أفَسُس 1:15 - الكتاب المقدس بالعربي الدارجي هنا تشاد

¹⁵ وَ فِي شَانْ كُلَّ الْأَشْيَاءْ دَوْل، أَنَا نَشْكُرْ اللّٰهْ. أَيْوَى، مِنْ سِمِعْت كَدَرْ إِيمَانْكُو بِرَبِّنَا عِيسَى قَوِي وَ تِحِبُّوا كُلَّ الصَّالِحِينْ،

أفَسُس 1:15 Referenca të Kryqëzuara

فِلِمُون 1:5

أَشَانْ سِمِعْت خَبَرْ إِيمَانَكْ بِرَبِّنَا عِيسَى وَ بِمَحَبِّتَكْ لِكُلَّ الصَّالِحِينْ.

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

2 تَسَلونِيكِي 1:3

يَا أَخْوَانِي، وَاجِبْ نَشْكُرُوا اللّٰهْ دَايْماً فِي شَانْكُو. وَ دَا وَاجِبْ لَيْنَا أَشَانْ قُدْرَةْ إِيمَانْكُو قَاعِدَةْ تِزِيدْ كَتِيرْ وَ الْمَحَبَّةْ الْكُلُّكُو تِرَّايَدَوْا بَيْهَا قَاعِدَةْ تِزِيدْ بِلْحَيْن.

1 يُوحَنَّا 4:21

دَاهُو الْوَصِيَّةْ الْأَنْطَاهَا لَيْنَا. النَّاسْ الْيِحِبُّوا اللّٰهْ وَاجِبْ يِحِبُّوا أَخْوَانْهُمْ كُلَ.

1 يُوحَنَّا 3:17

كَنْ نَادُمْ عِنْدَهْ مَالْ الدُّنْيَا وَ يِشِيفْ أَخُوهْ تَعْبَانْ وَ يِسِدّ عَيْنَهْ وَ مَا يِسَاعِدَهْ، كِكَّيْف نُقُولُوا مَحَبَّةْ اللّٰهْ قَاعِدَةْ فَوْقَهْ؟

1 بُطْرُس 1:22

وَ إِنْتُو طَهَّرْتُوا نُفُوسْكُو وَكِتْ تَابَعْتُوا كَلَامْ الْحَقّ وَ لِقِيتُوا مَحَبَّةْ أَخَوِيَّةْ بَلَا نِفَاقْ. وَ خَلَاصْ، أَرَّايَدَوْا أَمْبَيْنَاتْكُو بِشِدَّةْ وَ بِقَلِبْ وَاحِدْ.

1 تِمُوتَاوُس 1:14

وَ رَبِّنَا أَنْطَانِي نِعْمَةْ كَبِيرَةْ بِلْحَيْن وَ أَنْطَانِي الْإِيمَانْ وَ الْمَحَبَّةْ الْقَاعِدِينْ فِي الْمَسِيحْ عِيسَى.

1 تِمُوتَاوُس 1:5

وَ أَنْطَيْتَكْ الْوَصِيَّةْ دِي أَشَانْ نِدَوْر هُمَّنْ يِعِيشُوا بِالْمَحَبَّةْ الْجَايَةْ مِنْ قَلِبْ طَاهِرْ وَ ضَمِيرْ صَافِي وَ إِيمَانْ مُخْلِصْ.

1 تَسَلونِيكِي 4:9

وَ أَكِيدْ، اللّٰهْ ذَاتَهْ عَلَّمَاكُو كَدَرْ وَاجِبْ تِرَّايَدَوْا أَمْبَيْنَاتْكُو. وَ أَشَانْ دَا، إِنْتُو مَا حَوْجَانِينْ أَنِحْنَ نَكْتُبُوا لَيْكُو فِي الْمَحَبَّةْ الْأَخَوِيَّةْ.

1 تَسَلونِيكِي 1:3

وَ أَيِّ وَكِتْ النَّسْأَلَوْا لَيْكُو أَبُونَا اللّٰهْ، نِفَكُّرُوا فِي الْعَمَلْ السَّوَّيْتُوهْ بِالْإِيمَانْ وَ الْخِدْمَةْ السَّوَّيْتُوهَا بِالْمَحَبَّةْ وَ عَشَمْكُو الْقَوِي فِي رَبِّنَا عِيسَى الْمَسِيحْ.

غَلاطِية 5:6

أَشَانْ فِي دَرِبْ الْمَسِيحْ عِيسَى، كَنْ نَادُمْ مُطَهَّرْ وَلَّا مَا مُطَهَّرْ كُلَ، دَا مَا مُهِمّ. الشَّيّءْ الْمُهِمّ دَا، هُو الْإِيمَانْ بِالْمَسِيحْ وَ الْمَحَبَّةْ الْجَايَةْ مِنْ الْإِيمَانْ دَا.

زَبُور 16:3

الصَّالِحِينْ الْقَاعِدِينْ فِي الْبَلَدْ، هُمَّنْ دَوْل قَوِيِّينْ وَ أَنَا نَفْرَحْ بَيْهُمْ زِيَادَةْ.

أعمال الرُسُل 20:21

وَ نِحَذِّرْ الْيَهُودْ وَ الْيُونَانِيِّينْ بِنَفْس الْكَلَامْ وَ نُقُولْ كَدَرْ وَاجِبْ كُلُّهُمْ يُتُوبُوا لِلّٰهْ وَ يِآمُنُوا بِرَبِّنَا عِيسَى.

رَوْمَا 1:8

أَوَّلْ شَيّءْ، نَشْكُرْ اللّٰهْ بِأُسُمْ عِيسَى الْمَسِيحْ فِي شَانْكُو كُلُّكُو أَشَانْ إِيمَانْكُو بِقِي مَعْرُوفْ فِي كُلَّ الدُّنْيَا.

أفَسُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ نَكْتِبْ لَيْكُو إِنْتُو الصَّالِحِينْ الْفِي حِلَّةْ أَفَسُسْ الثَّابْتِينْ فِي إِيمَانْكُو بِالْمَسِيحْ عِيسَى.

أفَسُس 3:18

وَ مِثِلْ دَا، إِنْتُو مَعَ كُلَّ الصَّالِحِينْ تَقْدَرَوْا تَفْهَمَوْا كَدَرْ مَحَبَّةْ الْمَسِيحْ وَسِيعَةْ بِلْحَيْن وَ كَبِيرَةْ بِلْحَيْن وَ مَا عِنْدَهَا حَدّ.