أفَسُس 5:8 - الكتاب المقدس بالعربي الدارجي هنا تشاد

⁸ أَوَّلْ، إِنْتُو بَسْ الضَّلَامْ وَ لَاكِنْ هَسَّعْ، بِقِيتُوا نُورْ بِعَلَاقِتْكُو مَعَ الرَّبّ. عِيشُوا بِالْحَالْ الْوَاجْبَةْ لِأَهَلْ النُّورْ.

أفَسُس 5:8 Referenca të Kryqëzuara

يُوحَنَّا 8:12

وَ بَتَّانْ عِيسَى حَجَّى لِلنَّاسْ وَ قَالْ: «أَنَا نُورْ الْعَالَمْ. أَيِّ نَادُمْ الْيِتَابِعْنِي أَبَداً مَا يَقْعُدْ فِي الضَّلَامْ. هُو يِعِيشْ فِي النُّورْ الْيَنْطِيهْ الْحَيَاةْ.»

1 يُوحَنَّا 1:7

وَ لَاكِنْ كَنْ أَنِحْنَ مَاشِينْ فِي النُّورْ مِثِلْ هُو ذَاتَهْ فِي النُّورْ، نِأَكُّدُوا الْعَلَاقَةْ الْعِنْدِنَا أَمْبَيْنَاتْنَا وَ دَمّ عِيسَى إِبْنَهْ يِطَهِّرْنَا مِنْ كُلَّ الذُّنُوبْ.

أعمال الرُسُل 26:18

لِتَفْتَحْ عُيُونْهُمْ أَشَانْ يَمُرْقُوا مِنْ الضَّلَامْ وَ يَدْخُلُوا فِي النُّورْ وَ يَمُرْقُوا مِنْ حُكُمْ إِبْلِيسْ وَ يُتُوبُوا لِلّٰهْ. وَ اللّٰهْ يَغْفِرْ لَيْهُمْ ذُنُوبْهُمْ وَ هُمَّنْ يَوْرُثُوا بَكَانْ فِي لُبّ النَّاسْ الْخَاصِّيْن بِسَبَبْ إِيمَانْهُمْ بَيِّ.›

كُلُوسِي 1:13

أَيْوَى، اللّٰهْ فَزَعَانَا وَ مَرَقَانَا مِنْ مُلُكْ الضَّلَامْ وَ وَدَّانَا فِي مَمْلَكَةْ إِبْنَهْ الْيِرِيدَهْ.

يُوحَنَّا 12:46

أَنَا جِيتْ فِي الدُّنْيَا مِثِلْ نُورْ أَشَانْ أَيِّ نَادُمْ الْيِآمِنْ بَيِّ مَا يَقْعُدْ فِي الضَّلَامْ.

أفَسُس 4:18

وَ قَاعِدِينْ فِي الضَّلَامْ وَ مَا فَاهِمِينْ الْحَقّ. وَ مَا يَعَرْفُوا الْحَيَاةْ الْاللّٰهْ يِدَوْر يَنْطِيهَا لَيْهُمْ أَشَانْ الْجَهَلْ قَاعِدْ فَوْقهُمْ وَ رَاسْهُمْ بِقِي قَوِي.

يُوحَنَّا 12:36

وَكِتْ النُّورْ لِسَّاعْ مَعَاكُو، آمُنُوا بِالنُّورْ. وَ بِمِثِلْ دَا، تَبْقَوْا أَهَلْ النُّورْ.» وَ بَعَدْ عِيسَى قَالْ الْكَلَامْ دَا، هُو مَشَى وَ أَلَّبَّدْ مِنْهُمْ.

إشَعْيا 9:2

الشَّعَبْ الْمَاشِينْ فِي الضَّلَامْ يِشِيفُوا نُورْ عَظِيمْ. أَيْوَى، السَّاكْنِينْ فِي بَلَدْ الضَّلَامْ الْهَالِكْ، نُورْ يِبِينْ لَيْهُمْ.

أفَسُس 2:2

وَ فِي الْوَكِتْ الْفَاتْ دَاكْ، إِنْتُو قَاعِدِينْ تِتَابُعُوا دَرِبْ الدُّنْيَا وَ تِتَابُعُوا كَبِيرْ الْمَمْلَكَةْ الشَّيْطَانِيَّةْ الْقَاعِدَةْ بَيْن السَّمَاءْ وَ الْأَرْض وَ هُو الشَّيْطَانْ الْقَاعِدْ يَخْدِمْ فِي قُلُوبْ النَّاسْ الْيِخَالُفُوا اللّٰهْ.

2 كُرُنْتُس 4:6

وَ زَمَانْ اللّٰهْ قَالْ: «خَلِّي النُّورْ يِضَوِّي فِي أُسْط الضَّلَامْ.» وَ هُو بَسْ النَّوَّرْ قُلُوبْنَا أَشَانْ نَعَرْفُوا نُورْ اللّٰهْ الْمَجِيدْ الْقَاعِدْ فِي وِجِهْ عِيسَى الْمَسِيحْ.

إرْمِيا 13:16

مَجُّدُوا اللّٰهْ إِلٰـهْكُو قَبُلْ مَا يِرَسِّلْ لَيْكُو الضَّلَامْ وَ قَبُلْ رِجْلَيْكُو مَا يِتَّرْتَعَوْا فِي الْجِبَالْ الْغَطَّاهُمْ الضَّلَامْ. إِنْتُو تَرْجَوْا النُّورْ بِعَشَمْ وَ لَاكِنْ هُو يِبَدِّلَهْ بِالضَّلَامْ الْهَالِكْ وَ يِسَوِّيكُو مِثِلْ قَاعِدِينْ فِي لُبّ سَحَابَايْ زَرْقَةْ.

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

لُوقا 16:8

«وَ وَكِتْ سِيدْ الْمَالْ عِرِفْ الشَّيّءْ الْوَكِيلَهْ الْخَايِنْ سَوَّاهْ، هُو قَصَّدْ بِنَجَاضْتَهْ. أَشَانْ نَاسْ هَنَا الدُّنْيَا الضَّلْمَةْ دِي فَاهِمِينْ زِيَادَةْ مِنْ نَاسْ النُّورْ وَ يَعَرْفُوا كِكَّيْف يَلْقَوْا الشَّيّءْ الْيِدَوْرُوهْ مِنْ النَّاسْ الْمِثِلْهُمْ.

إشَعْيا 2:5

يَا ذُرِّيَّةْ يَعْقُوبْ، تَعَالُوا نُرُوغُوا فِي نُورْ اللّٰهْ.

أفَسُس 6:12

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

2 كُرُنْتُس 3:18

وَ أَنِحْنَ مَا عِنْدِنَا مِنْدِيلْ الْيِغَطِّي وُجُوهْنَا. وَ كُلِّنَا قَاعِدِينْ نِشِيفُوا نُورْ اللّٰهْ الْمَجِيدْ. وَ النُّورْ دَا يِبِينْ فَوْقنَا وَاضِحْ. وَ النُّورْ الْمَجِيدْ دَا يَجِي مِنْ رُوحْ اللّٰهْ الْقَاعِدْ يِغَيِّرْنَا زِيَادَةْ لَحَدِّي صُورِتْنَا تَبْقَى مِثِلْ صُورَةْ اللّٰهْ الْمَجِيدَةْ.

لُوقا 1:79

وَ يِنَوِّرْ لِلنَّاسْ الْقَاعِدِينْ فِي الضَّلَامْ وَ الْخَايْفِينْ مِنْ الْمَوْت وَ خَلَاصْ يُقُودْنَا فِي دَرِبْ السَّلَامْ.»

2 كُرُنْتُس 6:14

مَا تَدْخُلُوا فِي عَلَاقَةْ مَعَ النَّاسْ الْمَا مُؤمِنِينْ أَشَانْ إِنْتُو مَا سَوَا. كِكَّيْف حَالْ الصَّالِحِينْ وَ حَالْ الْعَاصِيِينْ تَبْقَى وَاحِدْ؟ كِكَّيْف النُّورْ وَ الضَّلَامْ يِلِمُّوا؟

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

رَوْمَا 2:19

إِنْتَ تَحْسِبْ نَفْسَكْ قِيدْ لِلْعَمْيَانِينْ وَ نُورْ لِلنَّاسْ الْقَاعِدِينْ فِي الضَّلَامْ

يُوحَنَّا 1:9

وَ النُّورْ الصَّحِيحْ جَاءْ فِي الدُّنْيَا لِيِنَوِّرْ كُلَّ النَّاسْ.

مَتَّى 4:16

هِنَاكْ الشَّعَبْ الْقَاعِدِينْ فِي الضَّلَامْ شَافَوْا نُورْ عَظِيمْ وَ السَّاكْنِينْ فِي بَلَدْ الضَّلَامْ الْهَالِكْ، نُورْ طَلَعْ لَيْهُمْ.>

إشَعْيا 49:9

وَ لِتُقُولْ لِلْمَسَاجِينْ: ‹أَمُرْقُوا› وَ تُقُولْ لِلْقَاعِدِينْ فِي الضَّلَامْ: ‹بَيُّنُوا نُفُوسْكُو!› وَ بَيْدَا، هُمَّنْ يَسْرَحَوْا فِي الطُّرُقْ وَ فِي كُلَّ رُوسَيْ الْجِبَالْ، يَرْتَعَوْا.

غَلاطِية 5:25

وَ كَنْ نِعِيشُوا بِقُدْرَةْ الرُّوحْ الْقُدُّوسْ، وَاجِبْ نُرُوغُوا بِقُدْرَةْ الرُّوحْ الْقُدُّوسْ.

رَوْمَا 1:21

هُمَّنْ عِرْفَوْا اللّٰهْ قَاعِدْ وَ لَاكِنْ مَا مَجَّدَوْه وَ مَا شَكَرَوْه مِثِلْ وَاجِبْ لَيَّهْ. بِالْعَكْس، فِكِرْهُمْ وَدَّرْ مَرَّةْ وَاحِدْ وَ خَلَّوْا الضَّلَامْ دَخَلْ فِي قُلُوبْهُمْ الْمَا عِنْدُهُمْ فِهِمْ.

إشَعْيا 49:6

وَ اللّٰهْ قَالْ: «دَا شِيَّةْ لَيْك تَبْقَى عَبْدِي وَ تِثَبِّتْ قَبَايِلْ يَعْقُوبْ وَ تِقَبِّلْ الْفَضَّلَوْا مِنْ بَنِي إِسْرَائِيلْ. زِيَادَةْ مِنْ دَا، أَنَا نِسَوِّيكْ نُورْ لِلْأُمَمْ أَشَانْ نَجَاتِي تَلْحَقْ لَحَدِّي طَرَفْ الْأَرْض.»

إشَعْيا 42:16

وَ نِوَدِّي الْعَمْيَانِينْ فِي دَرِبْ الْهُمَّنْ مَا يَعَرْفُوهْ. أَنَا نُقُودْهُمْ فِي طُرُقْ الْمَا يَعَرْفُوهُمْ. فِي قِدَّامْهُمْ، أَنَا نِغَيِّرْ الضَّلَامْ بِالنُّورْ وَ الْبَكَانْ الدَّقْدَاقْ، نِسَوِّيهْ أَمْلَسْ. الْكَلَامْ دَا، أَنَا نِحَقِّقَهْ وَ أَبَداً النَّاسْ دَوْل مَا نِخَلِّيهُمْ.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

أعمال الرُسُل 17:30

«اللّٰهْ مَا حَاسَبْ النَّاسْ فِي زَمَنْ الْجَهَلْ وَ لَاكِنْ هَسَّعْ اللّٰهْ يِنَادِي كُلَّ النَّاسْ فِي أَيِّ بَكَانْ أَشَانْ يُتُوبُوا مِنْ ذُنُوبْهُمْ.

زَبُور 74:20

فَكِّرْ فِي الْمُعَاهَدَةْ أَشَانْ الْبَلَدْ مَلَانَةْ بِبَكَانَاتْ ضُلُمْ وَ دَوْل بَسْ بَكَانَاتْ الْعُنُفْ.

إشَعْيا 50:10

يَاتُو مِنْكُو يَخَافْ مِنْ اللّٰهْ وَ يَسْمَعْ كَلَامْ عَبْدَهْ؟ أَيِّ نَادُمْ الْيَمْشِي فِي الضَّلَامْ بَلَا ضَيّ، خَلِّي يِتْوَكَّلْ عَلَيْ اللّٰهْ وَ يِنْتَكِلْ عَلَيْ إِلٰـهَهْ.

مَتَّى 3:8

سَوُّوا الْعَمَلْ الْيِوَصِّفْ كَدَرْ إِنْتُو تُبْتُوا بِالصَّحِيحْ!

يُوحَنَّا 12:35

وَ عِيسَى قَالْ لَيْهُمْ: «النُّورْ يَقْعُدْ مَعَاكُو وَكِتْ شِيَّةْ بَسْ. رُوغُوا فِي النُّورْ أَشَانْ الضَّلَامْ مَا يِنَّصِرْ فَوْقكُو. النَّادُمْ الْيُرُوغْ فِي الضَّلَامْ مَا يَعَرِفْ الْبَكَانْ الْهُو مَاشِي لَيَّهْ.

رَوْمَا 13:12

اللَّيْل قَرِيبْ يِكَمِّلْ وَ النَّهَارْ جَايِ قَرِيبْ. خَلَاصْ، وَاجِبْ نِخَلُّوا مِنِّنَا كُلَّ فِعِلْ الضَّلَامْ وَ نِجَهُّزُوا نُفُوسْنَا أَشَانْ نِعِيشُوا فِي النُّورْ.

كُلُوسِي 1:12

وَ تَشْكُرُوا دَايْماً اللّٰهْ أَبُوكُو الْجَعَلَاكُو جَاهِزِينْ لِتِشَارُكُوا فِي وَرَثَةْ الصَّالِحِينْ فِي مَمْلَكَةْ النُّورْ.