جامِعة 12:2 - الكتاب المقدس بالعربي الدارجي هنا تشاد

² أَذَّكَّرَهْ قَبُلْ مَا يِضَلُّمُوا الْحَرَّايْ وَ النُّورْ وَ الْقَمَرْ وَ النُّجُومْ كُلَ وَ قَبُلْ السَّحَابْ مَا يِقَبِّلْ بَعَدْ الْمَطَرْ.

جامِعة 12:2 Referenca të Kryqëzuara

إشَعْيا 5:30

وَ لَاكِنْ فِي الْيَوْم دَا، هُمَّنْ يِكِرُّوا ضِدّ فَرِيسِتْهُمْ مِثِلْ حِسّ الْبَحَرْ الْيُقُمّ. وَ فِي الْأَرْض، دَاهُو فِيَّهْ إِلَّا الضَّلَامْ وَ الضِّيقَةْ وَ النُّورْ يَبْقَى ضَلَامْ بِسَبَبْ الْغَمَامْ.

1 صَمُوِيل 4:18

وَ مِنْ سِمِعْ بِخَبَرْ شَيْلِينْ صَنْدُوقْ الرَّبّ دَا، طَوَّالِي عَالِي وَقَعْ بِقَفَايَهْ مِنْ كُرْسِيهْ جَنْب خَشُمْ بَابْ الْحِلَّةْ وَ أَنْفَهَقْ وَ مَاتْ. أَشَانْ هُو بِقِي شَايِبْ وَ جِسْمَهْ كُلَ تَقِيلْ. وَ قَبُلْ دَا، هُو حَكَمْ 40 سَنَةْ فِي بَنِي إِسْرَائِيلْ.

1 صَمُوِيل 4:15

وَ عَالِي عِنْدَهْ 98 سَنَةْ وَ عُيُونَهْ فَاتْحِينْ وَ مَا بِشِيفُوا.

زَبُور 77:16

كُلَّ الْبُحُورْ شَافَوْك، يَا رَبّ! الْأَلْمِي شَافَكْ وَ أَلْحَرَّكْ حَتَّى أَلْمِي الْغَرِيقْ كُلَ أَنْهَزَّ.

زَبُور 71:20

إِنْتَ وَصَّفْتِنِي عِدَّةْ مَرَّاتْ الضِّيقَةْ وَ الْمَصَايِبْ. وَ لَاكِنْ بَعَدْ دَا، تَنْطِينِي الْحَيَاةْ وَ تَمْرُقْنِي مِنْ خَطَرْ الْمَوْت.

زَبُور 42:7

وَ مَوْج الْبَحَرْ قَمَّ بِكَتَرَةْ الْوَاحِدْ بَعَدْ الْآخَرْ. وَ كُلَّ مَوْجَكْ وَ شَلَّالَكْ غَطَّوْنِي.

1 صَمُوِيل 3:2

وَ يَوْم وَاحِدْ، عَالِي نَايِمْ فِي بَكَانَهْ الْيُنُومْ فَوْقَهْ. وَ دَا وَكِتْ الْهُو شَيَّبْ خَلَاصْ وَ شَوْفَهْ كُلَ بِقِي ضَعِيفْ وَ عُيُونَهْ مَا بِشِيفُوا.

تكوين 48:10

وَ يَعْقُوبْ شَوْفَهْ ضِعِفْ مِنْ الْكُبُرْ مَا يَقْدَرْ يِشِيفْ عَدِيلْ. وَ يُوسُفْ جَابْ عِيَالَهْ قَرِيبْ لِأَبُوهْ وَ يَعْقُوبْ قَمَّ حَضَنَاهُمْ وَ حَبَّاهُمْ وَ قَالْ لِيُوسُفْ:

تكوين 27:1

وَ إِسْحَاقْ بِقِي شَايِبْ وَ عُيُونَهْ مَا بِشِيفُوا. وَ خَلَاصْ، قَمَّ نَادَى وِلَيْدَهْ الْبِكِرْ عِيسُو وَ قَالْ: «يَا وِلَيْدِي!» وَ هُو قَالْ: «نَعَمْ!»

مَتَّى 24:29

«وَ طَوَّالِي بَعَدْ تَعَبْ هَنَا الْوَكِتْ دَاكْ، الْحَرَّايْ تَبْقَى زَرْقَةْ وَ الْقَمَرْ مَا يِضَوِّي وَ النُّجُومْ يَقَعَوْا مِنْ السَّمَاءْ وَ قُوَّاتْ السَّمَاوَاتْ يِنْهَزَّوْا.

زَبُور 90:10

مُدَّةْ حَيَاتْنَا 70 سَنَةْ وَ كَنْ عِنْدِنَا قُدْرَةْ، نَمْشُوا لَحَدِّي 80 سَنَةْ. وَ أَكْتَرْ سِنِينَّا، نِعِيشُوهُمْ فِي تَعَبْ وَ ظُلُمْ أَشَانْ حَيَاتْنَا تُفُوتْ عَجَلَةْ وَ أَنِحْنَ نَبْقَوْا مَا فِينَا.

إشَعْيا 13:10

وَ بَيْدَا، نُجُومْ السَّمَاءْ وَ الصَّبِي الْمَغْمِي نُورْهُمْ مَا يِبِينْ. وَ مِنْ طَلُوعْهَا، الْحَرَّايْ تَبْقَى ضَلْمَةْ وَ الْقَمَرْ كُلَ، نُورَهْ مَا يِضَوِّي.

يُوِيل 3:15

الْحَرَّايْ وَ الْقَمَرْ يِضَلُّمُوا وَ النُّجُومْ يِوَدُّرُوا نُورْهُمْ.