جامِعة 2:8 - الكتاب المقدس بالعربي الدارجي هنا تشاد

⁸ أَنَا لَمَّيْت بَتَّانْ فُضَّةْ وَ دَهَبْ وَ كَنْز مِنْ مُلُوكْ وَ بُلْدَانْ. لِقِيتْ غَنَّايِينْ وَ غَنَّايَاتْ وَ عِنْدِي سِرِّيَّاتْ بِكَتَرَةْ لِشَهْوَاتِي وَ دَا مِثِلْ شَهْوَةْ كُلَّ الرُّجَالْ.

جامِعة 2:8 Referenca të Kryqëzuara

1 مُلوك 10:10

وَ بَعَدْ دَا، الْمَلِكَةْ هَنَا بَلَدْ سَبَأ أَنْطَتْ لِلْمَلِكْ زِيَادَةْ مِنْ 4 000 كِيلَوْ هَنَا دَهَبْ وَ عِطِرْ كَتِيرْ وَ حُجَارْ غَالِيِّينْ كُلَ. وَ أَبَداً مَا فِي عِطِرْ زِيَادَةْ مِنْ الْعِطِرْ الْجَابَتَهْ الْمَلِكَةْ هَنَا سَبَأ لِلْمَلِكْ سُلَيْمَانْ.

1 مُلوك 9:28

وَ مَشَوْا لِبَلَدْ أُفِيرْ. وَ جَابَوْا مِنْ هِنَاكْ دَهَبْ زِيَادَةْ مِنْ 14 000 كِيلَوْ لِلْمَلِكْ سُلَيْمَانْ.

2 صَمُوِيل 19:35

هَسَّعْ عِنْدِي 80 سَنَةْ. هَلْ نَقْدَرْ نَفْصُلْ بَيْن الْفَسِلْ وَ الزَّيْن وَلَّا؟ وَ هَلْ أَنَا عَبْدَكْ نَقْدَرْ نَفْصُلْ طَعَمْ الْأَكِلْ وَ الشَّرَابْ وَلَّا؟ وَ نَقْدَرْ بَتَّانْ نَسْمَعْ حِسّ الْحَكَّامَاتْ وَ الدَّوَكَةْ وَلَّا؟ وَ مَالَا بَتَّانْ سِيدِي الْمَلِكْ يِلْكَلَّفْ بَيِّ أَنَا عَبْدَهْ؟

1 مُلوك 10:14

وَ وَزِنْ الدَّهَبْ الْيِجِيبُوهْ لِسُلَيْمَانْ فِي كُلِّ سَنَةْ يِسَاوِي زِيَادَةْ مِنْ 22 000 كِيلَوْ.

عَمُوس 6:5

وَ تِغَنُّوا مَعَ الْجِقِنْدِيَّةْ لِتِبَازُوا دَاوُدْ وَ تَصْنَعَوْا لِنُفُوسْكُو آلَاتْ هَنَا غِنَيْ.

دَنْيال 3:15

وَ هَسَّعْ دَا كَنْ إِنْتُو جَاهِزِينْ، مِنْ سِمِعْتُوا حِسّ الْبُوقْ وَ الصُّفَّارَةْ وَ الْجِقِنْدِيَّةْ وَ أَمْ سِبَيْبَةْ وَ الْقِتَارْ وَ كُلَّ نَفَرْ هَنَا آلَاتْ الْمُسِيقَى، طَوَّالِي دَنْقُرُوا وَ أَسْجُدُوا لِلصَّنَمْ هَنَا الدَّهَبْ الْأَنَا الْمَلِكْ نَبُوخَدْنَصَرْ خَطَّيْتَهْ. وَ كَنْ أَبَيْتُوا مَا تَعَبُدُوهْ كَمَانْ، طَوَّالِي يِشِيلُوكُو وَ يَرْمُوكُو فِي النَّارْ أَمْ لَهِيبْ الشَّدِيدَةْ دِي. وَ نِشِيفْ الْإِلٰـهْ الْيَقْدَرْ يَمْرُقْكُو مِنْ إِيدِي أَنَا!»

دَنْيال 3:7

وَ فِي شَانْ دَا، كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ وَكِتْ سِمْعَوْا حِسّ الْبُوقْ وَ الصُّفَّارَةْ وَ الْجِقِنْدِيَّةْ وَ أَمْ سِبَيْبَةْ وَ الْقِتَارْ وَ كُلَّ نَفَرْ هَنَا آلَاتْ الْمُسِيقَى، خَلَاصْ دَنْقَرَوْا وَ سَجَدَوْا لِلصَّنَمْ هَنَا الدَّهَبْ الْخَطَّاهْ الْمَلِكْ نَبُوخَدْنَصَرْ.

دَنْيال 3:5

‹مِنْ سِمِعْتُوا حِسّ الْبُوقْ وَ الصُّفَّارَةْ وَ الْجِقِنْدِيَّةْ وَ أَمْ سِبَيْبَةْ وَ الْقِتَارْ وَ كُلَّ نَفَرْ هَنَا آلَاتْ الْمُسِيقَى، وَاجِبْ تِدَنْقُرُوا وَ تَسْجُدُوا قِدَّامْ الصَّنَمْ هَنَا الدَّهَبْ الْخَطَّاهْ الْمَلِكْ نَبُوخَدْنَصَرْ.

عَزْرا 2:65

وَ دَا بَلَا عَبِيدْهُمْ وَ خَدِيمْهُمْ الْعَدَدْهُمْ 7 337 نَاسْ. وَ فِي عَوِينْ وَ رُجَالْ الْيِغَنُّوا لِلّٰهْ وَ عَدَدْهُمْ 200 نَاسْ.

2 أخبار 9:11

وَ بِحَطَبْ الصَّنْدَلْ دَا، الْمَلِكْ سَوَّى خَشَبْ لِبَيْت اللّٰهْ وَ لِقَصْرَهْ هُو كُلَ. وَ سَوَّى بَيَّهْ جِقِنْدِيَّةْ وَ أَمْ سِبَيْبَةْ لِلْغَنَّايِينْ. وَ قُبَّالْ دَا، أَبَداً مَا شَافَوْا شَيّءْ مِثِلْ دَا فِي بَلَدْ يَهُوذَا.

1 أخبار 25:6

وَ تِحِتْ مُرَاقَبَةْ أَبُوهُمْ، هُمَّنْ يِغَنُّوا فِي بَيْت اللّٰهْ بِآلَاتْ الْمُسِيقَى مِثِلْ النُّقَّارَةْ وَ الْجِقِنْدِيَّةْ وَ أَمْ سِبَيْبَةْ. وَ أَسَافْ وَ يَدُوتُونْ وَ هَيْمَانْ هُمَّنْ يِسَوُّوا الْخِدْمَةْ دِي تِحِتْ مُرَاقَبَةْ الْمَلِكْ.

1 أخبار 25:1

وَ بِمُسَاعَدَةْ كُبَارَاتْ بَيْت الْعِبَادَةْ، دَاوُدْ عَزَلْ ذُرِّيَّةْ أَسَافْ وَ هَيْمَانْ وَ يَدُوتُونْ الْيِغَنُّوا بِكَلَامْ اللّٰهْ بِآلَاتْ الْمُسِيقَى مِثِلْ أَمْ سِبَيْبَةْ وَ الْجِقِنْدِيَّةْ وَ النُّقَّارَةْ. وَ دَاهُو النَّاسْ السَّجَّلَوْهُمْ وَ كَلَّفَوْهُمْ بِالْخِدْمَةْ دِي.

1 مُلوك 14:27

وَ فِي بَدَلْ الدَّرَقْ دَوْل، الْمَلِكْ رَحَبْعَامْ سَوَّى دَرَقْ آخَرِينْ هَنَا نَحَاسْ وَ أَمَّنَاهُمْ لِكَبِيرْ الْحُرَّاسْ الْقَاعِدْ يَحْرِسْ خَشُمْ بَابْ قَصِرْ الْمَلِكْ.

1 مُلوك 10:21

وَ كُلَّ الْكِيسَانْ الْيَشْرَبْ بَيْهُمْ الْمَلِكْ سُلَيْمَانْ هُمَّنْ هَنَا دَهَبْ وَ كُلَّ الْمُعِدَّاتْ الْفِي بَيْت غَابَةْ لُبْنَانْ سَوَّوْهُمْ مِنْ دَهَبْ صَافِي. وَ شَيّءْ السَّوَّوْه بِفُضَّةْ كَيْ مَا فِيهْ أَشَانْ فِي وَكِتْ سُلَيْمَانْ، الْفُضَّةْ مَا عِنْدَهَا قِيمَةْ.

1 مُلوك 9:14

وَ لَاكِنْ قَبُلْ دَا، حِيرَامْ رَسَّلْ قَرِيبْ 4 000 كِيلَوْ هَنَا دَهَبْ لِسُلَيْمَانْ.

1 مُلوك 11:3

وَ هُو أَخَدْ 700 عَوِينْ مَيَارِمْ وَ شَالْ 300 سِرِّيَّاتْ كُلَ. وَ الْعَوِينْ دَيْل مَرَقَنَّهْ مِنْ الدَّرِبْ.

جامِعة 1:2

الْمُعَلِّمْ قَالْ: الْحَيَاةْ زَايْلَةْ! زَايْلَةْ سَاكِتْ! كُلَّ شَيّءْ زَايِلْ!