أفَسُس 4:5 - الكتاب المقدس بالعربي الدارجي هنا تشاد

⁵ وَ رَبِّنَا هُو وَاحِدْ وَ إِيمَانَّا وَاحِدْ وَ غَطِّسِينَّا كُلَ وَاحِدْ.

أفَسُس 4:5 Referenca të Kryqëzuara

1 كُرُنْتُس 8:6

وَ لَاكِنْ لَيْنَا أَنِحْنَ الْمُؤمِنِينْ، اللّٰهْ وَاحِدْ بَسْ. وَ هُو أَبُونَا الْخَلَقْ كُلَّ شَيّءْ وَ أَنِحْنَ نَحْيَوْا لَيَّهْ هُو. وَ الرَّبّ وَاحِدْ بَسْ وَ هُو عِيسَى الْمَسِيحْ وَ بَيَّهْ هُو كُلَّ شَيّءْ مَوْجُودْ وَ بَيَّهْ هُو أَنِحْنَ حَيِّينْ.

1 كُرُنْتُس 12:13

أَشَانْ غَطَّسَوْنَا كُلِّنَا بِالرُّوحْ الْقُدُّوسْ الْوَاحِدْ لِنَبْقَوْا جِسِمْ وَاحِدْ وَ دَا جِسِمْ الْمَسِيحْ. وَ سَوَّى نَفْس الشَّيّءْ لَيْنَا كُلِّنَا كَنْ أَنِحْنَ يَهُودْ أَوْ مَا يَهُودْ، وَ كَنْ أَنِحْنَ عَبِيدْ أَوْ حُرِّينْ. وَ الرُّوحْ الْقُدُّوسْ بِقِي لَيْنَا مِثِلْ الشَّرَابْ الْوَاحِدْ الْكُلِّنَا كَيْ شِرِبْنَا مِنَّهْ.

1 بُطْرُس 3:21

وَ دَا مَثَلْ هَنَا الْغَطِّسِينْ الْهَسَّعْ يِنَجِّيكُو. وَ الْمُهِمّ فِي الْغَطِّسِينْ مَا غَسُولْ الْجِلِدْ مِنْ الْوَسَخْ لَاكِنْ هُو الْعَهَدْ التِّسَوُّوهْ مَعَ اللّٰهْ بِنِيَّةْ مُخْلِصَةْ. وَ الْغَطِّسِينْ يِنَجِّيكُو بِسَبَبْ بُعَاثْ عِيسَى الْمَسِيحْ.

رَوْمَا 3:30

أَشَانْ اللّٰهْ وَاحِدْ. وَ هُو يِسَوِّي الْيَهُودْ صَالِحِينْ بِسَبَبْ إِيمَانْهُمْ. وَ يِسَوِّي الْمَا يَهُودْ كُلَ صَالِحِينْ بِسَبَبْ إِيمَانْهُمْ، سَوَا سَوَا.

مَتَّى 28:19

أَشَانْ دَا، أَمْشُوا نَادُوا نَاسْ هَنَا كُلَّ الْأُمَمْ أَشَانْ يَبْقَوْا تَلَامِيذِي وَ غَطُّسُوهُمْ فِي أَلْمِي بِأُسُمْ اللّٰهْ الْأَبُو وَ إِبْنَهْ الْمَسِيحْ وَ الرُّوحْ الْقُدُّوسْ.

1 كُرُنْتُس 1:13

هَايْ! الْمَسِيحْ دَا وَاحِدْ وَلَّا مُقَسَّمْ؟ بُولُسْ دَا مَاتْ فِي الصَّلِيبْ فِي شَانْكُو وَلَّا؟ وَ غَطَّسَوْكُو بِأُسُمْ بُولُسْ وَلَّا؟ أَكِيدْ، لَا!

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

2 كُرُنْتُس 11:4

أَنَا خَايِفْ أَشَانْ كَنْ نَادُمْ يَمْشِي لَيْكُو وَ يِبَلِّغْ لَيْكُو بِعِيسَى آخَرْ شِقْ مِنْ عِيسَى الْأَنِحْنَ بَلَّغْنَاكُو بَيَّهْ، إِنْتُو تَقْبَلَوْه. أَشَانْ إِنْتُو جَاهِزِينْ لِتَقْبَلَوْا رُوحْ شِقْ مِنْ الرُّوحْ الْقُدُّوسْ الْأَوَّلْ قِبِلْتُوهْ. وَ كَنْ نَادُمْ يِبَلِّغْ لَيْكُو بِشَارَةْ شِقْ مِنْ الْبِشَارَةْ الْأَوَّلْ قِبِلْتُوهَا، أَنَا خَايِفْ إِنْتُو تِتَابُعُوهْ عَجَلَةْ. وَ تَصْبُرُوا لِلنَّادُمْ الْمِثِلْ دَا.

زَكَرِيَّا 14:9

وَ خَلَاصْ، اللّٰهْ يِوَصِّفْ كَدَرْ هُو مَلِكْ فَوْق كُلَّ الْأَرْض. وَ فِي الْيَوْم دَا، النَّاسْ يَعَرْفُوا كَدَرْ اللّٰهْ هُو وَاحِدْ وَ أُسْمَهْ كُلَ وَاحِدْ بَسْ.

فِلِبِّي 2:11

وَ لَحَدِّي أَيِّ وَاحِدْ يَشْهَدْ وَ يُقُولْ كَدَرْ عِيسَى الْمَسِيحْ هُو الرَّبّ وَ يِمَجِّدْ اللّٰهْ أَبُوهْ.

أفَسُس 4:13

وَ يِسَوُّوا خِدْمِتْهُمْ لَحَدِّي كُلِّنَا سَوَا نَلْحَقَوْا الْوِحْدَةْ فِي الْإِيمَانْ وَ نَعَرْفُوا إِبْن اللّٰهْ تَمَامْ. وَ كُلِّنَا نَبْقَوْا عَاقْلِينْ لَحَدِّي أَيِّ وَاحِدْ يَبْقَى تَمَامْ مِثِلْ الْمَسِيحْ هُو تَمَامْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

1 كُرُنْتُس 12:5

وَ الْخِدْمَةْ النَّخْدُمُوهَا شِقْ شِقْ لَاكِنْ رَبِّنَا وَاحِدْ.

1 كُرُنْتُس 1:2

وَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ، إِنْتُو الْاللّٰهْ خَصَّصَاكُو بِعَلَاقِتْكُو مَعَ الْمَسِيحْ عِيسَى. اللّٰهْ نَادَاكُو فِي دَرْبَهْ أَشَانْ تَبْقَوْا خَاصِّينْ سَوَا مَعَ كُلَّ النَّاسْ الْيَدْعُوا فِي أَيِّ بَكَانْ بِأُسُمْ رَبِّنَا عِيسَى الْمَسِيحْ وَ هُو رَبُّهُمْ وَ رَبِّنَا.

يَهُوذَا 1:20

وَ لَاكِنْ لَيْكُو إِنْتُو، يَا أَخْوَانِي النِّحِبُّكُو، سَوُّوا نُفُوسْكُو قَوِيِّينْ فِي إِيمَانْكُو الْمُقَدَّسْ. خَلُّوا الرُّوحْ الْقُدُّوسْ دَايْماً يُقُودْ صَلَاوَاتْكُو.

عِبْرَانِيِّين 13:7

فَكُّرُوا عَدِيلْ فِي كُبَارَاتْكُو الْأَوَّلْ بَلَّغَوْا لَيْكُو كَلَامْ اللّٰهْ. فَكُّرُوا فَوْقهُمْ كِكَّيْف هُمَّنْ عَاشَوْا وَ مَاتَوْا. وَ خَلِّي إِيمَانْكُو يَبْقَى مِثِلْ إِيمَانْهُمْ.

عِبْرَانِيِّين 6:6

هُمَّنْ دَوْل كَنْ يَابَوْا الْإِيمَانْ، مَا نَقْدَرَوْا نِقَبُّلُوهُمْ لِلتَّوْبَةْ بَتَّانْ. أَشَانْ النَّاسْ دَوْل بِقَوْا مِثِلْ قَاعِدِينْ يَكْتُلُوا إِبْن اللّٰهْ فِي الصَّلِيبْ مَرَّةْ تَانِيَةْ وَ يِعَيُّبُوهْ قِدَّامْ النَّاسْ.

تِيطُس 1:4

وَ نَكْتِبْ لَيْك إِنْتَ، يَا تِيطُسْ، الْبِقِيتْ وِلَيْدِي الصَّحِيحْ بِالْإِيمَانْ النِّشَارُكُوا فَوْقَهْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ مُنَجِّينَا.

تِيطُس 1:1

جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

فِلِبِّي 3:8

أَيْوَى وَ زِيَادَةْ مِنْ دَا، عِرْفَةْ الْمَسِيحْ عِيسَى رَبِّي بِقَتْ لَيِّ أَخَيْر مِنْ كُلَّ شَيّءْ وَ نَجْعَلْ كُلَّ شَيّءْ آخَرْ سَاكِتْ. فِي شَانْ الْمَسِيحْ، أَنَا خَلَّيْت كُلَّ شَيّءْ الْعِنْدِي. وَ كُلَّ شَيّءْ الْأَوَّلْ عِنْدَهْ لَيِّ فَايْدَةْ، جَعَلْتَهْ مِثِلْ وَسَخْ أَشَانْ نَلْقَى الْفَايْدَةْ الْكَبِيرَةْ وَ هِي الْعَلَاقَةْ مَعَ الْمَسِيحْ.

أعمال الرُسُل 10:36

وَ أَكِيدْ، اللّٰهْ رَسَّلْ لِبَنِي إِسْرَائِيلْ بِشَارَةْ السَّلَامْ الْيَنْطِيهَا بِعِيسَى الْمَسِيحْ، رَبّ هَنَا كُلَّ النَّاسْ.

أعمال الرُسُل 2:36

«خَلَاصْ، خَلِّي أَيِّ نَادُمْ مِنْ بَنِي إِسْرَائِيلْ يَعَرِفْ بَلَا شَكَكْ كَدَرْ عِيسَى الْإِنْتُو كَتَلْتُوهْ فِي الصَّلِيبْ، اللّٰهْ جَعَلَهْ سِيدْكُو الْمَسِيحْ!»

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

يَعْقُوب 2:18

لَاكِنْ أَكُونْ نَادُمْ يُقُولْ: «إِنْتَ عِنْدَكْ إِيمَانْ وَ لَاكِنْ أَنَا عِنْدِي عَمَلْ الْخَيْر.» أَنَا نُرُدّ لَيَّهْ وَ نُقُولْ: «إِنْتَ مَا تَقْدَرْ تِوَصِّفْ لَيِّ إِيمَانَكْ كَنْ مَا عِنْدَكْ عَمَلْ الْخَيْر. وَ كَنْ لَيِّ أَنَا، نِوَصِّفْ لَيْك إِيمَانِي بِالْعَمَلْ الْخَيْر النِّسَوِّيهْ.»