مَعَاكُو! وَ دَا كَلَامْ اللّٰهْ الْقَادِرْ.

زَبُور 138:3

يَوْم أَنَا نَادَيْتَكْ، إِنْتَ رَدَّيْت لَيِّ وَ أَنْطَيْتنِي شَجَاعَةْ وَ قُدْرَةْ.

فِلِبِّي 4:8

يَا أَخْوَانِي، دِي هِي آخِرْ وَصِيَّةْ النَّنْطِيهَا لَيْكُو. فَكُّرُوا فِي أَيِّ شَيّءْ الصَّحِيحْ وَ الشَّرِيفْ وَ الْعَادِلْ وَ الطَّاهِرْ وَ الْمَحْبُوبْ وَ الْكَرِيمْ وَ الْأَفْضَلْ وَ الْوَاجِبْ لَيَّهْ الشُّكُرْ. وَ كُلَّ شَيّءْ الْمِثِلْ دَا، خُطُّوا أَفْكَارْكُو فَوْقَهْ ثَابْتِينْ.

زَكَرِيَّا 8:13

يَا بَنِي يَهُوذَا وَ بَنِي إِسْرَائِيلْ، أَوَّلْ إِنْتُو بِقِيتُوا لَعَنَةْ فِي أُسْط الْأُمَمْ. وَ لَاكِنْ هَسَّعْ، نِنَجِّيكُو وَ تَبْقَوْا بَرَكَةْ. مَا تَخَافَوْا، شِدُّوا حَيْلكُو!»

1 أخبار 28:10

وَ هَسَّعْ، شِيفْ! دَاهُو اللّٰهْ عَزَلَكْ لِتَبْنِي لَيَّهْ بَيْت وَ الْبَيْت دَا، يَبْقَى لَيَّهْ بَكَانْ مُقَدَّسْ. شِدّ حَيْلَكْ وَ أَبْدَا الْخِدْمَةْ.»

1 صَمُوِيل 23:16

وَ يُونَتَانْ وِلَيْد شَاوُولْ مَشَى لِدَاوُدْ فِي الْغَابَةْ لِيِشَجِّعَهْ فِي إِيمَانَهْ بِالرَّبّ.

زَكَرِيَّا 8:9

وَ دَاهُو اللّٰهْ الْقَادِرْ قَالْ: «شِدُّوا حَيْلكُو! مِنْ وَكِتْ خَطَّيْتُوا أَسَاسْ بَيْت اللّٰهْ الْقَادِرْ لِتَبْنُوا الْبَيْت دَا بَتَّانْ، قَاعِدِينْ تَسْمَعَوْا كَلَامْ الْأَنْبِيَاء.

تَثْنِية 31:23

وَ اللّٰهْ أَمَرْ يَشُوعْ وِلَيْد نُونْ وَ قَالْ لَيَّهْ: «أَبْقَى شَدِيدْ وَ فَحَلْ أَشَانْ إِنْتَ بَسْ التِّدَخِّلْ بَنِي إِسْرَائِيلْ فِي الْبَلَدْ الْأَنَا حَلَفْت وَ قُلْت نَنْطِيهَا لَيْهُمْ وَ أَنَا كُلَ نُكُونْ مَعَاكْ.»

1 أخبار 28:20

وَ خَلَاصْ، دَاوُدْ قَالْ لِوِلَيْدَهْ سُلَيْمَانْ: «أَبْقَى شَدِيدْ وَ فَحَلْ وَ أَبْدَا الْخِدْمَةْ. مَا تَخَافْ وَ لَا تِنْبَهِتْ أَشَانْ الرَّبّ اللّٰهْ إِلٰـهِي قَاعِدْ مَعَاكْ. هُو مَا يِخَلِّيكْ وَ مَا يَابَاكْ لَحَدِّي كُمَالَةْ كُلَّ الْخِدْمَةْ هَنَا بَيْت اللّٰهْ.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

1 بُطْرُس 3:8

وَ آخِرْ شَيّءْ نُقُولَهْ لَيْكُو كُلُّكُو، خَلِّي قَلِبْكُو يَبْقَى وَاحِدْ وَ خَلِّي رُوحْكُو تَبْقَى طَوِيلَةْ. أَرَّايَدَوْا أَمْبَيْنَاتْكُو بِمَحَبَّةْ أَخَوِيَّةْ وَ بِقَلِبْ حَنُونْ وَ مَسْكُنُوا نُفُوسْكُو.

فِلِبِّي 3:1

وَ خَلَاصْ، يَا أَخْوَانِي، أَفْرَحَوْا بِرَبِّنَا عِيسَى. مَا قَاسِي لَيِّ نَكْتِبْ لَيْكُو نَفْس الشَّيّءْ الْأَوَّلْ أَوْرَيْتكُو بَيَّهْ وَ نِكَرِّرَهْ بَتَّانْ أَشَانْ دَا يَبْقَى لَيْكُو أَكِيدْ.

1 بُطْرُس 4:11

مَثَلاً، أَيِّ نَادُمْ الْيِكَلِّمْ لِلْأَخْوَانْ فِي الْمَلَمَّةْ، خَلِّي يِكَلِّمْ لَيْهُمْ بِكَلَامْ اللّٰهْ. وَ أَيِّ نَادُمْ الْيَخْدِمْ لِلْأَخْوَانْ، خَلِّي يَخْدِمْ بِالْقُدْرَةْ الْاللّٰهْ أَنْطَاهَا لَيَّهْ. أَشَانْ كُلَّ شَيّءْ التِّسَوُّوهْ يِمَجِّدْ اللّٰهْ بِوَاسِطَةْ عِيسَى الْمَسِيحْ. وَ لَيَّهْ هُو الْمَجْد وَ الْمُلُكْ دَايْماً وَ إِلَى الْأَبَدْ. آمِينْ.

1 يُوحَنَّا 2:14

يَا الْعِيَالْ، كَتَبْت لَيْكُو أَشَانْ عِرِفْتُوا أَبُونَا. يَا الْأَبَّهَاتْ، كَتَبْت لَيْكُو أَشَانْ الْقَاعِدْ مِنْ الْبِدَايَةْ عِرِفْتُوهْ. يَا الشَّبَابْ، كَتَبْت لَيْكُو أَشَانْ إِنْتُو شُدَادْ وَ كَلَامْ اللّٰهْ قَاعِدْ ثَابِتْ فَوْقكُو وَ غَلَبْتُوا إِبْلِيسْ الشَّرِيرْ.