جامِعة 5:1 - الكتاب المقدس بالعربي الدارجي هنا تشاد

¹ أَحْفَضْ نَفْسَكْ، وَكِتْ تَمْشِي فِي بَيْت اللّٰهْ. قَرِّبْ لِتَسْمَعْ، دَا أَخَيْر مِنْ تِقَدِّمْ ضَحِيَّةْ الْمَطَامِيسْ. أَشَانْ هُمَّنْ مَا يَعَرْفُوا كَدَرْ قَاعِدِينْ يِسَوُّوا الْفَسَالَةْ.

جامِعة 5:1 Referenca të Kryqëzuara

يَعْقُوب 1:19

يَا أَخْوَانِي النِّحِبُّكُو، فَكُّرُوا عَدِيلْ. خَلِّي أَيِّ نَادُمْ يُكُونْ دَايْماً جَاهِزْ لِيَسْمَعْ. خَلِّي مَا يِحَجِّي عَجَلَةْ وَ مَا يَزْعَلْ عَجَلَةْ

أمْثال 15:8

ضَحِيَّةْ الْعَاصِيِينْ، اللّٰهْ يِحَرِّمْهَا وَ صَلَاةْ الْعَدِيلِينْ، اللّٰهْ يَقْبَلْهَا.

أمْثال 21:27

ضَحِيَّةْ الْعَاصِي اللّٰهْ حَرَّمْهَا. وَ كَنْ يِقَدِّمْهَا بِنِيَّةْ فَسْلَةْ، مَا تَبْقَى حَرَامَةْ زِيَادَةْ وَلَّا؟

زَبُور 89:7

هُو إِلٰـهْ يِرَجِّفْ مَلَمَّةْ الْقُدُّوسِينْ وَ يِخَوِّفْ كُلَّ الْمُحَوِّقِينَهْ.

يَشُوع 5:15

وَ قَايِدْ دَيْش اللّٰهْ قَالْ لِيَشُوعْ: «سِلّ نَعَالَكْ أَشَانْ الْبَكَانْ الْإِنْتَ قَاعِدْ فَوْقَهْ دَا مُقَدَّسْ.» وَ خَلَاصْ، يَشُوعْ سَلَّ نَعَالَهْ مِثِلْ أَمَرَهْ بَيَّهْ.

خُروج 3:5

وَ هُو قَالْ لَيَّهْ: «مَا تَجِي قَرِيبْ. سِلّ نِعْلَيْك مِنْ رِجِلَيْنَكْ أَشَانْ الْبَكَانْ الْإِنْتَ وَاقِفْ فَوْقَهْ دَا أَرْض مُقَدَّسَةْ.

عِبْرَانِيِّين 10:26

كَنْ عِرِفْنَا كَلَامْ الْحَقّ وَ بَعَدَيْن نُقُمُّوا نِتَابُعُوا الذُّنُوبْ، مَا يِفَضِّلْ لَيْنَا ضَحِيَّةْ بَتَّانْ التَّمْحَا الذُّنُوبْ.

1 كُرُنْتُس 11:22

وَ دَا كِكَّيْف؟ مَا تَاكُلُوا وَ تَشَرْبَوْا فِي بُيُوتْكُو وَلَّا؟ أَوْ تَحْقُرُوا جَمَاعَةْ الْمُؤمِنِينْ هَنَا اللّٰهْ وَ تِدَوْرُوا تِعَيُّبُوا النَّاسْ الْمَا عِنْدُهُمْ شَيّءْ؟ وَ نُقُولْ لَيْكُو شُنُو؟ وَ بَيْدَا، نَشْكُرْكُو وَلَّا؟ لَا، أَبَداً.

إشَعْيا 66:3

«وَ لَاكِنْ الْيَدْبَحْ تَوْر ضَحِيَّةْ، هُو مِثِلْ الْيَكْتُلْ إِنْسَانْ. وَ الْيِقَدِّمْ غَنَمَايْ ضَحِيَّةْ، هُو مِثِلْ الْيَكْسِرْ رَقَبَةْ كَلِبْ. وَ الْيِقَدِّمْ هَدِيَّةْ هَنَا دَقِيقْ، هُو مِثِلْ الْيِقَدِّمْ هَدِيَّةْ دَمّ هَنَا خِنْزِيرْ وَ الْيِحَرِّقْ بَخُورْ، هُو مِثِلْ الْيَعَبُدْ صَنَمْ. النَّاسْ دَوْل عَزَلَوْا دَرِبْهُمْ وَ بِمُحَرَّمَاتْهُمْ دَوْل، هُمَّنْ فَرْحَانِينْ.

أعمال الرُسُل 17:11

وَ الْيَهُودْ الْفِي بِرِيَّةْ كَرِيمِينْ مِنْ الْيَهُودْ الْقَاعِدِينْ فِي تَسَلُونِيكِي. هُمَّنْ سِمْعَوْا كَلَامْ اللّٰهْ بِفَرْحَةْ وَ قَمَّوْا يَقْرُوا فِي الْكِتَابْ كُلَّ يَوْم أَشَانْ يَعَرْفُوا كَنْ تَعْلِيمْ هَنَا بُولُسْ صَحِيحْ وَلَّا مَا صَحِيحْ.

أعمال الرُسُل 10:33

وَ طَوَّالِي، أَنَا رَسَّلْتُهُمْ أَشَانْ يِنَادُوكْ وَ شُكْراً بِجَيْتَكْ. وَ خَلَاصْ، كُلِّنَا قَاعِدِينْ هِنِي قِدَّامْ اللّٰهْ أَشَانْ نَسْمَعَوْا كُلَّ الْكَلَامْ الْاللّٰهْ أَمَرَكْ بَيَّهْ.»

لاوِيِّين 10:3

وَ مُوسَى قَالْ لِهَارُونْ: «دَا بَسْ كَلَامْ اللّٰهْ وَكِتْ قَالْ: ‹الْيِقَرُّبُوا لَيِّ يَعَرْفُونِي كَدَرْ أَنَا قُدُّوسْ وَ يِمَجُّدُونِي قِدَّامْ كُلَّ الشَّعَبْ.›» وَ هَارُونْ قَاعِدْ سَاكِتْ.

2 أخبار 26:16

وَ لَاكِنْ وَكِتْ عُزِّيَّا بِقِي شَدِيدْ، هُو بَدَا يِسْتَكْبَرْ لَحَدِّي عِصِي اللّٰهْ إِلٰـهَهْ وَ جَابْ الدَّمَارْ لِنَفْسَهْ. هُو دَخَلْ فِي بَيْت اللّٰهْ وَ حَرَّقْ بَخُورْ فِي مُخْبَرْ الْبَخُورْ.

خُروج 30:18

«أَصْنَعْ حَوْط مِنْ نَحَاسْ لِلْوَضُوءْ. وَ سَوِّي لَيَّهْ قَعَرْ مِنْ نَحَاسْ وَ خُطَّهْ بَيْن خَيْمَةْ الْإِجْتِمَاعْ وَ الْمَدْبَحْ. وَ صُبّ فَوْقَهْ أَلْمِي.

أيُّوب 11:2

كَتَرَةْ الْكَلَامْ دِي مَا تَلْقَى رَدّ وَلَّا؟ وَ النَّادُمْ الْيَعَرِفْ يِحَجِّي يَلْقَى الْحَقّ وَلَّا؟

أيُّوب 22:12

الرَّبّ مَا فَوْق مِنْ السَّمَاءْ وَلَّا؟ وَ إِنْتَ! شِيفْ النُّجُومْ هُمَّنْ عَالِيِينْ!

أمْثال 10:19

كَتَرَةْ الْكَلَامْ تَرْمِي فِي الْخَطَا وَ لَاكِنْ الْيَحْفَضْ لِسَانَهْ عَاقِلْ.