أفَسُس 1:3 - الكتاب المقدس بالعربي الدارجي هنا تشاد

³ خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ. هُو بَارَكَانَا بِكُلَّ الْبَرَكَاتْ الرُّوحِيَّةْ الْفِي السَّمَاءْ أَشَانْ عَلَاقِتْنَا مَعَ الْمَسِيحْ.

أفَسُس 1:3 Referenca të Kryqëzuara

1 بُطْرُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ! هُو رَحَمَانَا بِرَحْمَةْ كَبِيرَةْ الْبَيْهَا بِقِينَا مَوْلُودِينْ مِنْ جَدِيدْ بِسَبَبْ بُعَاثْ عِيسَى الْمَسِيحْ مِنْ أُسْط الْمَيْتِينْ. وَ بَيْدَا، عِنْدِنَا عَشَمْ مُؤَكَّدْ

2 كُرُنْتُس 1:3

خَلِّي نَشْكُرُوا اللّٰهْ أَبُو رَبِّنَا عِيسَى الْمَسِيحْ. هُو أَبُونَا الرَّحِيمْ وَ كُلَّ الشَّجَاعَةْ جَايَةْ مِنَّهْ هُو.

أفَسُس 2:6

وَ اللّٰهْ بَعَثَانَا مَعَايَهْ وَ قَعَّدَانَا مَعَايَهْ فِي السَّمَاوَاتْ وَ دَا بِقِي لَيْنَا بِالْمَسِيحْ عِيسَى.

تكوين 22:18

وَ بَيْهُمْ هُمَّنْ نِبَارِكْ كُلَّ أُمَمْ الْأَرْض أَشَانْ إِنْتَ تَابَعْت كَلَامِي.›»

أفَسُس 1:20

الْاللّٰهْ بَيَّنْهَا فِي الْمَسِيحْ وَكِتْ بَعَثَهْ مِنْ أُسْط الْمَيْتِينْ وَ رَفَعَهْ فَوْق فِي السَّمَاوَاتْ وَ قَعَّدَهْ فِي نُصَّهْ الزَّيْنَايْ.

زَبُور 72:19

بَارَكْ اللّٰهْ الْأُسْمَهْ مَجِيدْ إِلَى الْأَبَدْ وَ خَلِّي كُلَّ الْأَرْض تِنْمَلِي بِمَجْدَهْ. آمِينْ! آمِينْ!

أفَسُس 6:12

أَنِحْنَ مَا نِحَارُبُوا عَدُو مِنْ النَّاسْ. لَاكِنْ فِي الزَّمَنْ الْحَاضِرْ دَا، الدُّنْيَا قَاعِدَةْ فِي الضَّلَامْ وَ فِيَّهْ شَوَاطِينْ الْقَاعِدِينْ يَمُلْكُوهَا. وَ أَنِحْنَ قَاعِدِينْ نِحَارُبُوا حُكَّامْ وَ كُبَارَاتْ الشَّوَاطِينْ دَوْل، الْهُمَّنْ عَسْكَرْ إِبْلِيسْ الْقَاعِدِينْ فِي السَّمَاوَاتْ.

أفَسُس 3:10

وَ حِكْمَةْ اللّٰهْ وَسِيعَةْ وَ عَجِيبَةْ. وَ فِي الزَّمَنْ الْحَاضِرْ، اللّٰهْ يِدَوْر يِوَصِّفْ حِكْمَتَهْ بِعَمَلَهْ فِي أُسُطْ أُمَّةْ الْمَسِيحْ أَشَانْ كُلَّ الْحُكَّامْ وَ الْكُبَارَاتْ الْقَاعِدِينْ فِي السَّمَاوَاتْ يِشِيفُوهَا وَ يَفْهَمَوْهَا.

غَلاطِية 3:9

وَ بِمِثِلْ دَا، النَّاسْ الْكَرَبَوْا الْإِيمَانْ، هُمَّنْ يَلْقَوْا بَرَكَةْ مَعَ إِبْرَاهِيمْ الْمُؤمِنْ.

1 أخبار 4:10

يَعْبِيصْ سَأَلْ اللّٰهْ وَ قَالْ: «يَا اللّٰهْ إِلٰـهْ بَنِي إِسْرَائِيلْ، بَارِكْنِي وَ وَسِّعْ أَرْضِي وَ أَحْفَضْنِي وَ طَرِّفْ مِنِّي الشَّرّ وَ التَّعَبْ.» وَ اللّٰهْ أَنْطَاهْ لِيَعْبِيصْ كُلَّ شَيّءْ الْهُو سَأَلَهْ.

إشَعْيا 61:9

ذُرِّيِّتْهُمْ تُكُونْ مَعْرُوفَةْ بَيْن الْأُمَمْ وَ عِيَالْهُمْ مَعْرُوفِينْ أُسْط الشُّعُوبْ. كُلَّ الْيِشِيفُوهُمْ يَعَرْفُوا كَدَرْ هُمَّنْ ذُرِّيَّةْ الْبَارَكَاهَا اللّٰهْ.»

زَبُور 134:3

وَ مِنْ صَهْيُون، اللّٰهْ يِبَارِكُّو، وَ هُو خَالِقْ السَّمَاوَاتْ وَ الْأَرْض.

يُوحَنَّا 17:21

يَا أَبُويِ، أَنَا قَاعِدْ نَسْأَلَكْ لَيْهُمْ أَشَانْ كُلُّهُمْ يَبْقَوْا وَاحِدْ مِثِلْ إِنْتَ فِيِي وَ أَنَا فِيكْ. خَلِّي هُمَّنْ كُلَ يَبْقَوْا وَاحِدْ مَعَانَا أَشَانْ كُلَّ نَاسْ الدُّنْيَا يِآمُنُوا كَدَرْ إِنْتَ رَسَّلْتِنِي.

زَبُور 72:17

خَلِّي أُسْمَهْ يَقْعُدْ إِلَى الْأَبَدْ وَ يُدُومْ مِثِلْ الْحَرَّايْ. وَ بَيَّهْ هُو، خَلِّي النَّاسْ يِلْبَارَكَوْا وَ كُلَّ الْأُمَمْ يِنَادُوهْ مُبَارَكْ.

1 أخبار 29:20

وَ بَعَدْ دَا، دَاوُدْ قَالْ لِكُلَّ الشَّعَبْ: «بَارُكُوا اللّٰهْ إِلٰـهْكُو.» وَ كُلَّ الشَّعَبْ بَارَكَوْا اللّٰهْ رَبّ جُدُودْهُمْ. وَ دَنْقَرَوْا وَ سَجَدَوْا لِلّٰهْ وَ لِلْمَلِكْ.

أفَسُس 1:17

وَ نَدْعِي اللّٰهْ أَبُونَا الْمَجِيدْ الرَّسَّلْ رَبِّنَا عِيسَى الْمَسِيحْ وَ نَسْأَلَهْ لَيْكُو كَدَرْ هُو يَنْطِيكُو بِالرُّوحْ الْقُدُّوسْ فِكِرْ عَدِيلْ وَ عِرْفَةْ أَشَانْ تَعَرْفُوا اللّٰهْ بِزِيَادَةْ.

2 كُرُنْتُس 11:31

وَ اللّٰهْ أَبُو رَبِّنَا عِيسَى، هُو الْوَاجِبْ لَيَّهْ الشُّكُرْ إِلَى الْأَبَدْ، يَعَرِفْ كَدَرْ كَلَامِي مَا كِدِبْ.

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

تكوين 14:20

بَارَكْ اللّٰهْ الْعَالِي النَّصَرَاكْ فِي عَدُوكْ.» وَ خَلَاصْ، أَبْرَامْ أَنْطَاهْ الْعُشُرْ مِنْ كُلَّ شَيّءْ الشَّالَهْ فِي الْحَرِبْ.

1 كُرُنْتُس 12:12

وَ تَعَرْفُوا كَدَرْ جِسِمْ الْإِنْسَانْ هُو وَاحِدْ وَ بَتَّانْ الْجِسِمْ دَا عِنْدَهْ أَعْضَاءْ كَتِيرِينْ. وَ أَعْضَاءْ الْجِسِمْ كَتِيرِينْ لَاكِنْ هُمَّنْ جِسِمْ وَاحِدْ بَسْ. وَ أُمَّةْ الْمَسِيحْ كُلَ مِثِلْ الْجِسِمْ دَا.

رَوْمَا 12:5

بِمِثِلْ دَا، أَنِحْنَ نَاسْ كَتِيرِينْ لَاكِنْ بِقِينَا مِثِلْ جِسِمْ وَاحِدْ فِي الْمَسِيحْ. وَ أَيِّ وَاحِدْ مِنِّنَا، هُو عُضُو فِي الْجِسِمْ دَا وَ بِقِي أَخُو لِلْآخَرِينْ كُلُّهُمْ.

دَنْيال 4:34

وَ نَبُوخَدْنَصَرْ قَالْ: «بَعَدْ السَّبْعَةْ سِنِينْ الْمُحَدَّدِينْ، أَنَا رَفَعْت عُيُونِي لِلسَّمَاءْ وَ عَقْلِي جَاءْ فَوْقِي بَتَّانْ. وَ خَلَاصْ، أَنَا شَكَرْت اللّٰهْ الْعَالِي وَ غَنَّيْت بِأُسْمَهْ وَ مَجَّدْتَهْ هُو اللّٰهْ الْحَيّ الدَّايِمْ. هُو يَمْلُكْ دَايْماً وَ إِلَى الْأَبَدْ وَ مُلْكَهْ قَاعِدْ مِنْ ذُرِّيَّةْ لِذُرِّيَّةْ.

أفَسُس 1:10

وَ دَاهُو هَدَفْ اللّٰهْ. فِي الْوَكِتْ الْهُو حَدَّدَهْ، هُو يِدَوْر يِلِمّ كُلَّ شَيّءْ الْفِي السَّمَاوَاتْ وَ كُلَّ شَيّءْ الْفِي الْأَرْض وَ يُخُطُّهُمْ تِحِتْ رَئِيسْ وَاحِدْ وَ هُو الْمَسِيحْ.

2 كُرُنْتُس 5:17

وَ كَنْ أَيِّ نَادُمْ عِنْدَهْ عَلَاقَةْ مَعَ الْمَسِيحْ، هُو بِقِي خَلِيقَةْ جَدِيدَةْ. حَيَاتَهْ الْقَدِيمَةْ فَاتَتْ وَ حَيَاتَهْ الْجَدِيدَةْ بَدَتْ خَلَاصْ.

رَوْمَا 15:6

لَحَدِّي كُلُّكُو تِمَجُّدُوا اللّٰهْ أَبُو رَبِّنَا عِيسَى الْمَسِيحْ بِنِيَّةْ وَاحِدَةْ وَ بِحِسّ وَاحِدْ.

نَحَمْيا 9:5

وَ اللَّاوِيِّينْ يَشُوعْ وَ قَدْمِيِيلْ وَ بَانِي وَ حَشَبْنِيَا وَ شَرَبْيَا وَ هُودِيَّا وَ شَبَنْيَا وَ فَتَحْيَا قَالَوْا: «قُمُّوا وَ أَحْمُدُوا اللّٰهْ إِلٰـهْكُو فِي كُلَّ وَكِتْ إِلَى الْأَبَدْ!» «يَا اللّٰهْ، مَبْرُوكْ أُسْمَكْ الْمَجِيدْ الْفَايِتْ كُلَّ شُكُرْ وَ كُلَّ حَمْد الْأَنِحْنَ نِقَدُّمُوهْ لَيْك.

عِبْرَانِيِّين 8:5

وَ الْبَكَانْ الْهُمَّنْ يَخْدُمُوا فَوْقَهْ دَا، عَلَامَةْ بَسْ وَ هِي تِمَثِّلْ الْبَكَانْ الْمُقَدَّسْ السَّمَاوِي. وَ دَا مَعْرُوفْ أَشَانْ وَكِتْ مُوسَى يِدَوْر يَبْنِي خَيْمَةْ الْعِبَادَةْ، اللّٰهْ كَلَّمْ لَيَّهْ وَ قَالْ: <خُطّ بَالَكْ أَشَانْ تَصْنَعْ كُلَّ شَيّءْ حَسَبْ النِّظَامْ الْأَنَا وَصَّفْتَهْ لَيْك فِي الْجَبَلْ.>

فِلِبِّي 2:11

وَ لَحَدِّي أَيِّ وَاحِدْ يَشْهَدْ وَ يُقُولْ كَدَرْ عِيسَى الْمَسِيحْ هُو الرَّبّ وَ يِمَجِّدْ اللّٰهْ أَبُوهْ.

1 كُرُنْتُس 1:30

وَ اللّٰهْ بَسْ الْأَنْطَاكُو الْعَلَاقَةْ الْعِنْدُكُو مَعَ الْمَسِيحْ عِيسَى. وَ بِالْمَسِيحْ بَسْ، نَلْقَوْا حِكْمَةْ اللّٰهْ. وَ بِالْمَسِيحْ بَسْ، اللّٰهْ جَعَلَانَا صَالِحِينْ وَ خَصَّصَانَا وَ فَدَانَا.

عِبْرَانِيِّين 9:23

أَشَانْ دَا، لَابُدَّ يِطَهُّرُوا بِالضَّحَايَا دَوْل الْخَيْمَةْ الْقَاعِدَةْ فِي الْأَرْض الْهِي عَلَامَةْ هَنَا الْخَيْمَةْ السَّمَاوِيَّةْ. لَاكِنْ الْخَيْمَةْ السَّمَاوِيَّةْ ذَاتْهَا وَاجِبْ يِطَهُّرُوهَا بِضَحَايَا الْأَفْضَلْ زِيَادَةْ.

يُوحَنَّا 20:17

وَ عِيسَى حَجَّى لَيْهَا وَ قَالْ: «مَا تَكُرْبِينِي. أَنَا لِسَّاعْ مَا طَلَعْت لِلّٰهْ أَبُويِ. أَمْشِي لِأَخْوَانِي وَ أَوْرِيهُمْ أَنَا طَالِعْ لِأَبُويِ وَ أَبُوكُو وَ لِإِلٰـهِي وَ إِلٰـهْكُو.»

يُوحَنَّا 14:20

وَ فِي الْيَوْم دَا، تَعَرْفُوا كَدَرْ أَنَا قَاعِدْ فِي أَبُويِ وَ إِنْتُو قَاعِدِينْ فِيِي وَ أَنَا قَاعِدْ فِيكُو.

لُوقا 2:28

وَ سَمْعَانْ شَالَهْ مِنْهُمْ وَ شَكَرْ اللّٰهْ وَ قَالْ:

2 أخبار 31:8

وَ وَكِتْ حِزْقِيَّا وَ مَسَائِيلَهْ جَوْا وَ شَافَوْا الْكِيمَانْ دَوْل، بَارَكَوْا اللّٰهْ وَ شَكَرَوْا شَعَبَهْ بَنِي إِسْرَائِيلْ.