جامِعة 10:12 - الكتاب المقدس بالعربي الدارجي هنا تشاد

¹² وَكِتْ الْحَكِيمْ يِحَجِّي، كَلَامَهْ يَعَجِبْ النَّاسْ وَ لَاكِنْ لِسَانْ الْمَطْمُوسْ يِوَدِّرَهْ.

جامِعة 10:12 Referenca të Kryqëzuara

كُلُوسِي 4:6

شِيلُوا نِيَّةْ أَشَانْ تِحَجُّوا دَايْماً بِكَلَامْ طَاعِمْ وَ عِنْدَهْ رَحْمَةْ. وَ مِثِلْ دَا، تَعَرْفُوا كِكَّيْف وَاجِبْ تُرُدُّوا لِأَيِّ نَادُمْ.

لُوقا 4:22

وَ كُلُّهُمْ شَكَرَوْه وَ أَلْعَجَّبَوْا مِنْ كَلَامَهْ الْحَلُو. وَ قَالَوْا أَمْبَيْنَاتْهُمْ: «هَا، دَا مَا وِلَيْد يُوسُفْ وَلَّا؟»

أمْثال 22:11

الْقَلْبَهْ طَاهِرْ وَ يِحَجِّي بِالْخَيْر، الْمَلِكْ يَبْقَى رَفِيقَهْ.

أمْثال 15:2

لِسَانْ الْحَكِيمْ يِجَمِّلْ الْعِلِمْ وَ مِنْ خَشُمْ الْمَطْمُوسْ يِسِيلْ النِّفَاقْ.

أفَسُس 4:29

أَبَداً مَا تِحَجُّوا كَلَامْ شَيْن. وَاجِبْ تِحَجُّوا دَايْماً كَلَامْ سَمَحْ الْيِقَوِّي النَّاسْ وَ الْكَلَامْ الْمُوَافِقْ لَيْهُمْ أَشَانْ يَبْقَى بَرَكَةْ لِلنَّاسْ الْيَسْمَعَوْه.

لُوقا 19:22

وَ الْمَلِكْ قَالْ لَيَّهْ: ‹نِحَاسِبَكْ حَسَبْ الْكَلَامْ الْإِنْتَ قُلْتَهْ. إِنْتَ عَبِدْ فَسِلْ. عِرِفْت كَدَرْ أَنَا نَادُمْ قَوِي وَ نِشِيلْ الْخُمَامْ النَّادُمْ آخَرْ خَطَّاهْ وَ نَقْطَعْ الْغَلَّةْ الْمَا تَيْرَبْتَهَا.

مَتَّى 12:35

الْقَلِبْ هُو مِثِلْ مَخَزَنْ. وَ النَّادُمْ الْعَدِيلْ يُضُمّ كَلَامْ عَدِيلْ فِي قَلْبَهْ وَ الْكَلَامْ الْيَمْرُقْ مِنَّهْ كُلَ عَدِيلْ. وَ النَّادُمْ الْفَسِلْ يُضُمّ كَلَامْ فَسِلْ فِي قَلْبَهْ وَ الْكَلَامْ الْيَمْرُقْ مِنَّهْ كُلَ فَسِلْ.

أمْثال 31:26

تِحَجِّي بِحِكْمَةْ وَ تِوَصِّي النَّاسْ بِالْخَيْر.

أمْثال 26:9

الْمَثَلْ فِي خَشُمْ الْمَطْمُوسْ مِثِلْ فِرِعْ هَنَا كِتِرْ فِي إِيدْ السَّكَّارِي.

أمْثال 19:5

الْيَشْهَدْ بِكِدِبْ، مَا يَجْعَلَوْه بَرِي وَ الْكَدَّابْ كُلَ مَا يَنْجَى.

أمْثال 15:23

الرَّدّ الْحَلُو يِفَرِّحْ الْإِنْسَانْ وَ الْكَلَامْ الْيَجِي فِي وَكْتَهْ كُلَ حَلُو.

أمْثال 12:18

الْيِحَجِّي بَلَا فِكِرْ، كَلَامَهْ يَجْرَحْ مِثِلْ السَّيْف وَ لَاكِنْ كَلَامْ الْحَكِيمْ يِجِيبْ الْعَافَيْ.

أمْثال 10:10

الْعَيْن التَّغْمِزْ تِجِيبْ الْبَرْجَالْ وَ لِسَانْ الْمُنَافِقْ يِجِيبْ الْوَدَارْ.

أمْثال 10:8

الْقَلْب الْحَكِيمْ يَقْبَلْ الْوَصِيَّةْ وَ لَاكِنْ لِسَانْ الْمُنَافِقْ يِجِيبْ الْوَدَارْ.

زَبُور 140:9

«يَا اللّٰهْ، مَا تِخَلِّي نِيَّةْ الْفَسْلِينْ تِلْحَقَّقْ وَ مَا تِخَلِّي خِطِّتْهُمْ تَنْجَحْ وَ يِحَاصُرُونِي.

زَبُور 64:8

كَلَامْهُمْ قَبَّلْ فَوْقهُمْ وَ وَكِتْ يِشِيفْهُمْ، أَيِّ نَادُمْ يِهِزّ رَاسَهْ.

زَبُور 37:30

خَشُمْ الصَّالِحْ دَايْماً يُقُولْ الْحِكْمَةْ وَ لِسَانَهْ يَنْطَقْ بِالْحَقّ.

أيُّوب 16:5

لَاكِنْ بِكَلَامِي أَنَا، نِقَوِّيكُو وَ بِلِسَانِي، نِسَاعِدْكُو!

2 صَمُوِيل 1:16

وَ وَكِتْ رُوحَهْ قَاعِدَةْ تَمْرُقْ، دَاوُدْ قَالْ لَيَّهْ: «خَلِّي دِمِّتَكْ تَقَعْ فِي رَاسَكْ أَشَانْ إِنْتَ قُلْت بِخَشْمَكْ كَدَرْ إِنْتَ بَسْ كَتَلْت الرَّاجِلْ الْاللّٰهْ مَسَحَهْ وَ دَرَّجَهْ مَلِكْ.»

جامِعة 4:5

الْمَطْمُوسْ كَنْ يِطَبِّقْ إِيدَيْنَهْ، يِدَمِّرْ حَيَاتَهْ.

جامِعة 9:17

كَلَامْ هَادِي هَنَا الْحَكِيمِينْ أَخَيْر مِنْ عَوَّةْ الْمَلِكْ لِلْمَطَامِيسْ.

جامِعة 12:11

كَلَامْ الْحَكِيمِينْ مِثِلْ عَصَاةْ الْيُسُوقُوا بَيْهَا الْبَهَايِمْ. وَ مُؤَلِّفِينْ الْكُتُبْ قَوِيِّينْ مِثِلْ مَسَامِيرْ الْيُطُقُّوهُمْ وَ يَثْبُتُوا. وَ دِي هَدِيَّةْ الْجَايَةْ مِنْ رَاعِي وَاحِدْ.

جامِعة 5:2

مَا تِسَّعْجَلْ فِي كَلَامَكْ وَ خَلِّي كَلَامْ قَلْبَكْ مَا يَمْرُقْ عَجَلَةْ قِدَّامْ الرَّبّ. أَشَانْ الرَّبّ قَاعِدْ فِي السَّمَاءْ وَ إِنْتَ قَاعِدْ فِي الْأَرْض. وَ فِي شَانْ دَا، خَلِّي كَلَامَكْ مَا يَبْقَى كَتِيرْ.

جامِعة 5:6

مَا تِخَلِّي كَلَامَكْ يِسَوِّيكْ مُذْنِبْ وَ تُقُولْ لِرَاجِلْ الدِّينْ: «مَا نَقْدَرْ نِتِمّ نَذْرِي. أَنَا سَوَّيْت خَطَا!» بِمِثِلْ دَا، الرَّبّ يَغْضَبْ مِنْ كَلَامَكْ وَ يِدَمِّرْ خِدْمَةْ إِيدَيْنَكْ.