أفَسُس 5:9 - الكتاب المقدس بالعربي الدارجي هنا تشاد

⁹ أَشَانْ نُورْ اللّٰهْ يِجِيبْ نَتِيجَةْ فِي قُلُوبْ النَّاسْ وَ النَّتِيجَةْ دِي، هِي الْخَيْر وَ الْعَدَالَةْ وَ الْحَقّ.

أفَسُس 5:9 Referenca të Kryqëzuara

3 يُوحَنَّا 1:11

يَا حَبِيبِي، مَا تِتَابِعْ مَثَلْ هَنَا النَّاسْ الْيِسَوُّوا الشَّرّ. تَابِعْ مَثَلْ هَنَا النَّاسْ الْيِسَوُّوا الْخَيْر. النَّادُمْ الْيِسَوِّي الْخَيْر، هُو بَسْ نَادُمْ هَنَا اللّٰهْ. وَ النَّادُمْ الْيِسَوِّي الشَّرّ مَا يَعَرِفْ اللّٰهْ.

رَوْمَا 15:14

يَا أَخْوَانِي، أَنَا بِنَفْسِي مُؤَكِّدْ كَدَرْ إِنْتُو مَلَانِينْ بِالْخَيْر وَ بِالْعِلِمْ وَ قَادْرِينْ تِلْوَاصَوْا أَمْبَيْنَاتْكُو.

أفَسُس 6:14

أَشَانْ دَا، أَقْعُدُوا ثَابْتِينْ، صُلُبْكُو مَرْبُوطْ بِالْحَقّ. خَلِّي الْحَالْ الصَّالْحَةْ تَبْقَى لَيْكُو دِرِعْ قَوِي فِي صَدُرْكُو.

1 تِمُوتَاوُس 6:11

لَاكِنْ إِنْتَ يَا خَدَّامْ اللّٰهْ، أَجْرِي مِنْ كُلَّ الْكَلَامْ دَا. أنْكَرِبْ بِنِيَّةْ وَاحِدَةْ فِي الْحَالْ الصَّالْحَةْ وَ التَّقْوَى وَ الْإِيمَانْ وَ الْمَحَبَّةْ وَ الصَّبُرْ وَ النَّفَسْ الْبَارِدْ.

فِلِبِّي 1:11

وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

1 يُوحَنَّا 2:29

عِرِفْتُوا إِبْن اللّٰهْ هُو صَالِحْ وَ أَشَانْ دَا، تَعَرْفُوا كَدَرْ كُلَّ النَّاسْ الْيِتَابُعُوا الْحَالْ الصَّالْحَةْ مِثْلَهْ، هُمَّنْ عِيَالْ اللّٰهْ.

عِبْرَانِيِّين 11:33

بِالْإِيمَانْ، هُمَّنْ شَالَوْا مَمَالِكْ وَ طَبَّقَوْا الْعَدَالَةْ وَ لِقَوْا مِنْ اللّٰهْ الشَّيّءْ الْوَاعَدَاهُمْ بَيَّهْ وَ سَدَّوْا خُشُومْ الدِّيدَانْ.

أفَسُس 4:15

أَخَيْر نِبَلُّغُوا الْحَقّ بِمَحَبَّةْ وَ مِثِلْ دَا، نَكْبُرُوا وَ نَبْقَوْا عَاقْلِينْ فِي كُلَّ شَيّءْ بِعَلَاقِتْنَا مَعَ الْمَسِيحْ. هُو بَسْ رَاسْنَا

رَوْمَا 2:4

تِدَوْر تَحْقِرْ خَيْر اللّٰهْ الْعَظِيمْ وَ صَبْرَهْ وَ طُولْ رُوحَهْ وَلَّا؟ مَا تَعَرِفْ كَدَرْ هُو قَاعِدْ يِسَوِّي لَيْك الْخَيْر أَشَانْ يِدَوْر يِوَدِّيكْ لِلتَّوْبَةْ وَلَّا؟

عِبْرَانِيِّين 1:8

وَ لَاكِنْ فِي إِبْنَهْ بُقُولْ: <يَا اللّٰهْ، عَرْشَكْ قَاعِدْ إِلَى الْأَبَدْ وَ عَصَاةْ مُلْكَكْ، هِي عَصَاةْ عَدَالَةْ.

أفَسُس 4:25

وَ أَشَانْ دَا، أَبَداً مَا تَكْدُبُوا. كَلُّمُوا أَمْبَيْنَاتْكُو بِالصَّحِيحْ أَشَانْ أَنِحْنَ كُلِّنَا وَاحِدْ.

يُوحَنَّا 1:47

وَ عِيسَى شَافْ نَتَنَايِلْ جَايِ لَيَّهْ وَ قَالْ: «دَاهُو إِسْرَائِيلِي صَحِيحْ. هُو مَا يُغُشّ أَيِّ نَادُمْ.»

مَتَّى 3:8

سَوُّوا الْعَمَلْ الْيِوَصِّفْ كَدَرْ إِنْتُو تُبْتُوا بِالصَّحِيحْ!

كُلُوسِي 3:18

يَا الْعَوِينْ، أَسْمَعَنْ كَلَامْ رُجَالْكَنْ مِثِلْ وَاجِبْ لِلْعَوِينْ الْيِتَابِعَنْ الرَّبّ.