جامِعة 2:4 - الكتاب المقدس بالعربي الدارجي هنا تشاد

⁴ وَ أَنَا سَوَّيْت أَشْيَاءْ كُبَارْ. بَنَيْت بُيُوتْ وَ مَقَّنْت جِنَيْنَاتْ عِنَبْ.

جامِعة 2:4 Referenca të Kryqëzuara

دَنْيال 4:30

وَ قَالْ: «دِي مَا بَابِلْ الْكَبِيرَةْ الْأَنَا بَنَيْتهَا أَشَانْ تَبْقَى عَاصِمَةْ لِمَمْلَكَتِي وَلَّا؟ وَ أَنَا بَنَيْتهَا بِقُدُرْتِي وَ قُوِّتِي وَ شَرَفِي وَ مَجْدِي.»

إشَعْيا 5:1

خَلِّي نِغَنِّي لِمَحْبُوبِي. وَ دَا غِنَيْ لِمَحْبُوبِي وَ لِجِنَيْنِتَهْ هَنَا الْعِنَبْ. مَحْبُوبِي عِنْدَهْ جِنَيْنَةْ عِنَبْ فِي قَوْز الْيِقَوِّمْ عَدِيلْ.

نشيد 7:12

وَ بِفَجُرْ بَدْرِي، نَمْشُوا فِي جِنَيْنَةْ الْعِنَبْ وَ نِشِيفُوا كَنْ الْعِنَبْ نَوَّرْ وَ كَنْ نُوَّارَهْ أَلْفَتَّحْ وَ كَنْ الرُّمَّانْ نَوَّرْ وَ فِي الْبَكَانْ دَاكْ، أَنَا نَنْطِيكْ نَفْسِي.

نشيد 1:14

حَبِيبِي مِثِلْ نُوَّارْ الْحِنَّةْ فِي جِنَيْنَةْ عِنَبْ فِي عَيْن جِدِي.

زَبُور 49:11

هُمَّنْ يَحْسُبُوا بُيُوتْهُمْ يَقْعُدُوا إِلَى الْأَبَدْ وَ مَسَاكِنْهُمْ مِنْ ذُرِّيَّةْ لِذُرِّيَّةْ، هُمَّنْ السَّمَّوْا أَرْضُهُمْ بِأَسَامَيْهُمْ.

2 أخبار 26:10

وَ بَنَى بُيُوتْ الْمُرَاقَبَةْ فِي الصَّحَرَاء وَ نَكَتْ بِيَارْ كَتِيرِينْ أَشَانْ هُو عِنْدَهْ بَهَايِمْ كَتِيرِينْ الْقَاعِدِينْ فِي سَهَلَةْ شَفِيلَةْ وَ فِي سُهُولْ آخَرِينْ. وَ هُو عِنْدَهْ حَرَّاتِينْ الْعِنَبْ فِي رَاسْ جَبَلْ الْكَرْمَلْ أَشَانْ هُو يِحِبّ الْحِرَاتَةْ.

2 أخبار 8:11

وَ سُلَيْمَانْ حَوَّلَاهَا لِبِنَيَّةْ فِرْعَوْن مِنْ مَدِينَةْ دَاوُدْ لِلْبَيْت الْهُو بَنَى لَيْهَا. وَ سُلَيْمَانْ قَالْ: «مَرْتِي مَا تَقْعُدْ فِي قَصِرْ دَاوُدْ أَبُويِ مَلِكْ بَنِي إِسْرَائِيلْ. أَشَانْ أَيِّ بَكَانْ الصَّنْدُوقْ اللّٰهْ قَعَدْ فَوْقَهْ، الْبَكَانْ دَا مُقَدَّسْ.»

1 أخبار 27:27

وَ شِمْعِي الْمِنْ حِلَّةْ الرَّامَةْ مَسْؤُولْ فِي جِنَيْنَاتْ الْعِنَبْ. وَ زَبْدِي الْمِنْ حِلَّةْ شَفَامْ مَسْؤُولْ فِي الْمَخَازِنْ هَنَا الْخَمَرْ الْيَمْرُقْ مِنْ الْعِنَبْ دَا.

1 مُلوك 15:19

«خَلِّي نِسَوُّوا عَلَاقَةْ بَيْنِي وَ بَيْنَكْ مِثِلْ الْعَلَاقَةْ الْبِقَتْ أَمْبَيْن أَبُويِ وَ أَبُوكْ. دَاهُو نِرَسِّلْ لَيْك هَدِيَّةْ هَنَا فُضَّةْ وَ دَهَبْ وَ نَطْلُبْ مِنَّكْ تَقْطَعْ عَلَاقْتَكْ مَعَ بَعَاشَى مَلِكْ مَمْلَكَةْ إِسْرَائِيلْ. وَ بَيْدَا، يِوَقِّفْ الْحَرْبَةْ الْقَمَّ بَيْهَا ضِدِّي.»

1 مُلوك 9:1

وَكِتْ سُلَيْمَانْ كَمَّلْ بُنَى هَنَا بَيْت اللّٰهْ وَ قَصِرْ الْمَلِكْ وَ كُلَّ شَيّءْ الدَّوَّرْ يِسَوِّيهْ حَسَبْ نِيّتَهْ،

2 صَمُوِيل 18:18

وَ فِي حَيَاتَهْ، أَبْشَلُومْ غَزَّ حَجَرْ الْيِذَّكَّرَوْا بَيَّهْ فِي وَادِي الْمَلِكْ وَ قَالْ: «أَنَا مَا عِنْدِي وِلَيْد الْيِشِيلْ أُسْمِي.» وَ سَمَّى الْحَجَرْ دَا بِأُسْمَهْ. وَ لَحَدِّي الْيَوْم، بِنَادُوهْ حَجَرْ أَبْشَلُومْ.

تكوين 11:4

خَلَاصْ قَالَوْا: «تَعَالُوا نِسَوُّوا لَيْنَا مَدِينَةْ وَ نَبْنُوا قَصِرْ طَوِيلْ الرَّاسَهْ يَلْحَقْ السَّمَاءْ أَشَانْ أُسُمْنَا يَبْقَى طَالِعْ وَ مَا نِشِتُّوا فِي الْأَرْض.»