أفَسُس 5:4 - الكتاب المقدس بالعربي الدارجي هنا تشاد

⁴ أَبَداً مَا تِحَجُّوا كَلَامْ شَيْن وَ لَا كَلَامْ هَنَا سَفَاهَةْ وَ أَبَداً مَا تَلْعَبَوْا أَمْبَيْنَاتْكُو بِكَلَامْ فَسِلْ. كُلَّ الْكَلَامْ الْمِثِلْ دَا، مَا وَاجِبْ. فِي بَدَلَهْ، حَجُّوا بِشُكُرْ.

أفَسُس 5:4 Referenca të Kryqëzuara

كُلُوسِي 3:8

لَاكِنْ هَسَّعْ، خَلُّوا مِنْكُو كُلَّ شَيّءْ الْمَا عَدِيلْ. خَلُّوا مِنْكُو الْغَبِينَةْ وَ الزَّعَلْ وَ الْحَسِيفَةْ وَ الْقَطِيعَةْ وَ الْكَلَامْ الشَّيْن.

أفَسُس 4:29

أَبَداً مَا تِحَجُّوا كَلَامْ شَيْن. وَاجِبْ تِحَجُّوا دَايْماً كَلَامْ سَمَحْ الْيِقَوِّي النَّاسْ وَ الْكَلَامْ الْمُوَافِقْ لَيْهُمْ أَشَانْ يَبْقَى بَرَكَةْ لِلنَّاسْ الْيَسْمَعَوْه.

1 تَسَلونِيكِي 5:18

وَ أَشْكُرُوا اللّٰهْ فِي كُلِّ حَالْ. دَا بَسْ الشَّيّءْ الْاللّٰهْ يِدَوْرَهْ مِنْكُو فِي دَرِبْ عِيسَى الْمَسِيحْ.

أمْثال 15:2

لِسَانْ الْحَكِيمْ يِجَمِّلْ الْعِلِمْ وَ مِنْ خَشُمْ الْمَطْمُوسْ يِسِيلْ النِّفَاقْ.

جامِعة 10:13

كَلَامَهْ فِي الْبِدَايَةْ هُو طَمَاسَةْ وَ فِي النِّهَايَةْ هُو جَهَالَةْ وَ شَرّ.

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

عِبْرَانِيِّين 13:15

فِي بَدَلْ الضَّحِيَّةْ هَنَا الْبَهَايِمْ، خَلِّي نَعَبُدُوا اللّٰهْ بِدَرِبْ عِيسَى وَ نِقَدُّمُوا لِلّٰهْ دَايْماً ضَحِيَّةْ شُكُرْ. وَ دَا مَعَنَاتَهْ الشُّكُرْ الْجَايِ مِنْ النَّاسْ الْيَعَرْفُوا أُسُمْ اللّٰهْ.

فِلِبِّي 4:6

مَا تِهِمُّوا لِأَيِّ شَيّءْ لَاكِنْ فِي كُلِّ حَالْ، أَشْكُرُوا اللّٰهْ وَ قَدُّمُوا لَيَّهْ طَلَبْكُو بِصَلَاةْ وَ دُعَا.

يَهُوذَا 1:10

بِالْعَكْس، النَّاسْ دَوْل يُقُولُوا كَلَامْ فَسِلْ فِي أَيِّ شَيّءْ الْمَا فِهْمَوْه. هُمَّنْ مِثِلْ الْحَيْوَانَاتْ، مَا عِنْدُهُمْ عَقُلْ. يِتَابُعُوا أَيِّ شَيّءْ الْيَجِي لَيْهُمْ فِي فِكِرْهُمْ وَ أَشَانْ دَا، أَكِيدْ يِدَّمَّرَوْا.

2 كُرُنْتُس 9:15

وَ الْحَمْدُ للّٰهْ! الْعَطِيَّةْ الْهُو أَنْطَاهَا، مَا فِي شَيّءْ يِقَادِرْهَا.

مَرْخُوس 7:22

وَ الزِّنَى وَ الطَّمَعْ وَ الْفَسَالَةْ وَ الْغَشّ وَ الْفَسَادْ وَ عَيْن النَّاسْ وَ الْقَطِيعَةْ وَ الْإِسْتِكْبَارْ وَ الْعَمَلْ الْبَلَا فِكِرْ.

زَبُور 92:1

عَدِيلْ كَنْ نَشْكُرُوا اللّٰهْ وَ نَمْدَحَوْا أُسْمَكْ، يَا الْعَالِي!

يَهُوذَا 1:13

عَيْب النَّاسْ دَوْل مِثِلْ الرِّغْوَةْ الْيِجِيبْهَا مَوْج الْبَحَرْ الشَّدِيدْ. هُمَّنْ مِثِلْ نُجُومْ رَايْغِينْ وَ اللّٰهْ جَهَّزْ لَيْهُمْ الضَّلَامْ الْأَزْرَقْ كُرُمْ إِلَى الْأَبَدْ.

2 كُرُنْتُس 1:11

وَ إِنْتُو كُلَ وَاجِبْ تِعَاوُنُونَا بِدُعَاكُو. وَ اللّٰهْ يَقْبَلْ دُعَاكُو الْكَتِيرْ وَ بِسَبَبْ دُعَاكُو دَا، هُو يِبَارِكْنَا وَ خَلَاصْ نَاسْ كَتِيرِينْ يَشْكُرُوا اللّٰهْ فِي شَانَّا.

رَوْمَا 1:28

النَّاسْ أَبَوْا مَا يَعَرْفُوا اللّٰهْ وَ أَشَانْ دَا، اللّٰهْ سَلَّمَاهُمْ لِعُقُولْهُمْ الْفَاسْدِينْ وَ قَمَّوْا يِسَوُّوا الشَّيّءْ الْمَا وَاجِبْ يِسَوُّوهْ.

أمْثال 12:23

النَّادُمْ الْعَاقِلْ مَا يِفَاشِرْ بِعِلْمَهْ وَ لَاكِنْ قَلْب الْمَطْمُوسْ يَقْبَلْ النِّفَاقْ.

2 بُطْرُس 2:7

وَ نَعَرْفُوا اللّٰهْ فَزَعْ لُوطْ. وَ لُوطْ هُو نَادُمْ صَالِحْ التِّعِبْ زِيَادَةْ بِسَبَبْ فَسَادْ الْعَاصِيِينْ.

زَبُور 33:1

يَا الصَّالِحِينْ! زَغْرُطُوا لِلّٰهْ مِنْ الْفَرَحْ! حَمْد اللّٰهْ يِوَافِقْ مَعَ النَّاسْ الْعَدِيلِينْ.

فِلِمُون 1:8

وَ أَشَانْ دَا، نِدَوْر نَطْلُبْ مِنَّكْ شَيّءْ وَاحِدْ. عِنْدِي حَقّ فِي الْمَسِيحْ لِنَامُرَكْ طَوَّالِي أَشَانْ تِسَوِّي الشَّيّءْ النِّدَوْرَهْ.

1 تَسَلونِيكِي 3:9

مِنْ شِدَّةْ الْفَرْحَةْ، مَا نَعَرْفُوا كِكَّيْف نَشْكُرُوا اللّٰهْ فِي شَانْكُو. أَيْوَى فِي شَانْكُو إِنْتُو، نَفْرَحَوْا قِدَّامْ اللّٰهْ بِفَرْحَةْ كَبِيرَةْ بِلْحَيْن.

أفَسُس 1:16

أَنَا قَاعِدْ نَشْكُرْ اللّٰهْ دَايْماً فِي شَانْكُو وَ نِفَكِّرْ لَيْكُو فِي أَيِّ وَكِتْ النِّصَلِّي.

يُوحَنَّا 6:23

وَ مَرَاكِبْ وَاحِدِينْ مِنْ حِلَّةْ طِبِرِيَاسْ جَوْا فِي الْبَكَانْ الْفَوْقَهْ الرَّبّ عِيسَى شَكَرْ اللّٰهْ وَ النَّاسْ أَكَلَوْا الْخُبْزَةْ.

دَنْيال 6:10

وَ وَكِتْ دَنْيَالْ سِمِعْ كَدَرْ الْمَلِكْ مَضَى الْقَرَارْ دَا، هُو مَشَى بَيْتَهْ. وَ فِي الْغُرْفَةْ التَّانِيَةْ هَنَا الْقَصِرْ، فِيَّهْ شَبَابِيكْ مَفْتُوحِينْ عَلَيْ مَدِينَةْ الْقُدُسْ وَ هِنَاكْ دَنْيَالْ يَرْكَعْ تَلَاتَةْ مَرَّاتْ فِي الْيَوْم. وَ فِي الْيَوْم دَا، هُو صَلَّى لِلّٰهْ وَ حَمَدَهْ مِثِلْ هُو قَاعِدْ يِسَوِّيهْ دَايْماً.