أفَسُس 4:16 - الكتاب المقدس بالعربي الدارجي هنا تشاد

¹⁶ وَ بَيَّهْ هُو، الْجِسِمْ يَبْقَى وَاحِدْ وَ كُلَّ الْمَفَاصِلْ يِنْرَبْطُوا أَمْبَيْنَاتْهُمْ. وَ وَكِتْ أَيِّ عُضُو يِسَوِّي خِدِمْتَهْ عَدِيلْ، الْجِسِمْ الْكَامِلْ يَكْبُرْ وَ يَبْقَى قَوِي بِمَحَبَّةْ.

أفَسُس 4:16 Referenca të Kryqëzuara

كُلُوسِي 2:19

وَ النَّادُمْ دَا مَا مَرْبُوطْ مَعَ الْمَسِيحْ الْهُو رَاسْ الْأُمَّةْ. وَ الْمَسِيحْ بَسْ يِعَيِّشْ كُلَّ أُمَّتَه وَ يِسَوِّيهَا مِثِلْ جِسِمْ وَاحِدْ. وَ هُو بَسْ الْيِسَوِّي مَفَاصِلْ الْجِسِمْ يِنْرَبْطُوا أَمْبَيْنَاتْهُمْ. وَ جِسْمَهْ يَبْقَى كَبِيرْ بِقُدْرَةْ اللّٰهْ.

يُوحَنَّا 15:5

«أَنَا شَدَرَةْ الْعِنَبْ وَ إِنْتُو الْفُرُوعْ. كَنْ نَادُمْ قَاعِدْ ثَابِتْ فِيِي، أَنَا نَقْعُدْ ثَابِتْ فِيَّهْ وَ هُو يَبْقَى مِثِلْ الْفِرِعْ الْيَلْدَ كَتِيرْ. إِنْتُو مَا تَقْدَرَوْا تِسَوُّوا شَيّءْ إِلَّا بَيِّ.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

أفَسُس 4:12

وَ أَنْطَاهُمْ عَطَايَا أَشَانْ هُمَّنْ يِجَهُّزُوا شَعَبَهْ الصَّالِحِينْ لِيَخْدُمُوا لَيَّهْ فِي شَانْ أُمَّةْ الْمَسِيحْ تَبْقَى قَوِيَّةْ.

1 كُرُنْتُس 13:13

وَ خَلَاصْ التَّلَاتَةْ الْيَقْعُدُوا دَايْماً، هُمَّنْ الْإِيمَانْ وَ الْعَشَمْ وَ الْمَحَبَّةْ. وَ الْأَكْبَرْ مِنْهُمْ هُو الْمَحَبَّةْ.

أفَسُس 4:15

أَخَيْر نِبَلُّغُوا الْحَقّ بِمَحَبَّةْ وَ مِثِلْ دَا، نَكْبُرُوا وَ نَبْقَوْا عَاقْلِينْ فِي كُلَّ شَيّءْ بِعَلَاقِتْنَا مَعَ الْمَسِيحْ. هُو بَسْ رَاسْنَا

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

1 تَسَلونِيكِي 2:13

وَ فِي شَانْ دَا، نَشْكُرُوا اللّٰهْ دَايْماً أَشَانْ وَكِتْ سِمِعْتُوا مِنِّنَا كَلَامْ اللّٰهْ، إِنْتُو كَرَبْتُوهْ قَوِي. قِبِلْتُوهْ مَا مِثِلْ كَلَامْ إِنْسَانِي بَسْ لَاكِنْ قِبِلْتُوهْ مِثِلْ كَلَامْ اللّٰهْ. وَ بِالصَّحِيحْ، هُو كَلَامْ اللّٰهْ وَ قَاعِدْ يِسَوِّي خِدِمْتَهْ فِي قُلُوبْكُو إِنْتُو الْمُؤمِنِينْ.

فِلِبِّي 1:9

وَ أَنَا قَاعِدْ نَسْأَلْ اللّٰهْ أَشَانْ هُو يِزِيدْ مَحَبِّتْكُو وَ يِكَتِّرْهَا لَيْكُو بِزِيَادَةْ. وَ خَلِّي يَنْطِيكُو مَعَاهَا عِلِمْ وَ فِهِمْ تَمَامْ

أفَسُس 3:17

وَ خَلِّي الْمَسِيحْ يَسْكُنْ فِي قُلُوبْكُو بِإِيمَانْكُو. وَ خَلِّي الْمَحَبَّةْ تَبْقَى لَيْكُو مِثِلْ قَعَرْ وَ أَسَاسْ لَحَدِّي تِسَوُّوا كُلَّ شَيّءْ بِالْمَحَبَّةْ.

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

أفَسُس 3:7

اللّٰهْ نَزَّلْ فَوْقِي نِعْمَتَهْ وَ جَعَلَانِي خَدَّامَهْ بِقُدُرْتَهْ أَشَانْ نِبَلِّغْ الْبِشَارَةْ دِي.

أفَسُس 1:4

قُبَّالْ بِدَايَةْ الدُّنْيَا، اللّٰهْ عَزَلَانَا فِي الْمَسِيحْ. بِسَبَبْ مَحَبِّتَهْ، هُو شَالْ نِيَّةْ أَشَانْ نَبْقَوْا خَاصِّينْ وَ نَحْضَرَوْا قِدَّامَهْ بَلَا أَيِّ عَيْب.

غَلاطِية 5:22

لَاكِنْ مِثِلْ الشَّدَرْ يَلْدَ عِيَالْ، دَاهُو عِيَالْ الرُّوحْ الْقُدُّوسْ هُمَّنْ الْمَحَبَّةْ وَ الْفَرَحْ وَ السَّلَامْ وَ الصَّبُرْ وَ الْقَلِبْ الْأَبْيَضْ وَ الْخَيْر وَ الْأَمَانْ

1 يُوحَنَّا 4:16

وَ خَلَاصْ عِرِفْنَا الْمَحَبَّةْ الْاللّٰهْ حَبَّانَا بَيْهَا وَ آمَنَّا بَيْهَا. اللّٰهْ هُو مَحَبَّةْ. وَ الثَّابْتِينْ فِي الْمَحَبَّةْ ثَابْتِينْ فِي اللّٰهْ وَ اللّٰهْ ثَابِتْ فَوْقهُمْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

1 تَسَلونِيكِي 3:12

وَ لَيْكُو إِنْتُو، خَلِّي الرَّبّ يِزِيدْ مَحَبِّتْكُو وَ يِكَتِّرْهَا أَشَانْ تِرَّايَدَوْا أَمْبَيْنَاتْكُو بِزِيَادَةْ وَ تِحِبُّوا كُلَّ النَّاسْ مِثِلْ أَنِحْنَ نِحِبُّوكُو.

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

1 كُرُنْتُس 8:1

وَ أَنَا نُرُدّ لَيْكُو فِي الشَّيّءْ الْبُخُصّ اللَّحَمْ الْقَدَّمَوْه ضَحِيَّةْ لِلْأَصْنَامْ. الْكَلَامْ الْإِنْتُو قُلْتُوهْ: «أَنِحْنَ الْمُؤمِنِينْ كُلِّنَا عِنْدِنَا عِلِمْ»، دَا مَعْرُوفْ. لَاكِنْ نُقُولْ لَيْكُو الْعِلِمْ يِسَبِّبْ الْإِسْتِكْبَارْ وَ الْمَحَبَّةْ تِقَوِّي الْخُوَّةْ.

رَوْمَا 12:4

شِيفُوا، أَيِّ وَاحِدْ مِنِّنَا عِنْدَهْ فِي جِسْمَهْ أَعْضَاءْ كَتِيرِينْ وَ كُلَّ عُضُو مَا يِسَوِّي نَفْس الْخِدْمَةْ.

1 كُرُنْتُس 10:17

أَيْوَى، أَشَانْ الْخُبْزَةْ دِي وَاحِدَةْ وَ أَنِحْنَ الْكَتِيرِينْ كُلَ بِقِينَا جِسِمْ وَاحِدْ بِأَكِلْنَا لِلْخُبْزَةْ الْوَاحِدَةْ دِي.