أفَسُس 2:2 - الكتاب المقدس بالعربي الدارجي هنا تشاد

² وَ فِي الْوَكِتْ الْفَاتْ دَاكْ، إِنْتُو قَاعِدِينْ تِتَابُعُوا دَرِبْ الدُّنْيَا وَ تِتَابُعُوا كَبِيرْ الْمَمْلَكَةْ الشَّيْطَانِيَّةْ الْقَاعِدَةْ بَيْن السَّمَاءْ وَ الْأَرْض وَ هُو الشَّيْطَانْ الْقَاعِدْ يَخْدِمْ فِي قُلُوبْ النَّاسْ الْيِخَالُفُوا اللّٰهْ.

أفَسُس 2:2 Referenca të Kryqëzuara

أفَسُس 6:12

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

1 يُوحَنَّا 5:19

وَ نَعَرْفُوا كَدَرْ أَنِحْنَ بَسْ نَاسْ هَنَا اللّٰهْ وَ كُلَّ النَّاسْ هَنَا الدُّنْيَا قَاعِدِينْ فِي إِيدَيْن إِبْلِيسْ الشَّرِيرْ.

أفَسُس 2:3

وَ أَوَّلْ كُلِّنَا مِنْهُمْ وَ نِتَابُعُوا شَهْوَاتْ الْإِنْسَانْ وَ نِسَوُّوا الشَّيّءْ الْجِسِمْنَا وَ أَفْكَارْنَا يِدَوْرُوهْ. أَوَّلْ أَنِحْنَ ذَاتْنَا وَاجِبْ لَيْنَا غَضَبْ اللّٰهْ مِثِلْ النَّاسْ الْآخَرِينْ.

يُوحَنَّا 12:31

هَسَّعْ بَسْ الْعِقَابْ يَجِي فِي الدُّنْيَا. وَ هَسَّعْ بَسْ يِنْطَرِدْ إِبْلِيسْ سُلْطَانْ الدُّنْيَا.

أفَسُس 5:6

مَا تِخَلُّوا نَادُمْ يُغُشُّكُو بِكَلامْ بَاطِلْ. بِسَبَبْ الذُّنُوبْ الْمِثِلْ دَوْل، اللّٰهْ يِنَزِّلْ غَضَبَهْ فَوْق الْعَاصِيِينْ.

يُوحَنَّا 8:44

أَبُوكُو هُو إِبْلِيسْ وَ إِنْتُو عِيَالَهْ وَ تِدَوْرُوا تِسَوُّوا الشَّيّءْ الْهُو يِدَوْرَهْ. هُو كَتَّالْ دِمَمْ مِنْ الْبِدَايَةْ وَ أَبَداً مَا دَوَّرْ الْحَقّ أَشَانْ فِي قَلْبَهْ، الْحَقّ مَا فِيهْ. كَلَامْ الْكِدِبْ بِقِي لَيَّهْ لُغِّتَهْ أَشَانْ هُو كَدَّابْ وَ كُلَّ الْكَلَامْ الْكِدِبْ، هُو أَبُوهْ.

أفَسُس 4:22

فِي الشَّيّءْ الْبُخُصّ الْحَالْ الْإِنْتُو أَوَّلْ عَايْشِينْ بَيْهَا، وَاجِبْ تِخَلُّوهَا مِنْكُو مَرَّةْ وَاحِدْ وَ مَا تِتَابُعُوا بَتَّانْ حَالْكُو الْقَدِيمَةْ. أَوَّلْ حَالْكُو دِي غَشَّتْكُو وَ وَدَّرَتْكُو.

1 كُرُنْتُس 6:11

وَ نَاسْ وَاحِدِينْ مِنْكُو أَوَّلْ قَاعِدِينْ يِسَوُّوا الذُّنُوبْ دَوْل. لَاكِنْ اللّٰهْ غَسَّلَاكُو وَ سَوَّاكُو خَاصِّينْ لَيَّهْ وَ جَعَلَاكُو صَالِحِينْ بِأُسُمْ رَبِّنَا عِيسَى الْمَسِيحْ وَ بِقُدْرَةْ رُوحْ اللّٰهْ إِلٰـهْنَا.

2 كُرُنْتُس 4:4

النَّاسْ الْمَا مُؤمِنِينْ دَوْل قُلُوبْهُمْ عَمْيَانِينْ أَشَانْ إِبْلِيسْ عِنْدَهْ سُلْطَةْ فِي الدُّنْيَا دِي وَ هُو عَمَاهُمْ. هُو يِدَوْر يَدْحَرْهُمْ مَا يِشِيفُوا النُّورْ الْمَجِيدْ هَنَا الْمَسِيحْ النِّبَلُّغُوا بَيَّهْ الْبِشَارَةْ. الْمَسِيحْ هُو صُورَةْ اللّٰهْ.

1 يُوحَنَّا 5:4

أَشَانْ أَيِّ نَادُمْ الْاللّٰهْ بِقِي أَبُوهْ يَغْلِبْ الدُّنْيَا. وَ الْقُدْرَةْ الْبَيْهَا نَغْلُبُوا الدُّنْيَا هِي جَايَةْ مِنْ إِيمَانَّا.

1 يُوحَنَّا 3:10

وَ نَعَرْفُوا يَاتُمَّنْ عِيَالْ اللّٰهْ وَ يَاتُمَّنْ عِيَالْ إِبْلِيسْ بِالشَّيّءْ الْيِسَوُّوهْ. كُلَّ النَّاسْ الْمَا يِتَابُعُوا الْحَالْ الصَّالْحَةْ، هُمَّنْ مَا عِيَالْ اللّٰهْ مِثِلْ النَّاسْ الْمَا يِحِبُّوا أَخْوَانْهُمْ.

1 بُطْرُس 1:14

أَعَرْفُوا كَدَرْ إِنْتُو عِيَالْ اللّٰهْ وَ تَابُعُوا دَايْماً كَلَامَهْ. آبَوْا مَا تِتَابُعُوا شَهْوَاتْكُو التَّابَعْتُوهُمْ قُبَّالْ مَا تَعَرْفُوا الْمَسِيحْ.

رُؤية 20:2

وَ هُو كَرَبْ الْغُولْ وَ جَنْزَرَهْ أَشَانْ يَقْعُدْ مُجَنْزَرْ مُدَّةْ أَلِفْ سَنَةْ. وَ الْغُولْ، هُو الدَّابِي الْقَاعِدْ مِنْ زَمَانْ وَ هُو بَسْ إِبْلِيسْ وَ الشَّيْطَانْ.

1 يُوحَنَّا 4:4

يَا عِيَالِي، إِنْتُو نَاسْ هَنَا اللّٰهْ وَ غَلَبْتُوا الْأَنْبِيَاء الْكَدَّابِينْ دَوْل خَلَاصْ، أَشَانْ هُو الْقَاعِدْ فِيكُو أَكْبَرْ مِنْ الْقَاعِدْ فِي الدُّنْيَا.

1 بُطْرُس 4:3

كَفَاكُو! أَشَانْ مِنْ زَمَانْ، إِنْتُو قَعَدْتُوا وَكِتْ طَوِيلْ فِي عَمَلْ الْقَاعِدِينْ يِسَوُّوا النَّاسْ الْمَا مُؤمِنِينْ. هُمَّنْ قَاعِدِينْ يِسَوُّوا الْفَسَادْ وَ شَهْوَاتْهُمْ الشَّيْنِينْ وَ السَّكَرْ وَ حَفْلَاتْ الزِّنَى وَ السَّفَاهَةْ. وَ يَعَبُدُوا الْأَصْنَامْ الْاللّٰهْ حَرَّمَاهُمْ.

كُلُوسِي 1:21

وَ فِي الْوَكِتْ الْفَاتْ، إِنْتُو مَا عِنْدُكُو عَلَاقَةْ مَعَ اللّٰهْ وَ بِقِيتُوا عُدْوَانَهْ بِفِكِرْكُو وَ قَاعِدِينْ تِسَوُّوا الْفَسَالَةْ.

غَلاطِية 1:4

الْقَدَّمْ نَفْسَهْ ضَحِيَّةْ فِي شَانْ ذُنُوبْنَا أَشَانْ يِنَجِّينَا مِنْ شَرّ الدُّنْيَا دِي حَسَبْ نِيَّةْ اللّٰهْ أَبُونَا.

رَوْمَا 12:2

آبَوْا مَا تِتَابُعُوا فِكِرْ نَاسْ الدُّنْيَا لَاكِنْ خَلِّي اللّٰهْ يِغَيِّرْكُو وَ يَنْطِيكُو عَقُلْ جَدِيدْ الْبَيَّهْ تَقْدَرَوْا تِمَيُّزُوا الشَّيّءْ الْاللّٰهْ يِدَوْرَهْ وَ تَعَرْفُوا الشَّيّءْ الْعَدِيلْ وَ الشَّيّءْ الْاللّٰهْ يَرْضَى بَيَّهْ وَ الشَّيّءْ التَّمَامْ.

يَعْقُوب 4:4

إِنْتُو شَعَبْ مُنَافِقِينْ! مَا تَعَرْفُوا كَدَرْ النَّاسْ الْيِحِبُّوا الدُّنْيَا عُدْوَانْ اللّٰهْ؟ وَ النَّادُمْ الْيِحِبّ الدُّنْيَا سَوَّى نَفْسَهْ عَدُو اللّٰهْ.

1 كُرُنْتُس 5:10

وَ مَعَنَى الْكَلَامْ دَا مَا بُخُصّ النَّاسْ الزَّنَّايِينْ الْمَا مُؤمِنِينْ وَ لَا الطَّمَّاعِينْ وَ لَا السَّرَّاقِينْ وَ لَا عَابِدِينْ الْأَصْنَامْ. أَشَانْ مَا تَقْدَرَوْا تِكِسُّوا مِنْ النَّاسْ دَوْل إِلَّا كَنْ تَمُرْقُوا مِنْ الدُّنْيَا مَرَّةْ وَاحِدْ.

أعمال الرُسُل 5:3

وَ بُطْرُسْ سَأَلَهْ وَ قَالْ: «يَا حَنَانِيَّا، مَالَكْ خَلَّيْت الشَّيْطَانْ يَلْعَبْ بِعَقْلَكْ؟ مَالَكْ كَدَبْت لِلرُّوحْ الْقُدُّوسْ وَ شِلْت لِنَفْسَكْ نُصّ تَمَنْ الزَّرَعْ؟

يُوحَنَّا 15:19

كَنْ إِنْتُو مِنْ الدُّنْيَا، نَاسْ الدُّنْيَا يِحِبُّوكُو أَشَانْ إِنْتُو نَاسْهُمْ. لَاكِنْ هَسَّعْ إِنْتُو مَا مِنْ الدُّنْيَا أَشَانْ أَنَا عَزَلْتُكُو مِنْ أُسُطْ نَاسْ الدُّنْيَا لِتَبْقَوْا نَاسِي. وَ أَشَانْ دَا، نَاسْ الدُّنْيَا يَكْرَهَوْكُو.

يُوحَنَّا 14:30

«وَ نِحَجِّي مَعَاكُو شِيَّةْ بَسْ أَشَانْ إِبْلِيسْ سُلْطَانْ الدُّنْيَا جَايِ. هُو مَا يَقْدَرْ يِسَوِّي لَيِّ شَيّءْ،

إشَعْيا 30:1

دَاهُو كَلَامْ اللّٰهْ. «الْعَذَابْ لِلْعِيَالْ الْحَرَامِيِّينْ! هُمَّنْ سَوَّوْا شَوْرَةْ الْمَا جَايَةْ مِنِّي. وَ سَوَّوْا عَلَاقَةْ الْأَنَا مَا أَمَرْت بَيْهَا وَ بَيْدَا، زَادَوْا ذَنِبْ فِي ذَنِبْ.

أيُّوب 1:7

وَ اللّٰهْ قَالْ لِإِبْلِيسْ: «إِنْتَ جَايِ مِنْ وَيْن؟» وَ إِبْلِيسْ رَدَّ لِلّٰهْ وَ قَالْ: «لَفَّيْت فِي كُلَّ الْأَرْض وَ رُغْت فَوْقهَا.»

2 بُطْرُس 2:14

أَيِّ مَرَةْ الْيِشِيفُوهَا، فِي فِكِرْهُمْ يَزْنَوْا بَيْهَا. يِرِيدُوا الذُّنُوبْ وَ شَهْوِتْهُمْ أَبَداً مَا تَشْبَعْ. وَ يِدِسُّوا مَعَاهُمْ فِي الذُّنُوبْ النَّاسْ الْمَا قَوِيِّينْ فِي الْإِيمَانْ. هُمَّنْ مُدَرَّبِينْ فِي الطَّمَعْ وَ مَلْعُونِينْ.

يُوحَنَّا 16:11

هُو يِعَرِّفْهُمْ الْحِسَابْ أَشَانْ اللّٰهْ حَاسَبْ إِبْلِيسْ سُلْطَانْ الدُّنْيَا خَلَاصْ.

يُوحَنَّا 13:27

وَ يَهُوذَا شَالْ اللُّقْمَةْ وَ خَلَاصْ إِبْلِيسْ دَخَلْ فِي قَلْبَهْ. وَ عِيسَى حَجَّى لَيَّهْ وَ قَالْ: «الشَّيّءْ التِّدَوْر تِسَوِّيهْ، سَوِّيهْ عَجَلَةْ.»

يُوحَنَّا 13:2

وَ عِيسَى وَ تَلَامِيذَهْ قَاعِدِينْ فِي الْعَشَاءْ. وَ فِي الْوَكِتْ دَا، خَلَاصْ إِبْلِيسْ دَسَّ نِيَّةْ الْخِيَانَةْ فِي قَلِبْ يَهُوذَا وِلَيْد سِمْعَانْ الْإِسْخَرِيَوْطِي أَشَانْ يُخُونْ عِيسَى.

يُوحَنَّا 8:23

وَ عِيسَى قَالْ لَيْهُمْ: «إِنْتُو مِنْ نَاسْ الْأَرْض وَ أَنَا مِنْ السَّمَاءْ. إِنْتُو نَاسْ الدُّنْيَا دِي وَ أَنَا مَا مِنْهَا.

يُوحَنَّا 7:7

نَاسْ الدُّنْيَا مَا يَكْرَهَوْكُو وَ لَاكِنْ يَكْرَهَوْنِي أَنَا أَشَانْ أَنَا شَاهِدْ فَوْقهُمْ وَ نُقُولْ عَمَلْهُمْ فَسِلْ.

مَتَّى 13:38

وَ الزَّرَعْ يِمَثِّلْ الدُّنْيَا. وَ التَّيْرَابْ الْعَدِيلْ يِمَثِّلْ نَاسْ الْمَمْلَكَةْ وَ السِّعِدْ يِمَثِّلْ نَاسْ إِبْلِيسْ الشَّرِيرْ.

رُؤية 13:8

وَ كُلَّ سُكَّانْ الْأَرْض يَسْجُدُوا لَيَّهْ، يَعْنِي أَيِّ نَادُمْ الْأُسْمَهْ مَا مَكْتُوبْ فِي كِتَابْ الْحَيَاةْ. وَ الْكِتَابْ دَا هَنَا الْحَمَلْ الْمُقَدَّرْ لَيَّهْ مِنْ بِدَايَةْ الدُّنْيَا يَدْبَحَوْه وَ خَلَاصْ بِقِي ضَحِيَّةْ.

1 يُوحَنَّا 3:8

وَ أَيِّ نَادُمْ الْقَاعِدْ يِسَوِّي ذَنِبْ، هُو هَنَا إِبْلِيسْ أَشَانْ إِبْلِيسْ قَاعِدْ يَذْنِبْ مِنْ الْبِدَايَةْ. وَ خَلَاصْ إِبْن اللّٰهْ جَاءْ فِي الدُّنْيَا أَشَانْ يَخْرِبْ عَمَلْ إِبْلِيسْ كُلَّ كَيْ.

يَعْقُوب 1:7

نَادُمْ مِثِلْ دَا، خَلِّي مَا يُخُطّ فِي عَقْلَهْ كَدَرْ يَلْقَى شَيّءْ مِنْ رَبِّنَا

2 تِمُوتَاوُس 4:10

أَشَانْ أَخُونَا دِيمَاسْ يِحِبّ الدُّنْيَا. هُو فَاتْ خَلَّانِي مَشَى فِي حِلَّةْ تَسَلُونِيكِي. وَ الْآخَرِينْ مَا فِيهُمْ. أَخُونَا كِرِيسْكِي مَشَى فِي بَلَدْ غَلَاطِيَةْ وَ أَخُونَا تِيطُسْ مَشَى فِي بَلَدْ دَلْمَاطِيَةْ.

أعمال الرُسُل 19:35

وَ فِي الأَخِيرْ، كَاتِبْ هَنَا مَجْلَسْ الْحِلَّةْ قِدِرْ سَكَّتْ النَّاسْ وَ كَلَّمْ لَيْهُمْ. وَ هُو قَالْ: «يَا نَاسْ أَفَسُسْ، مَا فِي نَادُمْ الْيَقْدَرْ يَنْكُرْ مَدِينَةْ أَفَسُسْ هِي بَسْ حَافْضَةْ بَيْت الْعِبَادَةْ هَنَا أَرْطَامِيسْ. وَ هِي الْإِلٰـهَةْ الْعَظِيمَةْ وَ صَنَمْهَا الْوَقَعْ مِنْ السَّمَاءْ.

لُوقا 22:31

وَ عِيسَى قَالْ: «يَا سِمْعَانْ، يَا سِمْعَانْ. أَسْمَعْ. إِبْلِيسْ سَأَلْ إِذِنْ أَشَانْ يِجَرِّبْ إِيمَانْكُو وَ يِغَرْبِلْكُو مِثِلْ غَلَّةْ.

لُوقا 16:8

«وَ وَكِتْ سِيدْ الْمَالْ عِرِفْ الشَّيّءْ الْوَكِيلَهْ الْخَايِنْ سَوَّاهْ، هُو قَصَّدْ بِنَجَاضْتَهْ. أَشَانْ نَاسْ هَنَا الدُّنْيَا الضَّلْمَةْ دِي فَاهِمِينْ زِيَادَةْ مِنْ نَاسْ النُّورْ وَ يَعَرْفُوا كِكَّيْف يَلْقَوْا الشَّيّءْ الْيِدَوْرُوهْ مِنْ النَّاسْ الْمِثِلْهُمْ.

مَتَّى 11:19

وَ بَعَدَيْن أَنَا إِبْن الْإِنْسَانْ جِيتْ وَ أَنَا قَاعِدْ نَاكُلْ وَ نَشْرَبْ وَ قَالَوْا: ‹هُو أَكَّالْ وَ سَكَّارِي وَ رَفِيقْ لِنَاسْ الْيِشِيلُوا مِيرِي وَ الْمُذْنِبِينْ.› لَاكِنْ حِكْمَةْ اللّٰهْ الصَّحِيحَةْ تِنْشَافْ فِي عَمَلْ النَّاسْ الْيِتَابُعُوهَا.»

إرْمِيا 23:10

أَشَانْ الْبَلَدْ مَلَانَةْ بِنَاسْ الْيِسَوُّوا الزِّنَى. وَ الْبَلَدْ بِقَتْ جَفَافْ بِسَبَبْ اللَّعَنَةْ وَ بَكَانَاتْ السَّرْحَةْ يِبْسَوْا. وَ نِيِّتْهُمْ إِلَّا يِسَوُّوا الْفَسَالَةْ وَ عِنْدُهُمْ الْقُدْرَةْ لِيِسَوُّوا الظُّلُمْ بَسْ.»

إشَعْيا 57:4

تِشَّمَّتَوْا لِيَاتُو؟ ضِدّ يَاتُو تَفْتَحَوْا خُشُومْكُو وَ تَبُرْطُوا شَلَالِيفْكُو؟ إِنْتُو مَا عِيَالْ الْعَاصِيِينْ وَ ذُرِّيَّةْ الْكَدَّابِينْ وَلَّا؟

زَبُور 17:14

يَا اللّٰهْ، نَجِّينِي بِإِيدَكْ مِنْ الْإِنْسَانْ، مِنْ نَاسْ الدُّنْيَا الْحَقُّهُمْ فِي الْحَيَاةْ دِي. أَمْلَا بُطُونْهُمْ بِالْجَهَّزْتَهْ لَيْهُمْ لَحَدِّي عِيَالْهُمْ كُلَ يَشْبَعَوْا بَيَّهْ وَ يِخَلُّوا الْفَضْلَةْ لِذُرِّيِّتْهُمْ.

أيُّوب 31:7

كَنْ أَنَا قَبَّلْت مِنْ الدَّرِبْ الْعَدِيلْ وَ شَهْوَةْ قَلْبِي تَابَعَتْ عُيُونِي وَ إِيدَيْنِي أَلَّطَّخَوْا بِالنَّجَاسَةْ،

رُؤية 16:17

وَ الْمَلَكْ السَّابِعْ دَفَّقْ كَاسَهْ فِي الْهَوَاءْ. وَ حِسّ شَدِيدْ أَنْسَمَعْ وَ الْحِسّ دَا جَايِ مِنْ الْعَرْش فِي لُبّ بَيْت الْعِبَادَةْ وَ قَالْ: «خَلَاصْ كَمَّلْ.»

رُؤية 13:14

وَ غَشَّ كُلَّ سُكَّانْ الْأَرْض بِالْعَجَايِبْ الْعِنْدَهْ إِذِنْ يِسَوِّيهُمْ قِدَّامْ الْحَيْوَانْ الْأَوَّلْ. وَ أَمَرْ النَّاسْ أَشَانْ يَصْنَعَوْا صَنَمْ فِي صُورَةْ الْحَيْوَانْ الْجَرَحَوْه بِالْسَّيْف وَ مَاتْ وَ بَتَّانْ حِيِي.

رُؤية 12:9

وَ الْغُولْ الْكَبِيرْ رَمَوْه وَ هُو بَسْ الدَّابِي الْقَاعِدْ مِنْ زَمَانْ وَ أُسْمَهْ إِبْلِيسْ وَ الشَّيْطَانْ وَ هُو الْكَدَّابْ الْغَشَّ نَاسْ الدُّنْيَا كُلُّهُمْ. وَ هُو رَمَوْه فِي الْأَرْض وَ مَلَائِكَتَهْ كُلَ رَمَوْهُمْ مَعَايَهْ.

هُوشَع 10:9

«وَ مِنْ أَيَّامْ قِبَيْعَةْ، بَنِي إِسْرَائِيلْ أَذْنَبَوْا وَ هُمَّنْ مَا غَيَّرَوْا حَالْهُمْ. فِي قِبَيْعَةْ، وَاجِبْ الْحَرِبْ يَلْحَقْ الْمُجْرِمِينْ

أيُّوب 1:19

وَ خَلَاصْ، رِيحْ شَدِيدَةْ جَاتْ مِنْ الصَّحَرَاء وَ ضَرَبَتْ أَرْكَانْ الْبَيْت دَا بِشِدَّةْ وَ رَمَتَهْ. وَ الْبَيْت وَقَعْ فِي رَاسْ الشَّبَابْ وَ هُمَّنْ مَاتَوْا. وَ أَنَا وِحَيْدِي بَسْ نِجِيتْ وَ جِيتْ لِنِخَبِّرَكْ.»

أيُّوب 1:16

وَ وَكِتْ هُو لِسَّاعْ قَاعِدْ يِحَجِّي، مُرْسَالْ آخَرْ جَاءْ وَ قَالْ: «نَارْ الرَّبّ نَزَلَتْ مِنْ السَّمَاءْ وَ حَرَقَتْ الْغَنَمْ وَ الْخَدَّامِينْ. وَ أَنَا وِحَيْدِي بَسْ نِجِيتْ وَ جِيتْ لِنِخَبِّرَكْ.»

مَتَّى 13:22

وَ التَّيْرَابْ الْوَقَعْ فِي أُسْط الشَّوْك يِمَثِّلْ النَّادُمْ الْيَسْمَعْ الْكَلَامْ لَاكِنْ مَشَاكِلْ الدُّنْيَا وَ رَيْدِتَهْ لِلْمَالْ يَكْتُلُوا الْكَلَامْ الْفِي قَلْبَهْ وَ بَيْدَا، كَلَامْ اللّٰهْ يَبْقَى لَيَّهْ مَا عِنْدَهْ فَايْدَةْ.

مَرْخُوس 4:19

وَ لَاكِنْ مَشَاكِلْ الدُّنْيَا وَ رَيْدِتْهُمْ لِلْمَالْ وَ شَهْوَاتْهُمْ يَكْتُلُوا الْكَلَامْ الْفِي قُلُوبْهُمْ. وَ بَيْدَا، كَلَامْ اللّٰهْ مَا يِجِيبْ فَايْدَةْ.

أفَسُس 1:21

الْمَسِيحْ قَاعِدْ فِي بَكَانْ عَالِي بِلْحَيْن مِنْ كُلَّ الْحُكَّامْ وَ الْكُبَارَاتْ وَ مِنْ كُلَّ شَيّءْ الْعِنْدَهْ قُدْرَةْ وَلَّا مُلُكْ. أُسْمَهْ عَالِي مِنْ كُلَّ أُسُمْ الْيَطْرُوهْ النَّاسْ، مَا فِي الدُّنْيَا بَسْ لَاكِنْ فِي الْآخِرَةْ كُلَ.

أفَسُس 2:11

يَا أَخْوَانِي الْمَا يَهُودْ، فَكُّرُوا فِي حَالِتْكُو الْقَدِيمَةْ. أَوَّلْ الْيَهُودْ يُقُولُوا فَوْقكُو إِنْتُو مَا مُطَهَّرِينْ. وَ النَّاسْ الْيُقُولُوا الْكَلَامْ دَا يُقُولُوا هُمَّنْ بَسْ الْمُطَهَّرِينْ لَاكِنْ طَهُورِتْهُمْ قَطِعِينْ الْجِلِدْ الْيِسَوُّوهْ بِإِيدَيْن النَّاسْ بَسْ.

أفَسُس 2:13

لَاكِنْ هَسَّعْ عِنْدُكُو عَلَاقَةْ مَعَ الْمَسِيحْ عِيسَى. إِنْتُو أَوَّلْ بَعِيدِينْ مِنْ اللّٰهْ لَاكِنْ هَسَّعْ دَمّ الْمَسِيحْ دَفَّقْ فِي شَانْكُو وَ قَرَّبَاكُو لَيَّهْ.

أفَسُس 4:17

وَ دَاهُو نِوَصِّيكُو بِأُسُمْ الرَّبّ، أَسْمَعَوْا كَلَامِي عَدِيلْ. مَا تِعِيشُوا بَتَّانْ مِثِلْ النَّاسْ الْمَا مُؤمِنِينْ. هُمَّنْ يِتَابُعُوا الْفِكِرْ الْبَاطِلْ.

أفَسُس 5:8

أَوَّلْ، إِنْتُو بَسْ الضَّلَامْ وَ لَاكِنْ هَسَّعْ، بِقِيتُوا نُورْ بِعَلَاقِتْكُو مَعَ الرَّبّ. عِيشُوا بِالْحَالْ الْوَاجْبَةْ لِأَهَلْ النُّورْ.

يَعْقُوب 1:27

دَاهُو الدِّينْ الصَّافِي الْمَا عِنْدَهْ عَيْب قِدَّامْ أَبُونَا اللّٰهْ. عَاوُنُوا الْأَتَامَا وَ الْعَوِينْ الْأَرَامِلْ الْقَاعِدِينْ فِي التَّعَبْ. وَ أَقِيفُوا بَعِيدْ مِنْ الْأَشْيَاءْ الْيِنَجُّسُوا نَاسْ الدُّنْيَا.

لاوِيِّين 11:16

وَ النَّعَامْ وَ أَمْ قُقُّمْ وَ طُيُورْ الْبَحَرْ وَ كُلَّ نَفَرْ هَنَا الصُّقُورَةْ الدُّقَاقْ