أفَسُس 2:6 - الكتاب المقدس بالعربي الدارجي هنا تشاد

⁶ وَ اللّٰهْ بَعَثَانَا مَعَايَهْ وَ قَعَّدَانَا مَعَايَهْ فِي السَّمَاوَاتْ وَ دَا بِقِي لَيْنَا بِالْمَسِيحْ عِيسَى.

أفَسُس 2:6 Referenca të Kryqëzuara

أفَسُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ. هُو بَارَكَانَا بِكُلَّ الْبَرَكَاتْ الرُّوحِيَّةْ الْفِي السَّمَاءْ أَشَانْ عَلَاقِتْنَا مَعَ الْمَسِيحْ.

يُوحَنَّا 12:26

كَنْ نَادُمْ يِدَوْر يَخْدِمْ لَيِّ، وَاجِبْ يِتَابِعْنِي. وَ فِي الْبَكَانْ الْأَنَا نَقْعُدْ فَوْقَهْ، خَدَّامِي كُلَ يَقْعُدْ فَوْقَهْ. وَ أَيِّ نَادُمْ الْيَخْدِمْ لَيِّ، أَبُويِ يِشَرِّفَهْ.

يُوحَنَّا 14:3

وَ وَكِتْ مَشَيْت حَصَّلْت لَيْكُو بَكَانْ، نِقَبِّلْ نِوَدِّيكُو هِنَاكْ أَشَانْ تَقْعُدُوا مَعَايِ. وَ بِمِثِلْ دَا، تَقْعُدُوا فِي الْبَكَانْ الْأَنَا قَاعِدْ فَوْقَهْ.

مَتَّى 26:29

وَ نُقُولْ لَيْكُو، مِنْ الْيَوْم أَنَا مَا نَشْرَبْ بَتَّانْ عَصِيرْ الْعِنَبْ لَحَدِّي الْيَوْم النَّشْرَبْ عَصِيرْ الْعِنَبْ الْجَدِيدْ مَعَاكُو فِي مَمْلَكَةْ أَبُويِ.»

لُوقا 12:37

مَبْرُوكْ لِلْعَبِيدْ السِّيدْهُمْ يَلْقَاهُمْ وَاعِيِّينْ وَكِتْ هُو يَجِي. نُقُولْ لَيْكُو الْحَقّ، سِيدْهُمْ ذَاتَهْ يَرْبُطْ صُلْبَهْ وَ يِقَعِّدْهُمْ قِدَّامْ الصُّفْرَةْ وَ يَنْطِيهُمْ الْأَكِلْ.

كُلُوسِي 1:18

هُو بَسْ رَاسْ الْجِسِمْ وَ الْجِسِمْ هُو أُمَّةْ الْمَسِيحْ. وَ هُو الْبِدَايَةْ وَ أَوَّلْ نَادُمْ الْبَعَثْ مِنْ أُسْط الْمَيْتِينْ. وَ اللّٰهْ سَوَّى مِثِلْ دَا أَشَانْ إِبْنَهْ يَبْقَى الْأَوَّلْ فِي كُلِّ شَيّءْ.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

أفَسُس 2:13

لَاكِنْ هَسَّعْ عِنْدُكُو عَلَاقَةْ مَعَ الْمَسِيحْ عِيسَى. إِنْتُو أَوَّلْ بَعِيدِينْ مِنْ اللّٰهْ لَاكِنْ هَسَّعْ دَمّ الْمَسِيحْ دَفَّقْ فِي شَانْكُو وَ قَرَّبَاكُو لَيَّهْ.