أفَسُس 5:12 - الكتاب المقدس بالعربي الدارجي هنا تشاد

¹² أَشَانْ الشَّيّءْ الْهُمَّنْ قَاعِدِينْ يِسَوُّوهْ بِتَلْبِيدْ شَيْن بِلْحَيْن لَحَدِّي نَخْجَلَوْا كَنْ نِحَجُّوا بَيَّهْ.

أفَسُس 5:12 Referenca të Kryqëzuara

أفَسُس 5:3

لَاكِنْ الزِّنَى وَ الْحَالْ الشَّيْنَةْ وَ الطَّمَعْ، خَلِّي يَبْقَوْا مَا فِيهُمْ أَمْبَيْنَاتْكُو مَرَّةْ وَاحِدْ. وَ مَا تِحَجُّوا فَوْقهُمْ أَبَداً. دَوْل مَا أَفْعَالْ هَنَا نَاسْ صَالِحِينْ.

رَوْمَا 2:16

وَ حَسَبْ بِشَارَةْ الْمَسِيحْ النِّبَلِّغْهَا، دَا كُلَّ كَيْ يَبْقَى وَاضِحْ فِي الْيَوْم الْاللّٰهْ يِحَاسِبْ فَوْقَهْ النَّاسْ بِوَاسِطَةْ عِيسَى الْمَسِيحْ. وَ هُو يِحَاسِبْ النَّاسْ فِي الْعَمَلْ الْيِسَوُّوهْ بِعَشِيرْ.

إرْمِيا 23:24

وَ هَلْ فِي إِنْسَانْ الْيِلَّبَّدْ فِي بَكَانْ وَ أَنَا مَا نِشِيفَهْ وَلَّا؟ وَ دَا كَلَامْ اللّٰهْ. هَلْ أَنَا مَا نَمْلَا السَّمَاوَاتْ وَ الْأَرْض وَلَّا؟» وَ دَا كَلَامْ اللّٰهْ.

جامِعة 12:14

أَشَانْ الرَّبّ يِحَاسِبْ كُلَّ عَمَلْ الْإِنْسَانْ حَتَّى كَانْ مُلَبَّدْ كُلَ، كَنْ زَيْن وَلَّا فَسِلْ.

2 صَمُوِيل 12:12

أَيْوَى، إِنْتَ سَوَّيْت الشَّيّءْ دَا بِعَشِيرْ لَاكِنْ أَنَا نِوَصِّفَهْ قِدَّامْ كُلَّ بَنِي إِسْرَائِيلْ بِالنَّهَارْ.›»

رُؤية 20:12

وَ شِفْت كُلَّ الْمَيْتِينْ كُبَارْ وَ صُغَارْ وَاقْفِينْ قِدَّامْ الْعَرْش. وَ الْكُتُبْ فَتَحَوْهُمْ. وَ بَتَّانْ كِتَابْ آخَرْ فَتَحَوْه وَ هُو كِتَابْ الْحَيَاةْ. وَ كُلَّ خِدْمَةْ الْمَيْتِينْ الْأَوَّلْ سَوَّوْهَا مَكْتُوبَةْ فِي الْكُتُبْ. وَ هُمَّنْ يِحَاسُبُوهُمْ حَسَبْ الشَّيّءْ الْمَكْتُوبْ فِي الْكُتُبْ.

1 بُطْرُس 4:3

كَفَاكُو! أَشَانْ مِنْ زَمَانْ، إِنْتُو قَعَدْتُوا وَكِتْ طَوِيلْ فِي عَمَلْ الْقَاعِدِينْ يِسَوُّوا النَّاسْ الْمَا مُؤمِنِينْ. هُمَّنْ قَاعِدِينْ يِسَوُّوا الْفَسَادْ وَ شَهْوَاتْهُمْ الشَّيْنِينْ وَ السَّكَرْ وَ حَفْلَاتْ الزِّنَى وَ السَّفَاهَةْ. وَ يَعَبُدُوا الْأَصْنَامْ الْاللّٰهْ حَرَّمَاهُمْ.

أمْثال 9:17

«الشَّرَابْ الْمَسْرُوقْ، لَذِيذْ وَ الْأَكِلْ الْمُلَبَّدْ، حَلُو.»

أفَسُس 5:11

مَا تِشَارُكُوا فِي عَمَلْ هَنَا أَهَلْ الضَّلَامْ الْمَا يِجِيبْ نَتِيجَةْ عَدِيلَةْ. أَخَيْر تَكْشِفْ الشَّيّءْ الْهُمَّنْ قَاعِدِينْ يِسَوُّوهْ.

أفَسُس 5:13

أَشَانْ أَيِّ شَيّءْ كَنْ أَنْكَشَفْ فِي النُّورْ، خَلَاصْ يِنْشَافْ.