جامِعة 2:1 - الكتاب المقدس بالعربي الدارجي هنا تشاد

¹ وَ أَنَا قُلْت لِنَفْسِي: «يَلَّا! نِجَرِّبْكِ بِالْفَرَحْ وَ تِشِيفِي الْخَيْر.» وَ خَلَاصْ، دَا كُلَ زَايِلْ سَاكِتْ.

جامِعة 2:1 Referenca të Kryqëzuara

لُوقا 12:19

وَ نِحَجِّي لِنَفْسِي وَ نُقُولْ: ”يَا نَفْسِي! عِنْدِكِ مَالْ كَتِيرْ مَضْمُومْ الْيِطَوِّلْ سِنِينْ. نِنْجَمَّ بَسْ وَ نَاكُلْ وَ نَشْرَبْ وَ نَفْرَحْ.“›

جامِعة 8:15

خَلِّي النَّاسْ يِعِيشُوا بِفَرَحْ أَشَانْ أَخَيْر لِلْإِنْسَانْ يَلْقَى الْأَكِلْ وَ الشَّرَابْ وَ الْفَرَحْ. وَ دَا يُكُونْ مَعَايَهْ فِي خِدِمْتَهْ فِي كُلَّ أَيَّامْ حَيَاتَهْ فِي الْأَرْض الْأَنْطَاهَا لَيَّهْ الرَّبّ.

يَعْقُوب 5:5

فِي الدُّنْيَا عِشْتُوا فِي الْحَلَا وَ فِي الرَّاحَةْ. إِنْتُو سِمِنْتُوا مِثِلْ الْبَقَرْ الْيِسَمُّنُوهُمْ لِلْجُزُرْ.

يَعْقُوب 5:1

إِنْتُو سِيَادْ الْمَالْ، أَسْمَعَوْا سَمَحْ! أَبْكُوا وَ أَرْجُفُوا مِنْ الْعَذَابْ الْقَاعِدْ يَرْجَاكُو.

زَبُور 27:8

وَ نِفَكِّرْ فِي كَلَامَكْ الْبُقُولْ: «وَجُّهُوا لِلّٰهْ.» وَ أَنَا نِوَجِّهْ عَلَيْك، يَا اللّٰهْ.

يَعْقُوب 4:13

وَ أَسْمَعَوْا كَلَامِي، إِنْتُو التُّقُولُوا: «الْيَوْم وَلَّا أَمْبَاكِرْ، أَنِحْنَ نَمْشُوا فِي حِلَّةْ وَاحِدَةْ وَ نَقْعُدُوا هِنَاكْ سَنَةْ وَاحِدَةْ. وَ نِتَاجُرُوا وَ نَلْقَوْا قُرُسْ كَتِيرْ.»

تِيطُس 3:3

خَلِّي مَا نَنْسَوْا كَدَرْ أَوَّلْ أَنِحْنَ كُلَ مِثِلْهُمْ، جُهَّالْ وَ عَاصِيِينْ. أَوَّلْ أَنِحْنَ مُوَدِّرِينْ وَ شَهْوَاتْنَا مَلَكَوْنَا وَ قُلُوبْنَا مَرْبُوطِينْ فِي حَلَاتْ الدُّنْيَا. أَوَّلْ أَنِحْنَ عَايْشِينْ بِالْفَسَالَةْ وَ الْحُسُدْ، وَ قَاعِدِينْ نَكْرَهَوْا النَّاسْ وَ النَّاسْ يَكْرَهَوْنَا.

لُوقا 16:19

وَ بَتَّانْ، عِيسَى قَالْ: «يَوْم مِنْ الْأَيَّامْ، فِي نَادُمْ غَنِيْ مَرَّةْ وَاحِدْ. وَ هُو لَابِسْ خُلْقَانْ غَالِيِّينْ بِلْحَيْن وَ كُلَّ يَوْم هُو يَفْرَحْ وَ يَاكُلْ أَكِلْ حَلُو مَرَّةْ وَاحِدْ.

إشَعْيا 50:11

وَ كَنْ لَيْكُو إِنْتُو كُلُّكُو الْأَوْقَدْتُوا نَارْ وَ سَوَّيْتُوا مَشَاهِيبْ، يَلَّا أَمْشُوا فِي ضَيّ نَارْكُو وَ فِي أُسُطْ مَشَاهِيبْ الْإِنْتُو أَوْقَدْتُوهُمْ! اللّٰهْ يِسَوِّيكُو تُمُوتُوا فِي التَّعَبْ!

إشَعْيا 50:5

اللّٰهْ الرَّبّ فَكَّ أَدَانِي وَ أَنَا وَ لَا عِصِيتْ وَ لَا قَبَّلْت وَرَاءْ.

جامِعة 11:9

يَا الصَّبِي! أَفْرَحْ بِأَيَّامْ صُبَاكْ وَ خَلِّي قَلْبَكْ يَفْرَحْ بِأَيَّامْ شَبَابَكْ. تَابِعْ كَلَامْ قَلْبَكْ وَ الْيِشِيفُوهْ عُيُونَكْ. لَاكِنْ أَعَرِفْ كَدَرْ فِي كُلَّ الشَّيّءْ دَا، الرَّبّ يِحَاسِبَكْ.

جامِعة 7:4

قَلْب الْحَكِيمْ يِفَكِّرْ فِي الْحِزِنْ وَ قَلْب الْمَطْمُوسْ يِفَكِّرْ فِي الْفَرَحْ.

جامِعة 2:15

وَ أَنَا قُلْت فِي نَفْسِي: «الْيُكُونْ لِلْمَطْمُوسْ، يُكُونْ لَيِّ أَنَا كُلَ. وَ كَنْ مِثِلْ دَا، شُنُو فَايْدَةْ حِكْمَتِي؟» وَ خَلَاصْ، أَنَا قُلْت: «دَا كُلَ زَايِلْ سَاكِتْ.»

زَبُور 14:1

الْمَطَامِيسْ قَالَوْا فِي نُفُوسْهُمْ: «مَا فِي إِلٰـهْ!» هُمَّنْ تَلَّفَوْا وَ سَوَّوْا عَمَلْ مُحَرَّمْ وَ مَا فِي نَادُمْ الْيِسَوِّي الْخَيْر.

زَبُور 10:6

وَ يُقُولْ فِي نَفْسَهْ: «أَنَا مَا نِلْبَرْجَلْ وَ أَنَا مَحْفُوضْ دَايْماً مِنْ الْفَسَالَةْ.»

2 مُلوك 5:5

وَ مَلِكْ أَرَامْ قَالْ لَيَّهْ: «قُمّ أَمْشِي! وَ أَنَا نِرَسِّلْ مَعَاكْ جَوَابْ لِمَلِكْ مَمْلَكَةْ إِسْرَائِيلْ.» وَ نَعَمَانْ قَمَّ مَشَى وَ شَالْ مَعَايَهْ 340 كِيلَوْ هَنَا فُضَّةْ وَ 70 كِيلَوْ هَنَا دَهَبْ وَ 10 خُلْقَانْ هَنَا غِيَارْ.

تكوين 11:7

خَلِّي نِبَرْجُلُوا لُغِّتْهُمْ أَشَانْ مَا يِلْفَاهَمَوْا أَمْبَيْنَاتْهُمْ.»

لُوقا 16:23

وَ فِي الْهَاوِيَةْ، هُو قَاعِدْ فِي عَذَابْ شَدِيدْ. وَ رَفَعْ رَاسَهْ وَ شَافْ إِبْرَاهِيمْ فِي بَكَانْ بَعِيدْ مِنَّهْ وَ لَعَازَرْ مَعَايَهْ.

إشَعْيا 5:5

«وَ هَسَّعْ نِأَوْرِيكُو النِّسَوِّيهْ لِجِنَيْنِتِي. أَنَا نَمْرُقْ الزَّرِيبَةْ وَ الْبَهَايِمْ يَاكُلُوهَا وَ نِقِدّ خُرْمَةْ فِي الدُّرْدُرْ لِيَدْخُلُوا يِفَجُّقُوهَا.

أمْثال 14:13

مَرَّاتْ الضِّحِكْ يِلَبِّدْ تَعَبْ الْقَلِبْ وَ مُمْكِنْ آخِرْ الْفَرَحْ يُكُونْ حِزِنْ.

جامِعة 2:10

أَنَا شِلْت كُلَّ الشَّيّءْ الْوَقَعْ فِي عَيْنِي وَ مَا أَبَيْت أَيِّ شَيّءْ الْيِفَرِّحْ قَلْبِي. أَيْوَى، قَلْبِي فِرِحْ بِكُلَّ خِدِمْتِي. وَ دَا بَسْ قِسْمِي اللِّقِيتَهْ مِنْ كُلَّ خِدِمْتِي دِي.

جامِعة 2:25

وَ بَلَا إِذِنْ الرَّبّ، يَاتُو يَقْدَرْ يَاكُلْ وَ يِتْمَتَّعْ فِي حَيَاتَهْ؟