دَنْيال 8:3 - الكتاب المقدس بالعربي الدارجي هنا تشاد

³ وَ فِي الرُّؤْيَةْ، أَنَا رَفَعْت رَاسِي وَ دَاهُو شِفْت كَبِشْ وَاقِفْ فِي خَشُمْ الْبَحَرْ. وَ الْكَبِشْ دَا عِنْدَهْ إِتْنَيْن قُرُونْ طُوَالْ. وَ الْقُرُونْ الْإِتْنَيْن دَوْل، الْوَاحِدْ بِقِي طَوِيلْ مِنْ الْآخَرْ لَاكِنْ الْقَرِنْ الطَّوِيلْ دَا، هُو بَسْ الْقَمَّ وَرَاءْ.

دَنْيال 8:3 Referenca të Kryqëzuara

دَنْيال 8:20

وَ الْكَبِشْ الْإِنْتَ شِفْتَهْ الْعِنْدَهْ قُرُونْ إِتْنَيْن، هُو يِمَثِّلْ مُلُوكْ الْمَادِيِّينْ وَ الْفَارِسِيِّينْ.

دَنْيال 10:5

أَنَا رَفَعْت رَاسِي وَ دَاهُو شِفْت رَاجِلْ وَاحِدْ بَانْ لَيِّ لَابِسْ خَلَقْ هَنَا قُمَاشْ سَمَحْ وَ فِي صُلْبَهْ، حِزَامْ مِنْ دَهَبْ صَافِي.

زَكَرِيَّا 6:1

وَ بَتَّانْ رَفَعْت رَاسِي وَ شِفْت رُؤْيَةْ. وَ دَاهُو شِفْت أَرْبَعَةْ عَرَبَاتْ هَنَا حَرِبْ مَرَقَوْا مِنْ بَيْن جِبَالْ إِتْنَيْن هَنَا نَحَاسْ.

زَكَرِيَّا 5:9

وَ بَعَدْ دَا، أَنَا رَفَعْت رَاسِي وَ شِفْت رُؤْيَةْ. وَ دَاهُو شِفْت عَوِينْ إِتْنَيْن جَايَاتْ. الرِّيحْ قَاعِدَةْ تِهِجّ فِي جَنَاحَيْهِنْ وَ جَنَاحَيْهِنْ مِثِلْ جَنَاحَيْ أَبُنْ غَنَمْ. وَ هِنَّ شَالَنْ الْقُفَّةْ وَ طَارَنْ بَيْهَا أَمْبَيْن السَّمَاءْ وَ الْأَرْض.

زَكَرِيَّا 5:5

وَ الْمَلَكْ الْقَاعِدْ يِحَجِّي لَيِّ قَدَّمْ وَ قَالْ لَيِّ: «أَرْفَعْ رَاسَكْ وَ شِيفْ الشَّيّءْ الْجَايِ دَا.»

زَكَرِيَّا 5:1

وَ بَتَّانْ أَنَا رَفَعْت رَاسِي وَ شِفْت رُؤْيَةْ. وَ دَاهُو شِفْت كِتَابْ مَلْفُوفْ طَايِرْ.

زَكَرِيَّا 2:1

وَ بَتَّانْ أَنَا رَفَعْت رَاسِي وَ شِفْت رُؤْيَةْ. وَ دَاهُو شِفْت صَبِي وَ عِنْدَهْ فِي إِيدَهْ حَبِلْ الْيِقَاوُسُوا بَيَّهْ.

زَكَرِيَّا 1:18

وَ بَتَّانْ رَفَعْت رَاسِي وَ شِفْت رُؤْيَةْ. وَ دَاهُو شِفْت أَرْبَعَةْ قُرُونْ.

دَنْيال 7:5

وَ الْحَيْوَانْ التَّانِي، هُو مِثِلْ مَرْفَعِينْ. قَمَّ قَعَدْ بِنُصَّهْ. وَ شَايِلْ فِي خَشْمَهْ تَلَاتَةْ عُضَامْ هَنَا صَفّ أَمْبَيْنَاتْ سُنُونَهْ وَ قَالَوْا لَيَّهْ: «قُمّ. أَمْشِي أَكْتُلْ وَ آكُلْ لَحَمْ كَتِيرْ.»

دَنْيال 6:28

وَ دَنْيَالْ نَجَحْ فِي أَيَّامْ حُكُمْ دَارِيُوسْ وَ حُكُمْ كُورَشْ الْفَارِسِي.

دَنْيال 5:31

وَ خَلَاصْ، جَاءْ الْمَلِكْ دَارِيُوسْ مِنْ بَلَدْ الْمَادِيِّينْ وَ شَالْ الْمَمْلَكَةْ. وَ فِي الْوَكِتْ دَاكْ، عُمْرَهْ 62 سَنَةْ.

دَنْيال 2:39

وَ بَعَدَكْ إِنْتَ، تَجِي مَمْلَكَةْ آخَرَةْ صَغَيْرَةْ مِنْ مَمْلَكَتَكْ. وَ بَعَدْ دَا، تَجِي مَمْلَكَةْ تَالْتَةْ الْيِمَثِّلْهَا النَّحَاسْ وَ تَمْلُكْ كُلَّ الْأَرْض.

إرْمِيا 51:11

طَرُّقُوا نَشَاشِيبْكُو وَ أَمْلَوْا كَلَوْتَاتْكُو. اللّٰهْ حَرَّشْ مُلُوكْ مَادِي ضِدّ بَابِلْ أَشَانْ هُو قَرَّرْ يِدَمِّرْ بَابِلْ. يِشِيلْ فَوْقهَا التَّارْ وَ دَا تَارْ بَيْتَهْ الْمُقَدَّسْ الدَّمَّرَوْه.

إشَعْيا 44:28

وَ نُقُولْ لِلْمَلِكْ كُورَشْ: ‹إِنْتَ رَاعِيِّ!› وَ هُو يِحَقِّقْ كُلَّ شَيّءْ الْأَنَا نِدَوْرَهْ. وَ هُو يُقُولْ لِمَدِينَةْ الْقُدُسْ: ‹خَلِّي تِنْبَنِي!› وَ يُقُولْ لِبَيْت اللّٰهْ: ‹أَلأَسَّسْ بَتَّانْ!›»

إشَعْيا 21:2

رُؤْيَةْ مُخِيفَةْ بَانَتْ لَيِّ. نِشِيفْ الْخَايِنْ يُخُونْ وَ الْمُدَمِّرْ يِدَمِّرْ. وَ اللّٰهْ قَالْ: «يَلَّا أَهْجُمُوا الْمَدِينَةْ، يَا نَاسْ عِلَامْ! وَ حَاصُرُوهَا، يَا نَاسْ مَادِي! أَنَا نِوَقِّفْ كُلَّ الْقَنِتِينْ الْهِي ثَبَّتَتَهْ.»

إشَعْيا 13:17

وَ الرَّبّ قَالْ: «دَاهُو نِقَوِّمْ الْمَادِيِّينْ ضِدُّهُمْ الْمَا يِفَكُّرُوا فِي الْفُضَّةْ وَ الدَّهَبْ كُلَ مَا يَعَجِبْهُمْ.

أسْتِير 1:3

وَ فِي السَّنَةْ التَّالْتَةْ هَنَا حُكْمَهْ، هُو سَوَّى عَازُومَةْ كَبِيرَةْ وَ لَمَّ كُلَّ مَسَائِيلَهْ وَ خَدَّامِينَهْ وَ عَسْكَرْ الْفَارِسِيِّينْ وَ الْمَادِيِّينْ وَ الْحُكَّامْ وَ كُبَارَاتْ الْوُلَايَاتْ.

عَزْرا 4:5

وَ بَتَّانْ أَجَّرَوْا مُسْتَشَارِينْ ضِدُّهُمْ أَشَانْ يِفَشُّلُوا بَرْنَامِجْهُمْ هَنَا الْبُنَى. وَ دَا مِنْ وَكِتْ حُكُمْ كُورَشْ مَلِكْ بَلَدْ فَارِسْ لَحَدِّي وَكِتْ حُكُمْ دَارِيُوسْ مَلِكْ بَلَدْ فَارِسْ.

عَزْرا 1:2

دَاهُو كَلَامِي أَنَا كُورَشْ مَلِكْ بَلَدْ فَارِسْ. اللّٰهْ رَبّ السَّمَاوَاتْ أَنْطَانِي كُلَّ مَمَالِكْ الْأَرْض وَ كَلَّفَانِي أَشَانْ نَبْنِي لَيَّهْ بَيْت فِي مَدِينَةْ الْقُدُسْ فِي بَلَدْ يَهُوذَا.

1 أخبار 21:16

وَ دَاوُدْ رَفَعْ رَاسَهْ وَ شَافْ مَلَكْ اللّٰهْ وَاقِفْ أَمْبَيْن السَّمَاءْ وَ الْأَرْض وَ سَيْفَهْ مَسْلُولْ فِي إِيدَهْ وَ مَدَّاهْ عَلَيْ أُورُشَلِيمْ. خَلَاصْ فِي الْبَكَانْ دَا، دَاوُدْ وَ الشُّيُوخْ لِبْسَوْا خُلْقَانْ التَّوْبَةْ وَ وَقَعَوْا بِوُجُوهُّمْ فِي الْأَرْض.

يَشُوع 5:13

وَ وَكِتْ يَشُوعْ قَاعِدْ جَنْب أَرِيحَا، هُو رَفَعْ رَاسَهْ وَ شَافْ نَادُمْ وَاقِفْ قِدَّامَهْ وَ سَيْفَهْ مَسْلُولْ فِي إِيدَهْ. وَ يَشُوعْ مَشَى لَيَّهْ وَ قَالْ: «إِنْتَ لَيْنَا أَنِحْنَ وَلَّا لِعَدُونَا؟»

عَدد 24:2

وَ وَكِتْ بَلْعَامْ رَفَعْ رَاسَهْ، شَافْ كُلَّ بَنِي إِسْرَائِيلْ نَازْلِينْ حَسَبْ قَبَايِلْهُمْ. وَ خَلَاصْ رُوحْ اللّٰهْ نَزَلْ فَوْقَهْ.

رُؤية 5:6

وَ فِي الْبَكَانْ دَا، أَنَا شِفْت حَمَلْ وَاقِفْ أُسْط الْعَرْش أَمْبَيْن الْأَرْبَعَةْ مَخْلُوقِينْ قِدَّامْ الشُّيُوخْ. وَ الْحَمَلْ يِشَابِهْ مِثِلْ أَوَّلْ دَبَحَوْه. وَ عِنْدَهْ سَبْعَةْ قُرُونْ وَ سَبْعَةْ عُيُونْ وَ هُمَّنْ الْأَرْوَاحْ السَّبْعَةْ الْاللّٰهْ رَسَّلَاهُمْ فِي كُلَّ الْأَرْض.

رُؤية 13:11

وَ فِي الْبَكَانْ دَا، أَنَا شِفْت حَيْوَانْ آخَرْ. هُو مَارِقْ مِنْ لُبّ الْأَرْض وَ عِنْدَهْ قُرُونْ إِتْنَيْن مِثِلْ قُرُونْ حَمَلْ وَ لَاكِنْ حِسَّهْ مِثِلْ حِسّ الْغُولْ.

دَنْيال 8:2

وَ فِي الرُّؤْيَةْ دِي، أَنَا شِفْت نَفْسِي قَاعِدْ فِي مَدِينَةْ شُوشَةْ الْقَوِيَّةْ فِي بَلَدْ عِلَامْ وَ أَنَا وَاقِفْ فِي خَشُمْ بَحَرْ أُولَايْ.