جامِعة 9:1 - الكتاب المقدس بالعربي الدارجي هنا تشاد

¹ أَيْوَى، أَنَا فَكَّرْت فِي كُلَّ الْأَشْيَاءْ دَوْل وَ فِهِمْت كَدَرْ الصَّالِحِينْ وَ الْحَكِيمِينْ وَ خِدْمِتْهُمْ كُلُّهُمْ فِي إِيدْ الرَّبّ. الْإِنْسَانْ مَا يَعَرِفْ كَنْ يَلْقَى الْمَحَبَّةْ أَوْ الْكَرَاهِيَّةْ. أَيْوَى، هُو مَا يَعَرِفْ الشَّيّءْ الْيَرْجَاهْ!

جامِعة 9:1 Referenca të Kryqëzuara

تَثْنِية 33:3

أَكِيدْ هُو يِحِبّ الشَّعَبْ وَ كُلَّ صَالِحِينَهْ فِي إِيدَيْنَهْ. وَ هُمَّنْ قَاعِدِينْ تِحْتَهْ وَ يَسْمَعَوْا تَعْلِيمَهْ.

1 بُطْرُس 1:5

وَ قُدْرَةْ اللّٰهْ تَحْفَضْكُو بِإِيمَانْكُو أَشَانْ تَلْقَوْا النَّجَاةْ الْاللّٰهْ جَهَّزَاهَا وَ يِبَيِّنْهَا فِي الْيَوْم الْأَخِيرْ.

جامِعة 8:14

فِي الْأَرْض، فِيَّهْ شَيّءْ الزَّايِلْ سَاكِتْ وَ دَاهُو الشَّيّءْ دَا. فِي نَاسْ صَالِحِينْ، يِعَامُلُوهُمْ مِثِلْ يِعَامُلُوا الْفَسْلِينْ. وَ فِي نَاسْ فَسْلِينْ، يِعَامُلُوهُمْ مِثِلْ يِعَامُلُوا الصَّالِحِينْ. وَ أَنَا قُلْت بَتَّانْ: «دَا كُلَ زَايِلْ سَاكِتْ.»

أيُّوب 12:10

وَ فِي إِيدَهْ هُو، نَفَسْ كُلَّ الْحَيِّينْ وَ رُوحْ كُلَّ الْمَخْلُوقِينْ.

2 تِمُوتَاوُس 1:12

وَ أَشَانْ دَا بَسْ، أَنَا قَاعِدْ نَتْعَبْ مِثِلْ دَا. لَاكِنْ الْعَيْب أَبَداً مَا سَوَّانِي أَشَانْ هُو الْأَنَا آمَنْت بَيَّهْ نَعَرْفَهْ تَمَامْ. وَ أَنَا مُؤَكِّدْ كَدَرْ هُو قَادِرْ وَ يَحْفَضْ الْأَمَانَةْ الْأَنْطَيْتهَا لَيَّهْ لَحَدِّي الْيَوْم الْأَخِيرْ.

إشَعْيا 26:12

يَا اللّٰهْ، إِنْتَ بَسْ ثَبَّتّْ لَيْنَا السَّلَامْ أَشَانْ كُلَّ أَعْمَالْنَا، إِنْتَ بَسْ تِحَقِّقْهُمْ لَيْنَا.

أمْثال 16:3

خُطّ خِدِمْتَكْ فِي إِيدَيْن اللّٰهْ وَ كُلَّ شَيّءْ التِّتْمَنَّاهْ يِلْحَقَّقْ.

زَبُور 31:5

وَ رُوحِي نَنْطِيهَا لَيْك فِي إِيدَكْ. يَا اللّٰهْ إِلٰـهْ الْحَقّ، إِنْتَ فَدَيْتنِي.

1 صَمُوِيل 2:9

اللّٰهْ يَحْفَضْ النَّاسْ الصَّالِحِينْ وَ فِي الضَّلَامْ، يُمُوتُوا الْفَسْلِينْ. أَشَانْ الْإِنْسَانْ بِقُدُرْتَهْ مَا يِنَّصِرْ.

جامِعة 10:14

النَّادُمْ الْفِكْرَهْ مَحْدُودْ، يِكَتِّرْ كَلَامَهْ. وَ الْإِنْسَانْ مَا يَعَرِفْ الْيُكُونْ وَ يَاتُو الْيِخَبِّرَهْ بِالْيُكُونْ بَعَدْ مَوْتَهْ؟

جامِعة 8:16

أَنَا شِلْت نِيَّةْ لِنَعَرِفْ الْحِكْمَةْ وَ نِشِيفْ الشَّغَلَةْ الْقَاعِدَةْ تُكُونْ فِي الْأَرْض. أَشَانْ عَيْن الْإِنْسَانْ مَا تُنُومْ وَ لَا لَيْل وَ لَا نَهَارْ.

جامِعة 7:25

أَنَا شِلْت نِيَّةْ بِكُلَّ قَلْبِي لِنِفَتِّشْ وَ نَكْشِفْ الْحِكْمَةْ وَ الْعَقُلْ وَ لِنَعَرِفْ الْفَسَالَةْ هِي الطَّمَاسَةْ وَ طَمَاسَةْ هِي الْجَهَالَةْ.

جامِعة 7:15

أَنَا شِفْت كُلَّ الشَّيّءْ دَا فِي وَكِتْ أَيَّامِي الزَّايْلِينْ سَاكِتْ. فِي وَاحِدْ صَالِحْ يُمُوتْ حَتَّى كَانْ هُو صَالِحْ كُلَ. وَ فِي وَاحِدْ فَسِلْ يِعِيشْ عُمُرْ طَوِيلْ حَتَّى كَانْ هُو فَسِلْ كُلَ.

جامِعة 1:17

أَنَا شِلْت نِيَّةْ لِنَعَرِفْ الْحِكْمَةْ وَ لِنَعَرِفْ الْجَهَلْ وَ الطَّمَاسَةْ. وَ بَعَدْ دَا، أَنَا عِرِفْت كَدَرْ دَا كُلَ جَرِي وَرَاءْ الرِّيحْ.

زَبُور 73:3

أَشَانْ أَنَا حَسَدْت الْمُسْتَكْبِرِينْ وَ شِفْت رَاحَةْ الْعَاصِيِينْ.

زَبُور 10:14

وَ لَاكِنْ، يَا رَبّ، إِنْتَ شِفْت وَ قَاعِدْ تِشِيفْ التَّعْبَانِينْ وَ الْحَزْنَانِينْ لِتِدَافِعْ لَيْهُمْ. الضَّعِيفْ يِتْوَكَّلْ عَلَيْك وَ إِنْتَ بَسْ التَّفْزَعْ الْأَتِيمْ.

أيُّوب 5:8

لَاكِنْ كَنْ لَيِّ أَنَا، نِفَتِّشْ الرَّبّ وَ لَيَّهْ هُو بَسْ نَرْفَعْ ضَلِيمْتِي.

زَبُور 119:109

حَيَاتِي كُلَّ يَوْم فِي خَطَرْ وَ لَاكِنْ مَا أَنَا نِسِيتْ تَوْرَاتَكْ.

جامِعة 9:6

وَ مَحَبِّتْهُمْ وَ كَرَاهِيِّتْهُمْ وَ حُسُدْهُمْ وَدَّرَوْا خَلَاصْ. وَ بَتَّانْ مَا عِنْدُهُمْ قِسِمْ إِلَى الْأَبَدْ فِي كُلَّ شَيّءْ الْيَبْقَى فِي الْأَرْض.

إرْمِيا 43:6

وَ شَالَوْا بَتَّانْ الرُّجَالْ وَ الْعَوِينْ وَ الْعِيَالْ وَ بَنَاتْ الْمَلِكْ وَ كُلَّ النَّاسْ النَّبُوزَرَدَانْ كَبِيرْ الْحُرَّاسْ أَمَّنَاهُمْ لِقَدَالْيَا وِلَيْد أَخِقَامْ وِلَيْد شَافَانْ. وَ شَالَوْا مَعَاهُمْ بَتَّانْ النَّبِي إِرْمِيَا وَ بَرُوكْ وِلَيْد نَرِيَّا.

أيُّوب 27:12

وَ كَنْ إِنْتُو كُلُّكُو عِرِفْتُوهْ، مَالَا تِحَجُّوا فِي الرِّيحْ سَاكِتْ؟

جامِعة 8:7

أَشَانْ هُو مَا يَعَرِفْ الشَّيّءْ الْيُكُونْ. وَ يَاتُو يَقْدَرْ يُقُولْ لَيَّهْ يَبْقَى مِثِلْ دَا وَلَّا دَا؟