أفَسُس 2:21 - الكتاب المقدس بالعربي الدارجي هنا تشاد

²¹ بِعَلَاقِتْنَا مَعَ الْمَسِيحْ بَسْ، كُلِّنَا أَنْرَبَطْنَا سَوَا وَ بِقِينَا مِثِلْ بَيْت وَاحِدْ الْقَاعِدْ يَكْبُرْ لَحَدِّي يَبْقَى بَيْت مُقَدَّسْ وَ مَسْكَنْ خَاصّ لِلرَّبّ.

أفَسُس 2:21 Referenca të Kryqëzuara

1 كُرُنْتُس 3:9

وَ خَلَاصْ، أَنِحْنَ أَخْوَانْ فِي خِدْمَةْ اللّٰهْ وَ إِنْتُو بِقِيتُوا جِنَيْنَةْ هَنَا اللّٰهْ. أَوْ بِمَثَلْ آخَرْ، إِنْتُو بِقِيتُوا الْبَيْت الْاللّٰهْ قَاعِدْ يَبْنِيهْ.

2 كُرُنْتُس 6:16

وَ وَيْن الْعَلَاقَةْ بَيْن بَيْت عِبَادَةْ اللّٰهْ وَ بَيْت عِبَادَةْ الْأَصْنَامْ؟ وَ أَنِحْنَ بَسْ بَيْت اللّٰهْ الْحَيّ. وَ فِي الْكِتَابْ، اللّٰهْ قَالْ: <نَسْكُنْ فَوْقهُمْ وَ نُرُوغْ أَمْبَيْنَاتْهُمْ وَ نَبْقَى رَبُّهُمْ وَ هُمَّنْ يَبْقَوْا شَعَبِي.>

1 مُلوك 6:7

وَ الْبُنَى هَنَا بَيْت اللّٰهْ دَا سَوَّوْه بِحُجَارْ مُجَهَّزِينْ الْقَطَعَوْهُمْ قُبَّالْ. وَ بَيْدَا، مَا بِنْسَمِعْ ضَرِبِينْ هَنَا مِطْرَقَةْ وَ لَا فَاسْ وَ لَا آلَةْ آخَرَةْ هَنَا حَدِيدْ فِي لُبّ بَيْت اللّٰهْ وَكِتْ قَاعِدِينْ يَبْنُوهْ.

حِزْقِيال 42:12

بِيبَانْهُمْ يِنْفَتْحُوا عَلَيْ الْوَطِي وَ فِيَّهْ دَرِبْ أَمْبَيْن الْغُرَفْ وَ الدُّرْدُرْ الْقِدَّامْهُمْ. وَ فِيَّهْ مَدَخَلْ الْقَاعِدْ بِصَبَاحْ فِي آخِرْ الدُّرْدُرْ وَ النَّاسْ يِنْدَسَّوْا بَيَّهْ.

زَبُور 93:5

مُعَاهَدَتَكْ صَادْقَةْ مَرَّةْ وَاحِدْ وَ قَدَاسْتَكْ تِجَمِّلْ بَيْتَكْ إِلَى الْأَبَدْ، يَا اللّٰهْ!

كُلُوسِي 2:19

وَ النَّادُمْ دَا مَا مَرْبُوطْ مَعَ الْمَسِيحْ الْهُو رَاسْ الْأُمَّةْ. وَ الْمَسِيحْ بَسْ يِعَيِّشْ كُلَّ أُمَّتَه وَ يِسَوِّيهَا مِثِلْ جِسِمْ وَاحِدْ. وَ هُو بَسْ الْيِسَوِّي مَفَاصِلْ الْجِسِمْ يِنْرَبْطُوا أَمْبَيْنَاتْهُمْ. وَ جِسْمَهْ يَبْقَى كَبِيرْ بِقُدْرَةْ اللّٰهْ.

1 تِمُوتَاوُس 3:15

كَنْ نِأَخِّرْ كُلَ، إِنْتَ تَعَرِفْ الْحَالْ الْوَاجْبَةْ لِأَهَلْ اللّٰهْ. هُمَّنْ نَاسْ اللّٰهْ أُمَّةْ الْمَسِيحْ. وَ أُمَّةْ الْمَسِيحْ، هِي عَمُودْ الْحَقّ وَ أَسَاسَهْ.