أفَسُس 4:4 - الكتاب المقدس بالعربي الدارجي هنا تشاد

⁴ جِسِمْ الْمَسِيحْ وَاحِدْ بَسْ وَ الرُّوحْ الْقُدُّوسْ، هُو كُلَ وَاحِدْ بَسْ. وَ مِثِلْ دَا، الْعَشَمْ الْاللّٰهْ نَادَاكُو لِتَلْقَوْه كُلَ وَاحِدْ.

أفَسُس 4:4 Referenca të Kryqëzuara

أفَسُس 2:18

وَ خَلَاصْ بِالْمَسِيحْ، أَنِحْنَ كُلِّنَا نَقْدَرَوْا نِقَرُّبُوا لِلّٰهْ أَبُونَا بِالرُّوحْ الْقُدُّوسْ الْوَاحِدْ.

أفَسُس 4:1

أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

أفَسُس 1:18

خَلِّي نُورْ اللّٰهْ يَدْخُلْ فِي قُلُوبْكُو أَشَانْ تَفْهَمَوْا تَمَامْ الْعَشَمْ الْاللّٰهْ نَادَاكُو لِتَلْقَوْه وَ بَتَّانْ تَفْهَمَوْا كُبُرْ الْوَرَثَةْ الْمَجِيدَةْ الْقَاعِدَةْ فِي أُسْط الصَّالِحِينْ.

1 كُرُنْتُس 12:20

وَ خَلَاصْ، الْأَعْضَاءْ كَتِيرِينْ وَ بَتَّانْ هُمَّنْ جِسِمْ وَاحِدْ.

كُلُوسِي 1:5

وَ إِنْتُو ثَابْتِينْ فِي إِيمَانْكُو وَ مَحَبِّتْكُو أَشَانْ إِنْتُو قَاعِدِينْ تَرْجَوْا بِعَشَمْ الْبَرَكَةْ الْاللّٰهْ حَفَضَاهَا لَيْكُو فِي السَّمَاءْ. وَ سِمِعْتُوا بَيْهَا فِي كَلَامْ الْحَقّ وَ هُو بِشَارَةْ الْمَسِيحْ الْبَلَّغَوْهَا لَيْكُو مِنْ أَوَّلْ.

أفَسُس 5:30

وَ أَيِّ وَاحِدْ مِنِّنَا عُضُو مِنْ جِسْمَهْ.

1 يُوحَنَّا 3:3

وَ أَيِّ نَادُمْ الْعِنْدَهْ عَشَمْ مِثِلْ دَا فِي الْمَسِيحْ، يِطَهِّرْ قَلْبَهْ تَمَامْ مِثِلْ إِبْن اللّٰهْ هُو طَاهِرْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.

تِيطُس 1:2

وَ بِسَبَبْ الْإِيمَانْ دَا، يَرْجَوْا بِعَشَمْ الْحَيَاةْ الْأَبَدِيَّةْ الْهُو وَاعَدَاهُمْ بَيْهَا مِنْ قُبَّالْ بِدَايَةْ الدُّنْيَا. وَ اللّٰهْ أَبَداً مَا يَكْدِبْ.

2 تَسَلونِيكِي 2:16

وَ خَلَاصْ، نَسْأَلَوْا لَيْكُو رَبِّنَا عِيسَى الْمَسِيحْ ذَاتَهْ وَ اللّٰهْ أَبُونَا الْحَبَّانَا وَ بِرَحْمَتَهْ، أَنْطَانَا شَجَاعَةْ أَبَدِيَّةْ وَ عَشَمْ كَبِيرْ.

كُلُوسِي 3:15

خَلُّوا سَلَامْ الْمَسِيحْ يَمْلُكْ فِي قُلُوبْكُو أَشَانْ اللّٰهْ نَادَاكُو لِتِعِيشُوا فِي السَّلَامْ وَ جَعَلَاكُو جِسِمْ وَاحِدْ. وَ أَبْقَوْا شَكُورِينْ.

أفَسُس 2:22

بِعَلَاقِتْكُو مَعَ الْمَسِيحْ، اللّٰهْ قَاعِدْ يَبْنِي بَيْتَهْ بَيْكُو إِنْتُو كُلَ مَعَ كُلَّ الصَّالِحِينْ أَشَانْ تَبْقَوْا الْبَكَانْ الْاللّٰهْ يَسْكُنْ فَوْقَهْ بِرُوحَهْ.

أفَسُس 2:16

هُو صَالَحَانَا كُلِّنَا مَعَ اللّٰهْ، الْيَهُودْ وَ الْمَا يَهُودْ، لِنَبْقَوْا أُمَّةْ وَاحِدَةْ بِوَاسِطَةْ مَوْتَهْ فِي الصَّلِيبْ. وَ خَلَاصْ، الْمُخَاصَمَةْ الْأَوَّلْ قَاعِدَةْ أَمْبَيْنَاتْنَا بِقَتْ مَا فِيهَا.

مَتَّى 28:19

أَشَانْ دَا، أَمْشُوا نَادُوا نَاسْ هَنَا كُلَّ الْأُمَمْ أَشَانْ يَبْقَوْا تَلَامِيذِي وَ غَطُّسُوهُمْ فِي أَلْمِي بِأُسُمْ اللّٰهْ الْأَبُو وَ إِبْنَهْ الْمَسِيحْ وَ الرُّوحْ الْقُدُّوسْ.

إرْمِيا 14:8

وَ إِنْتَ عَشَمْ بَنِي إِسْرَائِيلْ وَ مُنَجِّيهَا فِي وَكْت الضِّيقَةْ. مَالَا تَبْقَى مِثِلْ أَجْنَبِي فِي الْبَلَدْ أَوْ مِثِلْ مُسَافِرْ الْيُنُومْ لَيْلَةْ وَاحِدَةْ بَسْ؟

تِيطُس 3:7

وَ مِثِلْ دَا، بِقِينَا صَالِحِينْ بِنِعْمَتَهْ وَ أَنِحْنَ عَشْمَانِينْ فَوْق رَبِّنَا كَدَرْ نَوْرُثُوا الْحَيَاةْ الْأَبَدِيَّةْ.

1 تِمُوتَاوُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِأَمُرْ مِنْ اللّٰهْ مُنَجِّينَا وَ الْمَسِيحْ عِيسَى الْعَشَمْنَا قَاعِدْ فَوْقَهْ.

1 كُرُنْتُس 10:17

أَيْوَى، أَشَانْ الْخُبْزَةْ دِي وَاحِدَةْ وَ أَنِحْنَ الْكَتِيرِينْ كُلَ بِقِينَا جِسِمْ وَاحِدْ بِأَكِلْنَا لِلْخُبْزَةْ الْوَاحِدَةْ دِي.

2 كُرُنْتُس 11:4

أَنَا خَايِفْ أَشَانْ كَنْ نَادُمْ يَمْشِي لَيْكُو وَ يِبَلِّغْ لَيْكُو بِعِيسَى آخَرْ شِقْ مِنْ عِيسَى الْأَنِحْنَ بَلَّغْنَاكُو بَيَّهْ، إِنْتُو تَقْبَلَوْه. أَشَانْ إِنْتُو جَاهِزِينْ لِتَقْبَلَوْا رُوحْ شِقْ مِنْ الرُّوحْ الْقُدُّوسْ الْأَوَّلْ قِبِلْتُوهْ. وَ كَنْ نَادُمْ يِبَلِّغْ لَيْكُو بِشَارَةْ شِقْ مِنْ الْبِشَارَةْ الْأَوَّلْ قِبِلْتُوهَا، أَنَا خَايِفْ إِنْتُو تِتَابُعُوهْ عَجَلَةْ. وَ تَصْبُرُوا لِلنَّادُمْ الْمِثِلْ دَا.

أعمال الرُسُل 15:11

لَا، دَا مَا يَنْفَعْ! أَنِحْنَ نِآمُنُوا كَدَرْ نَنْجَوْا بِنِعْمَةْ رَبِّنَا عِيسَى مِثِلْهُمْ هُمَّنْ.»

إرْمِيا 17:7

مُبَارَكْ الْإِنْسَانْ الْيِتْوَكَّلْ عَلَيْ اللّٰهْ وَ يِآمِنْ بَيَّهْ فِي كُلَّ شَيّءْ.

رَوْمَا 11:29

أَشَانْ كَنْ اللّٰهْ أَنْطَى نَادُمْ عَطِيَّةْ، هُو مَا يَنْدَمْ لَيْهَا. وَ كَنْ نَادَى نَادُمْ، مَا يِبَطِّلْ مُنَادَاتَهْ.

زَبُور 122:8

وَ فِي شَانْ حُبِّي لِأَخْوَانِي وَ رُفْقَانِي، نُقُولْ: «أَقْعُدِي بِالسَّلَامْ، يَا مَدِينَةْ الْقُدُسْ!»