جامِعة 11:3 - الكتاب المقدس بالعربي الدارجي هنا تشاد

³ وَكِتْ السَّحَابْ يِشِيلْ أَلْمِي، الْمَطَرَةْ تُصُبّ فِي الْأَرْض. وَ كَنْ شَدَرَةْ وَقَعَتْ عَلَيْ الْوَطِي أَوْ عَلَيْ الْمُنْشَاقْ، فِي بَكَانْهَا الْوَقَعَتْ فَوْقَهْ دَا بَسْ، هِي تَقْعُدْ.

جامِعة 11:3 Referenca të Kryqëzuara

1 يُوحَنَّا 3:17

كَنْ نَادُمْ عِنْدَهْ مَالْ الدُّنْيَا وَ يِشِيفْ أَخُوهْ تَعْبَانْ وَ يِسِدّ عَيْنَهْ وَ مَا يِسَاعِدَهْ، كِكَّيْف نُقُولُوا مَحَبَّةْ اللّٰهْ قَاعِدَةْ فَوْقَهْ؟

لُوقا 13:7

وَ حَجَّى لِلْخَدَّامْ الْمَسْؤُولْ فِي الْجِنَيْنَةْ وَ قَالْ: ‹شِيفْ! مِنْ تَلَاتَةْ سَنَةْ أَنَا قَاعِدْ نَجِي نِفَتِّشْ عِيَالْ مِنْ الشَّدَرَةْ دِي وَ مَا لِقِيتْ فَوْقهَا شَيّءْ. مَالَا نِخَلِّيهَا تَفْسِدْ التُّرَابْ؟ أَقْطَعْهَا!›

1 مُلوك 18:45

وَ طَوَّالِي، السَّمَاءْ بِقِي أَضْلَمْ بِزِيَادَةْ مِنْ السَّحَابْ وَ الرِّيحْ وَ مَطَرَةْ شَدِيدَةْ صَبَّتْ. وَ أَخَابْ رِكِبْ فِي عَرَبَتَهْ وَ مَشَى لِحِلَّةْ يَزْرَعِيلْ.

مَتَّى 3:10

شِيفُوا، الْفَاسْ جَاهِزَةْ لِتَقْطَعْ الشَّدَرَةْ مِنْ عِرِقْهَا. أَيِّ شَدَرَةْ الْمَا تَلْدَ عِيَالْ عَدِيلِينْ يَقْطَعَوْهَا وَ يَزْقُلُوهَا فِي النَّارْ.

جامِعة 11:2

قَسِّمْ مَالَكْ عَلَيْ سَبْعَةْ أَوْ تَمَانَةْ بَكَانْ أَشَانْ إِنْتَ مَا تَعَرِفْ الْفَسَالَةْ التَّجِي فِي الْأَرْض.

جامِعة 11:4

الْحَرَّاتِي الْيِشِيفْ الرِّيحْ يَعَرِفْ الْوَكِتْ الْمَا وَاجِبْ يِتَيْرِبْ. وَ الْحَرَّاتِي الْيِشِيفْ السَّحَابْ يَعَرِفْ الْوَكِتْ الْمَا وَاجِبْ يَقْطَعْ.