جامِعة 12:3 - الكتاب المقدس بالعربي الدارجي هنا تشاد

³ أَذَّكَّرَهْ قَبُلْ الْحَارِسْ مَا يَرْجِفْ مِنْ الْخَوْف وَ رُجَالْ الْفَحَلِينْ مَا يِدَنْقُرُوا وَ قَبُلْ عَوِينْ الرَّحَّاكَاتْ الْمَا كَتِيرَاتْ يِوَقِّفَنْ الرَّحِيكْ وَ الْيِشِيفَنْ بِشَبَابِيكْ مَا يِوَدِّرَنْ جَمَالْهِنْ.

جامِعة 12:3 Referenca të Kryqëzuara

زَبُور 102:23

هُو ضَعَّفْ قُدُرْتِي فِي أُسْط الدَّرِبْ وَ قَصَّرْ أَيَّامِي.

زَكَرِيَّا 8:4

وَ دَاهُو اللّٰهْ الْقَادِرْ قَالْ: «الشِّيَّابْ وَ الْعَجَايِزْ بَتَّانْ يَقْعُدُوا فِي شَوَارِعْ مَدِينَةْ الْقُدُسْ. وَ أَيِّ وَاحِدْ عَصَاتَهْ فِي إِيدَهْ أَشَانْ عَاشَوْا عُمُرْ طَوِيلْ.

1 صَمُوِيل 3:2

وَ يَوْم وَاحِدْ، عَالِي نَايِمْ فِي بَكَانَهْ الْيُنُومْ فَوْقَهْ. وَ دَا وَكِتْ الْهُو شَيَّبْ خَلَاصْ وَ شَوْفَهْ كُلَ بِقِي ضَعِيفْ وَ عُيُونَهْ مَا بِشِيفُوا.

تكوين 48:10

وَ يَعْقُوبْ شَوْفَهْ ضِعِفْ مِنْ الْكُبُرْ مَا يَقْدَرْ يِشِيفْ عَدِيلْ. وَ يُوسُفْ جَابْ عِيَالَهْ قَرِيبْ لِأَبُوهْ وَ يَعْقُوبْ قَمَّ حَضَنَاهُمْ وَ حَبَّاهُمْ وَ قَالْ لِيُوسُفْ:

تكوين 27:1

وَ إِسْحَاقْ بِقِي شَايِبْ وَ عُيُونَهْ مَا بِشِيفُوا. وَ خَلَاصْ، قَمَّ نَادَى وِلَيْدَهْ الْبِكِرْ عِيسُو وَ قَالْ: «يَا وِلَيْدِي!» وَ هُو قَالْ: «نَعَمْ!»

زَبُور 35:14

أَنَا مَشَيْت وَ جِيتْ مِثِلْ فِي مَوْت هَنَا أَخُو أَوْ رَفِيقْ وَ دَنْقَرْت رَاسِي مِثِلْ الْحَزْنَانْ لِأَمَّهْ.

زَبُور 38:6

وَ ضَهَرِي أَنْعَوَجْ وَ أَنْكَسَرْ وَ دَايْماً أَنَا قَاعِدْ نُرُوغْ بِتَعَبْ.