دَنْيال 8:4 - الكتاب المقدس بالعربي الدارجي هنا تشاد

⁴ وَ شِفْت الْكَبِشْ ضَرَبْ بِقُرُونَهْ عَلَيْ الْغَرِبْ وَ الْمُنْشَاقْ وَ الْوَطِي. وَ حَيْوَانْ وَاحِدْ كُلَ مَا قِدِرْ يَقِيفْ قِدَّامَهْ وَ وَاحِدْ الْقِدِرْ يَنْجَى مِنَّهْ كُلَ مَا فِيهْ. وَ هُو سَوَّى كُلَّ شَيّءْ الْقَلْبَهْ بِدَوْرَهْ وَ قُدُرْتَهْ قَاعِدَةْ تِزِيدْ مَرَّةْ وَاحِدْ.

دَنْيال 8:4 Referenca të Kryqëzuara

دَنْيال 11:16

وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ أَشَانْ نَادُمْ وَاحِدْ يَقْدَرْ لَيَّهْ كَيْ مَا فِيهْ. هُو يِشِيلْ الْبَلَدْ الْجَمِيلَةْ وَ يِجِيبْ الدَّمَارْ فِيهَا.

دَنْيال 11:36

«وَ مَلِكْ سُورِيَا يِسَوِّي كُلَّ شَيّءْ الْقَلْبَهْ بِدَوْرَهْ وَ يِسْتَكْبَرْ. وَ هُو يِشِيفْ نَفْسَهْ عَالِي مِنْ كُلَّ الْإِلٰـهَاتْ وَ يُقُولْ كَلَامْ كُفُرْ ضِدّ اللّٰهْ إِلٰـهْ الْإِلٰـهَاتْ. وَ هُو يَنْجَحْ فِي كُلَّ شَيّءْ الْيِسَوِّيهْ لَحَدِّي غَضَبْ اللّٰهْ يَنْزِلْ فَوْقَهْ وَ يِتِمّ وَكْتَهْ أَشَانْ أَكِيدْ اللّٰهْ يِحَقِّقْ كَلَامَهْ.

دَنْيال 8:7

وَ شِفْت التَّيْس دَا هَجَمْ الْكَبِشْ بِزَعَلْ وَ ضَرَبَهْ وَ كَسَّرْ قُرُونَهْ الْإِتْنَيْن. وَ الْكَبِشْ مَا قِدِرْ لَيَّهْ وَ التَّيْس دَا رَمَاهْ وَ فَجَّقَهْ وَ شَيّءْ الْيَقْدَرْ يِنَجِّي الْكَبِشْ مِنَّهْ كُلَ مَا فِيهْ.

مِيخا 5:8

وَ الْفَضَّلَوْا مِنْ ذُرِّيَّةْ يَعْقُوبْ يُكُونُوا بَيْن الْأُمَمْ فِي أُسُطْ شُعُوبْ كَتِيرِينْ. يَبْقَوْا مِثِلْ دُودْ أَمْبَيْن حَيْوَانَاتْ الْغَابَةْ وَ مِثِلْ فَرْخ الدُّودْ أَمْبَيْن دَوْر الْغَنَمْ. وَ فِي أَيِّ بَكَانْ الْيَمْشِي، يَكْتُلْ وَ يِشَرِّطْ وَ مَا فِي نَادُمْ الْيِخَلِّصْ مِنَّهْ.

دَنْيال 7:5

وَ الْحَيْوَانْ التَّانِي، هُو مِثِلْ مَرْفَعِينْ. قَمَّ قَعَدْ بِنُصَّهْ. وَ شَايِلْ فِي خَشْمَهْ تَلَاتَةْ عُضَامْ هَنَا صَفّ أَمْبَيْنَاتْ سُنُونَهْ وَ قَالَوْا لَيَّهْ: «قُمّ. أَمْشِي أَكْتُلْ وَ آكُلْ لَحَمْ كَتِيرْ.»

دَنْيال 5:30

وَ لَاكِنْ فِي نَفْس اللَّيْلَةْ دِي، بَلْشَاصَرْ مَلِكْ بَابِلْ، كَتَلَوْه.

دَنْيال 5:19

وَ مِنْ شِدَّةْ الْعَظَمَةْ الْأَنْطَاهَا لَيَّهْ، كُلَّ النَّاسْ مِنْ الشُّعُوبْ وَ الْأُمَمْ وَ اللُّغَّاتْ يَرْجُفُوا قِدَّامَهْ مِنْ الْخَوْف. الْهُو يِدَوْر يَكْتُلَهْ، يَكْتُلَهْ وَ الْيِدَوْر يِخَلِّيهْ، يِخَلِّيهْ. وَ الْيِدَوْر يَرْفَعَهْ، يَرْفَعَهْ وَ الْيِدَوْر يَرْمِيهْ، يَرْمِيهْ.

حِزْقِيال 34:21

إِنْتُو لَزَّيْتُوا كُلَّ الضَّعِيفِينْ بِنَوَايِطْكُو وَ كَتَافَيْكُو وَ ضَرَبْتُوهُمْ بِقُرُونْكُو لَحَدِّي شَتَّتُّوهُمْ بَرَّا مِنْ الْمَرْعَى.

زَبُور 50:22

أَفْهَمَوْه إِنْتُو النِّسِيتُونِي أَنَا الرَّبّ! كَنْ مَا فِي، أَنَا نَكْتُلْ وَ مَا فِي نَادُمْ الْيِنَجِّي!»

زَبُور 7:2

أَشَانْ أَنَا خَايِفْ يَضُرْبُونِي مِثِلْ الدِّيدَانْ وَ يِقَطُّعُوا جِسْمِي وَ مَا فِي نَادُمْ الْيِخَلِّصْنِي.

أيُّوب 10:7

إِنْتَ تَعَرِفْ كَدَرْ أَنَا مَا خَاطِي لَاكِنْ مَا فِي نَادُمْ الْيِنَجِّينِي مِنَّكْ.

تَثْنِية 33:17

هُو عِنْدَهْ شَرَفْ مِثِلْ تَوْر وَلْد الْبِكِرْ وَ قُرُونَهْ مِثِلْ قُرُونْ الْجَامُوسْ. بِضَرْبَةْ وَاحِدَةْ، هُو يَضْرُبْ بَيْهُمْ كُلَّ الشَّعَبْ لَحَدِّي آخِرْ الْأَرْض. وَ هُمَّنْ عَشَرَاتْ الْآلَافْ مِنْ عِيَالْ أَفْرَايِمْ وَ آلَافْ مِنْ عِيَالْ مَنَسَّى.

1 مُلوك 22:11

وَ وَاحِدْ مِنْ الْأَنْبِيَاء دَوْل أُسْمَهْ صِدْقِيَّا وِلَيْد كَنْعَانَا. هُو سَوَّى لَيَّهْ قُرُونْ هَنَا حَدِيدْ وَ قَالْ: «دَاهُو اللّٰهْ قَالْ: ‹بِالْقُرُونْ دَوْل تَضْرُبْ الْأَرَامِيَّيْن لَحَدِّي تِدَمِّرْهُمْ.›»

زَبُور 44:5

بَيْك إِنْتَ، أَنِحْنَ نِحَارُبُوا عُدْوَانَّا وَ بِأُسْمَكْ، نِفَجُّقُوا الْيُقُمُّوا ضِدِّنَا.