أفَسُس 2:12 - الكتاب المقدس بالعربي الدارجي هنا تشاد

¹² أَوَّلْ إِنْتُو مَا عِنْدُكُو عَلَاقَةْ مَعَ الْمَسِيحْ. إِنْتُو مِنْ قَبَايِلْ شِقْ، مَا مِنْ بَنِي إِسْرَائِيلْ الشَّعَبْ الْاللّٰهْ عَزَلَاهُمْ. الْمُعَاهَدَاتْ الْاللّٰهْ سَوَّاهُمْ مَعَ الْيَهُودْ، هُو مَا سَوَّاهُمْ مَعَاكُو. وَ الْوَعَدْ الْاللّٰهْ أَنْطَاهْ لَيْهُمْ، إِنْتُو مَا عِرِفْتُوهْ. إِنْتُو عَايْشِينْ فِي الدُّنْيَا لَاكِنْ مَا عِرِفْتُوا اللّٰهْ وَ مَا عِنْدُكُو عَشَمْ فَوْقَهْ.

أفَسُس 2:12 Referenca të Kryqëzuara

غَلاطِية 4:8

فِي الْوَكِتْ الْفَاتْ، مَا عِرِفْتُوا اللّٰهْ وَ إِنْتُو عَبِيدْ لِلْإِلٰـهَاتْ الْمَا إِلٰـهَاتْ بِالصَّحِيحْ.

كُلُوسِي 1:21

وَ فِي الْوَكِتْ الْفَاتْ، إِنْتُو مَا عِنْدُكُو عَلَاقَةْ مَعَ اللّٰهْ وَ بِقِيتُوا عُدْوَانَهْ بِفِكِرْكُو وَ قَاعِدِينْ تِسَوُّوا الْفَسَالَةْ.

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

1 تَسَلونِيكِي 4:13

يَا أَخْوَانِي، نِدَوْرُوا نِأَوْرُوكُو بِحَالَةْ الْمُؤمِنِينْ الْأَتْوَفَّوْا أَشَانْ مَا تَحْزَنَوْا مِثِلْ النَّاسْ الْمَا عِنْدُهُمْ عَشَمْ فِي رَبِّنَا.

أفَسُس 4:18

وَ قَاعِدِينْ فِي الضَّلَامْ وَ مَا فَاهِمِينْ الْحَقّ. وَ مَا يَعَرْفُوا الْحَيَاةْ الْاللّٰهْ يِدَوْر يَنْطِيهَا لَيْهُمْ أَشَانْ الْجَهَلْ قَاعِدْ فَوْقهُمْ وَ رَاسْهُمْ بِقِي قَوِي.

حِزْقِيال 37:26

وَ أَنَا نِسَوِّي مَعَاهُمْ مُعَاهَدَةْ هِنْت سَلَامْ وَ دِي تَبْقَى مُعَاهَدَةْ دَايْمَةْ مَعَاهُمْ. وَ نِثَبِّتْهُمْ وَ نِكَتِّرْهُمْ وَ نُخُطّ بَيْتِي الْمُقَدَّسْ فِي أُسُطْهُمْ إِلَى الْأَبَدْ.

1 تَسَلونِيكِي 4:5

مَا تِخَلُّوا شَهْوَاتْكُو يَمُلْكُوا فَوْقكُو. مَا تَبْقَوْا مِثِلْ النَّاسْ الْمَا مُؤمِنِينْ الْمَا يَعَرْفُوا اللّٰهْ.

يُوحَنَّا 15:5

«أَنَا شَدَرَةْ الْعِنَبْ وَ إِنْتُو الْفُرُوعْ. كَنْ نَادُمْ قَاعِدْ ثَابِتْ فِيِي، أَنَا نَقْعُدْ ثَابِتْ فِيَّهْ وَ هُو يَبْقَى مِثِلْ الْفِرِعْ الْيَلْدَ كَتِيرْ. إِنْتُو مَا تَقْدَرَوْا تِسَوُّوا شَيّءْ إِلَّا بَيِّ.

عِبْرَانِيِّين 6:18

وَ فِي شَانْ الْكَلَامْ دَا، عِنْدِنَا شَجَاعَةْ شَدِيدَةْ، أَوَّلْ بِوَعَدْ اللّٰهْ وَ بَتَّانْ بِحَلِيفَةْ اللّٰهْ. الْأَشْيَاءْ الْإِتْنَيْن دَوْل أَكِيدْ مَا يَفْشُلُوا أَشَانْ مَا مُمْكِنْ اللّٰهْ يِخَلِّي كَلَامَهْ الْقَالَهْ. وَ خَلَاصْ، أَنِحْنَ التُّبْنَا لِلّٰهْ أَشَانْ نَنْجَوْا، نَكُرْبُوا قَوِي الْعَشَمْ الْهُو قَدَّمَهْ لَيْنَا.

رَوْمَا 9:8

وَ مِنْ الْكَلَامْ دَا، النَّاسْ الْجَوْا مِنْ صُلُبْ إِبْرَاهِيمْ مَا يَحْسُبُوهُمْ كُلُّهُمْ عِيَالْ اللّٰهْ. إِلَّا النَّاسْ الْوِلْدَوْهُمْ حَسَبْ وَعَدْ اللّٰهْ، هُمَّنْ دَوْل بَسْ يَحْسُبُوهُمْ ذُرِّيّتَهْ.

2 أخبار 15:3

وَ فِي مُدَّةْ طَوِيلَةْ، بَنِي إِسْرَائِيلْ عَاشَوْا بَلَا الْإِلٰـهْ الصَّحِيحْ وَ بَلَا رُجَالْ دِينْ الْيِعَلُّمُوهُمْ وَ بَلَا وَصَايَا اللّٰهْ.

1 بُطْرُس 3:15

لَاكِنْ خُطُّوا فِي قُلُوبْكُو كَدَرْ الْمَسِيحْ، هُو قُدُّوسْ وَ هُو رَبُّكُو. أَقْعُدُوا دَايْماً جَاهِزِينْ أَشَانْ تُرُدُّوا لِأَيِّ نَادُمْ الْيَطْلُبْ مِنْكُو دَلِيلْ هَنَا الْعَشَمْ الْعِنْدُكُو.

أعمال الرُسُل 28:20

وَ أَشَانْ دَا، دَوَّرْت نِحَجِّي مَعَاكُو. وَ أَنَا مَرْبُوطْ بِالْجِنْزِيرْ دَا فِي شَانْ النَّادُمْ الْبَنِي إِسْرَائِيلْ قَاعِدِينْ يَرْجَوْه بِعَشَمْ.»

أعمال الرُسُل 3:25

وَ إِنْتُو عِيَالْ الْأَنْبِيَاء دَوْل وَ أَهَلْ الْمُعَاهَدَةْ الرَّبُّكُو اللّٰهْ سَوَّاهَا مَعَ جُدُودْكُو وَكِتْ هُو قَالْ لِإِبْرَاهِيمْ: <بِذُرِّيّتَكْ بَسْ نِبَارِكْ كُلَّ الْأُمَمْ فِي كُلَّ الْأَرْض.>

إرْمِيا 17:13

يَا اللّٰهْ! إِنْتَ عَشَمْ إِسْرَائِيلْ وَ كُلَّ الْيَابَوْك، الْعَيْب يِغَطِّيهُمْ. وَ الْيِبَعُّدُوا مِنَّكْ كَمَانْ يِلْعَاقَبَوْا أَشَانْ هُمَّنْ أَبَوْا عَيْن أَلْمِي الْحَيَاةْ وَ دَا إِنْتَ اللّٰهْ.

تكوين 15:18

وَ بِمِثِلْ دَا، اللّٰهْ سَوَّى مُعَاهَدَةْ مَعَ أَبْرَامْ فِي الْيَوْم دَا وَ قَالْ: «أَنَا نَنْطِي الْبَلَدْ دِي لِذُرِّيّتَكْ مِنْ بَحَرْ مَصِرْ لَحَدِّي الْفُرَاتْ الْبَحَرْ الْكَبِيرْ.

1 يُوحَنَّا 3:3

وَ أَيِّ نَادُمْ الْعِنْدَهْ عَشَمْ مِثِلْ دَا فِي الْمَسِيحْ، يِطَهِّرْ قَلْبَهْ تَمَامْ مِثِلْ إِبْن اللّٰهْ هُو طَاهِرْ.

1 بُطْرُس 1:21

وَ بِسَبَبْ الْمَسِيحْ، إِنْتُو آمَنْتُوا بِاللّٰهْ الْبَعَثَهْ مِنْ أُسْط الْمَيْتِينْ وَ أَنْطَاهْ الْمَجْد. وَ خَلَاصْ إِيمَانْكُو وَ عَشَمْكُو ثَابْتِينْ فِي اللّٰهْ.

عِبْرَانِيِّين 11:34

وَ بِالْإِيمَانْ، كَتَلَوْا نَارْ مُقَرْقِرَةْ وَ نِجَوْا مِنْ سُيُوفْ عُدْوَانْهُمْ وَ لِقَوْا الْقُدْرَةْ الْأَوَّلْ مَا عِنْدُهُمْ وَ بِقَوْا قَوِيِّينْ فِي الْحَرِبْ وَ طَرَدَوْا الدُّيُوشْ الْهَجَمَوْا بَلَدْهُمْ.

1 تِمُوتَاوُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِأَمُرْ مِنْ اللّٰهْ مُنَجِّينَا وَ الْمَسِيحْ عِيسَى الْعَشَمْنَا قَاعِدْ فَوْقَهْ.

2 تَسَلونِيكِي 2:16

وَ خَلَاصْ، نَسْأَلَوْا لَيْكُو رَبِّنَا عِيسَى الْمَسِيحْ ذَاتَهْ وَ اللّٰهْ أَبُونَا الْحَبَّانَا وَ بِرَحْمَتَهْ، أَنْطَانَا شَجَاعَةْ أَبَدِيَّةْ وَ عَشَمْ كَبِيرْ.

كُلُوسِي 1:27

وَ اللّٰهْ شَالْ نِيَّةْ أَشَانْ يِأَوْرِيهُمْ كَدَرْ السِّرّ دَا يِجِيبْ بَرَكَةْ كَبِيرَةْ وَ مَجِيدَةْ بِلْحَيْن لِكُلَّ الْأُمَمْ. وَ سِرّ اللّٰهْ، هُو الْمَسِيحْ ذَاتَهْ يَقْعُدْ فِيكُو وَ دَا يَنْطِيكُو عَشَمْ تَدْخُلُوا فِي مَجْدَهْ.

كُلُوسِي 1:5

وَ إِنْتُو ثَابْتِينْ فِي إِيمَانْكُو وَ مَحَبِّتْكُو أَشَانْ إِنْتُو قَاعِدِينْ تَرْجَوْا بِعَشَمْ الْبَرَكَةْ الْاللّٰهْ حَفَضَاهَا لَيْكُو فِي السَّمَاءْ. وَ سِمِعْتُوا بَيْهَا فِي كَلَامْ الْحَقّ وَ هُو بِشَارَةْ الْمَسِيحْ الْبَلَّغَوْهَا لَيْكُو مِنْ أَوَّلْ.

يُوحَنَّا 10:16

عِنْدِي غَنَمْ آخَرِينْ الْمَا مِنْ الزَّرِيبَةْ دِي. هُمَّنْ كُلَ وَاجِبْ نِوَدِّيهُمْ. هُمَّنْ يَسْمَعَوْا حِسِّي وَ كُلَّ الْغَنَمْ يَبْقَوْا دَوْر وَاحِدْ تِحِتْ رَاعِي وَاحِدْ.

يُوحَنَّا 4:22

إِنْتُو قَاعِدِينْ تَعَبُدُوا اللّٰهْ وَ لَاكِنْ مَا تَعَرْفُوهْ. أَنِحْنَ نَعَبُدُوا اللّٰهْ وَ نَعَرْفُوهْ أَشَانْ النَّجَاةْ جَايَةْ بِوَاسِطَةْ الْيَهُودْ.

لُوقا 1:72

مِثِلْ دَا، هُو رَحَمْ جُدُودْنَا وَ فَكَّرْ فِي مُعَاهَدَتَهْ الْمُقَدَّسَةْ.

هُوشَع 3:4

وَ مِثِلْ دَا، بَنِي إِسْرَائِيلْ يَقْعُدُوا مُدَّةْ طَوِيلَةْ بَلَا مَلِكْ وَ بَلَا كَبِيرْ وَ بَلَا ضَحِيَّةْ وَ بَلَا حُجَارْ الْغَزَّوْهُمْ لِلْعِبَادَةْ وَ بَلَا فَرْمَلَةْ هَنَا رَاجِلْ الدِّينْ وَ بَلَا أَصْنَامْ.

حِزْقِيال 13:9

وَ أَنَا نَرْفَعْ إِيدِي ضِدّ الْأَنْبِيَاء الْيِشِيفُوا رُؤْيَةْ سَاكِتْ وَ يِشَوُّفُوا بِكِدِبْ. هُمَّنْ دَوْل مَا يَحْضَرَوْا فِي مَلَمَّةْ شَعَبِي وَ أَسَامَيْهُمْ مَا يِسَّجَّلَوْا فِي كِتَابْ بَنِي إِسْرَائِيلْ وَ هُمَّنْ مَا يِقَبُّلُوا فِي بَلَدْ إِسْرَائِيلْ. وَ بَيْدَا، تَعَرْفُوا كَدَرْ أَنَا بَسْ اللّٰهْ الرَّبّ.

إرْمِيا 14:8

وَ إِنْتَ عَشَمْ بَنِي إِسْرَائِيلْ وَ مُنَجِّيهَا فِي وَكْت الضِّيقَةْ. مَالَا تَبْقَى مِثِلْ أَجْنَبِي فِي الْبَلَدْ أَوْ مِثِلْ مُسَافِرْ الْيُنُومْ لَيْلَةْ وَاحِدَةْ بَسْ؟

إشَعْيا 45:20

لِمُّوا وَ تَعَالُوا! قَرُّبُوا سَوَا، إِنْتُو الْفَضَّلْتُوا مِنْ الْأُمَمْ! إِنْتُو مَا تَعَرْفُوا شَيّءْ، إِنْتُو الشَّايْلِينْ أَصْنَامْكُو هَنَا حَطَبْ وَ تَسْأَلَوْا إِلٰـهَاتْكُو الْمَا يِنَجُّوكُو.

إشَعْيا 44:6

وَ دَاهُو كَلَامْ اللّٰهْ مَلِكْ إِسْرَائِيلْ الْفَدَاهُمْ، هُو اللّٰهْ الْقَادِرْ. هُو قَالْ: «أَنَا الْأَوَّلْ وَ أَنَا الْأَخِيرْ وَ لَا إِلٰـهْ إِلَّا أَنَا.

عَزْرا 4:3

وَ لَاكِنْ زَرُبَابِلْ وَ يَشُوعْ وَ كُبَارَاتْ آخَرِينْ هَنَا عَايِلَاتْ بَنِي إِسْرَائِيلْ رَدَّوْا لَيْهُمْ وَ قَالَوْا: «أَبَداً مَا تِشَارُكُوا مَعَانَا فِي بُنَى بَيْت إِلٰـهْنَا. أَنِحْنَ وِحَيْدنَا بَسْ نَبْنُوا بَيْت لِلّٰهْ إِلٰـهْ بَنِي إِسْرَائِيلْ مِثِلْ كُورَشْ مَلِكْ بَلَدْ فَارِسْ أَمَرَانَا.»

عَدد 18:19

«كُلَّ الْهَدَايَا الْمُقَدَّسِينْ الْيِقَدُّمُوهُمْ بَنِي إِسْرَائِيلْ لِلّٰهْ يَبْقَوْا حَقّ دَايِمْ لَيْك إِنْتَ وَ أَوْلَادَكْ وَ بَنَاتَكْ الْقَاعِدَاتْ مَعَاكْ. وَ دَا يَبْقَى لَيْك وَ لِذُرِّيّتَكْ مُعَاهَدَةْ دَايْمَةْ مَعَ اللّٰهْ الْأَبَداً مَا تِنْقَطِعْ.»

إشَعْيا 61:5

يَا شَعَبِي، الْأَجَانِبْ يَجُوا وَ يَسْرَحَوْا لَيْكُو بِغَنَمْكُو أَيْوَى، عِيَالْهُمْ يَحَرْتُوا زِرَاعِتْكُو وَ يَخْدُمُوا لَيْكُو فِي جِنَيْنَاتْ عِنَبْكُو.

إشَعْيا 14:1

اللّٰهْ يِحِنّ فِي ذُرِّيَّةْ يَعْقُوبْ وَ يَعَزِلْ بَتَّانْ بَنِي إِسْرَائِيلْ وَ هُو يَنْطِيهُمْ الرَّاحَةْ فِي بَلَدْهُمْ. وَ الْأَجَانِبْ يِلِمُّوا مَعَاهُمْ وَ يِنْرَبْطُوا مَعَ ذُرِّيَّةْ يَعْقُوبْ.

حِزْقِيال 47:22

وَ قَسُّمُوا الْبَلَدْ دِي وَرَثَةْ أَمْبَيْنَاتْكُو بِأَمْ عِيَيْدَاتْ لِنُفُوسْكُو وَ الْأَجَانِبْ السَّاكْنِينْ مَعَاكُو وَ وِلْدَوْا عِيَالْهُمْ فِي أُسُطْكُو وَ بِقَوْا مُوَاطِنِينْ مَعَاكُو إِنْتُو بَنِي إِسْرَائِيلْ. وَ هُمَّنْ يَلْقَوْا قِسِمْهُمْ هَنَا الْبَلَدْ دِي بِأَمْ عِيَيْدَاتْ مَعَاكُو فِي لُبّ قَبَايِلْ بَنِي إِسْرَائِيلْ.

أعمال الرُسُل 2:39

أَشَانْ اللّٰهْ قَالْ هُو يَنْطِي الْبَرَكَةْ دِي لَيْكُو وَ لِعِيَالْكُو وَ لِكُلَّ النَّاسْ الْقَاعِدِينْ فِي بَكَانْ بَعِيدْ، أَيْوَى لِأَيِّ نَادُمْ الرَّبِّنَا اللّٰهْ يِنَادِيهْ.»

أفَسُس 2:19

وَ خَلَاصْ هَسَّعْ إِنْتُو الْمَا يَهُودْ، إِنْتُو مَا أَجَانِبْ بَتَّانْ وَ لَا نَاسْ مِنْ قَبِيلَةْ آخَرَةْ. بِقِيتُوا مُوَاطِنِينْ هَنَا مَمْلَكَةْ اللّٰهْ مَعَ الصَّالِحِينْ. بِقِيتُوا أَهَلْ بَيْت اللّٰهْ.

عِبْرَانِيِّين 8:6

لَاكِنْ هَسَّعْ عِيسَى عِنْدَهْ خِدْمَةْ أَخَيْر زِيَادَةْ مِنْ خِدْمَةْ رُجَالْ الدِّينْ الْأَوَّلَانِيِّينْ أَشَانْ هُو بِقِي وَسِيطْ هَنَا الْمُعَاهَدَةْ الْأَخَيْر زِيَادَةْ. وَ الْمُعَاهَدَةْ دِي، اللّٰهْ ثَبَّتْهَا فِي وُعُودْ أَخَيْر زِيَادَةْ مِنْ الْوُعُودْ الْأَوَّلَانِيِّينْ.

خُروج 12:45

وَ أَيِّ ضَيْف وَلَّا أَجْنَبِي الْيَخْدِمْ لَيْكُو بِقُرُسْ مَا يَاكُلْ مَعَاكُو.