أفَسُس 4:3 - الكتاب المقدس بالعربي الدارجي هنا تشاد

³ الرُّوحْ الْقُدُّوسْ جَعَلَاكُو شَعَبْ وَاحِدْ. جَاهُدُوا أَشَانْ الْوِحْدَةْ مَا تَتْلَفْ وَ أَحْفَضَوْا الْوِحْدَةْ دِي بِالسَّلَامْ.

أفَسُس 4:3 Referenca të Kryqëzuara

1 كُرُنْتُس 1:10

يَا أَخْوَانِي، أَنَا نِوَصِّيكُو بِأُسُمْ رَبِّنَا عِيسَى الْمَسِيحْ أَشَانْ كَلَامْكُو يَبْقَى وَاحِدْ لَحَدِّي مَا تِنْقَسْمُوا. وَ خَلِّي قَلِبْكُو يَبْقَى وَاحِدْ وَ فِكِرْكُو يَبْقَى وَاحِدْ.

عِبْرَانِيِّين 12:14

سَوُّوا جُهُدْ أَشَانْ تِعِيشُوا بِالسَّلَامْ مَعَ كُلَّ النَّاسْ وَ عِيشُوا بِحَالْ صَالْحَةْ الْبَلَاهَا مَا فِي نَادُمْ يِشِيفْ رَبِّنَا.

يُوحَنَّا 13:34

وَ نَنْطِيكُو وَصِيَّةْ جَدِيدَةْ وَ الْوَصِيَّةْ هِي أَرَّايَدَوْا أَمْبَيْنَاتْكُو. أَرَّايَدَوْا مِثِلْ أَنَا نِرِيدْكُو.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.

1 تَسَلونِيكِي 5:13

حِبُّوهُمْ بِمَحَبَّةْ شَدِيدَةْ بِسَبَبْ خِدْمِتْهُمْ. وَ أَقْعُدُوا بِسَلَامْ أَمْبَيْنَاتْكُو.

أفَسُس 4:4

جِسِمْ الْمَسِيحْ وَاحِدْ بَسْ وَ الرُّوحْ الْقُدُّوسْ، هُو كُلَ وَاحِدْ بَسْ. وَ مِثِلْ دَا، الْعَشَمْ الْاللّٰهْ نَادَاكُو لِتَلْقَوْه كُلَ وَاحِدْ.

أفَسُس 4:13

وَ يِسَوُّوا خِدْمِتْهُمْ لَحَدِّي كُلِّنَا سَوَا نَلْحَقَوْا الْوِحْدَةْ فِي الْإِيمَانْ وَ نَعَرْفُوا إِبْن اللّٰهْ تَمَامْ. وَ كُلِّنَا نَبْقَوْا عَاقْلِينْ لَحَدِّي أَيِّ وَاحِدْ يَبْقَى تَمَامْ مِثِلْ الْمَسِيحْ هُو تَمَامْ.

خُروج 28:32

وَ الْجَلَّابِيَّةْ عِنْدَهَا قَبَّةْ مَكْفُوفَةْ وَ مُدَرَّسَةْ أَشَانْ الْقَبَّةْ مَا تِنْشَرِطْ. وَ يِخَيُّطُوهَا بِخِيَاطَةْ خَيَّاطِي مَعْرُوفْ.

1 مُلوك 16:21

وَ بَعَدْ مَوْت زِمْرِي، شَعَبْ مَمْلَكَةْ إِسْرَائِيلْ أَنْقَسَمَوْا بَكَانْتَيْن. وَاحِدِينْ تَابَعَوْا تِبْنِي وِلَيْد قِينَتْ لِيِدَرُّجُوهْ مَلِكْ. وَ وَاحِدِينْ تَابَعَوْا عُمْرِي.

جامِعة 4:12

نَادُمْ يَقْدَرْ يَغْلِبْ نَادُمْ وَاحِدْ وَ لَاكِنْ مَا يَقْدَرْ يَغْلِبْ نَاسَيْن. وَ الْحَبِلْ الْمُتَلَّتْ مَا يِنْقَطِعْ عَجَلَةْ.

مَرْخُوس 3:24

كَنْ نَاسْ هَنَا مَمْلَكَةْ يِدَّاوَسَوْا أَمْبَيْنَاتْهُمْ، الْمَمْلَكَةْ دِي مَا تَقْعُدْ ثَابْتَةْ.