جامِعة 7:9 - الكتاب المقدس بالعربي الدارجي هنا تشاد

⁹ مَا تِسَّعْجَلْ لِتَزْعَلْ أَشَانْ الزَّعَلْ قَاعِدْ فِي قُلُوبْ الْمَطَامِيسْ.

جامِعة 7:9 Referenca të Kryqëzuara

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

أمْثال 14:17

الزَّعَّالْ، هُو مَطْمُوسْ وَ الْيَنْوِي الْفَسَالَةْ، مَكْرُوهْ.

أمْثال 16:32

الْمَا يَزْعَلْ عَجَلَةْ أَخَيْر مِنْ الْفَارِسْ وَ الْيَمْلُكْ نَفْسَهْ أَخَيْر مِنْ الْيَقْلَعْ الْمَدِينَةْ.

مَرْخُوس 6:19

وَ أَشَانْ دَا، هِرُودِيَّةْ مَا تِرِيدْ يَحْيَى وَ تِدَوْر تَكْتُلَهْ. لَاكِنْ مَا قِدْرَتْ تِسَوِّي فَوْقَهْ شَيّءْ فَسِلْ

يُونُس 4:9

وَ الرَّبّ قَالْ لِيُونُسْ: «إِنْتَ عِنْدَكْ حَقّ تَزْعَلْ فِي شَانْ الشِّدَيْرَةْ دِي وَلَّا؟» وَ يُونُسْ رَدَّ لَيَّهْ وَ قَالْ: «أَيْوَى، عِنْدِي حَقّ نَزْعَلْ لَحَدِّي نِدَوْر الْمَوْت.»

2 صَمُوِيل 19:43

وَ رُجَالْ بَنِي إِسْرَائِيلْ قَالَوْا لِبَنِي يَهُوذَا: «وَ لَاكِنْ أَنِحْنَ عِنْدِنَا حَقّ فِي الْمُلُكْ عَشَرَةْ مَرَّةْ زِيَادَةْ مِنْكُو وَ فَوْق دَاوُدْ كُلَ. وَ مَالَا تَحْقُرُونَا، مَا أَنِحْنَ بَسْ الْأَوَّلَانِيِّينْ طَلَبْنَا قَبِّلِينْ الْمَلِكْ وَلَّا؟» وَ لَاكِنْ رُجَالْ بَنِي يَهُوذَا حَجَّوْا كَلَامْ مُرّ زِيَادَةْ مِنْ كَلَامْ رُجَالْ بَنِي إِسْرَائِيلْ.

2 صَمُوِيل 13:22

وَ كَنْ لِأَبْشَلُومْ كَمَانْ، مَا قَاعِدْ يِحَجِّي لِأَمْنُونْ وَ لَا بِخَيْر وَ لَا بِشَرّ. هُو كِرِهَهْ أَشَانْ أَمْنُونْ تَلَّفْ أَخْتَهْ تَامَارْ.

2 صَمُوِيل 13:28

وَ أَبْشَلُومْ أَنْطَاهْ أَمُرْ لِخَدَّامِينَهْ وَ قَالْ: «فَكُّرُوا عَدِيلْ فِي أَمْنُونْ. وَكِتْ شِفْتُوهْ سِكِرْ وَ أَنَا قُلْت لَيْكُو أَضُرْبُوهْ، قُمُّوا أَكْتُلُوهْ. مَا تَخَافَوْا أَشَانْ أَنَا بَسْ أَنْطَيْتكُو الْأَمُرْ دَا. شِدُّوا حَيْلكُو وَ أَبْقَوْا فَحَلِينْ!»

مَرْخُوس 6:24

وَ الْبِنَيَّةْ مَرَقَتْ وَ سَأَلَتْ أَمَّهَا. وَ قَالَتْ: «نَطْلُبْ مِنَّهْ شُنُو؟» وَ أَمَّهَا قَالَتْ: «أَطُلْبِي رَاسْ يَحْيَى الْمُغَطِّسْ».

2 صَمُوِيل 13:32

وَ يُنَدَابْ وِلَيْد شِمْعَى أَخُو دَاوُدْ شَالْ الْكَلَامْ وَ قَالْ: «خَلِّي سِيدِي الْمَلِكْ مَا يِفَكِّرْ كَدَرْ كَتَلَوْا كُلَّ أَوْلَادَهْ. أَمْنُونْ وِحَيْدَهْ بَسْ مَاتْ. أَشَانْ أَبْشَلُومْ شَالْ النِّيَّةْ دِي مِنْ الْيَوْم الْأَمْنُونْ تَلَّفْ أَخْتَهْ تَامَارْ.

تكوين 4:8

وَ بَعَدْ دَا، قَابِيلْ قَالْ لِأَخُوهْ هَابِيلْ: «تَعَالْ، نَمْشُوا الْكَدَادَةْ.» وَ مِنْ مَشَوْا فِي الْكَدَادَةْ، قَابِيلْ هَجَمْ أَخُوهْ وَ كَتَلَهْ.

أمْثال 14:29

الْمَا يَزْعَلْ عَجَلَةْ يِوَصِّفْ فِهِمَهْ لِلنَّاسْ لَاكِنْ الزَّعَّالْ يِوَصِّفْ كَدَرْ هُو مَا عِنْدَهْ رَاسْ.

جامِعة 7:10

مَا تُقُولْ: «مَالَا أَيَّامْنَا الْفَاتَوْا أَخَيْر مِنْ أَيَّامْنَا الْهَسَّعْ دَوْل؟» السُّؤَالْ دَا مَا جَايِ مِنْ الْحِكْمَةْ.

أمْثال 25:8

مَا تِسَّعْجَلْ وَ تِكَلِّمْ فِي الشَّرِيعَةْ بِالشَّافَتَهْ عَيْنَكْ. تِسَوِّي شُنُو كَنْ فِي الأَخِيرْ خَصِيمَكْ يِخَجِّلَكْ؟

يُونُس 4:3

يَا اللّٰهْ، هَسَّعْ دَا خَلَاصْ. شِيلْ رُوحِي. الْمَوْت أَخَيْر لَيِّ مِنْ الْحَيَاةْ.»

يُونُس 4:8

وَ وَكِتْ الْحَرَّايْ طَلَعَتْ، الرَّبّ رَسَّلْ رِيحْ حَامِيَةْ مِنْ الصَّبَاحْ. وَ الْحَرَّايْ طَقَّتْ يُونُسْ فِي رَاسَهْ لَحَدِّي يِدَوْر يَغْمَرْ. وَ دَوَّرْ يُمُوتْ وَ قَالْ: «الْمَوْت أَخَيْر لَيِّ مِنْ الْحَيَاةْ.»