أفَسُس 3:4 - الكتاب المقدس بالعربي الدارجي هنا تشاد

⁴ وَكِتْ تَقْرُوا كَلَامِي دَا، تَفْهَمَوْا الْعِلِمْ اللِّقِيتَهْ مِنْ سِرّ اللّٰهْ الْبُخُصّ الْمَسِيحْ.

أفَسُس 3:4 Referenca të Kryqëzuara

كُلُوسِي 4:3

وَ أَسْأَلَوْا اللّٰهْ لَيْنَا كُلَ. أَسْأَلَوْه أَشَانْ يَفْتَحْ لَيْنَا دَرِبْ لِلْبِشَارَةْ أَشَانْ نِبَلُّغُوا النَّاسْ بِسِرّ اللّٰهْ هُو الْمَسِيحْ. وَ بِسَبَبْ الْبِشَارَةْ دِي، أَنَا قَاعِدْ فِي السِّجِنْ.

1 كُرُنْتُس 4:1

وَ لَيِّ أَنَا وَ أَخْوَانِي، وَاجِبْ تَحْسُبُونَا خَدَّامِينْ الْمَسِيحْ مَسْؤُولِينْ مِنْ بَلِّغِينْ سِرّ اللّٰهْ الْأَوَّلْ النَّاسْ مَا عِرْفَوْه.

2 كُرُنْتُس 11:6

صَحِيحْ، أَنَا مَا نِكَلِّمْ كَلَامْ صَعَبْ مِثِلْ كَلَامْ الْعُلَمَاءْ لَاكِنْ عِلْمِي شَدِيدْ بِلْحَيْن. وَ دَا وَضَّحْنَاهْ لَيْكُو كُلُّكُو فِي كُلَّ شَيّءْ.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

أفَسُس 6:19

وَ أَسْأَلَوْا اللّٰهْ لَيِّ أَنَا ذَاتِي أَشَانْ فِي أَيِّ وَكِتْ النِّدَوْر نِحَجِّي بِكَلَامْ اللّٰهْ، خَلِّي هُو يَنْطِينِي الْكَلَامْ الْوَاجِبْ لَيِّ. نِدَوْر نِحَجِّي بَلَا خَوْف وَ نِفَسِّرْ لِلنَّاسْ سِرّ اللّٰهْ الْبَيَّنَهْ فِي بِشَارَةْ الْمَسِيحْ.

أفَسُس 5:32

الْكَلَامْ دَا سِرّ عَظِيمْ. أَنَا نُقُولْ لَيْكُو الْكَلَامْ دَا بُخُصّ الْمَسِيحْ وَ أُمَّتَه.

أفَسُس 1:9

بَيَّنْ لَيْنَا سِرّ هَنَا مُرَادْتَهْ الْهُو رَضْيَانْ بَيْهَا. وَ شَالْ نِيَّةْ لِيِتَمِّمْهَا فِي الْمَسِيحْ.

لُوقا 8:10

وَ عِيسَى قَالْ: «اللّٰهْ أَنْطَاكُو مَعْرَفَةْ سِرّ مَمْلَكَةْ اللّٰهْ لَاكِنْ نِحَجِّي لِلنَّاسْ الْآخَرِينْ بِأَمْثَالْ. وَ بِمِثِلْ دَا، عِنْدُهُمْ عُيُونْ وَ لَاكِنْ مَا يِشِيفُوا وَ يَسْمَعَوْا الْكَلَامْ وَ لَاكِنْ مَا يَفْهَمَوْه.

1 تِمُوتَاوُس 3:9

وَ وَاجِبْ يِتَابُعُوا دَرِبْ الْإِيمَانْ الْاللّٰهْ بَيَّنَهْ لَيْنَا وَ يَكُرْبُوهْ قَوِي بِنِيَّةْ مُخْلِصَةْ.

1 كُرُنْتُس 13:2

وَ كَنْ نِتْنَبَّأْ بِكَلَامْ جَايِ مِنْ اللّٰهْ وَ نَفْهَمْ كُلَّ الْأَسْرَارْ وَ كُلِّ شَيّءْ هَنَا عِلِمْ وَ كَنْ عِنْدِي إِيمَانْ قَوِي مَرَّةْ وَاحِدْ لَحَدِّي نِحَوِّلْ الْجِبَالْ مِنْ بَكَانَاتْهُمْ كُلَ وَ كَنْ مَا عِنْدِي الْمَحَبَّةْ، أَنَا مَا شَيّءْ.

مَتَّى 13:11

وَ عِيسَى رَدَّ لَيْهُمْ وَ قَالْ: «اللّٰهْ أَنْطَاكُو مَعْرَفَةْ سِرّ مَمْلَكَةْ اللّٰهْ لَاكِنْ مَا أَنْطَاهْ لِلنَّاسْ الْآخَرِينْ.

رَوْمَا 11:25

يَا أَخْوَانِي، نِدَوْر نِأَوْرِيكُو بِسِرّ وَاحِدْ الْاللّٰهْ بَيَّنَهْ لَيِّ. نِأَوْرِيكُو بَيَّهْ أَشَانْ كَنْ فِهِمْتُوهْ عَدِيلْ، مَا تِسْتَكْبَرَوْا فِي أَفْكَارْكُو. وَاحِدِينْ مِنْ بَنِي إِسْرَائِيلْ بِقَوْا عَاصِيِينْ وَ مَا يِآمُنُوا بِعِيسَى الْمَسِيحْ. وَ عِصْيَانْهُمْ دَا يُدُومْ لَحَدِّي عَدَدْ الْمُؤمِنِينْ مِنْ الْأُمَمْ يَلْحَقْ الْعَدَدْ الْاللّٰهْ يِدَوْرَهْ.

رَوْمَا 16:25

وَ خَلَاصْ نَشْكُرُوا اللّٰهْ! أَشَانْ هُو يَقْدَرْ يِقَوِّيكُو فِي الْإِيمَانْ بِبِشَارَةْ الْمَسِيحْ النِّجِيبْهَا لَيْكُو وَكِتْ نِبَلِّغْ بِعِيسَى الْمَسِيحْ. وَ بِالْبِشَارَةْ دِي، اللّٰهْ يِعَرِّفْ السِّرّ الْمُلَبَّدْ مِنْ الزَّمَنْ الْفَاتْ.

أفَسُس 3:3

وَ خِدِمْتِي تُخُصّ سِرّ اللّٰهْ الْبَيَّنَهْ لَيِّ فِي رُؤْيَةْ. وَ أَوَّلْ كَتَبْت لَيْكُو مِنَّهْ.

أفَسُس 3:9

وَ رَسَّلَانِي أَشَانْ نِفَسِّرْ لِكُلَّ النَّاسْ مَعَنَى سِرّ اللّٰهْ. وَ اللّٰهْ الْخَالِقْ كُلَّ شَيّءْ حَفَضْ السِّرّ دَا لِنَفْسَهْ فِي كُلَّ الزَّمَنْ الْفَاتْ.

كُلُوسِي 1:26

وَ نِبَلِّغْ السِّرّ الْاللّٰهْ أَبَداً مَا بَيَّنَهْ لِنَاسْ هَنَا أَيِّ زَمَنْ الْفَاتْ وَ لَاكِنْ هَسَّعْ هُو بَيَّنَهْ لِنَاسَهْ الصَّالِحِينْ.