أفَسُس 3:8 - الكتاب المقدس بالعربي الدارجي هنا تشاد

⁸ وَ مِنْ كُلَّ الصَّالِحِينْ، أَنَا بَسْ الصَّغَيَّرْ وَ لَاكِنْ اللّٰهْ أَنْطَانِي رَحْمَةْ وَ كَلَّفَانِي أَنَا بِبَلِّغِينْ الْبِشَارَةْ لِلْأُمَمْ وَ نِبَشِّرْهُمْ بِبَرَكَةْ الْمَسِيحْ الْمَا عِنْدَهَا حَدّ.

أفَسُس 3:8 Referenca të Kryqëzuara

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

1 كُرُنْتُس 15:9

وَ مِنْ كُلَّ الرُّسُلْ، أَنَا بَسْ صَغَيَّرْ مَرَّةْ وَاحِدْ لَحَدِّي مَا وَاجِبْ يِنَادُونِي رَسُولْ كُلَ أَشَانْ أَوَّلْ أَنَا تَعَّبْت نَاسْ اللّٰهْ أُمَّةْ الْمَسِيحْ.

أفَسُس 3:16

وَ نَسْأَلَهْ أَشَانْ يَنْطِيكُو بَرَكَةْ مِنْ الْغُنَى الْعِنْدَهْ فِي الْمَجْد وَ يَنْطِيكُو قُدْرَةْ وَ يِثَبِّتْ قُلُوبْكُو بِالرُّوحْ الْقُدُّوسْ.

أفَسُس 2:7

وَ هُو سَوَّى لَيْنَا زَيْن بِالْمَسِيحْ عِيسَى أَشَانْ فِي كُلَّ الزَّمَنْ الْجَايِ، يِبَيِّنْ رَحْمَتَهْ الْكَبِيرَةْ بِلْحَيْن الْمَا عِنْدَهَا حَدّ.

1 تِمُوتَاوُس 2:7

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ أَشَانْ نِبَلِّغْ الشَّهَادَةْ دِي. كَلَامِي صَحِيحْ وَ مَا كِدِبْ. هُو سَوَّانِي مُعَلِّمْ الْأُمَمْ لِنِعَلِّمْهُمْ الْإِيمَانْ وَ الْحَقّ.

1 تِمُوتَاوُس 1:13

وَ دَا عَجِيبْ، أَشَانْ أَوَّلْ أَنَا كَافِرْ بَيَّهْ وَ قَاعِدْ نِتَعِّبْ نَاسَهْ وَ أَنَا قَدُّومِي مُرّ مَرَّةْ وَاحِدْ. لَاكِنْ الرَّبّ رَحَمَانِي أَشَانْ سَوَّيْت الذُّنُوبْ دَوْل وَكِتْ لِسَّاعْنِي مَا عِرِفْت الْحَقّ وَ مَا عِنْدِي إِيمَانْ.

غَلاطِية 1:16

هُو بَيَّنْ إِبْنَهْ فِي قَلْبِي أَشَانْ نِبَشِّرْ بَيَّهْ فِي بُلْدَانْ هَنَا نَاسْ الْمَا يَهُودْ. وَ أَنَا مَا شَاوَرْت أَيِّ إِنْسَانْ.

رَوْمَا 11:33

الْحَمْدُ للّٰهْ الْعَلِيمْ وَ الْحَكِيمْ. حِكْمَتَهْ وَ عِلْمَهْ أَبَداً مَا عِنْدُهُمْ حَدّ! حِكْمَةْ حُكْمَهْ نَفْهَمَوْا مِنْهَا إِلَّا شِيَّةْ. وَ نِظَامَهْ عَجِيبْ لَحَدِّي مَا يِلْفَسَّرْ.

رَوْمَا 2:4

تِدَوْر تَحْقِرْ خَيْر اللّٰهْ الْعَظِيمْ وَ صَبْرَهْ وَ طُولْ رُوحَهْ وَلَّا؟ مَا تَعَرِفْ كَدَرْ هُو قَاعِدْ يِسَوِّي لَيْك الْخَيْر أَشَانْ يِدَوْر يِوَدِّيكْ لِلتَّوْبَةْ وَلَّا؟

2 تِمُوتَاوُس 1:11

وَ اللّٰهْ عَزَلَانِي وَ سَوَّانِي مُبَشِّرْ وَ رَسُولْ وَ مُعَلِّمْ.

أفَسُس 3:19

وَ بِمِثِلْ دَا، تَعَرْفُوا مَحَبِّتَهْ الْفَايْتَةْ كُلَّ الْعِرْفَةْ. وَ بَرَكَةْ اللّٰهْ الْكَامِلَةْ تَمْلَا قُلُوبْكُو مَرَّةْ وَاحِدْ.

1 كُرُنْتُس 2:9

وَ خَلَاصْ، دَا مُوَافِقْ مَعَ الْكَلَامْ الْمَكْتُوبْ فِي الْكِتَابْ: <الشَّيّءْ الْاللّٰهْ جَهَّزَهْ لِلنَّاسْ الْيِحِبُّوهْ، مَا شَافَتَهْ عَيْن وَ لَا سِمْعَتَهْ أَدَانْ وَ لَا فَكَّرْ فَوْقَهْ إِنْسَانْ.>

رَوْمَا 12:10

أَرَّايَدَوْا أَمْبَيْنَاتْكُو مِثِلْ أَخْوَانْ وَ خَلِّي أَيِّ وَاحِدْ يِشِيلْ نِيَّةْ أَشَانْ يِحِبّ أَخُوهْ بِإِحْتِرَامْ.

أعمال الرُسُل 5:41

وَ الرُّسُلْ مَرَقَوْا مِنْ بَكَانْ الْمَجْلَسْ فَرْحَانِينْ أَشَانْ اللّٰهْ شَرَّفَاهُمْ بِالتَّعَبْ التِّعِبَوْه فِي شَانْ أُسُمْ عِيسَى.

رُؤية 3:18

وَ أَشَانْ دَا، نِوَصِّيكْ أَشَانْ تَشْرِي مِنِّي دَهَبْ صَافِي وَ بَيَّهْ تَبْقَى غَنِيْ. وَ أَشْرِي مِنِّي لُبَاسْ أَبْيَضْ أَشَانْ تَلْبَسْ وَ تِسِدّ بَيَّهْ عِرَيْك. وَ أَشْرِي مِنِّي قَطْرَةْ أَشَانْ تُصُبَّهَا فِي عُيُونَكْ وَ بَيْدَا، بَتَّانْ تِشِيفْ.

1 تِمُوتَاوُس 1:15

نُقُولُوا الْمَسِيحْ عِيسَى جَاءْ فِي الدُّنْيَا أَشَانْ يِنَجِّي الْمُذْنِبِينْ وَ الْكَلَامْ دَا حَقّ وَ وَاجِبْ لِكُلَّ النَّاسْ يِصَدُّقُوا بَيَّهْ. وَ أَنَا أَذْنَبْت فَوْقَهْ زِيَادَةْ مِنْ كُلَّ النَّاسْ.

أعمال الرُسُل 9:15

وَ الرَّبّ حَجَّى لَيَّهْ وَ قَالْ: «أَمْشِي بَسْ. الرَّاجِلْ دَا، أَنَا عَزَلْتَهْ أَشَانْ يَبْقَى خَدَّامِي وَ يَمْشِي يِبَشِّرْ بِأُسْمِي لِلنَّاسْ الْمَا يَهُودْ وَ لِمُلُوكْهُمْ وَ لِبَنِي إِسْرَائِيلْ.

فِلِبِّي 4:19

وَ أَنَا نَعَرِفْ كَدَرْ اللّٰهْ يَنْطِيكُو بِكَتَرَةْ كُلَّ شَيّءْ التِّحْتَاجَوْا لَيَّهْ. أَيْوَى، يَنْطِيكُو مِنْ غُنَايَهْ الْمَجِيدْ بِالْمَسِيحْ عِيسَى.

غَلاطِية 2:8

وَ مِثِلْ اللّٰهْ عَزَلْ بُطْرُسْ وَ سَوَّاهْ رَسُولْ لِلْيَهُودْ، هُو عَزَلَانِي أَنَا كُلَ وَ سَوَّانِي رَسُولْ لِلْمَا يَهُودْ.

زَبُور 31:19

يَا اللّٰهْ! خَيْرَكْ كَتِيرْ الْحَفَضْتَهْ لِلنَّاسْ الْيَخَافَوْا مِنَّكْ. وَ تَنْطِيهْ لِلْيَلْجَأَوْا لَيْك قِدَّامْ كُلَّ النَّاسْ.

فِلِبِّي 2:3

وَ مَا تِسَوُّوا شَيّءْ مِنْ الْحُسُدْ وَ الْإِسْتِكْبَارْ. خَلِّي أَيِّ وَاحِدْ يِمَسْكِنْ نَفْسَهْ وَ يِشِيفْ أَخْوَانَهْ أَخَيْر مِنْ نَفْسَهْ.

أفَسُس 3:2

وَ أَكِيدْ، سِمِعْتُوا بِنِعْمَةْ اللّٰهْ الْقَاعِدَةْ فَوْقِي لِنِسَوِّي الْخِدْمَةْ الْاللّٰهْ كَلَّفَانِي بَيْهَا فِي شَانْكُو.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

يُوحَنَّا 1:16

وَ رَحْمَتَهْ كَامِلَةْ وَ كُلِّنَا لِقِينَا مِنْهَا بَرَكَةْ فِي بَرَكَةْ.

1 أخبار 17:16

وَ الْمَلِكْ دَاوُدْ دَخَلْ فِي الْخَيْمَةْ فِي حَضَرَةْ اللّٰهْ وَ قَالْ: «أَنَا يَاتُو، يَا اللّٰهْ إِلٰـهِي؟ وَ عَايِلْتِي تِسَاوِي شُنُو لَحَدِّي تَنْطِينِي دَرَجَةْ مِثِلْ دِي؟

أفَسُس 3:1

أَنَا بُولُسْ قَاعِدْ فِي السِّجِنْ أَشَانْ نِتَابِعْ الْمَسِيحْ عِيسَى وَ نِبَلِّغْ بِشَارْتَهْ لَيْكُو إِنْتُو الْمَا يَهُودْ. وَ أَشَانْ دَا، أَنَا نَسْأَلْ لَيْكُو اللّٰهْ.

لُوقا 14:22

وَ بَعَدْ شِيَّةْ، الْعَبِدْ قَالْ لَيَّهْ: ‹يَا سِيدِي، أَنَا سَوَّيْت مِثِلْ إِنْتَ أَمَرْتِنِي بَيَّهْ وَ الْبَكَانْ لِسَّاعْ فَضَّلْ.›