أفَسُس 4:1 - الكتاب المقدس بالعربي الدارجي هنا تشاد

¹ أَشَانْ كُلَّ الْكَلَامْ دَا، أَنَا الْمَسْجُونْ هِنِي فِي شَانْ رَبِّنَا، نِوَصِّيكُو. عِيشُوا بِالْحَالْ الْمُوَافْقَةْ لِلنَّاسْ الْاللّٰهْ نَادَاهُمْ.

أفَسُس 4:1 Referenca të Kryqëzuara

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

فِلِبِّي 1:27

لَاكِنْ خَلِّي تِعِيشُوا بِالْحَالْ الْمُوَافْقَةْ لِبِشَارَةْ الْمَسِيحْ. وَ مِثِلْ دَا، كَنْ نَجِي نِشِيفْكُو وَلَّا كَنْ أَنَا بَعِيدْ مِنْكُو كُلَ، خَلَاصْ نَسْمَعْ كَلَامْ فِيكُو الْيُقُولْ إِنْتُو ثَابْتِينْ بِفِكِرْ وَاحِدْ وَ هَدَفْ وَاحِدْ وَ إِنْتُو قَاعِدِينْ تِحَارُبُوا سَوَا فِي شَانْ الْإِيمَانْ اللِّقِيتُوهْ مِنْ بِشَارَةْ الْمَسِيحْ.

1 تَسَلونِيكِي 2:12

وَ أَنِحْنَ دَايْماً شَجَّعْنَاكُو وَ صَبَّرْنَاكُو وَ وَصَّيْنَاكُو بِشِدَّةْ أَشَانْ تِعِيشُوا بِالْحَالْ الْوَاجْبَةْ لِلنَّاسْ الْاللّٰهْ نَادَاهُمْ لِيَدْخُلُوا فِي مَمْلَكَتَهْ وَ مَجْدَهْ.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

2 تِمُوتَاوُس 1:9

هُو نَجَّانَا وَ نَادَانَا أَشَانْ نَبْقَوْا نَاسْ خَاصِّينْ لَيَّهْ. وَ دَا مَا بِسَبَبْ أَيِّ عَمَلْ صَالِحْ الْأَنِحْنَ سَوَّيْنَاهْ لَاكِنْ بِسَبَبْ نِيّتَهْ وَ رَحْمَتَهْ. قُبَّالْ الدُّنْيَا مَا بَدَتْ، هُو عِنْدَهْ نِيَّةْ أَشَانْ يَنْطِينَا النِّعْمَةْ دِي فِي الْمَسِيحْ عِيسَى.

1 كُرُنْتُس 4:16

أَشَانْ دَا نِشَجِّعْكُو. تَابُعُوا دَرْبِي أَنَا.

2 تَسَلونِيكِي 1:11

وَ أَشَانْ دَا، نَسْأَلَوْا لَيْكُو اللّٰهْ دَايْماً أَشَانْ هُو يَجْعَلْكُو نَاسْ الْعِنْدُكُو حَقّ لِمُنَادَاتَهْ. وَ نَسْأَلَوْه لَيْكُو أَشَانْ أَيِّ نِيَّةْ الصَّالْحَةْ الشِّلْتُوهَا وَ أَيِّ خِدْمَةْ الْبَدَيْتُوهَا بِسَبَبْ إِيمَانْكُو، اللّٰهْ يِتَمِّمْهَا بِقُدُرْتَهْ.

أفَسُس 4:17

وَ دَاهُو نِوَصِّيكُو بِأُسُمْ الرَّبّ، أَسْمَعَوْا كَلَامِي عَدِيلْ. مَا تِعِيشُوا بَتَّانْ مِثِلْ النَّاسْ الْمَا مُؤمِنِينْ. هُمَّنْ يِتَابُعُوا الْفِكِرْ الْبَاطِلْ.

تكوين 17:1

وَكِتْ أَبْرَامْ عِنْدَهْ 99 سَنَةْ، اللّٰهْ بَانْ لَيَّهْ وَ قَالْ: «أَنَا اللّٰهْ الْقَادِرْ. تَابِعْ كَلَامِي وَ أَبْقَى دَايْماً صَالِحْ.

رَوْمَا 12:1

يَا أَخْوَانِي، نِوَصِّيكُو بِسَبَبْ رَحْمَةْ اللّٰهْ اللِّقِيتُوهَا، أَيِّ وَاحِدْ مِنْكُو يِقَدِّمْ جِسْمَهْ لِلّٰهْ ضَحِيَّةْ حَيَّةْ وَ مُقَدَّسَةْ الْاللّٰهْ يَرْضَى بَيْهَا. وَ دِي هِي عِبَادِتْكُو الْوَاجْبَةْ.

كُلُوسِي 2:6

أَشَانْ دَا، نُقُولْ لَيْكُو أَوَّلْ إِنْتُو سِمِعْتُوا كَدَرْ الْمَسِيحْ عِيسَى هُو بَسْ الرَّبّ وَ آمَنْتُوا بَيَّهْ وَ خَلَاصْ وَاجِبْ تِتَابُعُوا دَرْبَهْ تَمَامْ.

1 بُطْرُس 3:9

كَنْ النَّاسْ يِسَوُّوا فَوْقكُو شُغُلْ فَسِلْ، مَا تُرُدُّوا لَيْهُمْ بِشُغُلْ فَسِلْ. وَ كَنْ يِعَيُّرُوكُو، مَا تُرُدُّوا لَيْهُمْ بِمُعْيَارْ. لَاكِنْ بَارُكُوهُمْ، أَشَانْ اللّٰهْ نَادَاكُو فِي دَرْبَهْ لِتِبَارُكُوا النَّاسْ وَ تَوْرُثُوا بَرَكَةْ مِنْ اللّٰهْ.

2 كُرُنْتُس 6:1

وَ خَلَاصْ، أَنِحْنَ نَخْدُمُوا مَعَ اللّٰهْ وَ أَشَانْ دَا نِوَصُّوكُو. أَكِيدْ قِبِلْتُوا رَحْمَةْ اللّٰهْ وَ هَسَّعْ دَا، أَكُرْبُوهَا قَوِي أَشَانْ تَلْقَوْا مِنْهَا الْفَايْدَةْ الْكَامِلَةْ.

2 يُوحَنَّا 1:5

يَا السَّيِّدَةْ، نِدَوْر نَطْلُبْ مِنْكِ شَيّءْ وَاحِدْ. مَا نَكْتِبْ لَيْكِ وَصِيَّةْ جَدِيدَةْ. الْوَصِيَّةْ دِي سِمِعْنَاهَا مِنْ الْبِدَايَةْ وَ هِي وَاجِبْ نِرَّايَدَوْا أَمْبَيْنَاتْنَا.

1 بُطْرُس 5:10

تَعَبْكُو يَقْعُدْ بَتَّانْ وَكِتْ شِيَّةْ. وَ لَاكِنْ اللّٰهْ عِنْدَهْ رَحْمَةْ كَبِيرَةْ وَ هُو نَادَاكُو أَشَانْ تِشَارُكُوا فِي مَجْدَهْ الْأَبَدِي بِعَلَاقِتْكُو مَعَ عِيسَى الْمَسِيحْ. وَ اللّٰهْ هُو ذَاتَهْ يِثَبِّتْكُو وَ يِقَوِّيكُو وَ يَنْطِيكُو قُدْرَةْ وَ مَا تَقَعَوْا بَتَّانْ.

1 بُطْرُس 2:11

يَا أَخْوَانِي النِّحِبُّكُو الْعَايْشِينْ فِي الدُّنْيَا مِثِلْ أَجَانِبْ وَ ضِيفَانْ، نُقُولْ لَيْكُو أَنْقَرْعُوا. شَهْوَاتْ الْإِنْسَانْ عَدُو. آبَوْا مَا تِتَابُعُوهُمْ.

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

فِلِبِّي 3:14

وَ نِجَاهِدْ أَشَانْ نِتَمِّمْ الْمَقْصُودْ وَ نَلْقَى الْجَائِزَةْ وَ هِي الْبَرَكَةْ الْاللّٰهْ يِدَوْر يَنْطِيهَا لِلنَّاسْ النَّادَاهُمْ فِي مَجْدَهْ بِالْمَسِيحْ عِيسَى.

أفَسُس 5:2

عِيشُوا بِمَحَبَّةْ مِثِلْ مَحَبَّةْ الْمَسِيحْ الْيِحِبِّنَا بَيْهَا لَحَدِّي فَدَانَا بِرُوحَهْ. وَ قَدَّمْ نَفْسَهْ هَدِيَّةْ مِثِلْ ضَحِيَّةْ الْاللّٰهْ يَرْضَى بِرِيحِتْهَا.

أفَسُس 4:4

جِسِمْ الْمَسِيحْ وَاحِدْ بَسْ وَ الرُّوحْ الْقُدُّوسْ، هُو كُلَ وَاحِدْ بَسْ. وَ مِثِلْ دَا، الْعَشَمْ الْاللّٰهْ نَادَاكُو لِتَلْقَوْه كُلَ وَاحِدْ.

أفَسُس 3:1

أَنَا بُولُسْ قَاعِدْ فِي السِّجِنْ أَشَانْ نِتَابِعْ الْمَسِيحْ عِيسَى وَ نِبَلِّغْ بِشَارْتَهْ لَيْكُو إِنْتُو الْمَا يَهُودْ. وَ أَشَانْ دَا، أَنَا نَسْأَلْ لَيْكُو اللّٰهْ.

غَلاطِية 4:12

يَا أَخْوَانِي، أَوَّلْ أَنَا بِقِيتْ مِثِلْكُو إِنْتُو الْمَا يَهُودْ. هَسَّعْ نَشْحَدْكُو، أَبْقَوْا مِثْلِي أَنَا. أَوَّلْ مَا سَوَّيْتُوا لَيِّ شَيّءْ فَسِلْ.

تكوين 5:24

وَ أَخْنُوخْ تَابَعْ دَرِبْ الرَّبّ وَ بَعَدْ دَا، بِقِي مَا فِيهْ أَشَانْ الرَّبّ رَفَعَهْ.

عِبْرَانِيِّين 3:1

أَشَانْ دَا، يَا أَخْوَانِي الصَّالِحِينْ الْاللّٰهْ نَادَاكُو كُلُّكُو لِتَدْخُلُوا فِي دَرْبَهْ، فَكُّرُوا فِي عِيسَى. هُو رَسُولْ اللّٰهْ وَ كَبِيرْ رُجَالْ الدِّينْ الْأَنِحْنَ مُؤمِنِينْ بَيَّهْ وَ نَشْهَدَوْا لَيَّهْ.

2 كُرُنْتُس 10:1

أَنَا بَسْ بُولُسْ الْيُقُولُوا فَوْقِي أَنَا نِمَسْكِنْ نَفْسِي وَكِتْ أَنَا قَاعِدْ مَعَاكُو وَ لَاكِنْ كَلَامِي حَارّ وَكِتْ أَنَا غَايِبْ مِنْكُو. وَ أَنَا نِحَنِّسْكُو بِخَيْر الْمَسِيحْ وَ مَحَنِّتَهْ.

إرْمِيا 38:20

وَ إِرْمِيَا رَدَّ لَيَّهْ وَ قَالْ: «الْبَابِلِيِّينْ مَا يِسَلُّمُوكْ لَيْهُمْ. يَا الْمَلِكْ! أَسْمَعْ كُلَّ كَلَامْ اللّٰهْ الْقَاعِدْ نُقُولَهْ لَيْك! وَ بَيْدَا، إِنْتَ تُكُونْ بِخَيْر وَ حَيَاتَكْ كُلَ تَنْجَى.

تِيطُس 2:10

وَ لَا يَسُرْقُوا مِنْهُمْ شَيّءْ. وَ لَاكِنْ وَاجِبْ يَبْقَوْا لَيْهُمْ أَمِينِينْ مَرَّةْ وَاحِدْ أَشَانْ يِوَصُّفُوا فِي كُلِّ شَيّءْ كَدَرْ تَعْلِيمْ هَنَا اللّٰهْ الْيِنَجِّينَا، هُو سَمَحْ بِلْحَيْن.

كُلُوسِي 4:12

وَ أَخُونَا أَبْفُرَاسْ الْهُو خَدَّامْ الْمَسِيحْ عِيسَى مِنْ حِلِّتْكُو، هُو كُلَ يِسَلِّمْكُو. هُو قَاعِدْ يَسْأَلْ اللّٰهْ دَايْماً لَيْكُو بِشِدَّةْ أَشَانْ تَقْعُدُوا بِثَبَاتْ كَامِلْ وَ مُؤَكِّدِينْ مِنْ نِيَّةْ اللّٰهْ.

2 كُرُنْتُس 5:20

وَ بِمِثِلْ دَا، أَنَا وَ أَخْوَانِي بِقِينَا سُفَرَاء لِلْمَسِيحْ وَ اللّٰهْ قَاعِدْ يِنَادِيكُو بِلِسَانَّا. وَ خَلَاصْ، نَطُلْبُوا مِنْكُو بِأُسُمْ الْمَسِيحْ، أَصَّالَحَوْا مَعَ اللّٰهْ.

أعمال الرُسُل 9:31

وَ خَلَاصْ، أُمَّةْ الْمَسِيحْ الْفِي دَارْ الْيَهُودِيَّةْ وَ فِي دَارْ الْجَلِيلْ وَ فِي دَارْ السَّامِرَةْ قَاعِدَةْ بِعَافَيْ وَ سَلَامْ. وَ كُلَّ الْمُؤمِنِينْ خَايْفِينْ مِنْ الرَّبّ وَ الرُّوحْ الْقُدُّوسْ شَجَّعَاهُمْ وَ عَدَدْهُمْ زَادْ.

رَوْمَا 11:29

أَشَانْ كَنْ اللّٰهْ أَنْطَى نَادُمْ عَطِيَّةْ، هُو مَا يَنْدَمْ لَيْهَا. وَ كَنْ نَادَى نَادُمْ، مَا يِبَطِّلْ مُنَادَاتَهْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.