أفَسُس 4:12 - الكتاب المقدس بالعربي الدارجي هنا تشاد

¹² وَ أَنْطَاهُمْ عَطَايَا أَشَانْ هُمَّنْ يِجَهُّزُوا شَعَبَهْ الصَّالِحِينْ لِيَخْدُمُوا لَيَّهْ فِي شَانْ أُمَّةْ الْمَسِيحْ تَبْقَى قَوِيَّةْ.

أفَسُس 4:12 Referenca të Kryqëzuara

أفَسُس 4:16

وَ بَيَّهْ هُو، الْجِسِمْ يَبْقَى وَاحِدْ وَ كُلَّ الْمَفَاصِلْ يِنْرَبْطُوا أَمْبَيْنَاتْهُمْ. وَ وَكِتْ أَيِّ عُضُو يِسَوِّي خِدِمْتَهْ عَدِيلْ، الْجِسِمْ الْكَامِلْ يَكْبُرْ وَ يَبْقَى قَوِي بِمَحَبَّةْ.

1 كُرُنْتُس 12:27

وَ خَلَاصْ، إِنْتُو كُلُّكُو جِسِمْ الْمَسِيحْ وَ أَيِّ نَادُمْ عُضُو مِنَّهْ.

رَوْمَا 15:14

يَا أَخْوَانِي، أَنَا بِنَفْسِي مُؤَكِّدْ كَدَرْ إِنْتُو مَلَانِينْ بِالْخَيْر وَ بِالْعِلِمْ وَ قَادْرِينْ تِلْوَاصَوْا أَمْبَيْنَاتْكُو.

1 كُرُنْتُس 14:26

وَ بِمِثِلْ دَا، يَا أَخْوَانِي، شُنُو الْوَاجِبْ؟ وَكِتْ تِلِمُّوا، خَلِّي أَيِّ نَادُمْ يِجِيبْ الشَّيّءْ الْعِنْدَهْ. نَادُمْ وَاحِدْ عِنْدَهْ غِنَيْ وَ نَادُمْ آخَرْ عِنْدَهْ تَعْلِيمْ وَ آخَرْ عِنْدَهْ الشَّيّءْ الْاللّٰهْ وَصَّفَهْ لَيَّهْ فِي رُؤْيَةْ وَ آخَرْ عِنْدَهْ كَلَامْ بِلُغَّاتْ وَ الْآخَرْ عِنْدَهْ تَفْسِيرْ الْكَلَامْ دَا. وَ خَلَاصْ، كُلَّ شَيّءْ التِّسَوُّوهْ وَاجِبْ يِقَوِّي الْأَخْوَانْ.

رَوْمَا 14:19

بِمِثِلْ دَا، خَلِّي نِجَاهُدُوا أَشَانْ نِسَوُّوا الشَّيّءْ الْيِثَبِّتْ السَّلَامْ أَمْبَيْنَاتْنَا وَ الْيِقَوِّينَا كُلِّنَا.

1 تِمُوتَاوُس 1:12

وَ أَنَا نَشْكُرْ كَتِيرْ رَبِّنَا عِيسَى الْمَسِيحْ الْأَنْطَانِي الْقُدْرَةْ الْبَيْهَا نِسَوِّي الْخِدْمَةْ دِي. نَشْكُرَهْ أَشَانْ هُو جَعَلَانِي نَادُمْ أَمِينْ وَ عَزَلَانِي أَشَانْ نَخْدِمْ لَيَّهْ.

1 كُرُنْتُس 14:12

وَ لَيْكُو إِنْتُو كُلَ نَفْس الشَّيّءْ. إِنْتُو مُنْكَرِبِينْ فِي قُدْرَةْ الرُّوحْ الْقُدُّوسْ أَمْبَيْنَاتْكُو وَ دَا عَدِيلْ. لَاكِنْ أَنْكَرْبُوا زِيَادَةْ فِي الْبَرَكَاتْ الْيِقَوُّوا جَمَاعَةْ الْمُؤمِنِينْ.

عِبْرَانِيِّين 13:17

أَسْمَعَوْا كُبَارَاتْكُو وَ تَابُعُوا كَلَامْهُمْ عَدِيلْ. أَشَانْ هُمَّنْ قَاعِدِينْ يِفَكُّرُوا فَوْقكُو وَ يَعَرْفُوا كَدَرْ هُمَّنْ مَسْؤُولِينْ مِنْكُو قِدَّامْ اللّٰهْ الْيِحَاسِبْهُمْ. خَلِّي خِدْمِتْهُمْ دِي تَبْقَى لَيْهُمْ فَرْحَةْ. كَنْ تَبْقَى لَيْهُمْ قَاسِيَةْ، إِنْتُو كُلَ مَا تَلْقَوْا مِنْهَا فَايْدَةْ.

عِبْرَانِيِّين 6:1

أَشَانْ دَا، نِخَلُّوا وَرَانَا الدُّرُوسْ الْأَوَّلَانِيِّينْ فِي الْمَسِيحْ وَ نَمْشُوا قِدَّامْ لِلتَّعْلِيمْ الْوَاجِبْ لِلنَّاسْ الْعَاقْلِينْ. وَ مَا نِقَبُّلُوا بَتَّانْ فِي أَسَاسْ التَّعْلِيمْ دَا. وَ هُو التَّوْبَةْ مِنْ الْأَعْمَالْ الْيِوَدُّوا النَّاسْ لِلْمَوْت وَ تَعْلِيمْ الْإِيمَانْ بِاللّٰهْ.

2 كُرُنْتُس 6:3

وَ أَبَداً مَا نِسِدُّوا لِأَيِّ نَادُمْ الدَّرِبْ الْيِوَدِّيهْ لِلّٰهْ أَشَانْ مَا نِدَوْرُوا نِجِيبُوا لَوْم فِي خِدْمِتْنَا.

2 كُرُنْتُس 5:18

وَ دَا كُلَّ كَيْ، جَايِ مِنْ اللّٰهْ. هُو بَسْ سَوَّى الصُّلُحْ مَعَانَا بِالْمَسِيحْ. وَ الْخِدْمَةْ الْاللّٰهْ كَلَّفَانَا بَيْهَا، هِي بَلِّغِينْ خَبَرْ الصُّلُحْ.

لُوقا 22:32

لَاكِنْ أَنَا سَأَلْت لَيْك اللّٰهْ أَشَانْ إِيمَانَكْ مَا يَنْقُصْ. وَ وَكِتْ إِنْتَ بِقِيتْ بَتَّانْ قَوِي فِي الْإِيمَانْ، ثَبِّتْ أَخْوَانَكْ.»

2 تِمُوتَاوُس 4:5

لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

كُلُوسِي 4:17

وَ كَلُّمُوا لِأَرْخِبَّا وَ قُولُوا لَيَّهْ: «خُطّ بَالَكْ أَشَانْ تِتَمِّمْ الْخِدْمَةْ الرَّبِّنَا أَنْطَاهَا لَيْك.»

كُلُوسِي 1:28

وَ نِبَلُّغُوا النَّاسْ بِالْمَسِيحْ. وَ نِخَبُّرُوا أَيِّ نَادُمْ وَ نِعَلُّمُوا أَيِّ نَادُمْ بِكُلِّ حِكْمَةْ أَشَانْ أَيِّ إِنْسَانْ يُكُونْ كَامِلْ فِي الْمَسِيحْ.

كُلُوسِي 1:24

وَ أَنَا فَرْحَانْ بِتَعَبِي أَشَانْ أَنَا قَاعِدْ نَتْعَبْ فِي شَانْكُو. وَ فِي جِسْمِي، نَحْمَلْ كُلَّ التَّعَبْ الْيِقَصِّرْ لِلْمَسِيحْ فِي شَانْ أُمَّتَه الْهِي جِسْمَهْ.

أفَسُس 1:23

وَ أُمَّتَه هِي مِثِلْ جِسْمَهْ وَ هِي مَلَانَةْ بِقُدْرَةْ الْمَسِيحْ وَ الْمَسِيحْ قُدُرْتَهْ تَمْلَا كُلَّ شَيّءْ.

2 كُرُنْتُس 12:19

أَكُونْ إِنْتُو تُقُولُوا فِي قُلُوبْكُو فِي طُولْ الْوَكِتْ دَا أَنِحْنَ نِدَافُعُوا لِنُفُوسْنَا قِدَّامْكُو. لَا! مَا كَيْ. نِحَجُّوا لَيْكُو بِأُسُمْ الْمَسِيحْ قِدَّامْ اللّٰهْ. يَا أَخْوَانِي النِّحِبُّوكُو، كُلَّ شَيّءْ السَّوَّيْنَاهْ دَا، هُو فِي شَانْكُو بَسْ أَشَانْ إِيمَانْكُو يَبْقَى قَوِي.

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

2 كُرُنْتُس 4:1

وَ خَلَاصْ، اللّٰهْ بَسْ رَحَمْنَا بِالْخِدْمَةْ دِي وَ أَشَانْ دَا، أَبَداً مَا نَكْسَلَوْا مِنْهَا.

2 كُرُنْتُس 3:8

أَكِيدْ كَلَامْ اللّٰهْ الْيَنْطِي لَيْنَا الرُّوحْ الْقُدُّوسْ يَجِي بِنُورْ مَجِيدْ زِيَادَةْ.

1 كُرُنْتُس 14:14

كَنْ نِصَلِّي بِلُغَّاتْ الْيَجُوا مِنْ الرُّوحْ الْقُدُّوسْ، قَلْبِي يِصَلِّي لَاكِنْ عَقْلِي مَا يِسَوِّي شَيّءْ.

رَوْمَا 15:29

وَ نَعَرِفْ كَدَرْ وَكِتْ نَلْحَقْ بَكَانْكُو دَا، نَجِيكُو مَلَانْ بِبَرَكَةْ الْمَسِيحْ الْخَاصَّة لَيْكُو.

رَوْمَا 15:2

خَلِّي أَيِّ نَادُمْ مِنِّنَا يِسَوِّي الشَّيّءْ الْيَعَجِبْ أَخُوهْ وَ دَا، لِخَيْرَهْ وَ لِيِقَوِّيهْ فِي الْإِيمَانْ.

رَوْمَا 12:7

وَ كَنْ اللّٰهْ أَنْطَى نَادُمْ قُدْرَةْ لِيَخْدِمْ فِي أُسْط الْأَخْوَانْ، خَلِّي يَخْدِمْ. وَ كَنْ اللّٰهْ أَنْطَى نَادُمْ قُدْرَةْ لِيِعَلِّمْ النَّاسْ، خَلِّي يِعَلِّمْهُمْ.

أعمال الرُسُل 20:28

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

أعمال الرُسُل 20:24

حَيَاتِي مَا مُهِمَّةْ لَيِّ. لَاكِنْ الْمُهِمّ لَيِّ نِكَمِّلْ خِدْمَةْ رَبِّنَا عِيسَى الْهُو أَنْطَاهَا لَيِّ. وَاجِبْ نَشْهَدْ لِلنَّاسْ وَ نِأَوْرِيهُمْ بِالْبِشَارَةْ هَنَا نِعْمَةْ اللّٰهْ.

أعمال الرُسُل 11:23

وَ بَرْنَابَا وِصِلْ فِي أَنْطَاكِيَةْ وَ شَافْ الْبَرَكَةْ الْاللّٰهْ أَنْطَاهُمْ. وَ هُو فَرْحَانْ مِنْهُمْ وَ شَجَّعَاهُمْ كُلُّهُمْ أَشَانْ يَقْعُدُوا ثَابْتِينْ فِي الرَّبّ بِنِيَّةْ وَاحِدَةْ.

أعمال الرُسُل 9:31

وَ خَلَاصْ، أُمَّةْ الْمَسِيحْ الْفِي دَارْ الْيَهُودِيَّةْ وَ فِي دَارْ الْجَلِيلْ وَ فِي دَارْ السَّامِرَةْ قَاعِدَةْ بِعَافَيْ وَ سَلَامْ. وَ كُلَّ الْمُؤمِنِينْ خَايْفِينْ مِنْ الرَّبّ وَ الرُّوحْ الْقُدُّوسْ شَجَّعَاهُمْ وَ عَدَدْهُمْ زَادْ.

أعمال الرُسُل 1:25

هُو يَبْقَى رَسُولْ وَ يِشِيلْ خِدْمَةْ يَهُوذَا الْخَلَّاهَا وَ فَاتْ مَشَى لِلْبَكَانْ الْوَاجِبْ لَيَّهْ.»

أعمال الرُسُل 1:17

وَ يَهُوذَا دَا، هُو وَاحِدْ مِنِّنَا وَ سَوَّى مَعَانَا نَفْس الْخِدْمَةْ.»

2 تِمُوتَاوُس 4:11

وَ مِثِلْ دَا، إِلَّا أَخُونَا لُوقَا وِحَيْدَهْ قَاعِدْ مَعَايِ. أَمْشِي لِأَخُونَا مَرْخُوسْ وَ جِيبَهْ مَعَاكْ. هُو يِسَاعِدْنِي زِيَادَةْ فِي خِدْمَةْ الرَّبّ.

أفَسُس 4:29

أَبَداً مَا تِحَجُّوا كَلَامْ شَيْن. وَاجِبْ تِحَجُّوا دَايْماً كَلَامْ سَمَحْ الْيِقَوِّي النَّاسْ وَ الْكَلَامْ الْمُوَافِقْ لَيْهُمْ أَشَانْ يَبْقَى بَرَكَةْ لِلنَّاسْ الْيَسْمَعَوْه.

أفَسُس 4:4

جِسِمْ الْمَسِيحْ وَاحِدْ بَسْ وَ الرُّوحْ الْقُدُّوسْ، هُو كُلَ وَاحِدْ بَسْ. وَ مِثِلْ دَا، الْعَشَمْ الْاللّٰهْ نَادَاكُو لِتَلْقَوْه كُلَ وَاحِدْ.

2 كُرُنْتُس 13:9

وَ كَنْ أَنِحْنَ مَا عِنْدِنَا قُدْرَةْ وَ إِنْتُو بَسْ عِنْدُكُو، خَلَاصْ أَنِحْنَ فَرْحَانِينْ. وَ نَسْأَلَوْا اللّٰهْ لَيْكُو أَشَانْ إِنْتُو تَبْقَوْا مُؤمِنِينْ كَامِلِينْ.

1 كُرُنْتُس 12:7

وَ اللّٰهْ يِنَزِّلْ لِأَيِّ نَادُمْ عَطِيَّةْ مِنْ الرُّوحْ الْقُدُّوسْ أَشَانْ كُلِّنَا نَلْقَوْا مِنْهَا فَايْدَةْ.

رَوْمَا 12:5

بِمِثِلْ دَا، أَنِحْنَ نَاسْ كَتِيرِينْ لَاكِنْ بِقِينَا مِثِلْ جِسِمْ وَاحِدْ فِي الْمَسِيحْ. وَ أَيِّ وَاحِدْ مِنِّنَا، هُو عُضُو فِي الْجِسِمْ دَا وَ بِقِي أَخُو لِلْآخَرِينْ كُلُّهُمْ.

2 كُرُنْتُس 13:11

وَ خَلَاصْ يَا أَخْوَانِي، أَفْرَحَوْا. أَبْقَوْا مُؤمِنِينْ كَامِلِينْ. أَشَّاجَعَوْا أَمْبَيْنَاتْكُو. خَلِّي فِكِرْكُو يَبْقَى وَاحِدْ. عِيشُوا بِالسَّلَامْ وَ اللّٰهْ سِيدْ الْمَحَبَّةْ وَ السَّلَامْ يَقْعُدْ مَعَاكُو.