أفَسُس 4:11 - الكتاب المقدس بالعربي الدارجي هنا تشاد

¹¹ وَ هُو بَسْ الْأَنْطَى عَطَايَا لِلنَّاسْ. وَ نَاسْ وَاحِدِينْ، هُو جَعَلَاهُمْ رُسُلْ وَ وَاحِدِينْ جَعَلَاهُمْ أَنْبِيَاء وَ وَاحِدِينْ جَعَلَاهُمْ مُبَشِّرِينْ وَ وَاحِدِينْ جَعَلَاهُمْ شُيُوخْ وَ مُعَلِّمِينْ.

أفَسُس 4:11 Referenca të Kryqëzuara

إرْمِيا 3:15

وَ نُخُطّ فَوْقكُو كُبَارَاتْ مِثِلْ رُعْيَانْ الْأَنَا نَرْضَى بَيْهُمْ وَ يُقُودُوكُو بِفِكِرْ عَدِيلْ وَ مَعْرَفَةْ.»

أفَسُس 2:20

وَلَّا بِمَثَلْ آخَرْ، اللّٰهْ جَعَلَاكُو الْبَيْت الْهُو سَاكِنْ فَوْقَهْ. وَ الْأَسَاسْ الْاللّٰهْ بَنَاكُو فَوْقَهْ، هُو كَلَامْ الرُّسُلْ وَ الْأَنْبِيَاء. وَ عِيسَى الْمَسِيحْ، هُو حَجَرْ الزَّاوِيَةْ الْيَرْبُطْ الْأَسَاسْ.

2 تِمُوتَاوُس 4:5

لَاكِنْ إِنْتَ، أَقْعُدْ دَايْماً ثَابِتْ وَ أَحْمَلْ التَّعَبْ وَ بَشِّرْ النَّاسْ بِالْبِشَارَةْ وَ أَخْدِمْ عَدِيلْ الْخِدْمَةْ الْاللّٰهْ أَنْطَاهَا لَيْك.

مَتَّى 28:20

وَ عَلُّمُوهُمْ أَشَانْ يِسَوُّوا كُلَّ شَيّءْ الْأَنَا وَصَّيْتكُو بَيَّهْ. وَ خَلَاصْ أَنَا قَاعِدْ مَعَاكُو كُلَّ يَوْم لَحَدِّي كُمَالَةْ الدُّنْيَا.»

أعمال الرُسُل 20:28

«فَكُّرُوا فِي نُفُوسْكُو وَ فِي كُلَّ جَمَاعَةْ الْمُؤمِنِينْ هَنَا اللّٰهْ أَشَانْ الرُّوحْ الْقُدُّوسْ خَطَّاكُو فَوْقهُمْ رُعْيَانْ. أَيْوَى، أَسْرَحَوْا بِجَمَاعَةْ الْمُؤمِنِينْ الْاللّٰهْ شَرَاهُمْ بِدَمّ إِبْنَهْ.

أفَسُس 4:8

وَ أَشَانْ دَا، الْكِتَابْ بُقُولْ: <وَكِتْ هُو طَلَعْ فَوْق فِي الْعَالِي، هُو شَالْ مَعَايَهْ مَسَاجِينْ وَ أَنْطَى لِلنَّاسْ عَطَايَا.>

أفَسُس 3:5

فِي كُلَّ الْوَكِتْ الْفَاتْ، اللّٰهْ مَا بَيَّنْ الْكَلَامْ دَا لِبَنِي آدَم لَاكِنْ فِي الْوَكِتْ الْحَاضِرْ، بَيَّنَهْ بِالرُّوحْ الْقُدُّوسْ لِلرُّسُلْ وَ الْأَنْبِيَاء الصَّالِحِينْ الرَّسَّلَاهُمْ.

رَوْمَا 12:7

وَ كَنْ اللّٰهْ أَنْطَى نَادُمْ قُدْرَةْ لِيَخْدِمْ فِي أُسْط الْأَخْوَانْ، خَلِّي يَخْدِمْ. وَ كَنْ اللّٰهْ أَنْطَى نَادُمْ قُدْرَةْ لِيِعَلِّمْ النَّاسْ، خَلِّي يِعَلِّمْهُمْ.

2 أخبار 15:3

وَ فِي مُدَّةْ طَوِيلَةْ، بَنِي إِسْرَائِيلْ عَاشَوْا بَلَا الْإِلٰـهْ الصَّحِيحْ وَ بَلَا رُجَالْ دِينْ الْيِعَلُّمُوهُمْ وَ بَلَا وَصَايَا اللّٰهْ.

عِبْرَانِيِّين 5:12

إِنْتُو الطَّوَّلْتُوا فِي الدَّرِبْ، وَاجِبْ تَبْقَوْا مُعَلِّمِينْ هَنَا الْإِيمَانْ لَاكِنْ بِالصَّحِيحْ، إِنْتُو حَوْجَانِينْ لِدُرُوسْ أَوَّلَانِيِّينْ هَنَا كَلَامْ اللّٰهْ. إِنْتُو بِقِيتُوا مِثِلْ الصَّغِيرْ اللِّسَّاعَهْ حَوْجَانْ لِلَبَنْ أَمَّهْ أَشَانْ هُو مَا جَاهِزْ لِلْأَكِلْ.

رُؤية 18:20

يَا سُكَّانْ السَّمَاوَاتْ، أَفْرَحَوْا بِدَمَارْهَا. يَا الرُّسُلْ وَ الْأَنْبِيَاء وَ الصَّالِحِينْ، أَفْرَحَوْا! أَشَانْ اللّٰهْ قَطَعْ لَيْكُو شَرِيعَةْ وَ عَاقَبَاهَا خَلَاصْ.»

أعمال الرُسُل 21:8

وَ أَمْبَاكِرْ، مَشَيْنَا فِي حِلَّةْ قَيْصَرِيَّةْ وَ دَلَّيْنَا فِي بَيْت فِلِبُّسْ الْمُبَشِّرْ. هُو وَاحِدْ مِنْ الرُّجَالْ السَّبْعَةْ الْعَاوَنَوْا الرُّسُلْ.

أعمال الرُسُل 13:1

وَ فِي جَمَاعَةْ الْمُؤمِنِينْ الْقَاعِدِينْ فِي حِلَّةْ أَنْطَاكِيَةْ، فِي أَنْبِيَاء وَ مُعَلِّمِينْ. وَ هُمَّنْ بَرْنَابَا وَ سِمْعَانْ الْبِنَادُوهْ أَزْرَقْ وَ لُوكِيُسْ الْمِنْ حِلَّةْ الْقَيْرَوَانْ وَ مَنَايِنْ الرَّبَّوْه مَعَ هِرُودُسْ مُحَافِظْ دَارْ الْجَلِيلْ وَ شَاوُولْ.

رُؤية 21:14

وَ دُرْدُرْ الْمَدِينَةْ عِنْدَهْ 12 أَسَاسْ وَ أَسَامَيْ هَنَا رُسُلْ الْحَمَلْ الْأَتْنَا عَشَرْ مَكْتُوبِينْ فَوْقهُمْ.

يَهُوذَا 1:17

يَا أَخْوَانِي النِّحِبُّكُو، فَكُّرُوا فِي كَلَامْ الرُّسُلْ هَنَا رَبِّنَا عِيسَى الْمَسِيحْ الْقَالَوْه مِنْ أَوَّلْ.

1 كُرُنْتُس 12:4

خَلَاصْ، الْعَطَايَا الْاللّٰهْ يَنْطِيهُمْ شِقْ شِقْ لَاكِنْ الرُّوحْ الْقُدُّوسْ وَاحِدْ.