جامِعة 2:3 - الكتاب المقدس بالعربي الدارجي هنا تشاد

³ وَ أَنَا قَرَّرْت نِفَرِّحْ نَفْسِي بِالْخَمَرْ. وَ نُقُودْ نَفْسِي بِالْحِكْمَةْ وَ نِنْرَبِطْ فِي الطَّمَاسَةْ كُلَ. بَيْدَا، نِشِيفْ كِكَّيْف وَاجِبْ الْإِنْسَانْ يِعِيشْ عَدِيلْ فِي تِحِتْ السَّمَاءْ، فِي كُلَّ مُدَّةْ أَيَّامْ حَيَاتَهْ.

جامِعة 2:3 Referenca të Kryqëzuara

أمْثال 20:1

الْكَوْشَاتْ تِلِزّ فِي الْمُعْيَارْ وَ الْبِلْبِلْ تِلِزّ فِي الدُّوَاسْ. السَّكَّارِي كَنْ يَسْكَرْ دَايْماً، يَبْقَى نَادُمْ الْمَا عِنْدَهْ رَاسْ.

جامِعة 1:17

أَنَا شِلْت نِيَّةْ لِنَعَرِفْ الْحِكْمَةْ وَ لِنَعَرِفْ الْجَهَلْ وَ الطَّمَاسَةْ. وَ بَعَدْ دَا، أَنَا عِرِفْت كَدَرْ دَا كُلَ جَرِي وَرَاءْ الرِّيحْ.

أفَسُس 5:18

مَا تَسْكَرَوْا بِالْخَمَرْ أَشَانْ الْخَمَرْ يِسَبِّبْ إِلَّا الْفَسَادْ. لَاكِنْ خَلِّي اللّٰهْ يَمْلَاكُو بِالرُّوحْ الْقُدُّوسْ.

جامِعة 12:13

وَ فِي الأَخِيرْ، دَاهُو نِهَايَةْ الْكَلَامْ أَنْسَمَعَتْ. أَخَافْ مِنْ الرَّبّ وَ أَحْفَضْ وَصِيَّاتَهْ أَشَانْ دَا الْوَاجِبْ لِأَيِّ إِنْسَانْ.

جامِعة 6:12

خَلَاصْ، يَاتُو الْيَعَرِفْ الشَّيّءْ الْعَدِيلْ لِلْإِنْسَانْ فِي مُدَّةْ حَيَاتَهْ؟ أَيْوَى، شُنُو عَدِيلْ فِي مُدَّةْ أَيَّامْ حَيَاتَهْ الزَّايْلَةْ سَاكِتْ مِثِلْ الضُّلّ؟ وَ يَاتُو يِخَبِّرْ الْإِنْسَانْ بِالْيُكُونْ بَعَدَهْ فِي الْأَرْض؟

مَتَّى 6:24

«مَا مُمْكِنْ نَادُمْ يَبْقَى عَبِدْ لِسِيَادْ إِتْنَيْن. أَشَانْ هُو يَكْرَهْ الْأَوَّلْ وَ يِرِيدْ التَّانِي وَلَّا يِحِبَّهْ لِلْأَوَّلْ بِكُلَّ قَلْبَهْ وَ يَحْقِرْ التَّانِي. وَ إِنْتُو كُلَ، مَا تَقْدَرَوْا تَبْقَوْا عَبِيدْ لِلّٰهْ وَ عَبِيدْ لِلْمَالْ.

جامِعة 7:25

أَنَا شِلْت نِيَّةْ بِكُلَّ قَلْبِي لِنِفَتِّشْ وَ نَكْشِفْ الْحِكْمَةْ وَ الْعَقُلْ وَ لِنَعَرِفْ الْفَسَالَةْ هِي الطَّمَاسَةْ وَ طَمَاسَةْ هِي الْجَهَالَةْ.

جامِعة 7:18

أَخَيْر تَكْرُبْ الْوَصِيَّةْ الْوَاحِدَةْ وَ الْآخَرَةْ كُلَ، مَا تِخَلِّيهَا. أَشَانْ الْيَخَافْ مِنْ الرَّبّ يَنْجَى مِنْ الدَّمَّرْ وَ الْمَوْت.

جامِعة 2:24

وَ الْعَدِيلْ لِلْإِنْسَانْ يَاكُلْ وَ يَشْرَبْ وَ يِشِيفْ الْحَلُو فِي خِدِمْتَهْ. وَ أَنَا شِفْت دَا كُلَ يَجِي مِنْ الرَّبّ.

أيُّوب 14:14

أَشَانْ الْإِنْسَانْ كَنْ مَاتْ، يَجِي وَلَّا؟ فِي كُلَّ وَكِتْ تَعَبِي، أَنَا نَرْجَى لَحَدِّي خِدِمْتِي تِكَمِّلْ وَ نُفُوتْ.

1 صَمُوِيل 25:36

وَ أَبِقَايِلْ قَبَّلَتْ بَكَانْ نَابَالْ رَاجِلْهَا وَ لِقَتَهْ سَوَّى عَازُومَةْ كَبِيرَةْ فِي بَيْتَهْ مِثِلْ عَازُومَةْ هَنَا مَلِكْ. وَ هُو سَكْرَانْ مَرَّةْ وَاحِدْ وَ فَرْحَانْ. وَ هِي مَا قَالَتْ لَيَّهْ شَيّءْ لَحَدِّي الْفَجُرْ.

تكوين 47:9

وَ يَعْقُوبْ رَدَّ لَيَّهْ: «عِنْدِي 130 سَنَةْ. وَ أَيَّامِي فَاتَوْا عَجَلَةْ وَ عِشْت فِي تَعَبْ هَنَا حَيَاةْ الرُّحَّلْ. وَ سِنِينِي مَا لِحْقَوْا عَدَدْ سِنِينْ جُدُودِي الْهُمَّنْ كُلَ عَاشَوْا مِثِلْ رُحَّلْ.»

قُضياء 9:13

وَ شَدَرْ الْعِنَبْ قَالْ: ‹هَلْ نِخَلِّي عَصِيرِي الْيَفْرَحْ بَيَّهْ الرَّبّ وَ النَّاسْ وَ نَمْشِي نَبْقَى كَبِيرْ فِي الشَّدَرْ وَلَّا؟›

زَبُور 104:15

وَ دَوْل خَمَرْ الْيِفَرِّحْ قَلِبْ بَنِي آدَم وَ دِهِنْ الْيِنَوِّرْ وِجْهَهْ وَ أَكِلْ الْيَنْطِيهْ قُدْرَةْ.

جامِعة 5:18

دَاهُو الْأَنَا شِفْتَهْ. عَدِيلْ لِلْإِنْسَانْ يَاكُلْ وَ يَشْرَبْ وَ يَلْقَى الْخَيْر فِي كُلَّ خِدِمْتَهْ الْيِسَوِّيهَا فِي الْأَرْض. يِسَوِّي مِثِلْ دَا فِي كُلَّ مُدَّةْ حَيَاتَهْ الْيَنْطِيهَا لَيَّهْ الرَّبّ. وَ دَا بَسْ قِسْمَهْ.

جامِعة 8:15

خَلِّي النَّاسْ يِعِيشُوا بِفَرَحْ أَشَانْ أَخَيْر لِلْإِنْسَانْ يَلْقَى الْأَكِلْ وَ الشَّرَابْ وَ الْفَرَحْ. وَ دَا يُكُونْ مَعَايَهْ فِي خِدِمْتَهْ فِي كُلَّ أَيَّامْ حَيَاتَهْ فِي الْأَرْض الْأَنْطَاهَا لَيَّهْ الرَّبّ.

جامِعة 10:19

النَّاسْ يِسَوُّوا أَكِلْ لِيَضْحَكَوْا وَ الْخَمَرْ لِيِفَرُّحُوا حَيَاتْهُمْ. وَ لَاكِنْ بِالْقُرُسْ، يَلْقَوْا كُلَّ شَيّءْ.