أفَسُس 2:3 - الكتاب المقدس بالعربي الدارجي هنا تشاد

³ وَ أَوَّلْ كُلِّنَا مِنْهُمْ وَ نِتَابُعُوا شَهْوَاتْ الْإِنْسَانْ وَ نِسَوُّوا الشَّيّءْ الْجِسِمْنَا وَ أَفْكَارْنَا يِدَوْرُوهْ. أَوَّلْ أَنِحْنَ ذَاتْنَا وَاجِبْ لَيْنَا غَضَبْ اللّٰهْ مِثِلْ النَّاسْ الْآخَرِينْ.

أفَسُس 2:3 Referenca të Kryqëzuara

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

1 بُطْرُس 1:14

أَعَرْفُوا كَدَرْ إِنْتُو عِيَالْ اللّٰهْ وَ تَابُعُوا دَايْماً كَلَامَهْ. آبَوْا مَا تِتَابُعُوا شَهْوَاتْكُو التَّابَعْتُوهُمْ قُبَّالْ مَا تَعَرْفُوا الْمَسِيحْ.

أفَسُس 4:22

فِي الشَّيّءْ الْبُخُصّ الْحَالْ الْإِنْتُو أَوَّلْ عَايْشِينْ بَيْهَا، وَاجِبْ تِخَلُّوهَا مِنْكُو مَرَّةْ وَاحِدْ وَ مَا تِتَابُعُوا بَتَّانْ حَالْكُو الْقَدِيمَةْ. أَوَّلْ حَالْكُو دِي غَشَّتْكُو وَ وَدَّرَتْكُو.

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

رَوْمَا 6:12

مَا تِخَلُّوا الذَّنِبْ يَمْلُكْ فِي أَجْسَامْكُو الْبَعَدَيْن يُمُوتُوا. وَ مَا تِخَلُّوا الذَّنِبْ يِلِزُّكُو أَشَانْ تِتَابُعُوا شَهْوَاتْ أَجْسَامْكُو.

زَبُور 51:5

دَاهُو مِنْ وِلْدَوْنِي، أَنَا فِي الْخَطَا أَيْوَى، مِنْ أَمِّي غِلْبَتْ بَيِّ، أَنَا مُذْنِبْ.

1 يُوحَنَّا 2:16

أَشَانْ كُلِّ شَيّءْ الْقَاعِدْ فِي الدُّنْيَا مِثِلْ شَهْوَاتْ الْجِسِمْ وَ طَمَعْ الْعَيْن وَ فَشَارْ بِالْمَالْ مَا مِنْ أَبُونَا وَ لَاكِنْ مِنْ الدُّنْيَا.

أفَسُس 2:2

وَ فِي الْوَكِتْ الْفَاتْ دَاكْ، إِنْتُو قَاعِدِينْ تِتَابُعُوا دَرِبْ الدُّنْيَا وَ تِتَابُعُوا كَبِيرْ الْمَمْلَكَةْ الشَّيْطَانِيَّةْ الْقَاعِدَةْ بَيْن السَّمَاءْ وَ الْأَرْض وَ هُو الشَّيْطَانْ الْقَاعِدْ يَخْدِمْ فِي قُلُوبْ النَّاسْ الْيِخَالُفُوا اللّٰهْ.

يُوحَنَّا 8:44

أَبُوكُو هُو إِبْلِيسْ وَ إِنْتُو عِيَالَهْ وَ تِدَوْرُوا تِسَوُّوا الشَّيّءْ الْهُو يِدَوْرَهْ. هُو كَتَّالْ دِمَمْ مِنْ الْبِدَايَةْ وَ أَبَداً مَا دَوَّرْ الْحَقّ أَشَانْ فِي قَلْبَهْ، الْحَقّ مَا فِيهْ. كَلَامْ الْكِدِبْ بِقِي لَيَّهْ لُغِّتَهْ أَشَانْ هُو كَدَّابْ وَ كُلَّ الْكَلَامْ الْكِدِبْ، هُو أَبُوهْ.

2 كُرُنْتُس 7:1

يَا أَخْوَانِي النِّحِبُّكُو، خَلِّي نِفَكُّرُوا فِي وَعَدْ اللّٰهْ دَا. وَ خَلِّي نِطَهُّرُوا جِسِمْنَا وَ قُلُوبْنَا مِنْ أَيِّ شَيّءْ الْيِنَجِّسْنَا. لَحَدِّي نِعِيشُوا بِحَالْ صَالْحَةْ وَ خَوْف اللّٰهْ.

1 كُرُنْتُس 4:7

وَ نُقُولْ لِأَيِّ وَاحِدْ، يَاتُو السَّوَّاكْ أَخَيْر مِنْ أَخُوكْ؟ الشَّيّءْ الْعِنْدَكْ دَا، هُو مِنْ اللّٰهْ. وَ كَنْ اللّٰهْ بَسْ أَنْطَاهْ لَيْك، مَالَا تِسْتَكْبَرْ بَيَّهْ مِثِلْ إِنْتَ مَا لِقِيتَهْ مِنَّهْ هُو؟

رَوْمَا 7:18

نَعَرِفْ مَا فِي شَيّءْ عَدِيلْ قَاعِدْ فَوْقِي، يَعْنِي فِي طَبِيعْتِي الْإِنْسَانِيَّةْ. عِنْدِي نِيَّةْ نِسَوِّي الْخَيْر لَاكِنْ مَا نَقْدَرْ.

مَرْخُوس 4:19

وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْهُمْ يَكْتُلُوا الْكَلَامْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ فَايْدَةْ.

تكوين 6:5

وَ اللّٰهْ شَافْ فَسَالَةْ النَّاسْ بِقَتْ كَتِيرَةْ فِي الْأَرْض وَ دَايْماً قَلِبْهُمْ يِرِيدْ إِلَّا الْفَسَالَةْ.

رَوْمَا 11:30

إِنْتُو الْمَا يَهُودْ أَوَّلْ عَاصِيِينْ لَاكِنْ هَسَّعْ اللّٰهْ رَحَمَاكُو بِسَبَبْ عِصْيَانْ بَنِي إِسْرَائِيلْ.

رَوْمَا 9:22

وَ تُقُولْ شُنُو كَنْ اللّٰهْ دَوَّرْ يِبَيِّنْ غَضَبَهْ وَ قُدُرْتَهْ فِي الْمَوَاعِينْ الْهُو غَضْبَانْ فَوْقهُمْ الْجَاهِزِينْ لِلْهَلَاكْ وَ لَاكِنْ طَوَّلْ حِمِلَاهُمْ بِصَبُرْ؟

يُوحَنَّا 1:13

وَ يَبْقَوْا عِيَالْ اللّٰهْ مَا بِوَالُودَةْ وَ لَا بِشَهْوَةْ النَّاسْ وَ لَا بِنِيَّةْ هَنَا أَيِّ رَاجِلْ، لَاكِنْ هُمَّنْ بِقَوْا عِيَالْ اللّٰهْ بِقُدْرَةْ اللّٰهْ.

إشَعْيا 53:6

أَنِحْنَ كُلِّنَا مِثِلْ غَنَمْ الْمُوَدِّرِينْ، أَيِّ وَاحِدْ شَايِلْ لَيَّهْ دَرِبْ. وَ اللّٰهْ خَطَّ فَوْقَهْ هُو خَطَانَا أَنِحْنَ كُلِّنَا.

أيُّوب 25:4

وَ بَيْدَا كُلَ، كِكَّيْف الْإِنْسَانْ يِسَوِّي نَفْسَهْ صَالِحْ قِدَّامْ الرَّبّ؟ وَ كِكَّيْف الْجَابَتَهْ مَرَةْ يَبْقَى صَافِي قِدَّامَهْ؟

أيُّوب 14:4

يَاتُو يَقْدَرْ يَمْرُقْ الطَّاهِرْ مِنْ النِّجِسْ؟ مَا فِي!

تكوين 8:21

وَ اللّٰهْ شَمَّ الرِّيحَةْ وَ رِضِي بَيْهَا وَ قَالْ فِي نَفْسَهْ: «مِنْ الْيَوْم بَتَّانْ مَا نَلْعَنْ الْأَرْض أَشَانْ الْإِنْسَانْ. حَتَّى كَانْ قَلْبَهْ هَوَانْ وَ يِدَوْر يِسَوِّي إِلَّا الْفَسَالَةْ مِنْ هُو صَغَيَّرْ. وَ بَتَّانْ مَا نُقُشّ كُلَّ مَخْلُوقْ حَيّ مِثِلْ مَا أَنَا قَشَّيْتهُمْ أَوَّلْ.

2 بُطْرُس 2:18

يِكَلُّمُوا بِكِبْرِيَاءْ الْمَا عِنْدَهْ فَايْدَةْ. يِسْتَعْمَلَوْا الشَّهْوَاتْ أَشَانْ يِجِيبُوا بَيْهَا النَّاسْ الدَّهَابْهُمْ مَرَقَوْا مِنْ دَرِبْ الْوَدَارْ.

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

1 تِمُوتَاوُس 6:9

لَاكِنْ النَّاسْ الْيِدَوْرُوا يَبْقَوْا غَنِيِّينْ، طَمَعْهُمْ يِلِزُّهُمْ فِي الذُّنُوبْ وَ يَبْقَى لَيْهُمْ شَرَكْ. وَ كَتَرَةْ شَهْوَاتْهُمْ يِسَبُّبُوا لَيْهُمْ الْأَذَى وَ يِسَوُّوهُمْ عَجَامَا وَ يِوَدُّوهُمْ فِي الدَّمَارْ وَ الْهَلَاكْ.

غَلاطِية 3:22

لَاكِنْ فِي الْكِتَابْ، اللّٰهْ قَالْ كَدَرْ كُلَّ النَّاسْ قَاعِدِينْ تِحِتْ حُكُمْ الذَّنِبْ وَ مَا يَقْدَرَوْا يَمُرْقُوا مِنَّهْ. وَ بِقِي مِثِلْ دَا أَشَانْ اللّٰهْ عِنْدَهْ نِيَّةْ يَنْطِي لِلْمُؤمِنِينْ بَسْ الْبَرَكَةْ الْهُو وَاعَدْ بَيْهَا بِسَبَبْ إِيمَانْهُمْ بِعِيسَى الْمَسِيحْ.

رَوْمَا 1:24

وَ أَشَانْ دَا، اللّٰهْ سَلَّمَاهُمْ لِشَهْوَاتْ قُلُوبْهُمْ وَ خَلَّاهُمْ يِسَوُّوا فِعِلْ شَيْن بِأَجْسَامْهُمْ وَ يِتَلُّفُوا شَرَفْهُمْ أَمْبَيْنَاتْهُمْ.

1 يُوحَنَّا 2:8

وَ لَاكِنْ صَحِيحْ أَنَا نَكْتِبْ لَيْكُو وَصِيَّةْ جَدِيدَةْ وَ حَقِيقِتْهَا قَاعِدَةْ تِنْشَافْ فِي عِيسَى الْمَسِيحْ وَ تِنْشَافْ فِيكُو إِنْتُو أَشَانْ الضَّلَامْ بَدَا يُفُوتْ وَ النُّورْ الصَّحِيحْ بَدَا يِضَوِّي.

أعمال الرُسُل 14:16

فِي الزَّمَنْ الْفَاتْ، اللّٰهْ خَلَّى كُلَّ الْقَبَايِلْ يِعِيشُوا مِثِلْ هُمَّنْ يِدَوْرُوا.

تكوين 5:3

وَكِتْ آدَمْ عِنْدَهْ 130 سَنَةْ، وِلِدْ وِلَيْد الْيِشَابِهَهْ وَ فِي صُورْتَهْ. وَ سَمَّاهْ شِيتْ.

رَوْمَا 2:14

النَّاسْ الْمَا يَهُودْ مَا عِنْدُهُمْ شُرُوطْ التَّوْرَاةْ. وَ لَاكِنْ وَكِتْ هُمَّنْ بِنُفُوسْهُمْ يِطَبُّقُوهُمْ حَتَّى كَانْ مَا عِنْدُهُمْ شُرُوطْ التَّوْرَاةْ كُلَ، هُمَّنْ بِقَوْا مِثِلْ عِنْدُهُمْ شُرُوطْ التَّوْرَاةْ فِي نُفُوسْهُمْ.

رَوْمَا 5:9

وَ كَنْ الْمَسِيحْ سَوَّانَا صَالِحِينْ بِدَفِّقِينْ دَمَّهْ، أَكِيدْ هُو يِنَجِّينَا مِنْ غَضَبْ اللّٰهْ كُلَ.

رَوْمَا 5:10

وَ وَكِتْ أَنِحْنَ لِسَّاعْنَا عُدْوَانْ اللّٰهْ، مَوْت إِبْنَهْ صَالَحَانَا مَعَايَهْ. وَ بِمِثِلْ دَا، كَنْ عِنْدِنَا صُلُحْ مَعَايَهْ بِمَوْت إِبْنَهْ، أَكِيدْ نَنْجَوْا بِحَيَاةْ إِبْنَهْ.

كُلُوسِي 1:21

وَ فِي الْوَكِتْ الْفَاتْ، إِنْتُو مَا عِنْدُكُو عَلَاقَةْ مَعَ اللّٰهْ وَ بِقِيتُوا عُدْوَانَهْ بِفِكِرْكُو وَ قَاعِدِينْ تِسَوُّوا الْفَسَالَةْ.

1 تَسَلونِيكِي 4:13

يَا أَخْوَانِي، نِدَوْرُوا نِأَوْرُوكُو بِحَالَةْ الْمُؤمِنِينْ الْأَتْوَفَّوْا أَشَانْ مَا تَحْزَنَوْا مِثِلْ النَّاسْ الْمَا عِنْدُهُمْ عَشَمْ فِي رَبِّنَا.

1 تَسَلونِيكِي 5:6

أَشَانْ دَا، خَلِّي مَا نَبْقَوْا مِثِلْ النَّاسْ الْآخَرِينْ. هُمَّنْ مِثِلْ نَاسْ نَايْمِينْ أَشَانْ مَا يَعَرْفُوا الشَّيّءْ الْيَجِي فَوْقهُمْ. خَلِّي نَقْعُدُوا وَاعِيِّينْ وَ نُخُطُّوا بَالْنَا.