أفَسُس 4:8 - الكتاب المقدس بالعربي الدارجي هنا تشاد

⁸ وَ أَشَانْ دَا، الْكِتَابْ بُقُولْ: <وَكِتْ هُو طَلَعْ فَوْق فِي الْعَالِي، هُو شَالْ مَعَايَهْ مَسَاجِينْ وَ أَنْطَى لِلنَّاسْ عَطَايَا.>

أفَسُس 4:8 Referenca të Kryqëzuara

زَبُور 68:18

يَا اللّٰهْ الرَّبّ! إِنْتَ طَلَعْت فِي الْعَالِي وَ كَرَبْت مَسَاجِينْ وَ شِلْت هَدَايَا مِنْ النَّاسْ حَتَّى مِنْ الْحَرَامِيِّينْ كُلَ وَ سَوَّيْت مَسْكَنَكْ فِي جَبَلْ صَهْيُون.

كُلُوسِي 2:15

وَ بِمِثِلْ دَا، هُو دَمَّرْ الْقُدْرَةْ الْبَيْهَا حُكَّامْ وَ كُبَارَاتْ الشَّوَاطِينْ يَحْكُمُونَا. وَ هُو عَيَّبَاهُمْ قِدَّامْ كُلَّ النَّاسْ. هُو أَنَّصَرْ فَوْقهُمْ فِي صَلِيبْ الْمَسِيحْ وَ سَوَّاهُمْ مِثِلْ مَسَاجِينْ الْحَرْب الْيُسُوقُوهُمْ بَعَدْ أَنْهَزَمَوْا.

1 صَمُوِيل 30:26

وَ وَكِتْ دَاوُدْ قَبَّلْ فِي صِقْلَاقْ، رَسَّلْ مِنْ الْغَنِيمَةْ لِرُفْقَانَهْ كُبَارَاتْ بَلَدْ يَهُوذَا. وَ قَالْ لَيْهُمْ: «دَاهُو هَدِيَّةْ لَيْكُو مِنْ الْغَنِيمَةْ الشِّلْنَاهَا مِنْ عُدْوَانْ اللّٰهْ.»

أسْتِير 2:18

وَ الْمَلِكْ سَوَّى عَازُومَةْ كَبِيرَةْ لِكُلَّ مَسَائِيلَهْ وَ خَدَّامِينَهْ وَ الْعَازُومَةْ دِي تُخُصّ أَسْتِيرْ. وَ أَمَرْ مَا يِشِيلُوا مِيرِي مِنْ سُكَّانْ الْوُلَايَاتْ وَ قَسَّمْ هَدَايَا بِجُودْ الْمَمْلَكَةْ.

قُضياء 5:12

«يَلَّا قُمِّي! يَلَّا قُمِّي، يَا دَبُورَةْ. يَلَّا قُمِّي! يَلَّا قُمِّي وَ غَنِّي. يَلَّا قُمّ، يَا بَارَاقْ وِلَيْد أَبِنُوعَمْ! وَ جِيبْ مَسَاجِينَكْ.

أمْثال 30:4

يَاتُو الطَّلَعْ فِي السَّمَاءْ وَ نَزَلْ مِنَّهْ؟ وَ يَاتُو الْكَرَبْ الرِّيحْ فِي لُبّ إِيدَيْنَهْ؟ وَ يَاتُو الصَّرَّ أَلْمِي فِي لُبّ خَلَقَهْ؟ وَ يَاتُو الْخَلَقْ الْأَرْض وَ خَطَّ حُدُودْهَا؟ وَ هُو أُسْمَهْ يَاتُو وَ يَاتُو أُسُمْ وِلَيْدَهْ؟ قُولْ لَيِّ كَنْ إِنْتَ تَعَرْفَهْ!»

أفَسُس 4:11

وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.