جامِعة 3:2 - الكتاب المقدس بالعربي الدارجي هنا تشاد

² فِي وَكِتْ لِلْوَالُودَةْ وَ فِي وَكِتْ لِلْمَوْت. فِي وَكِتْ لِلْمَقِّنِينْ وَ فِي وَكِتْ لِمَلِّطِينْ الْمَقَنْ.

جامِعة 3:2 Referenca të Kryqëzuara

عِبْرَانِيِّين 9:27

أَكِيدْ، مَكْتُوبْ لِأَيِّ نَادُمْ يُمُوتْ مَرَّةْ وَاحِدَةْ وَ بَعَدْ الْمَوْت يَجِي الْحِسَابْ.

أيُّوب 14:5

الْإِنْسَانْ عُمْرَهْ مُحَدَّدْ وَ إِنْتَ قَطَّعْت لَيَّهْ شُهُورْ وَ أَنْطَيْتَهْ وَكِتْ مَا يَقْدَرْ يُفُوتَهْ.

غَلاطِية 4:4

لَاكِنْ الْوَكِتْ تَمَّ خَلَاصْ وَ اللّٰهْ رَسَّلْ إِبْنَهْ فِي الدُّنْيَا. هُو مَوْلُودْ مِنْ مَرَةْ وَ رَبَّوْه تِحِتْ شُرُوطْ التَّوْرَاةْ

لُوقا 1:20

وَ هَسَّعْ، إِنْتَ تَبْقَى أَبْكَمْ وَ مَا تِحَجِّي لَحَدِّي كُلَّ شَيّءْ الْقُلْتَهْ لَيْك يِتِمّ. أَشَانْ إِنْتَ مَا صَدَّقْت بِكَلَامِي الْأَكِيدْ يَبْقَى فِي وَكْتَهْ.»

مَتَّى 15:13

وَ رَدَّ لَيْهُمْ وَ قَالْ: «أَيِّ خَضَارْ الْأَبُويِ اللّٰهْ مَا تَيْرَبَهْ يِنْمَلِطْ.

يُوحَنَّا 16:21

«كَنْ مَرَةْ غَلْبَانَةْ وَ وَكْت الْوَالُودَةْ جَاءْ، هِي تَتْعَبْ تَعَبْ شَدِيدْ. وَ وَكِتْ وِلْدَتْ صَغِيرْهَا خَلَاصْ، هِي فَرْحَانَةْ وَ تَنْسَى التَّعَبْ أَشَانْ جَابَتْ نَادُمْ فِي الدُّنْيَا.

إشَعْيا 38:1

وَ فِي الْوَكِتْ دَا، حِزْقِيَّا مِرِضْ مَرَضْ شَدِيدْ لَحَدِّي قَرِيبْ يُمُوتْ. وَ النَّبِي إِشَعْيَا وِلَيْد أَمُّوصْ جَاءْ لَيَّهْ وَ قَالْ: «دَاهُو اللّٰهْ قَالْ: ‹وَصِّي عَايِلْتَكْ أَشَانْ إِنْتَ تُمُوتْ. مَا تَلْقَى الْعَافَيْ.›»

أيُّوب 7:1

هَلْ حَيَاةْ بَنِي آدَم فِي الْأَرْض مَا مِثِلْ حَيَاةْ عَسْكَرِي وَلَّا؟ وَ أَيَّامَهْ مَا مِثِلْ أَيَّامْ الْمُؤَجَّرْ وَلَّا؟

أعمال الرُسُل 7:20

وَ فِي الْوَكِتْ دَا بَسْ، وِلْدَوْا مُوسَى وَ هُو وِلَيْد جَمِيلْ مَرَّةْ وَاحِدْ قِدَّامْ اللّٰهْ. وَ أَمَّهْ وَ أَبُوهْ رَبَّوْه فِي بَيْتهُمْ تَلَاتَةْ شَهَرْ.

أعمال الرُسُل 7:17

«وَ الْوَكِتْ الْاللّٰهْ يِدَوْر يِتِمّ فَوْقَهْ الْوَعَدْ الْأَنْطَاهْ لِإِبْرَاهِيمْ قَرَّبْ. وَ بَنِي إِسْرَائِيلْ قَاعِدِينْ يِزِيدُوا فِي مَصِرْ وَ عَدَدْهُمْ بِقِي كَتِيرْ زِيَادَةْ.

يُوحَنَّا 7:30

وَ فِي شَانْ دَا، نَاسْ وَاحِدِينْ دَوَّرَوْا يَكُرْبُوهْ وَ لَاكِنْ مَا فِي نَادُمْ سَوَّى لَيَّهْ شَيّءْ أَشَانْ الْوَكِتْ الْاللّٰهْ قَطَعَهْ لَيَّهْ، لِسَّاعْ مَا جَاءْ.

لُوقا 1:36

وَ فَكِّرِي فِي أَخُتْكِ أَلِصَابَاتْ الْعَجُوزْ. عِنْدَهَا غَلَبَةْ هَنَا سِتَّةْ شَهَرْ وَ تَلْدَ وِلَيْد وَ دِي هِي الْأَوَّلْ قَالَوْا فَوْقهَا هِي عَاقْرَةْ.

لُوقا 1:13

وَ الْمَلَكْ قَالْ لَيَّهْ: «يَا زَكَرِيَّا، مَا تَخَافْ. اللّٰهْ سِمِعْ دُعَاكْ. مَرْتَكْ أَلِصَابَاتْ تَلْدَ لَيْك وِلَيْد وَ سَمِّيهْ يَحْيَى.

مَتَّى 13:41

وَ إِبْن الْإِنْسَانْ يِرَسِّلْ مَلَائِكَتَهْ أَشَانْ يَمُرْقُوا مِنْ مَمْلَكَتَهْ كُلَّ النَّاسْ الْيِلِزُّوا أَخْوَانْهُمْ فِي الذَّنِبْ وَ كُلِّ نَادُمْ الْيِسَوِّي الْفَسَالَةْ.

إرْمِيا 45:4

«دَاهُو كَلَامْ اللّٰهْ الْحَجَّاهْ لَيِّ لِنُقُولَهْ لَيْك. هُو قَالْ: ‹أَنَا نَخْرِبْ الْبَنَيْتَهْ وَ نَمْرُقْ الثَّبَّتَّهْ. وَ دَا نِسَوِّيهْ فِي كُلَّ الْأَرْض.

إرْمِيا 1:10

وَ أَعَرِفْ كَدَرْ الْيَوْم نَنْطِيكْ سُلْطَةْ فِي الْأُمَمْ وَ الْمَمَالِكْ. وَ دَا لِتَمْرُقْ وَ تَرْمِي وَ تِدَمِّرْ وَ تَخْرِبْ وَاحِدِينْ. وَ لَاكِنْ تَبْنِي وَ تِثَبِّتْ آخَرِينْ.»

إشَعْيا 54:1

وَ اللّٰهْ قَالْ: «زَغْرِطِي، يَا مَدِينَةْ الْقُدُسْ الْعَاقْرَةْ، إِنْتِ الْمَا وِلِدْتِ! عِيطِي بِفَرَحْ وَ زَغْرِطِي، إِنْتِ الْمَا دُقْتِ وَجَعْ الطَّلَقَةْ! أَشَانْ عِيَالْ الْمُطَلَّقَةْ يَبْقَوْا كَتِيرِينْ مِنْ عِيَالْ الْمَرَةْ الْقَاعِدَةْ مَعَ رَاجِلْهَا.»

إشَعْيا 38:5

«أَمْشِي قُولْ لِحِزْقِيَّا: ‹دَاهُو اللّٰهْ إِلٰـهْ جِدَّكْ دَاوُدْ قَالْ: ”أَنَا سِمِعْت سُؤَالَكْ وَ شِفْت دُمُوعَكْ الدَّفَّقَوْا. وَ دَاهُو أَنَا نِزِيدْ لَيْك 15 سَنَةْ فِي عُمْرَكْ.

زَبُور 113:9

وَ يَنْطِي عِيَالْ لِلْعَاقْرَةْ وَ يِقَعِّدْهَا فِي أُسُطْ عِيَالْهَا بِفَرَحْ. الْحَمْدُ للّٰهْ!

زَبُور 52:5

الرَّبّ يِدَمِّرَكْ إِلَى الْأَبَدْ، يَكُرْبَكْ وَ يَمُرْقَكْ مِنْ خَيْمِتَكْ وَ يَطُرْدَكْ مِنْ أَرْض الْحَيِّينْ. وَقْفَةْ.

أيُّوب 14:14

أَشَانْ الْإِنْسَانْ كَنْ مَاتْ، يَجِي وَلَّا؟ فِي كُلَّ وَكِتْ تَعَبِي، أَنَا نَرْجَى لَحَدِّي خِدِمْتِي تِكَمِّلْ وَ نُفُوتْ.

2 مُلوك 4:16

وَ أَلْيَسَعْ قَالْ لَيْهَا: «فِي نَفْس الْوَكِتْ فِي السَّنَةْ الْجَايَةْ، تَكُرْبِي وِلَيْد فِي حُضُنْكِ.» وَ لَاكِنْ الْمَرَةْ قَالَتْ: «لَا! يَا سِيدِي نَبِي اللّٰهْ، مَا تَكْدِبْ لِخَادْمَكْ.»

1 مُلوك 13:2

وَ النَّبِي دَا حَجَّى بِحِسّ عَالِي ضِدّ الْمَدْبَحْ حَسَبْ كَلَامْ اللّٰهْ وَ قَالْ: «يَا الْمَدْبَحْ! يَا الْمَدْبَحْ! دَاهُو اللّٰهْ قَالْ: ‹دَاهُو يَلْدَوْا وِلَيْد لِذُرِّيَّةْ دَاوُدْ وَ يِسَمُّوهْ يُوشِيَّا. وَ رُجَالْ الدِّينْ هَنَا الْبَكَانَاتْ الْعَالِيِينْ الْيِحَرُّقُوا فَوْقَكْ الْبَخُورْ، هُو يِقَدِّمْهُمْ فَوْقَكْ ضَحَايَا. وَ يِحَرُّقُوا فَوْقَكْ عُضَامْ النَّاسْ كُلَ.›»

1 صَمُوِيل 2:5

نَاسْ الْأَوَّلْ شَبْعَانِينْ، خَلَاصْ فِي شَانْ الْأَكِلْ بِقَوْا خَدَّامِينْ وَ الْأَوَّلْ جِيعَانِينْ، خَلَاصْ بِقَوْا شَبْعَانِينْ. وَ الْمَرَةْ الْعَاقْرَةْ وِلْدَتْ سَبْعَةْ عِيَالْ وَ الْأَوَّلْ عِنْدَهَا عِيَالْ، قَلِبْهَا حَزْنَانْ.

تَثْنِية 34:5

وَ مُوسَى عَبْد اللّٰهْ مَاتْ فِي الْبَكَانْ دَا، فِي بَلَدْ مُوَابْ وَ دَا حَسَبْ أَمُرْ اللّٰهْ.

تكوين 47:29

وَ وَكِتْ يَعْقُوبْ عِرِفْ كَدَرْ قَرِيبْ يُمُوتْ خَلَاصْ، نَادَى وِلَيْدَهْ يُوسُفْ وَ قَالْ لَيَّهْ: «كَنْ إِنْتَ رَضْيَانْ بِكَلَامِي، وَصِّفْ لَيِّ خَيْرَكْ وَ أَمَانَكْ. مَا تَدْفِنِّي فِي مَصِرْ. خُطّ إِيدَكْ فِي وِرْكِي وَ أَحْلِفْ لَيِّ.

تكوين 17:21

لَاكِنْ مُعَاهَدَتِي دِي، نِسَوِّيهَا مَعَ إِسْحَاقْ، السَّارَةْ تَلْدَاهْ لَيْك فِي السَّنَةْ الْجَايَةْ فِي نَفْس الْوَكِتْ دَا.»

أمْثال 24:27

تَمِّمْ خِدِمْتَكْ وَ جَهِّزْ زِرَاعْتَكْ وَ بَعَدْ دَا، أَبْنِي بَيْتَكْ.

إشَعْيا 28:24

وَكِتْ الْحَرَّاتِي يِدَوْر يِتَيْرِبْ، مَا يِشَقْلِبْ الْأَرْض أَيِّ وَكِتْ وَ يِسَاوِيهَا وَلَّا؟ وَ كُلَّ يَوْم يِسَوِّي لَيْهَا مَجَارِي وَلَّا؟