جامِعة 2:10 - الكتاب المقدس بالعربي الدارجي هنا تشاد

¹⁰ أَنَا شِلْت كُلَّ الشَّيّءْ الْوَقَعْ فِي عَيْنِي وَ مَا أَبَيْت أَيِّ شَيّءْ الْيِفَرِّحْ قَلْبِي. أَيْوَى، قَلْبِي فِرِحْ بِكُلَّ خِدِمْتِي. وَ دَا بَسْ قِسْمِي اللِّقِيتَهْ مِنْ كُلَّ خِدِمْتِي دِي.

جامِعة 2:10 Referenca të Kryqëzuara

جامِعة 9:9

أَفْرَحْ بِحَيَاتَكْ مَعَ مَرْتَكْ التِّحِبَّهَا فِي كُلَّ أَيَّامْ حَيَاتَكْ الْأَنْطَاهُمْ لَيْك الرَّبّ. وَ دَوْل الْأَيَّامْ الزَّايْلِينْ سَاكِتْ فِي الْأَرْض. أَشَانْ دَا قِسْمَكْ التَّلْقَاهْ فِي كُلَّ مُدَّةْ حَيَاتَكْ وَ فِي خِدِمْتَكْ التِّسَوِّيهَا فِي الْأَرْض.

جامِعة 5:18

دَاهُو الْأَنَا شِفْتَهْ. عَدِيلْ لِلْإِنْسَانْ يَاكُلْ وَ يَشْرَبْ وَ يَلْقَى الْخَيْر فِي كُلَّ خِدِمْتَهْ الْيِسَوِّيهَا فِي الْأَرْض. يِسَوِّي مِثِلْ دَا فِي كُلَّ مُدَّةْ حَيَاتَهْ الْيَنْطِيهَا لَيَّهْ الرَّبّ. وَ دَا بَسْ قِسْمَهْ.

جامِعة 3:22

وَ أَنَا شِفْت كَدَرْ مَا فِي شَيّءْ أَحْسَنْ لِلْإِنْسَانْ مِنْ يَفْرَحْ بِعَمَلَهْ أَشَانْ دَا بَسْ قِسْمَهْ. يَاتُو يِحَيِّيهْ بَتَّانْ لِيِشِيفْ الشَّيّءْ الْيُكُونْ بَعَدْ مَوْتَهْ؟

زَبُور 119:37

بَعِّدْ عُيُونِي مِنْ الشَّوْفِينْ الْمَا نَافِعْ وَ عَيِّشْنِي فِي دَرْبَكْ.

زَبُور 128:2

وَ إِنْتَ تَفْرَحْ بِالْمَعَاشْ التَّلْقَى مِنْ خِدِمْتَكْ وَ تِنْبَسِطْ وَ تَلْقَى الْخَيْر.

1 يُوحَنَّا 2:16

أَشَانْ كُلِّ شَيّءْ الْقَاعِدْ فِي الدُّنْيَا مِثِلْ شَهْوَاتْ الْجِسِمْ وَ طَمَعْ الْعَيْن وَ فَشَارْ بِالْمَالْ مَا مِنْ أَبُونَا وَ لَاكِنْ مِنْ الدُّنْيَا.

جامِعة 2:22

وَ كَنْ مِثِلْ دَا، شُنُو الْيَلْقَاهْ الْإِنْسَانْ مِنْ كُلَّ جُهْدَهْ وَ خِدِمْتَهْ السَّوَّاهَا فِي الْأَرْض؟

جامِعة 11:9

يَا الصَّبِي! أَفْرَحْ بِأَيَّامْ صُبَاكْ وَ خَلِّي قَلْبَكْ يَفْرَحْ بِأَيَّامْ شَبَابَكْ. تَابِعْ كَلَامْ قَلْبَكْ وَ الْيِشِيفُوهْ عُيُونَكْ. لَاكِنْ أَعَرِفْ كَدَرْ فِي كُلَّ الشَّيّءْ دَا، الرَّبّ يِحَاسِبَكْ.

جامِعة 6:9

أَخَيْر تَفْرَحْ بِالْعِنْدَكْ مِنْ تِفَكِّرْ فِي شَيّءْ الْمَا يِلْحَقَّقْ. وَ دَا كُلَ زَايِلْ سَاكِتْ مِثِلْ الْجَرِي وَرَاءْ الرِّيحْ.

أمْثال 23:5

مَا تُخُطّ عَقْلَكْ فِي الْمَالْ، هُو مَا دَايِمْ. هُو يِسَوِّي جَنَاحَيْ مِثِلْ الصَّقُرْ، يِطِيرْ وَ يَمْشِي يِخَلِّيكْ.

أيُّوب 31:1

أَنَا سَوَّيْت عَهَدْ مَعَ نَفْسِي مَا نِشِيفْ بِشَهْوَةْ لِبِنَيَّةْ.

قُضياء 14:2

وَ هُو مَشَى لِأَبُوهْ وَ أَمَّهْ وَ قَالْ لَيْهُمْ: «فِي تِمْنَةْ، أَنَا شِفْت مَرَةْ وَاحِدَةْ مِنْ بَنَاتْ الْفِلِسْطِيِّينْ. وَ هَسَّعْ، أَمْشُوا آخُدُوهَا لَيِّ.»

تكوين 6:2

فِيَّهْ مَخْلُوقِينْ سَمَاوِيِّينْ وَ هُمَّنْ مِثِلْ النَّاسْ. وَ شَافَوْا بَنَاتْ النَّاسْ هِنَّ سَمْحَاتْ وَ عَزَّلَوْا مِنْهِنْ وَ شَالَوْهِنْ.

تكوين 3:6

وَ خَلَاصْ، الْمَرَةْ شَافَتْ الشَّدَرَةْ دِي تَعَجِبْ الْعَيْن وَ سَمْحَةْ لِلْأَكِلْ وَ عَدِيلَةْ تَنْطِي الْعِلِمْ. وَ بَيْدَا، قَطَعَتْ مِنْ عِيَالْهَا، أَكَلَتَهْ وَ رَاجِلْهَا قَاعِدْ جَنْبَهَا وَ هِي أَنْطَتَهْ وَ هُو كُلَ أَكَلْ.

جامِعة 5:10

الْيِحِبّ الْقُرُسْ مَا يَشْبَعْ مِنَّهْ وَ الْيِحِبّ الْغُنَى مَا يَكْسَبْ. وَ دَا كُلَ زَايِلْ سَاكِتْ.

جامِعة 6:2

الْفَسَالَةْ دِي، هِي رَاجِلْ الرَّبّ أَنْطَاهْ مَالْ وَ غُنَى وَ شَرَفْ وَ شَيّءْ قَصَّرْ لَيَّهْ مَا فِيهْ مِنْ الْيِتْمَنَّاهْ. لَاكِنْ الرَّبّ مَا خَلَّاهْ يِتْمَتَّعْ بِمَالَهْ دَا، إِلَّا الْأَجْنَبِي بَسْ يِتْمَتَّعْ بَيَّهْ. وَ دَا كُلَ زَايِلْ سَاكِتْ وَ دِي فَسَالَةْ التَّجْرَحْ الْقَلِبْ.

جامِعة 9:6

وَ مَحَبِّتْهُمْ وَ كَرَاهِيِّتْهُمْ وَ حُسُدْهُمْ وَدَّرَوْا خَلَاصْ. وَ بَتَّانْ مَا عِنْدُهُمْ قِسِمْ إِلَى الْأَبَدْ فِي كُلَّ شَيّءْ الْيَبْقَى فِي الْأَرْض.

جامِعة 2:1

وَ أَنَا قُلْت لِنَفْسِي: «يَلَّا! نِجَرِّبْكِ بِالْفَرَحْ وَ تِشِيفِي الْخَيْر.» وَ خَلَاصْ، دَا كُلَ زَايِلْ سَاكِتْ.

جامِعة 2:24

وَ الْعَدِيلْ لِلْإِنْسَانْ يَاكُلْ وَ يَشْرَبْ وَ يِشِيفْ الْحَلُو فِي خِدِمْتَهْ. وَ أَنَا شِفْت دَا كُلَ يَجِي مِنْ الرَّبّ.

جامِعة 5:17

هُو وَدَّرْ كُلَّ أَيَّامَهْ فِي الضَّلَامْ وَ فِي كَتَرَةْ الْهَمّ وَ التَّعَبْ وَ الزَّعَلْ.

جامِعة 8:15

خَلِّي النَّاسْ يِعِيشُوا بِفَرَحْ أَشَانْ أَخَيْر لِلْإِنْسَانْ يَلْقَى الْأَكِلْ وَ الشَّرَابْ وَ الْفَرَحْ. وَ دَا يُكُونْ مَعَايَهْ فِي خِدِمْتَهْ فِي كُلَّ أَيَّامْ حَيَاتَهْ فِي الْأَرْض الْأَنْطَاهَا لَيَّهْ الرَّبّ.