أفَسُس 5:3 - الكتاب المقدس بالعربي الدارجي هنا تشاد

³ لَاكِنْ الزِّنَى وَ الْحَالْ الشَّيْنَةْ وَ الطَّمَعْ، خَلِّي يَبْقَوْا مَا فِيهُمْ أَمْبَيْنَاتْكُو مَرَّةْ وَاحِدْ. وَ مَا تِحَجُّوا فَوْقهُمْ أَبَداً. دَوْل مَا أَفْعَالْ هَنَا نَاسْ صَالِحِينْ.

أفَسُس 5:3 Referenca të Kryqëzuara

كُلُوسِي 3:5

أَشَانْ دَا، قُشُّوا مَرَّةْ وَاحِدْ مِنْ أَفْكَارْكُو كُلَّ شَيّءْ الْمِنْ الْأَرْض مِثِلْ الزِّنَى وَ الْحَالْ الشَّيْنَةْ وَ الشَّهْوَاتْ الْفَسْلِينْ وَ النِّيَّةْ الْفَسْلَةْ وَ الطَّمَعْ. وَ بِالصَّحِيحْ، الطَّمَعْ هُو مِثِلْ عِبَادَةْ الْأَصْنَامْ.

أفَسُس 5:5

نِأَكِّدْ لَيْكُو كَنْ نَادُمْ زَنَّايْ وَلَّا نِجِسْ وَلَّا طَمَّاعْ، هُو مَا يَلْقَى شَيّءْ فِي مَمْلَكَةْ اللّٰهْ وَ الْمَسِيحْ. الطَّمَعْ هُو مِثِلْ عِبَادَةْ الْأَصْنَامْ.

1 تَسَلونِيكِي 4:3

الشَّيّءْ الْاللّٰهْ يِدَوْرَهْ لَيْكُو هُو الْحَالْ الصَّالْحَةْ. مَا تِقَرُّبُوا لِلزِّنَى.

1 كُرُنْتُس 6:18

خَلَاصْ، بَعُّدُوا مِنْ الزِّنَى. كُلَّ الذُّنُوبْ الْآخَرِينْ الْيِسَوِّيهُمْ الْإِنْسَانْ مَا يِلَمُّسُوا الْجِسِمْ، لَاكِنْ الزَّنَّايْ هُو بَسْ يُضُرّ جِسْمَهْ.

1 تَسَلونِيكِي 4:7

أَشَانْ اللّٰهْ مَا نَادَانَا لِلْفَسَادْ. اللّٰهْ نَادَانَا لِنَبْقَوْا صَالِحِينْ.

1 كُرُنْتُس 6:13

وَ قُلْتُوا: «الْبَطُنْ قَاعِدَةْ لِلْأَكِلْ وَ الْأَكِلْ قَاعِدْ لِلْبَطُنْ.» أَيْوَى، فِي الأَخِيرْ اللّٰهْ يِدَمِّرْ الْأَكِلْ وَ الْبَطُنْ سَوَا. وَ لَاكِنْ الْجِسِمْ مَا قَاعِدْ لِلزِّنَى. الْجِسِمْ قَاعِدْ فِي شَانْ رَبِّنَا عِيسَى وَ رَبِّنَا بَعَثْ فِي شَانْ الْجِسِمْ.

أفَسُس 5:12

أَشَانْ الشَّيّءْ الْهُمَّنْ قَاعِدِينْ يِسَوُّوهْ بِتَلْبِيدْ شَيْن بِلْحَيْن لَحَدِّي نَخْجَلَوْا كَنْ نِحَجُّوا بَيَّهْ.

مَتَّى 15:19

أَشَانْ مِنْ دَاخَلْ قَلِبْ الْإِنْسَانْ يَمْرُقْ الْفِكِرْ الشَّيْن وَ الْكَتِلْ وَ الزِّنَى وَ الْفَسَالَةْ وَ السِّرْقَةْ وَ الشَّهَادَةْ بِالْكِدِبْ وَ كَلَامْ الْكُفُرْ.

رُؤية 2:21

أَنَا أَنْطَيْتهَا فُرْصَةْ لِتُتُوبْ مِنْ ذُنُوبْهَا لَاكِنْ هِي أَبَتْ مَا تَابَتْ مِنْ الزِّنَى.

1 كُرُنْتُس 10:8

وَاجِبْ مَا نَزْنَوْا مِثِلْ وَاحِدِينْ مِنْهُمْ زَنَوْا. وَ فِي يَوْم وَاحِدْ بَسْ، 23 000 نَاسْ مَاتَوْا.

رُؤية 22:15

وَ بَرَّا مِنْ الْمَدِينَةْ، فِيَّهْ الْفَاسْدِينْ وَ السَّحَّارِينْ وَ الزَّنَّايِينْ وَ كَتَّالِينْ الدِّمَمْ وَ النَّاسْ الْيَعَبُدُوا الْأَصْنَامْ وَ النَّاسْ الْكَلَامْهُمْ وَ خِدْمِتْهُمْ كِدِبْ.

رُؤية 21:8

لَاكِنْ الْخَوَّافِينْ وَ الْمَا مُؤمِنِينْ وَ الْفَاسْدِينْ وَ كَتَّالِينْ الدِّمَمْ وَ الزَّنَّايِينْ وَ السَّحَّارِينْ وَ عَابِدِينْ الْأَصْنَامْ وَ كُلَّ الْكَدَّابِينْ، بَكَانْهُمْ يَبْقَى بَحَرْ النَّارْ وَ الْكِبْرِيتْ الْأَصْفَرْ. وَ دَا بَسْ الْمَوْت التَّانِي.»

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

1 كُرُنْتُس 5:1

سِمِعْت كَلَامْ عَجِيبْ بِلْحَيْن فَوْقكُو. يُقُولُوا نَادُمْ مِنْكُو قَاعِدْ يِسَوِّي زِنَى النَّاسْ الْمَا مُؤمِنِينْ كُلَ مَا يِسَوُّوهْ. يُقُولُوا نَادُمْ وَاحِدْ قَاعِدْ يَزْنَى مَرِةْ أَبُوهْ.

حِزْقِيال 33:31

وَ شَعَبِي يَجُوا لَيْك بِكَتَرَةْ وَ يَقْعُدُوا قِدَّامَكْ. وَ يَسْمَعَوْا كَلَامَكْ وَ لَاكِنْ مَا يِطَبُّقُوهْ. يُغُشُّوا بِكَلَامْهُمْ وَ يَمْشُوا وَرَاءْ مَالْ الْحَرَامْ.

خُروج 20:17

«مَا تِتْمَنَّى بَيْت جَارَكْ وَ لَا مَرْتَهْ وَ لَا عَبْدَهْ وَ لَا خَادْمَهْ وَ لَا تَوْرَهْ وَ لَا حُمَارَهْ وَ لَا أَيِّ شَيّءْ هَنَايَهْ.»

رُؤية 9:21

وَ النَّاسْ مَا تَابَوْا مِنْ الْكَتِلْ وَ لَا السِّحِرْ وَ لَا الزِّنَى وَ لَا السِّرْقَةْ الْقَاعِدِينْ يِسَوُّوهُمْ.

2 بُطْرُس 2:3

طَمَعْهُمْ كَتِيرْ لِلْمَالْ وَ يَكْدُبُوا لَيْكُو وَ يِشِيلُوا مِنْكُو بِكَلَامْ غَشّ. وَ مِنْ زَمَانْ، اللّٰهْ قَرَّرْ لَيْهُمْ الْعَذَابْ وَ أَكِيدْ الْهَلَاكْ الْيَجِي فَوْقهُمْ جَاهِزْ.

عِبْرَانِيِّين 12:16

أَنْقَرْعُوا أَشَانْ نَادُمْ مَا يَبْقَى زَنَّايْ وَلَّا كَافِرْ مِثِلْ عِيسُو الْعِصِي اللّٰهْ. هُو بَاعْ حَقّ الْبُكُورِيَّةْ فِي شَانْ أَكْلَةْ وَاحِدَةْ بَسْ.

2 كُرُنْتُس 12:21

أَكُونْ وَكِتْ نَجِيكُو، اللّٰهْ يِجِيبْ لَيِّ بَتَّانْ الْعَيْب قِدَّامْكُو. وَ نَحْزَنْ فِي شَانْ النَّاسْ الْكَتِيرِينْ الْأَوَّلْ أَذْنَبَوْا وَ مَا تَابَوْا مِنْ الْحَالْ الْخَبِيثَةْ وَ الزِّنَى وَ الْفَسَادْ الْأَوَّلْ سَوَّوْهُمْ.

تِيطُس 2:3

وَ وَصِّي الْعَجَايِزْ كُلَ أَشَانْ حَالْهِنْ تَبْقَى تَقِيَّةْ وَ مَا يَبْقَنْ قَوَّالَاتْ وَ لَا سَكَّارِيَّاتْ. خَلِّي يِعَلِّمَنْ أَخْوَاتْهِنْ كِكَّيْف يِسَوَّنْ الْخَيْر.

2 تِمُوتَاوُس 3:2

وَ فِي الزَّمَنْ دَا، النَّاسْ يِحِبُّوا نُفُوسْهُمْ بِزِيَادَةْ وَ يِحِبُّوا الْقُرُسْ بِلْحَيْن. وَ يَبْقَوْا فَشَّارِينْ وَ مُسْتَكْبِرِينْ وَ يِكَلُّمُوا كَلَامْ كُفُرْ وَ يَبْقَوْا عَايْقِينْ وَالْدَيْنهُمْ وَ نَسَّايِينْ الْخَيْر وَ فَاسْدِينْ.

أعمال الرُسُل 15:20

لَاكِنْ خَلِّي نَكْتُبُوا لَيْهُمْ جَوَابْ وَ نُقُولُوا لَيْهُمْ وَاجِبْ يِخَلُّوا مِنْهُمْ كُلَّ شَيّءْ نِجِسْ بِسَبَبْ عِبَادَةْ الْأَصْنَامْ وَ مَا وَاجِبْ يَزْنَوْا وَ مَا يَاكُلُوا لَحَمْ الْفَطِيسْ وَ مَا يَاكُلُوا دَمّ.

خُروج 18:21

وَ بَعَدْ دَا، أَعَزِلْ مِنْ كُلَّ الشَّعَبْ رُجَالْ قَادْرِينْ وَ خَايْفِينْ مِنْ الرَّبّ وَ أَمِينِينْ وَ مَا يَقْبَلَوْا الرَّشْوَةْ. وَ خُطُّهُمْ مَسْؤُولِينْ فِي الشَّعَبْ. وَاحِدِينْ مِنْهُمْ يِسَوُّوا شَرِيعَةْ لِأَلِفْ نَادُمْ وَ لِمِيَةْ وَ لِخَمْسِينْ وَ لَا عَشَرَةْ.

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

2 بُطْرُس 2:10

وَ مِثِلْ دَا، أَكِيدْ يِعَاقِبْ النَّاسْ الْيِتَابُعُوا شَهْوَاتْهُمْ الْخَبِيثَةْ التِّنَجِّسْهُمْ وَ يَحْقُرُوا سُلْطَةْ الرَّبّ. هُمَّنْ مُسْتَكْبِرِينْ وَ مُتَمَرِّدِينْ وَ هَيِّنْ لَيْهُمْ يُقُولُوا كَلَامْ فَسِلْ فِي سُكَّانْ الْمَجْد.

1 بُطْرُس 5:2

أَسْرَحَوْا بِالْمُؤمِنِينْ الْمِثِلْ غَنَمْ أَشَانْ اللّٰهْ كَلَّفَاكُو بَيْهُمْ مِثِلْ رُعْيَانْ. وَ شِيلُوا الْمَسْؤُولِيَّةْ فَوْقهُمْ مَا مِثِلْ جَبَرَوْكُو لَاكِنْ بِنِيِّتْكُو قِدَّامْ اللّٰهْ وَ مَا أَشَانْ تِدَوْرُوا مِنْهُمْ رِبَا الْمَا وَاجِبْ لَاكِنْ شِيلُوا الْمَسْؤُولِيَّةْ دِي بِفَرَحْ.

تِيطُس 1:11

وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

1 تِمُوتَاوُس 3:3

وَاجِبْ مَا يَبْقَى سَكَّارِي وَ لَا دَاوَاسِي لَاكِنْ وَاجِبْ يَبْقَى نَادُمْ عِنْدَهْ نَفَسْ بَارِدْ وَ مَا سِيدْ مَشَاكِلْ وَ لَا طَمَّاعْ.

1 تِمُوتَاوُس 2:10

لَاكِنْ خَلِّي تِلْجَمَّلْ بِعَمَلْ الْخَيْر مِثِلْ مُوَافِقْ لِلْمَرَةْ التِّتَابِعْ دَرِبْ اللّٰهْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

رَوْمَا 16:2

أَقْبَلَوْهَا بِأُسُمْ الرَّبّ وَ ضَيُّفُوهَا بِالضِّيفَةْ الْوَاجْبَةْ لِلنَّاسْ الصَّالِحِينْ. سَاعُدُوهَا فِي أَيِّ شَيّءْ الْهِي تِدَوْرَهْ مِنْكُو أَشَانْ هِي ذَاتْهَا سَاعَدَتْ نَاسْ كَتِيرِينْ وَ سَاعَدَتْنِي أَنَا كُلَ.

رَوْمَا 6:13

مَا تِسَلُّمُوا بَتَّانْ أَجْسَامْكُو لِلذَّنِبْ مِثِلْ آلَةْ الْيِسَوُّوا بَيْهَا الشَّرّ. لَاكِنْ بِالْعَكْس، إِنْتُو ذَاتْكُو سَلُّمُوا نُفُوسْكُو لِلّٰهْ مِثِلْ نَاسْ الْبَعَثَوْا مِنْ أُسْط الْمَيْتِينْ. وَ سَلُّمُوا أَجْسَامْكُو لِلّٰهْ مِثِلْ آلَةْ الْيِسَوُّوا بَيْهَا الْخَيْر.

رَوْمَا 1:29

وَ قُلُوبْهُمْ أَنْمَلَوْا بِكُلَّ الذُّنُوبْ وَ الْفَسَالَةْ وَ الطَّمَعْ وَ النِّيَّةْ الْفَاسْدَةْ. هُمَّنْ مَلَانِينْ بِالْحُسُدْ وَ الْكَتِلْ وَ الْمُخَاصَمَةْ وَ الْغَشّ وَ الشَّرّ. هُمَّنْ قَوَّالِينْ

أعمال الرُسُل 20:33

أَبَداً أَنَا مَا دَوَّرْت نِشِيلْ شَيّءْ مِنْ أَيِّ وَاحِدْ مِنْكُو وَ لَا فُضَّةْ وَ لَا دَهَبْ وَ لَا خَلَقْ.

لُوقا 16:14

الْفَرِيزِيِّينْ سِمْعَوْا الْكَلَامْ دَا وَ أَشَّمَّتَوْا لِعِيسَى أَشَانْ هُمَّنْ يِحِبُّوا الْمَالْ.

مِيخا 2:2

هُمَّنْ يَطْمَعَوْا فِي زِرَاعَةْ الْآخَرِينْ وَ يَقْلَعَوْهُمْ وَ يِتْمَنَّوْا الْبُيُوتْ وَ يِشِيلُوهُمْ. يَظُلْمُوا النَّاسْ وَ عَايِلَاتْهُمْ وَ رُجَالْ وَ وَرَثَتْهُمْ.

إرْمِيا 22:17

وَ لَاكِنْ إِنْتَ نَظَرَكْ وَ فِكْرَكْ كُلَّ فِي الْفَايْدَةْ بَسْ. وَ تِدَوْر تِدَفِّقْ دَمّ الْبَرِي وَ تُقُمّ بِعُنُفْ وَ ظُلُمْ.»

إرْمِيا 8:10

وَ اللّٰهْ قَالْ: «وَ بِسَبَبْ دَا، نَنْطِي عَوِينْهُمْ لِنَاسْ آخَرِينْ وَ زِرَاعِتْهُمْ كُلَ لِلْيِشِيلُوهُمْ. أَشَانْ مِنْ الضَّعِيفْ لَحَدِّي الْقَادِرْ كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

إرْمِيا 6:13

مِنْ الضَّعِيفْ لَحَدِّي الْقَادِرْ، كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

أمْثال 28:16

الْحَاكِمْ الْمَا عِنْدَهْ فِهِمْ يِكَتِّرْ ظُلْمَهْ وَ لَاكِنْ الْيَكْرَهْ الْمَالْ الْحَرَامْ يُطُولْ عُمْرَهْ.

زَبُور 119:36

مَيِّلْ قَلْبِي عَلَيْ وَصِيَّاتَكْ وَ مَا تِمَيِّلَهْ عَلَيْ الْمَالْ الْحَرَامْ.

زَبُور 10:3

أَشَانْ الْعَاصِي فَرْحَانْ بِطَمَعَهْ وَ وَكِتْ يِوَصِّلْ هَدَفَهْ، هُو يِعَيِّرْ اللّٰهْ.

1 صَمُوِيل 8:3

لَاكِنْ الْأَوْلَادْ دَوْل مَا تَابَعَوْا دَرِبْ أَبُوهُمْ. دَوَّرَوْا مَصْلَحَةْ نَفِسْهُمْ وَ يَقْبَلَوْا الرَّشْوَةْ وَ يِدَنْقُسُوا الشَّرِيعَةْ.

يَشُوع 7:21

أَنَا شِفْت فِي الْغَنِيمَةْ اللِّقِينَاهَا فِي الْحَرِبْ، خَلَقْ جَمِيلْ مِنْ شِنْعَارْ وَ 200 حَجَرْ فُضَّةْ وَ حَفِيضَةْ هَنَا دَهَبْ وَزِنْهَا 72 جِنَيْه. وَ الْخُمَامْ دَا عَجَبَانِي وَ أَنَا شِلْتَهْ وَ دَاهُو مَدْفُونْ فِي التُّرَابْ فِي لُبّ خَيْمِتِي وَ الْفُضَّةْ تِحْتَهْ.»

عَدد 25:1

وَكِتْ بَنِي إِسْرَائِيلْ قَعَدَوْا فِي شِطِّيمْ، قَمَّوْا يَفْسُدُوا مَعَ بَنَاتْ الْمُوَابِيِّينْ.

خُروج 23:13

«سَوُّوا كُلَّ شَيّءْ الْقُلْتَهْ لَيْكُو. وَ مَا تِحَجُّوا بِأُسُمْ إِلٰـهْ آخَرْ وَ لَا يِنْسَمِعْ فِي خُشُومْكُو.

1 تِمُوتَاوُس 6:10

أَشَانْ حُبّ الْمَالْ، هُو قَعَرْ كُلَّ الْفَسَالَةْ. بِسَبَبْ الطَّمَعْ، نَاسْ وَاحِدِينْ وَدَّرَوْا. مَرَقَوْا مِنْ دَرِبْ الْإِيمَانْ وَ جَابَوْا فِي رَاسْهُمْ نَدَامَةْ شَدِيدَةْ.

لُوقا 12:15

وَ عِيسَى حَجَّى لِلنَّاسْ وَ قَالْ: «أَنْقَرْعُوا وَ أَوْعُوا بَالْكُو مِنْ أَيِّ شَيّءْ هَنَا طَمَعْ. أَشَانْ حَيَاةْ الْإِنْسَانْ مَا تَمْشِي حَسَبْ كَتَرَةْ مَالَهْ.»

لاوِيِّين 15:18

وَ كَنْ رَاجِلْ رَقَدْ مَعَ مَرَةْ، هُمَّنْ الْإِتْنَيْن وَاجِبْ يِلْبَرَّدَوْا. وَ بَيْدَا كُلَ، يُكُونُوا نِجْسِينْ لَحَدِّي الْعَشِيَّةْ.